ARYNews.tv | Urdu – Har Lamha Bakhabar

Tag: کابل

  • آکسفورڈیونیورسٹی کی تعلیم یافتہ نوجوان لڑکی کا جنگ زدہ کابل میں تعلیم پھیلانے کا مشن

    آکسفورڈیونیورسٹی کی تعلیم یافتہ نوجوان لڑکی کا جنگ زدہ کابل میں تعلیم پھیلانے کا مشن

    کابل :جنگ زدہ کابل میں تعلیم پھیلانے کا مشن لئے نوجوان لڑکی فرشتہ کریم نے چلتی پھرتی لائبریری بناڈالی، جس کی مدد سے اسکول جاتے بچے سفر کے دوران مختلف کتابیں بھی پڑھتے رہتے ہیں۔

    تفصیلات کے مطابق آکسفورڈیونیورسٹی کی تعلیم یافتہ نوجوان لڑکی فرشتہ کریم نے کابل میں بچوں میں کتابوں سے محبت اور مطالعے کا شوق اجاگر کرنے کے لیے موبائل لائبریری متعارف کرا دی۔

    چار مغز نامی اپنی نوعیت کی پہلی موبائل لائبریری افغانستان کے دارلحکومت کابل میں نیلے رنگ کی بس میں بنائی گئی ہے، جس میں تقریبا تین سو بچے بغیر کسی معاوضے کے اپنی من پسند کتابوں کوپڑھنے کے لئے بس میں سوار ہوجاتے ہیں۔


    روایتی لائبریریوں میں عموماﹰ ایک دوسرے سے بات کرنے کی ممانعت ہوتی ہے لیکن اس لائبریری میں باتوں کی مستقل ہلکی سی آوازیں سنائی دیتی ہے، کچھ بچے یہاں فرش پر بچھے کارپٹ پر بیٹھے ہیں توکچھ یہاں رکھی گئی کرسیوں پر افغان پبلشرز کی عطیہ کردہ کتابیں پڑھنے میں مگن ہوتے ہیں۔

    یہ موبائل لائبریری کابل کے دیہی علاقوں میں چلتی ہے، یہاں ایسی چھ سو کتابیں موجود ہیں جو بچوں کو متوجہ رکھتی ہیں

    سڑکوں پر چلتی پھرتی لائبریری طالب علموں کوکتابوں کی جانب راغب کرنے کے لئے بہترین قدم ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • کابل: 2 خود کش دھماکے، 5 سیکیورٹی اہلکار ہلاک

    کابل: 2 خود کش دھماکے، 5 سیکیورٹی اہلکار ہلاک

    کابل: افغانستان کے دارالحکومت کابل میں دو پولیس اسٹیشنز پر ہونے والے خود کش حملوں اور فائرنگ کے نتیجے میں 5 سیکیورٹی اہلکار ہلاک جبکہ متعدد زخمی ہوگئے۔

    افغان میڈیا کے مطابق شدت پسندوں نے پہلے کابل میں موجود پولیس اسٹیشن کو منظم منصوبہ بندی کے تحت نشانہ بنایا اور خودکش حملہ آور نے خود کو دھماکے سے اڑایا بعد ازاں اُس کے ساتھیوں نے سیکیورٹی اہلکاروں پر فائرنگ کی۔

    دوسرا خود کش دھماکا تھوڑی ہی دیر بعد کابل میں واقع ایک اور پولیس اسٹیشن پر پیش آیا، یہاں بھی خود کش حملہ آور نے خود کو دھماکے سے اڑایا جس کے نتیجے میں 5 سیکیورٹی اہلکار ہلاک ہوئے۔

    مزید پڑھیں: کابل میں دودھماکے‘ 29 افراد ہلاک ‘ 45 زخمی

    افغان وزارتِ داخلہ کے مطابق سیکیورٹی فورسز کی جوابی فائرنگ کے نتیجے میں تین حملہ آور مارے گئے جن کی لاشوں کو قبضے میں لے کر اسپتال منتقل کردیا گیا۔

