کوئٹہ: سول اسپتال میں ڈی جی ہیلتھ کی ینگ ڈاکٹرز رہنما کے ساتھ ہاتھا پائی کی فوٹیج سامنے آ گئی ہے۔
تفصیلات کے مطابق ڈی جی محکمہ صحت بلوچستان اور ینگ ڈاکٹرز رہنما سول اسپتال کے اندر لڑ پڑے، ہاتھا پائی کی سی سی ٹی وی فوٹیج بھی منظر عام پر آ گئی۔
سول اسپتال میں ڈی جی ہیلتھ بلوچستان ڈاکٹر امین مندوخیل پر حملے اور تشدد کے الزام میں ینگ ڈاکٹرز رہنما کو گرفتار کر لیا گیا ہے، ینگ ڈاکٹرز ایسوسی ایشن کے مطابق ڈاکٹر بہار شاہ اور ڈاکٹر حفیظ مندوخیل کو رات کو سول اسپتال سے گرفتار کیا گیا۔
ہیلتھ ملازم تنظیموں کے گرینڈ ہیلتھ الائنس نے چیئرمین بہار شاہ اور حفیظ مندوخیل کی رہائی کا مطالبہ کیا ہے، الائنس نے کہا 48 گھنٹوں میں رہا نہ کیا گیا تو سرکاری اسپتالوں میں سروسز کا بائیکاٹ کر دیں گے۔
کوئلہ کان میں 4 ہزار 100 فٹ گہرائی تک رسائی، 11 لاشیں نکال لی گئیں
ینگ ڈاکٹرز نے جھگڑے کی ویڈیو شیئر کرتے ہوئے کہا کہ رہنماؤں کے خلاف ایف آئی آر جھوٹی ہے، اور ویڈیو میں سب واضح ہے، ویڈیو میں ڈی جی ہیلتھ بلوچستان اور ینگ ڈاکٹر رہنما بہار شاہ کے درمیان جھگڑا ہوتے دیکھا جا سکتا ہے۔
فیصل آباد: اسپتال میں ڈاکٹر اور سیکیورٹی سپروائزر کی خاتون گارڈ سے مبینہ زیادتی
واضح رہے کہ ینگ ڈاکٹرز رہنماؤں کے خلاف سول لائن تھانے میں ڈی جی ہیلتھ پر حملے کا مقدمہ درج کیا گیا ہے، جس میں کہا گیا ہے کہ ڈی جی ہیلتھ بلوچستان ڈاکٹر امین مندوخیل اور ایڈیشنل ڈائریکٹر محکمہ صحت کو سول اسپتال میں زد و کوب کیا گیا، ڈنڈے اور لوہے کے وار سے امین مندوخیل اور ڈاکٹر محمد انور زخمی ہوئے۔
ایف آئی آر میں ڈاکٹر بہار شاہ سمیت 20 سے زائد افراد کو نامزد کیا گیا ہے۔
