Tag: ڈی جی ایف آئی اے

اسلام آباد: عوام کو ڈی جی ایف آئی اے کے نام سے جعلی ای میلز اور واٹس ایپ پیغامات ارسال کرکے ہراساں کرنے کے حوالے سے خبردار کردیا گیا۔

تفصیلات کے مطابق وفاقی تحقیقاتی ادارے (ایف آئی اے) نے عوام کو ڈائریکٹر جنرل ایف آئی اے کے نام سے جعلی ای میلز اور واٹس ایپ پیغامات بھیج کر ہراساں کرنے کے واقعات پر خبردار کر دیا۔

ترجمان نے بےایا کہ نامعلوم افراد ڈی جی ایف آئی اے کا نام اور عہدہ استعمال کرتے ہوئے شہریوں کو خوف و ہراس میں مبتلا کر رہے ہیں۔ ان پیغامات پر "ٹاپ سیکرٹ” کی جعلی مہر ثبت کر کے جعل سازی کو مستند ظاہر کرنے کی کوشش کی جاتی ہے۔

ایف آئی اے کے مطابق جعل ساز فرضی اور گمراہ کن ناموں سے خود کو سرکاری اہلکار ظاہر کرتے ہیں اور شہریوں پر "سائبر کرائمز” کے الزامات لگا کر انہیں بلیک میل کرنے کی کوشش کرتے ہیں۔

ادارے نے واضح کیا کہ ایف آئی اے کسی بھی فرد کو اس نوعیت کے پیغامات واٹس ایپ یا ای میل کے ذریعے نہیں بھیجتا۔

ترجمان نے عوام الناس سے اپیل کی ہے کہ کسی بھی مشکوک پیغام یا رابطے کی شکایت نیشنل سائبر کرائم انوسٹیگیشن ایجنسی کو درج کرائیں ، جو سائبر جرائم کی تحقیقات کے لیے مجاز ادارہ ہے۔

اسلام آباد: ایڈیشنل ڈی جی جان محمد کو ڈی جی ایف آئی اے کا اضافی چارج دیدیا گیا ہے، تعیناتی کا نوٹیفکیشن بھی جاری کردیا گیا۔

وزرات داخلہ نے جان محمد کو ڈی جی ایف آئی اے کا اضافی چارج دینے کے حوالے سے نوٹیفکیشن جاری کردیا ہے، نوٹیفکیشن میں بتایا گیا ہے کہ جان محمد نئی تعیناتی تک ڈی جی ایف آئی اے کے طور پر کام کریں گے۔

وفاقی تحقیقاتی ادارے کے ڈائریکٹر جنرل احمد اسحاق جہانگیر کو عہدے سے ہٹا دیا گیا ہے اور اسٹیبلشمنٹ ڈویژن میں او ایس ڈی تعینات کردیا گیا ہے۔

ڈی جی ایف آئی اے احمد اسحاق جہانگیر کو عہدے سے ہٹا دیا گیا

وزیراعظم شہباز شریف نے ایف آئی اے کے ڈائریکٹر جنرل احمد اسحاق کو عہدے سے ہٹانے کی منظوری دے دی تھی۔

احمد اسحاق کو اسٹیبلشمنٹ ڈویژن میں او ایس ڈی تعینات کردیا گیا ہے، وہ پولیس سروس گریڈ 21 کے افسر ہیں۔

https://urdu.arynews.tv/the-reason-for-the-removal-of-dgfia-came-to-light/

اسلام آباد : وفاقی تحقیقاتی ایجنسی (ایف آئی اے) کے ڈائریکٹر جنرل احمد اسحاق جہانگیر کو عہدے سے ہٹا دیا گیا اور اسٹیبلشمنٹ ڈویژن میں او ایس ڈی تعینات کردیا گیا۔

تفصیلات کے مطابق وفاقی تحقیقاتی ایجنسی (ایف آئی اے) کے ڈائریکٹر جنرل کو عہدے سے ہٹا دیا گیا، وزیراعظم شہباز شریف نے ان کو عہدے سے ہٹانے کی منظوری دے دی۔

احمد اسحاق کو اسٹیبلشمنٹ ڈویژن میں او ایس ڈی تعینات کردیا گیا، وہ پولیس سروس گریڈ 21 کے افسر ہیں۔

وزیراعظم شہباز شریف نے ہدایت کی ہے کہ نئے ڈی جی ایف آئی اے کی تعیناتی کے لیے پولیس سروس کے منجھے ہوئے افسر کو تعینات کو تعینات کیا جائے۔

جس کے بعد اسٹیبلشمنٹ ڈویژن نے نئے ڈی جی ایف آئی اے کے لیے افسران کی شارٹ لسٹنگ شروع کردی ہے۔

نئے (ایف آئی اے) کے ڈائریکٹر جنرل کیلئے گریڈ 21 کے دو افسران مضبوط امیدوار ہیں ، ذرائع کا کہنا ہے کہ سہیل حبیب تاجک اور اختر حیات گنڈاپور مضبوط امیدوارہیں،ذرائع

سہیل حبیب تاجک ایڈیشنل سیکرٹری داخلہ تعینات ہیں جبکہ اخترحیات کو آئی جی کے پی سےاسٹبلشمنٹ ڈویژن تعینات کیا گیا ہے۔

اسلام آباد : کشتی حادثات میں ملوث 36 افسران کو نوکری سے نکال دیا گیا، ڈی جی ایف آئی اے نے کہا کہ غفلت اور لاپروائی برتنے میں ملوث اہلکاروں کی ادارے میں جگہ نہیں۔

تفصیلات کے مطابق انسانی اسمگلنگ میں ملوث ایف آئی اے کے 13 اہلکاروں کیخلاف مقدمات درج کر لیے گئے۔