    وزیر داخلہ واعظ احمد برمک کے مطابق دونوں کارروائیوں کی ذمہ داری شدت پسند تنظیم دولت اسلامیہ نے قبول کی، کارروائیوں میں مجموعی طور 8 خودکش حملہ آوروں نے حصہ لیا۔

    خیال رہے کہ 30 اپریل کو کابل کے علاقے ششدرک میں شدت پسندوں نے افغان انٹیلی جنس ایجنسی این ڈی ایس اور وزارت شہری ترقی کے دفاتر کو نشانہ بنایا تھا، دوسرا دھماکا اُس وقت ہوا ریسکیو کا کام جاری تھا جس کے نتیجے میں صحافیوں سمیت 29 افراد جاں بحق ہوئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جس نے یونین کونسل نہیں چلائی، وہ کہہ رہا ہے، مجھے وزیراعظم بناؤ: احسن اقبال

    جس نے یونین کونسل نہیں چلائی، وہ کہہ رہا ہے، مجھے وزیراعظم بناؤ: احسن اقبال

    اسلام آباد: وفاقی وزیر داخلہ احسن اقبال نے کہا ہے کہ موجودہ حالات میں‌ ملک کسی اناڑی کے ہاتھ میں جانے کا متحمل نہیں ہوسکتا.

    تفصیلات کے مطابق ن لیگ کے سینئر رہنما نے مخالفین پر کڑی تنقید کرتے ہوئے کہا کہ جس نے یونین کونسل نہیں چلائی، وہ کہہ رہا ہے کہ وزیراعظم بناؤ، ملک ان حالات میں‌ کسی اناڑی کے ہاتھ میں‌ نہیں دیا جاسکتا.

    انھوں نے کہا کہ وزیراعظم نے آج افغانستان کا اہم دورہ کیا، دونوں‌ ممالک کے درمیان مثبت ماحول میں بات ہوئی، افغان قیادت کو واضح کیا کہ پاکستان افغانستان میں امن کے خواہاں ہے اور پڑوسی ملک سے بھرپور تعاون کے لیے تیار ہے.

    انھوں نے کہا کہ قیام امن کےلئے افغان حکومت اورعوام کی رائے کا احترام کریں گے، افغان حکومت جس طرح کا تعاون چاہے گی، فراہم کیا جائے گا.

    وفاقی وزیر نے کہا کہ افغانستان کا امن اندرونی معاملہ ہے، ہم مداخلت نہیں کریں گے، افغانستان کے ساتھ مل کروسطی ایشیا سے جڑنا چاہتے ہیں.

    [bs-quote quote=”وزیراعظم نے آج افغانستان کا اہم دورہ کیا، افغان قیادت کو واضح کیا کہ پاکستان افغانستان میں امن کے خواہاں ہے” style=”style-2″ align=”left” author_name=”احسن اقبال”][/bs-quote]

    انھوں نے کہا کہ آج وسطی ایشیا سے جڑنے کے لیے اچھی بنیاد رکھی گئی ہے، اب ہمیں اس اقتصادی ایجنڈے پر توجہ دینی ہے، جس کی بنیاد رکھ دی گئی، دنوں ممالک کا مستقبل اسی سے وابستہ ہے.

    یاد رہے کہ آج وزیر اعظم پاکستان شاہد خاقان عباسی نے افغان صدر کی دعوت پر کابل کا دورہ کیا، جہاں‌ ان کی صدر اشرف غنی اور چیف ایگزیکٹو عبداللہ عبداللہ سے ملاقاتیں‌ ہوئیں.

    اس دورے میں‌ دونوں‌ ممالک نے افغان مسئلے کو مذاکرات اور مفاہت سے حل کرنے اور دہشت گردی کو مشتترکہ دشمن قرار دینے پر پر اتفاق کیا.

