Tag: ڈی پورٹ

کویت کی پبلک اتھارٹی برائے افرادی قوت کے ذرائع کا کہنا ہے کہ ملک میں غیر قانونی طور پر مقیم غیر ملکی تارکین وطن کی سب سے بڑی تعداد اس سال اگست، ستمبر اور اکتوبر میں بالترتیب 1,175 اور 996 اور 836 افراد حراست میں لئے گئے۔

غیر ملکی ذرائع ابلاغ کے مطابق چار رکنی مشترکہ کمیٹی کی سربراہی پبلک اتھارٹی برائے افرادی قوت کی جانب سے کی جارہی ہے، جبکہ اس میں وزارت داخلہ، وزارت تجارت و صنعت اور کویت میونسپلٹی کے ارکان شامل ہیں۔

اطلاعات کے مطابق رواں برس کے آغاز سے لے کر گزشتہ اکتوبر تک 5,504 افراد کو حراست میں لیا گیا، جن میں اقامہ اور لیبر قوانین کی خلاف ورزی کرنے والے ملازمین شامل تھے، ان گرفتار افراد کے خلاف قانونی اقدامات کیے گئے تاکہ انہیں ملک بدر کیا جاسکے۔

ذرائع کا کہنا ہے کہ حراست میں لئے گئے بعض افراد نے بتایا ہے کہ انہوں نے کاروباری مالکان کو ان کی کمپنی میں بھرتی کرنے کے عوض پیسے ادا کئے، جو 1,500 سے 2,000 دینار کے درمیان رقم بتائی جارہی ہے۔

پی اے ایم کے ذرائع کا اس حوالے سے کہنا ہے کہ یہ خلاف ورزی کرنے والے ورکرز پرائیویٹ سیکٹر میں کام کرنے والے 2,115 تھے جن کے پاس آرٹیکل 18 کے ورک ویزے تھے جبکہ 1,429 گھریلو ملازم تھے جن کے پاس آرٹیکل 20 تھا، جو کہ کل خلاف ورزی کرنے والوں میں سے 26 فیصد کی نمائندگی کرتا ہے۔

اس کے علاوہ 28 جو فیملی ویزا پر سرکاری شعبے پر تھے۔ 1,910 ایسے جن کے ورک پرمٹ کی میعاد ختم ہو چکی تھی اور وہ ملک میں غیر قانونی طور پر سکونت اختیار کئے ہوئے تھے۔

امیگریشن حکام نے حائل انٹرنیشنل ایئرپورٹ پرغیر قانونی طریقے سے سعودی عرب آنے والے ایک افغان شہری کو دوسری پرواز سے روانہ کردیا۔

غیر ملکی ذرائع ابلاغ کے مطابق حائل ایئرپورٹ حکام کا اس حوالے سے کہنا ہے کہ مسافر کا تعلق افغانستان سے تھا وہ جعلی پاسپورٹ پر سعودی عرب پہنچا تھا۔

ایئرپورٹ حکام کے مطابق جس افغان مسافر کو واپس کیا گیا ہے وہ ماضی میں مملکت میں اقامہ قانون کی خلاف ورزی کا مرتکب ہوچکا تھا۔

سعودیہ کے قانون کے مطابق جوغیرملکیوں کو ڈی پورٹ کیا جاتا ہے انکی جملہ تفصیلات کو امیگریشن ادارے میں درج کیا جاتا ہے۔

اگر ڈی پورٹ یا بلیک لسٹ ہونے والے مسافر کسی طرح مملکت میں واپسی کی کوشش کرتے ہیں تو امیگریشن کے سسٹم میں انکی شناخت کرنے کے بعد انہیں دوسری فلائٹ سے ہی ڈی پورٹ کردیا جاتا ہے۔

دوسری جانب برطانیہ پہنچنے والے افغان پناہ گزین نئی مشکل میں گھر گئے ہیں، برطانیہ کے محکمہ داخلہ نے لگ بھگ ایک ہزار افغان پناہ گزینوں کو ہوٹل خالی کرنے کے لیے 15 دسمبر کی ڈیدلائن دی ہے۔

غیر ملکی ذرائع ابلاغ کے مطابق برطانیہ کی لوکل گورنمنٹ ایسوسی ایشن (ایل جی اے) نے کہا ہے کہ جن افغان شہریوں نے افغانستان میں برطانیہ کے مفاد میں کام کیا، وہ بھی ہوٹل خالی کرنے کی حکم کے بعد سڑکوں پر سونے پر مجبور ہوجائیں گے۔

نئے اعداد و شمار سے یہ انکشاف ہوا ہے کہ پانچ ہزار 200 سے زیادہ یوکرینی خاندان بھی اس وقت ’بے گھر ہونے کی مد میں امداد‘ حاصل کر رہے ہیں۔

ایل جی اے کے چیئرمین شان ڈیوس کا کہنا ہے کہ کونسلز بے گھر ہونے والے افغان اور یوکرینی خاندانوں کی تعداد پر تشویش کا شکار ہو رہی ہیں۔ اس شرح میں ممکنہ طور پر بڑا اضافہ ہو سکتا ہے۔

مدینہ منورہ کے شہزادہ محمد بن عبدالعزیز انٹرنیشنل ایئرپورٹ پر محکمہ پاسپورٹ کے اہلکاروں نے غیر قانونی طور پر مملکت میں داخل ہونے کی کوشش کرنے والے دو مسافروں کو ڈی پورٹ کردیا۔

بین الاقوامی خبر رساں ادارے کی رپورٹ کے مطابق پاسپورٹ حکام کا اس حوالے سے کہنا ہے کہ امیگریشن قوانین کی خلاف ورزی کرنے والے مسافر پاکستان سے سعودیہ پہنچے تھے۔

دونوں نے سعودیہ عرب میں داخل ہونے کے لئے فنگر پرنٹس بنائے۔ وہ اقامہ اور لیبر قوانین کی خلاف ورزی کے مرتکب پائے گئے جس پر انہیں فوری طور پر دوسری پرواز سے واپس کر دیا گیا۔

یاد رہے کہ جن افراد کو سعودی امیگریشن قوانین کے تحت بلیک لسٹ یا ڈی پورٹ کیا جاتا ہے ان کے فنگر پرنٹ محکمہ پاسپورٹ کے سسٹم میں فیڈ کیے جاتے ہیں۔

سعودی عرب کے تمام ہوائی اڈوں پر امیگریشن حکام ہر مسافر کے فنگر پرنٹ سسٹم میں فیڈ کرتے ہیں اگر ان پر کوئی پابندی عائد ہوتو انہیں مملکت میں داخل نہیں ہونے دیا جاتا۔