ڈی جی ایف آئی اے نے 49 اہلکاروں کیخلاف محکمانہ کارروائیوں پر سماعت کی اور کشتی حادثات میں ملوث 36 افسران کو نوکری سے نکال دیا۔

4 انسپکٹرز، 10 سب انسپکٹرز، 2 اے ایس آئی، 5 ہیڈ کانسٹیبل اور 14 کانسٹیبلز کو نوکری سے نکالا گیا۔

ڈی جی ایف آئی اے احمد اسحاق جہانگیر نے بتایا کہ غفلت اور لاپروائی برتنے میں ملوث اہلکاروں کی ادارے میں جگہ نہیں، کشتی حادثات میں ملوث اہلکاروں کیخلاف انضباطی کارروائی کو یقینی بنایا جائے گا۔

احمد اسحاق جہانگیر کا کہنا تھا کہ محکمانہ احتساب کا مقصد ادارے کو کرپشن سے پاک کرنا ہے، غیر قانونی سرگرمیوں میں ملوث ایف آئی اے اہلکاروں کے خلاف سخت اقدامات کے جارہے ہیں۔

ڈی جی ایف آئی اے نے کہا کہ معصوم شہریوں کے استحصال میں ملوث اہلکار کسی رعایت کے مستحق نہیں، ادارے میں احتسابی عمل سے ہی انسانی اسمگلنگ کا خاتمہ ممکن ہوگا۔

کراچی: بیرون ملک سے حوالہ ہنڈی کا نیٹ ورک چلانے والوں کوانٹر پول کی مدد سے گرفتارکرنے کا حکم دے دیا گیا۔

تفصیلات کے مطابق ڈی جی ایف آئی اے احمد اسحاق جہانگیر کی سربراہی میں اعلیٰ سطح اجلاس میں اہم فیصلے کئے گئے۔

اجلاس میں بیرون ملک سے حوالہ ہنڈی کا نیٹ ورک چلانے والوں کوانٹر پول کی مدد سے گرفتارکرنے کا حکم دیتے ہوئے ملزمان کوریڈ نوٹسز کے ذریعے گرفتار کرنے اور پاسپورٹ بلیک لسٹ کئے جانے کے احکامات جاری کئے گئے۔

اجلاس کے دوران بریفنگ میں بتایا گیا کہ رواں سال حوالہ ہنڈی، کرنسی کی غیرقانونی ایکسچینج میں ملوث عناصر کیخلاف 459 کارروائیاں کیں۔

بریفنگ میں کہنا تھا کہ پشاور زون نے 211،لاہور زون نے 79، کوہاٹ زون نے 27 ملزمان ، گوجرانوالہ زون نے 60، فیصل آباد زون نے 45، ملتان زون نے 36 ، اسلام آباد زور 8، کراچی زون 48، حیدرآباد زون 25، بلوچستان زون نے 27 ملزمان کوگرفتار کیا۔

بریفنگ میں کہا گیا کہ چھاپوں کے دوران مجموعی طور پر 1 ارب روپے سے زائد مالیت کی ملکی و غیر ملکی کرنسی برآمد کی گئی۔

ڈی جی ایف آئی اے کا کہنا تھا کہ حوالہ ہنڈی میں ملوث ملزمان کی گرفتاری کیلئےتمام وسائل کو بروئے کار لایا جارہا ہے۔

اسلام آباد : ڈی جی ایف آئی اے محسن حسن نے ایجنٹس اور انسانی اسمگلرزکا ڈیٹا بیس تیار کرنے پرزور دیتے ہوئے انسانی اسمگلنگ کی روک تھام کیلئے عالمی اداروں سے ملکر کام کرنے کے عزم کا اعادہ کیا۔

تفصیلات کے مطابق ایف آئی اے ہیڈ کوارٹر میں انٹر ایجنسی ٹاسک فورس کا ساتواں اجلاس ہوا، اجلاس کی صدارت ڈائریکٹر جنرل ایف آئی اے محسن حسن بٹ نے کی۔

اجلاس کے شرکا نے یونان کشتی حادثے میں قیمتی جانوں کے ضیاع پرافسوس کا اظہار کیا ، ڈائریکٹر امیگریشن عبدالقادر قمر نے شرکا کو انسانی اسمگلنگ روکنے کیلئے پیشرفت سے آگاہ کیا۔

ڈی جی ایف آئی اے محسن حسن نے ایجنٹس اور انسانی اسمگلرزکا ڈیٹا بیس تیار کرنے پرزور دیتے ہوئے کہا کہ انسانی اسمگلنگ کےجڑ سے خاتمے کے لئے آگاہی ضروری ہے، انسانی اسمگلنگ جیسےجرم کا خاتمہ اداروں کی باہمی تعاون سے ممکن ہے۔

محسن حسن نے انسانی اسمگلنگ کی روک تھام کیلئے عالمی اداروں سے ملکر کام کرنے کے عزم کا اعادہ کیا اور اجلاس میں فیصلہ کیا گیا کہ بارڈر پرشہریوں کی نقل وحرکت کیلئےجدید طرز پر نظام متعارف کرانے پر زور دیا جائے گا اور غیر رجسٹرڈ ایمپلائمنٹ پروموٹرز کیخلاف سخت قانونی کارروائی کی جائے گی جبکہ بیوروآف امیگریشن اینڈ اوورسیز ایمپلائمنٹ غیر رجسٹرڈایجنٹس کاریکارڈمہیا کرے گا۔

اجلاس میں انٹر ایجنسی ٹاسک فورس کا مستقبل میں حادثات کی روک تھام کیلئے اقدامات سمیت دیگر اداروں کیساتھ ملکرانسانی اسمگلنگ کاراستہ روکنے پر بھی غور کیا۔