    وزیر اعظم کا دورہ کابل، دونوں ممالک کا دہشت گردی کو  مشترکہ دشمن قرار دینے پر اتفاق

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • وزیر اعظم کا دورہ کابل، دونوں ممالک کا دہشت گردی کو مشترکہ دشمن قرار دینے پر اتفاق

    وزیر اعظم کا دورہ کابل، دونوں ممالک کا دہشت گردی کو مشترکہ دشمن قرار دینے پر اتفاق

    اسلام آباد: پاکستان اورافغانستان نے اس امر پر اتفاق کیا ہے کہ افغان مسئلے کا کوئی فوجی حل نہیں، واحد حل مذاکراتی اور مفاہمتی عمل ہے.

    تفصیلات کے مطابق آج وزیراعظم شاہد خاقان عباسی افغان صدر اشرف غنی کی دعوت پر ایک روزہ دورے پرکابل پہنچے، جہاں انھوں‌ نے افغان صدر سمیت اہم سرکاری شخصیات سے ملاقاتیں کیں.

    افغان صدر سے ملاقات میں وزیر اعظم نے کہا کہ دورہ کا اصل مقصد خطے میں قیام امن کو ممکن بنانا ہے، افغان مذاکراتی عمل کے لئے ہر تعاون کے لیے تیار ہیں، اس موقعے پر افغان صدر نے کہا کہ دونوں ممالک کو انسداد دہشت گردی کے لئے مشترکہ کوششیں کرنی چاہییں، ملاقات میں خواجہ آصف، گورنر کے پی کے اور مشیرقومی سلامتی موجود تھے۔

    وزیراعظم کے دورے کابل کا اعلامیہ جاری کر دیا گیا ہے، جس کے مطابق دونوں ممالک نے افغان مسئلے کو مذاکرات سے حل کرنے پر اتفاق کیا. اعلامیہ کے مطابق وزیراعظم کے اس دورے پر دونوں ممالک کے درمیان وفود کی سطح پر مذاکرات ہوئے، جن میں‌ دہشت گردی کو پاکستان اور افغانستان کا مشترکہ دشمن قرار دیا گیا.

    [bs-quote quote=” دورے کا اصل مقصد خطے میں قیام امن کو ممکن بنانا ہے، افغان مذاکراتی عمل کے لئے ہر تعاون کے لیے تیار ہیں” style=”style-2″ align=”left” author_name=”شاہد خاقان عباسی” author_job=”وزیر اعظم پاکستان”][/bs-quote]

    دونوں ممالک نے اپنی سرزمین ایک دوسرے کے خلاف استعمال نہ ہونے کے عزم کا اعادہ کیا اور ٹرانزٹ ٹریڈ سمیت تجارتی مسائل پر مذاکرات پر اتفاق کیا.

    دونوں حکومتوں نے اس امر پر اتفاق کیا کہ پاکستان اور افغانستان کی ترقی اور استحکام ایک دوسرے سے منسلک ہے، پاکستان افغانستان کا مشترکہ اقتصادی کمیشن کا اجلاس جلد بلانے پر بھی اتفاق ہوا ہے۔ اعلامیہ کے مطابق چمن قندھار ریلوے لائن اور پشاورکابل موٹروے پر کام شروع  کرنے کا فیصلہ کیا گیا ہے۔ 

    پاکستان نے افغان صدرکے امن پسندانہ اقدامات اور طالبان کو مذاکرات کی دعوت دینے کے فیصلے کا خیرمقدم کیا۔ پاکستان نے افغان عوام کے لئے 40 ہزار ٹن گندم تحفے میں دینے کا اعلان کیا، وزیر اعظم پاکستان نے افغان برآمد کنندگان پراضافی ڈیوٹی معاف کرنے کا بھی اعلان کیا.

