کراچی : ڈی جی اے ایس ایف میجر جنرل ظفرالحق نے کہا ہے کہ اے ایس ایف ملک بھر کے تمام ائیرپورٹ پر اپنے فرائض احسن طریفے سے انجام دے رہی ہے۔
یہ بات انہوں نے اے ایس ایف کی دو روزہ آل پاکستان کمانڈر کانفرنس سے خطاب کرتے ہوئے کہی، تفصیلات کے مطابق کراچی میں اے ایس ایف کی دو روزہ آل پاکستان کمانڈر کانفرنس کا انعقاد کیا گیا۔
کانفرنس کی صدارت ڈی جی اے ایس ایف میجر جنرل ظفرالحق نے کی، دو روزہ کانفرنس میں ملک بھر کے ائیرپورٹس کے سی ایس او، سیکٹر کمانڈر نارتھ اینڈ ساوتھ اور دیگر افسران نے شرکت کی۔
کانفرنس میں ائیرپورٹ پر سیکیورٹی اور دیگر امور زیرِ بحث آئے، اس موقع پر خطاب کرتے ہوئے ڈی جی اے ایس ایف میجر جنرل ظفرالحق نے کہا کہ اے ایس ایف ملک بھر کے تمام ائیرپورٹ پر اپنے فرائض احسن طریفے سے انجام دے رہی ہے۔
اے ایس ایف کو دورِجدید کے تقاظوں کے مطابق تربیت دی گئی ہے اور دی جارہی ہے، اے ایس ایف ائیرپورٹس، فضائی تنصیبات کے ساتھ ساتھ فضائی سفر کو محفوظ بنانے میں اہم کردار ادا کرتی ہے۔
ڈی جی اے ایس ایف کا مزید کہنا تھا کہ اے ایس ایف کو جدید ہتھیاروں اور گاڑیوں سے لیس کیا گیا ہے، اے ایس ایف کو دیئے گئے جدید سسٹم کو بھی اپ گریڈ کیا جارہا ہے۔
انہوں نے کہا کہ اے ایس ایف ہمارے ملک ائیرپورٹس کی سیکیورٹی اور ہوابازی کی صنعت کو تحفظ فراہم کرنے میں اہم کردار ادا کررہا ہے۔
