Tag: ڈی ایس پی

بدین: کوئٹہ پولیس کے حاضر سروس ڈی ایس پی کو منشیات اسمگل کرتے ہوئے اپنے ساتھیوں سمیت بدین پولیس نے گرفتار کرلیا۔ دی ایس پی کا آج ریمانڈ لیا جائے گا۔

تفصیلات کےمطابق بدین پولیس نے گزشتہ شب رات 1 بجے کے قریب بدین بائی پاس پر اسنیپ چیکنگ کے دوران کراچی سے آنے والی ویگو نمبر ایچ آر 4441 کو رکنے کا اشارہ کیا۔

پولیس کی جانب سے اشارہ دیے جانے کے باوجود ڈی ایس پی کوئٹہ پولیس ہیڈ کوارٹر مولا بخش لاشاری، جو کہ ویگو ڈرائیو کر رہے تھے نے پولیس کو چکمہ دے کر گاڑی نکالنے کی کوشش کی۔

بدین پولیس نے بروقت ناکہ بندی کر کے گاڑی کو روک لیا جس میں سے 2 من چرس برآمد ہوئی۔ پولیس کے مطابق ڈی ایس پی کوئٹہ مولا بخش لاشاری حاظر سروس پولیس افسر ہیں۔

پولیس حکام کےمطابق ڈی ایس پی کوئٹہ کے ساتھ ان کے 3 ساتھی بلال لاشاری، نبی بخش لاشاری اور مولا داد رند بھی گرفتار ہوئے ہیں۔

پولیس کا کہنا ہے کہ تمام ملزمان کا تعلق ضلع نواب شاہ سے ہے اور یہ تمام افراد منشیات کے بڑے ریکٹ کا حصہ ہیں جو کہ ملک کے مختلف علاقوں میں منشات کی ڈیلیوری دیتا اور پیسے وصول کرتا ہے۔

واضح رہے کہ بدین میں پکڑی جانے والی چرس کی مالیت 2 کروڑ روپے سے زائد ہے۔ ملزمان پر 4 مقدمات درج کر لیے گئے ہیں جبکہ انہیں آج سیشن کورٹ میں پیش کر کے 14 دن کے ریمانڈ کی استدعا کی جائے گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

شکارپور : ڈی ایس پی انور گوپانگ کی دو صاحبزادیاں ایک ہفتے کے دوران پُر اسرار گولیوں کی شکار بن گئیں دونوں بہنیں طبی امداد ملنے کے دوران خالقِ حقیقی سے جا ملیں۔

تفصیلات کے مطابق شکار پور میں تین روز قبل ڈی ایس پی کی صاحبزادی کائنات پُر اسرار گولی لگنے کے باعث دوران علاج جاں بحق ہو گئی جب کہ آج سوئم والے دن سوگوار گھر میں ایک اور بیٹی گولی لگنے سے شدید زخمی ہو گئی جسے سکھر لے جایا گیا تاہم وہ بھی جانبر نہ ہو سکی۔

ڈی ایس پی انور گوپانگ کا کہنا ہے کہ گھر میں جنات ڈیرہ ڈالے ہوئے ہیں اور پہلی بیٹی کو بھی جنات نے ہی گولی ماری تھی جب کہ آج دوسری بیٹی کو بھی جنات کی طرف سے گولی ماردی گئی ہے اور مجھ سے میری دونوں بیٹیاں چھین لی ہیں۔

ڈی ایس پی انور گوپانگ کا مزید کہنا تھا کہ پولیس لائنز شکارپور میں واقع گھر میں جنات کا قبضہ ہے اور آئے دن ان جنات کی جانب سے فائرنگ کا سلسلہ جارہی رہتا ہے۔

ذرائع کے مظابق پولیس لائنز میں تین دن قبل ڈی ایس پی کی دونوں بیٹیاں کمرے میں تھیں کہ ایک بہن سے اپنے والد کا پستول چل گیا جس کی وجہ سے دوسری بہن کائنات شدید زخمی ہو گئی اور اسپتال جاکر دم توڑ دیا جس پر پورا گھر سوگوار ہوگیا۔

بعد ازاں آج کائنات کے سوئم پر دوسری بہن نے سوگوار ماحول اور اپنی بہن کی جدائی کو برداشت نہ کر سکی اور شدت غم و غلطی کے احساس سے مغلوب ہوکر ڈیپریشن کا شکار ہو گئی اور خود کو گولی مار کر خود کشی کر لی۔
‘