    دورے میں‌ پاکستان افغانستان کا سول قیدیوں کے تبادلے کے لئے مذاکرات پراتفاق ہوا ہے. وزیر اعظم کی افغان صدراورچیف ایگزیکٹیو کو دورہ پاکستان کی دعوت دی ہے. وزیراعظم نے اس دورے میں‌ عبداللہ عبداللہ، گلبدین حکمت یار، استاد محمد محقق، پیر سید حمید گیلانی سے ملاقات کی.

    وزیراعظم شاہد خاقان عباسی کوافغان صدارتی محل میں گارڈ آف آنرپیش کیا گیا

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • وزیراعظم شاہد خاقان عباسی کوافغان صدارتی محل میں گارڈ آف آنرپیش کیا گیا

    وزیراعظم شاہد خاقان عباسی کوافغان صدارتی محل میں گارڈ آف آنرپیش کیا گیا

    اسلام آباد : وزیراعظم شاہد خاقان عباسی ایک روزہ دورے پر کابل پہنچ گئے جہاں وہ افغان صدر اور چیف ایگزیکٹو عبداللہ عبداللہ سے ملاقاتیں کریں گے۔

    تفصیلات کے مطابق افغان صدر اشرف غنی کی دعوت پروزیراعظم شاہد خاقان عباسی ایک روزہ دورے پرافغان دارالحکومت کابل پہنچ گئے۔

    وزیراعظم شاہد خاقان عباسی کا افغان صدارتی محل میں افغانستان کے صدر اشرف غنی نے استقبال کیا اور انہیں گارڈ آف آنر بھی پیش کیا گیا۔

    افغان آرمی کے دستے نے وزیراعظم شاہد خاقان عباسی کو سلامی دی اور اس موقع پردونوں ملکوں کے قومی ترانے بھی بجائے گئے۔ وزیراعظم پاکستان کے اعزاز میں افغان صدر کی جانب سے استقبالیہ دیا جا رہا ہے۔

    وزیراعظم پاکستان کے ہمراہ وزیرخارجہ خواجہ آصف، وزیرداخلہ احسن اقبال، گورنر خیبرپختونخواہ اقبال ظفرجھگڑا، مشیرقومی سلامتی ناصرجنجوعہ سمیت دیگرحکام بھی موجود ہیں۔

    وزیراعظم شاہد خاقان عباسی اپنے ایک روزہ دورے کے دوران افغان صدر اشرف غنی اورچیف ایگزیکٹو عبداللہ عبداللہ سے ملاقاتیں کریں گے۔

    خیال رہے کہ مشیرقومی سلامتی ناصرجنجوعہ کے ذریعے افغان صدر اشرف غنی نے وزیراعظم پاکستان کو کابل کے دورے کی دعوت دی تھی

    افغان صدر اشرف غنی نے 17 مارچ کو سماجی رابطے کی ویب سائٹ ٹویٹرپراپنے پیغام میں وزیراعظم شاہد خاقان عباسی کو دورہ کابل کی دعوت دیتے ہوئے کہا تھا کہ یہ ریاستی سطح پر جامع مذاکرات کا آغاز ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کابل میں خودکش دھماکہ‘ ایک شخص ہلاک‘ 4 افراد زخمی

    کابل میں خودکش دھماکہ‘ ایک شخص ہلاک‘ 4 افراد زخمی

    کابل: افغانستان کے دارالحکومت کابل میں خودکش بم دھماکے کے نتیجے میں ایک شخص ہلاک جبکہ 4 افراد زخمی ہوگئے جنہیں طبی امداد کے لیے اسپتال منتقل کردیا گیا۔

    تفصیلات کے مطابق افغان دارالحکومت کابل کے علاقے قبل بائی میں خودکش دھماکے کے نتیجے میں ایک شخص جان کی بازی ہار گیا جبکہ 4 افراد زخمی ہوگئے۔

    ریسکیو حکام کے مطابق دھماکے میں زخمی ہونے والے افراد کو طبی امداد کے لیے اسپتال منتقل کردیا گیا ہے۔ دھماکے کی ذمہ داری ابھی تک کسی گروپ کی جانب سے قبول نہیں کی گئی۔

