ARYNews.tv | Urdu – Har Lamha Bakhabar

Tag: کابل

  • طالبان اوران کےحامیوں کےخلاف فیصلہ کن اقدام اٹھانا چاہیے‘ ڈونلڈ ٹرمپ

    طالبان اوران کےحامیوں کےخلاف فیصلہ کن اقدام اٹھانا چاہیے‘ ڈونلڈ ٹرمپ

    واشنگٹن: امریکی صدر ڈونلڈ ٹرمپ نے کابل دھماکے کی مذمت کرتے ہوئے کہا کہ دھماکے میں عام شہری ہلاک اور زخمی ہوئے۔

    تفصیلات کے مطابق امریکی صدر ڈونلڈ ٹرمپ نے سماجی رابطے کی ویب سائٹ ٹویٹرپراپنے پیغام میں کابل دھماکے کی مذمت کرتے ہوئے کہا کہ دھماکے نے ہمارے اور افغان پارٹنرز کے عزم کو مضبوط کیا۔

    امریکی صدر ڈونلڈ ٹرمپ نے کہا کہ کابل دھماکے میں عام شہری ہلاک اور زخمی ہوئے۔

    ڈونلڈ ٹرمپ نے کہا کہ طالبان اور ان کے حامیوں کے خلاف فیصلہ کن اقدام اٹھانا چاہیے۔ انہوں نے کہا کہ ہم طالبان کو جیتنے نہیں دیں گے۔

    کابل میں کاربم دھماکہ، 95 افراد ہلاک، 158 زخمی

    خیال رہے کہ گزشتہ روز افغانستان کے دارالحکومت کابل میں کار بم دھماکے کے نتیجے میں 95 افراد ہلاک جبکہ 158 سے زائد افراد زخمی ہوگئے تھے۔

    یاد رہے کہ اس سے قبل گزشتہ ہفتے 21 جنوری کو افغانستان کے دارالحکومت کابل میں مسلح افراد کے ہوٹل پرحملے میں 18 افراد ہلاک ہوگئے تھے جبکہ سیکورٹی فورسز کی جوابی کارروائی میں 3 حملہ آور مارے گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کابل میں کاربم دھماکہ، 95 افراد ہلاک، 158 زخمی

    کابل میں کاربم دھماکہ، 95 افراد ہلاک، 158 زخمی

    کابل: افغان دارالحکومت کابل میں کار بم دھماکے کے نتیجے میں 95 افراد ہلاک جبکہ 158 سے زائد افراد زخمی ہوگئے۔

    افغان میڈیا کے مطابق کابل میں واقع وزات داخلہ کے پرانے دفتر کے قریبایمبولینس میں سوار نے خود کو دفتر کے مرکزی گیٹ پر دھماکے سے اڑا دیا جس کے نتیجے میں 95 افراد ہلاک ہوگئے۔

    یہ حملہ شہر میں واقع وزارتِ داخلہ کی پرانی عمارت کے قریب ہوا جو کہ ہائی پیس کونسل اور یورپی یونین کے دفاتر کے قریب ہے، اسی علاقے میں دیگر غیر ملکی سفارت خانے اور شہر کی پولیس کا صدر دفتر بھی موجود ہے۔

    افغان وزارت صحت کے ترجمان کے مطابق دھماکے میں 158 افراد زخمی بھی ہوئے ہیں، دھماکے کے وقت جائے وقوعہ پر لوگوں کی بہت زیادہ بھیڑ تھی، ذرائع کے مطابق کابل میں دھماکے کی ذمہ داری طالبان کی جانب سے قبول کرلی گئی ہے۔

    دوسری جانب افغان وزیرداخلہ کا کہنا ہے کہ طالبان کی جانب سے کیے جانے والے دھماکے میں ایمبولینس کا استعمال کیا گیا ہے۔

    جلال آباد میں خود کش حملہ‘ فائرنگ‘ 11 افراد زخمی

    یاد رہے کہ تین روز قبل افغانستان کے شہر جلال آباد میں کار بم دھماکے میں 11 افراد زخمی ہوئے تھے۔

    اس سے قبل گزشتہ ہفتے افغانستان کے دارالحکومت کابل میں مسلح افراد کے ہوٹل پرحملے میں 18 افراد ہلاک ہوگئے تھے جبکہ سیکورٹی فورسز کی جوابی کارروائی میں 3 حملہ آور مارے گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کابل میں مسلح افراد کا ہوٹل پرحملہ‘ 5افراد ہلاک‘ 6 زخمی

    کابل میں مسلح افراد کا ہوٹل پرحملہ‘ 5افراد ہلاک‘ 6 زخمی

    کابل : افغانستان کے دارالحکومت کابل میں مسلح افراد کے ہوٹل پرحملے میں 5 افراد ہلاک اور 6 زخمی ہوگئے جبکہ سیکورٹی فورسز کی جوابی کارروائی میں 3 حملہ آور مارے گئے۔

    تفصیلات کے مطابق کابل کے انٹرکانٹینینٹل ہوٹل میں رات 9 بجکر 20 منٹ پر مسلح افراد نے ہوٹل میں داخل ہوتے ہی فائرنگ شروع کردی جس کے نتیجے میں 5 افراد ہلاک ہوگئے۔

    افغان وزارت داخلہ کے ترجمان نجیب دانش کے مطابق سیکورٹی فورسز کی جوابی کارروائی میں 3 دہشت گرد مارے گئے جبکہ ہوٹل کو کلیئر کرالیا گیا۔

