اسلام آباد: عمران خان نے کہا ہے کہ آج شام چار بجے پارلیمنٹ ہائوس کے سامنے عوام کا سمندر ہوگا اور وہ آزادی کا جشن اور خوشیاں منائیں گے، اسلام آباد میں ڈی چوک پر آزادی مارچ کے شرکا سے خطاب میں عمران خان کا کہنا تھا کہ آج شام چار بجے عوام کا سمندر ہو گا اور ہم آزادی کا جشن منائیں گے۔
ان کا کہنا تھا کہ کہ آزادی مارچ کے شرکاء نے پاکستانیوں کو نیا حوصلہ دیا اورظلم کے نظام سے آزادی دلا دی، اب پاکستان میں نیاسورج طلوع ہوگا، عمران خان نے وزیر اعظم کو مخاطب کر تے ہو ئے کہاکہ میاں صاحب ضد نہ کریں ، فائنل اوور ہے،ایک اوور میں پچاس رنز نہیں بنا سکتے۔
عمران خان کاکہنا تھا کہ نہ وہ کسی کے سامنے جھکیں ہیں نہ وہ جھکیں گے، آزادی مارچ کو پاکستا ن کے عوام کو ظلم سے آزادی دلانی ہے۔