    غیرملکی خبررساں ادارے کے مطابق پولیس کمانڈر بسم اللہ تابان نے دھماکے کی تصدیق کرتے ہوئے بتایا کہ خودکش حملہ آور کے ہدف کے بارے میں ابھی کچھ کہا نہیں جا سکتا۔

    دوسری جانب افغان وزارت داخلہ کے ترجمان نجیب دانش نے بتایا کہ خودکش دھماکہ کابل کے علاقے قبل بائی میں ہوا جس میں 4 افراد زخمی ہوئے ہیں جنہیں اسپتال منتقل کردیا گیا ہے۔

    افغانستان کے دارالحکومت کابل میں یہ خودکش دھماکہ ایک ایسے وقت میں ہوا ہے جب دو روز قبل افغان صدر اشرف غنی نے طالبان کو مذاکرات کی پیشکش کی تھی۔

    خیال رہے کہ گزشتہ ماہ 24 فروری کو افغانستان کے مختلف شہروں میں بم دھماکوں کے نتیجے میں فوجی اہلکاروں سمیت 25 سے زائد افراد ہلاک ہوگئے تھے۔

    کابل میں کاربم دھماکہ، 95 افراد ہلاک، 158 زخمی

    یاد رہے کہ رواں سال 27 جنوری کو افغان دارالحکومت کابل میں واقع وزات داخلہ کے پرانے دفتر کے قریب ایمبولینس میں سوار حملہ آور نے خود کو دفتر کے مرکزی گیٹ پر دھماکے سے اڑا لیا تھا جس کے نتیجے میں 95 افراد ہلاک اور 158 افراد زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • آرمی چیف جنرل قمرجاوید باجوہ کابل پہنچ گئے

    آرمی چیف جنرل قمرجاوید باجوہ کابل پہنچ گئے

    کابل : آئی ایس پی آر کا کہنا ہے کہ پاک فوج کے سربراہ جنرل قمر جاوید باجوہ افغانستان کے دارالحکومت کابل پہنچ گئے جہاں وہ چیف آف ڈیفنس کانفرنس میں شرکت کریں گے۔

    پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمرجاوید باجوہ چیف آف ڈیفنس کانفرنس میں شرکت کے لیے کابل پہنچ گئے۔

    آئی ایس پی آر کے مطابق کمانڈرسینٹ کام، کمانڈرامریکی مشن سمیت افغان آرمی چیف بھی چیف آف ڈیفنس کانفرنس میں شریک ہوں گے۔

    آرمی چیف جنرل قمر جاوید باجوہ سے ایرانی اور ترک سفیروں کی ملاقاتیں

    خیال رہے کہ گزشتہ روز آرمی چیف جنرل قمر جاوید باجوہ سے ایران کے سفیر مہدی ہنردوست اور ترک سفیر ایشان مصطفیٰ نے ملاقات کی تھی ، جس میں‌ خطے کی صورت حال اور باہمی دلچسپی کے امور پر بات چیت ہوئی تھی۔

    ملاقات میں دونوں برادر اسلامی ممالک میں سماجی اوراقتصادی تعلقات بڑھانے پرزور دیا گیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سیکریٹری خارجہ کی قیادت میں پاکستانی وفد کا دورہ کابل: حملوں‌ کی مشترکہ تحقیقات کی پیش کش

    سیکریٹری خارجہ کی قیادت میں پاکستانی وفد کا دورہ کابل: حملوں‌ کی مشترکہ تحقیقات کی پیش کش

    اسلام آباد: ترجمان دفترخارجہ کے مطابق سیکریٹری خارجہ تہمینہ جنجوعہ کی سربراہی میں پاکستانی وفد نے کابل کا دورہ کیا، جس کا مقصد مشترکہ ورکنگ گروپ فعال کرنا ہے.

    ترجمان دفترخارجہ ڈاکٹر محمد فیصل کے مطابق سیکرٹری خارجہ کی قیادت میں‌ وفد نے کابل کا دورہ کیا، جہاں پاک افغان پہلے ورکنگ گروپ کا اجلاس ہوا۔

    تفصیلات کے مطابق ترجمان سیکریٹری خارجہ تہمینہ جنجوعہ کی قیادت میں پاکستانی گروپ نے اجلاس میں شرکت کی۔ کابل کے دورہ کا مقصد دو طرفہ تعاون بڑھانا تھا.

    ترجمان کے مطابق تہمینہ جنجوعہ نے افغانستان کو کابل میں ہونے والے حملے کی مشترکہ تحقیقات کی پیشکش کرتے ہوئے کہا کہ پاکستان دہشتگردی کے حملوں کی مذمت کرتا ہے۔

     

    ترجمان کے مطابق دورے میں دہشت گردی اور افغان مہاجرین کی واپسی سمیت مختلف معاملات پر گفتگو ہوئی، پاکستان افغانستان ایکشن پلان برائے یکجہتی پر مثبت پیش رفت ہوئی.

    کابل ملٹری اکیڈمی حملہ: پاکستان دفتر خارجہ کی شدید مذمت

    دفترخارجہ کے مطابق چند اہم معاملات پر دونوں ملکوں میں اتفاق رائے ہونا باقی ہے، بات چیت جاری رکھ کر اتفاق رائے پیدا کیا جا سکتا ہے.

    مشترکہ ورکنگ گروپ کا اگلا اجلاس 9 اور 10 فروری کو اسلام آباد میں ہوگا.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کابل دہشت گردی میں پاکستانی سرزمین استعمال ہونے کا الزام مسترد

    کابل دہشت گردی میں پاکستانی سرزمین استعمال ہونے کا الزام مسترد

    اسلام آباد: پاکستان نے افغانستان کی جانب سے عائد کیے گئے حقانی نیٹ ورک اور افغان طالبان کے پاکستانی سرزمین استعمال کرنے کے الزامات مسترد کردیے۔

    تفصیلات کے مطابق ترجمان دفتر خارجہ ڈاکٹر فیصل نے اپنے بیان میں کہا ہے کہ پاکستان ایسے تمام الزامات کی سختی سے تردید کرتا ہے۔ جماعت الاحرار اور داعش افغانستان میں موجود ہیں۔ 27 افراد ان جماعتوں سے تعلق کے شبہ میں افغانستان کے حوالے کیے۔

    دفتر خارجہ کا مزید کہنا تھا کہ افغان ایجنسی اور وزیر داخلہ نے پاکستان کو کچھ معلومات دی ہیں۔ افغانستان کی فراہم کردہ معلومات پر تحقیقات کر رہے ہیں۔ افغانستان میں مزید تشدد سے معاملات خراب ہوں گے۔

    ترجمان کا مزید کہنا تھا کہ امریکا افغانستان میں ناکامی چھپانے کے لیے پاکستان کو قربانی کا بکرا بنانا چاہتا ہے۔ امریکا نے جن افراد پر حال ہی میں پابندی عائد کی وہ پاکستانی شہری نہیں۔ ’مشعال ریڈیو بغیر لائسنس کام کر رہا تھا، بندش وزارت داخلہ نے کی‘۔

    ڈاکٹر فیصل نے کہا کہ پاکستان کسی بھی ٹھوس معلومات پر کارروائی کرے گا۔ افغانستان پر منحصر ہے کہ وہ امن کے لیے مختلف فریقین سے بات کرے۔

    یاد رہے کہ گزشتہ روز افغان حکام نے الزام عائد کیا تھا کہ کابل حملے کی منصوبہ بندی پاکستان میں ہوئی ہے۔

    افغان حکام کی جانب سے دعویٰ کیا گیا تھا کہ انہوں نے پاکستان میں منصوبہ بندی کیے جانے کے ناقابل تردید ثبوت پاکستان کے حوالے کردیے ہیں اور ان پر کارروائی کا مطالبہ کیا ہے۔

    یاد رہے کہ گزشتہ ماہ افغانستان میں دہشت گردی کی نئی لہر اٹھی ہے اور یکے بعد دیگرے افغانستان کے اہم علاقوں کو بم دھماکوں اور حملوں کا نشانہ بنایا جا چکا ہے۔

    گزشتہ ماہ 27 جنوری کو افغان دارالحکومت کابل کے ریڈ زون میں ہونے والے بم دھماکے میں 95 افراد ہلاک ہوئے تھے۔

    اس سے قبل 21 جنوری کو کابل کے انٹر کانٹی نینٹل ہوٹل پر ہونے والے دہشت گرد حملے میں 30 سے زائد افراد ہلاک ہوئے تھے۔

    پاکستانی دفتر خارجہ نے افغانستان میں ہونے والے تمام حملوں کی مذمت کرتے ہوئے افغان عوام سے اظہار یکجہتی کیا تھا۔

    گزشتہ روز وزیر خارجہ خواجہ آصف افغان سفارتخانے بھی پہنچے تھے جہاں انہوں نے تعزیتی کتاب میں کابل دہشت گردی پر اپنے تاثرات قلمبند کیے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جنگ زدہ کابل میں پھولوں سے نئی امید روشن

    جنگ زدہ کابل میں پھولوں سے نئی امید روشن

    کسی جنگ زدہ شہر میں لوگوں کی سب سے پہلی ترجیح کیا ہوسکتی ہے؟ اپنی جان بچانا، کسی حملے کی صورت میں محفوظ ٹھکانے پر پہنچنا اور اس کے بعد جسم و جاں کا رشتہ برقرار رکھنے کے لیے خوراک کی دستیابی، لیکن کابل کا حمید اللہ ایک قدم آگے بڑھ کر جنگ زدہ شہر میں اپنا باغ سجا کر امن اور نئی زندگی کی نوید دے رہا ہے۔

    افغانستان میں جنگ اور حملوں کے وقت 18 سالہ حمید اللہ اپنے خاندان کے ساتھ عراق چلا گیا۔ کچھ عرصے بعد جب وہ وہاں سے واپس آیا تو ٹوٹے پھوٹے، مٹی سے اٹے گھروں کو دیکھ کر اسے خیال آیا کہ اس جنگ زدہ شہر میں کوئی گوشہ عافیت ہونا چاہیئے۔

    تب اسے گھر میں باغ بنانے کا خیال آیا۔

    حمید اللہ کا کہنا ہے جنگ کے دوران پھولوں سے بھرا ہوا باغ ایک جنت محسوس ہوتا ہے۔

    وہ بتاتا ہے کہ طالبان کے ایک حملے کے دوران اس کا نہایت قریبی دوست مارا گیا۔ ’اس کی موت مجھے رات کو سونے نہیں دیتی تھی، میں بہت غمزدہ تھا‘۔

    اس غم کو بہلانے کے لیے اس نے اپنے باغ میں مزید خوش رنگ پودے اگانے شروع کردیے۔

    وہ بتاتا ہے کہ جب یہ پودے بڑے ہو کر لہلہانے لگے تو مجھے لگا کہ مجھے پھر سے ایک دوست مل گیا ہے۔

    نوجوان حمید کابل کے ایک تعلیمی ادارے میں فارمیسی کی تعلیم بھی حاصل کر رہا ہے۔ وہ کہتا ہے، ’روز صبح جب میں گھر سے نکل کر جاتا ہوں تو میں خوفزدہ ہوتا ہوں کہ کہیں یہ میری زندگی کا آخری دن نہ ہو‘۔

    اس کا کہنا ہے کہ مستقبل میں اس کا ارادہ اپنے شعبے میں جانے کا ہے تاہم باغبانی اس کا جنون بن چکا ہے ارو وہ اسے ہمیشہ جاری رکھے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