    ترجمان افغان وزارت داخلہ کا کہنا ہے کہ سیکورٹی فورسز نے 41 غیرملکیوں سمیت 126 افراد کو بحفاظت ہوٹل سے نکال لیا۔

    افغان میڈیا کے مطابق عینی شاہدین کا کہنا تھا کہ انہوں نے مسلح افراد کو کابل کے علاقے باغِ بالا میں واقع ہوٹل کے اندر رات 9 بجکر 20 منٹ پرداخل ہوتے ہوئے دیکھا۔

    کابل میں خودکش حملہ ‘ 18 جاں بحق

    افغان سیکورٹی حکام کے مطابق حملہ آوروں کے خلاف 10 گھنٹے سے زائد جاری رہنے والا آپریشن سیکورٹی فورسز نے آج صبح 10 بجے مکمل کیا۔

    کابل کے انٹرکانٹینینٹل ہوٹل پر حملے کی ذمہ داری اب تک کسی گروپ کی جانب سے قبول نہیں کی گئی۔

    خیال رہے کہ کابل کے اس ہوٹل میں آج انفارمیشن ٹیکنالوجی کانفرنس کا انعقاد ہونا تھا جبکہ حملے کے وقت ہوٹل میں 100 سے زائد آئی ٹی مینیجرزاور انجیئنرز موجود تھے۔

    یاد رہے کہ دو روز قبل کابل میں امریکی سفارت خانے نے الرٹ جاری کیا تھا کہ دہشت گرد کابل میں معروف ہوٹلز کو نشانہ بناسکتے ہیں۔

    واضح رہے کہ 28 جون 2011 کو اسی ہوٹل میں خودکش بمبار نے خود کو دھماکے سے اڑا لیا تھا جس کے نتیجے میں 21 افراد ہلاک ہوئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • افغانستان، پاکستان پرعالمی دباؤبڑھاناچاہتا ہے‘ نکی ہیلی

    افغانستان، پاکستان پرعالمی دباؤبڑھاناچاہتا ہے‘ نکی ہیلی

    نیویارک : اقوام متحدہ میں امریکی سفیر نکی ہیلی کا کہنا ہے کہ افغانستان چاہتا ہے کہ عالمی طاقتیں پاکستان پردباؤ بڑھائیں۔

    تفصیلات کے مطابق افغانستان کے دورے کے بعد اقوام متحدہ کے ہیڈ کوارٹر میں صحافیوں سے گفتگو کرتے ہوئے امریکی سفیر نکی ہیلی نے کہا کہ افغان حکومت کو یقین ہے کہ طالبان مذاکرات کی میز پرآجائیں گے۔

    امریکی سفیر نے کہا کہ افغان حکام نے مفاہمتی عمل میں اتفاق رائے کے لیے پاکستان پر دباؤ بڑھانے کا کہا ہے، افغان حکام نے پاکستان کو اپنا رویہ تبدیل کرنے پر بھی زور دیا ہے۔

    خیال رہے کہ اقوام متحدہ میں امریکی سفیر نکی ہیلی نے سلامتی کونسل کے 14 رکنی وفد کے ہمراہ افغانستان کا 2 روزہ دورہ کیا تھا۔

    اس سے قبل امریکی نائب وزیرخارجہ برائے جنوبی ایشیا نے دورہ پاکستان پر کہا تھا کہ امریکہ خطے کے استحکام اور خوشحالی کے لیے مشترکہ مفادات کی بنیاد پر پاکستان کے ساتھ نئے تعلقات استوار کرنا چاہتا ہے۔

    افغانستان میں پاکستان کو مطلوب دہشت گردوں کو پناہ دی جارہی ہے، خواجہ آصف

    یاد رہے کہ گزشتہ روز اسلام آباد میں سینیٹ قائمہ کمیٹی برائے خارجہ کو بریفنگ دیتے ہوئے خواجہ آصف کا کہنا تھا کہ افغانستان پاکستان کے مطلوب دہشت گردوں کو پناہ دے دہا ہے، پاکستان کے خلاف بھارتی سازشیں بھی واضع ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • افغان خفیہ ایجنسی کےدفترکےقریب خودکش حملہ‘ 6 افراد ہلاک

    افغان خفیہ ایجنسی کےدفترکےقریب خودکش حملہ‘ 6 افراد ہلاک

    کابل: افغانستان کے دارالحکومت کابل میں افغان خفیہ ایجنسی کے ہیڈکوارٹر کے قریب خودکش حملے میں 6 افراد ہلاک جبکہ 3 افراد زخمی ہوگئے۔

    غیرملکی خبررساں ادارے کے مطابق افغان دارالحکومت کابل میں افغان خفیہ ایجنسی این ڈی ایس کے دفتر کے قریب خودکش دھماکے میں 6 افراد ہلاک جبکہ 3 افراد زخمی ہوگئے۔

    افغان وزارت داخلہ کے ترجمان دانش نجیب کا کہنا ہے کہ خفیہ ایجنسی کے دفتر کے قریب خودکش حملے میں کار میں سوار 6 افراد ہلاک جبکہ 3 زخمی ہوئے۔

    ترجمان افغان وزارت داخلہ کا کہنا ہے دھماکے میں ہلاک اور زخمی ہونے والے افراد کو اسپتال منتقل کردیا گیا ہے تاہم خودکش حملے کی ذمہ کسی گروہ نے قبول نہیں کی۔

    افغان دارالحکومت کابل میں ملٹری سینٹرپرحملہ

    خیال رہے کہ گزشتہ ہفتے افغان صوبے قندھار میں پولیس دفترپرکاربم حملے میں 6 پولیس اہلکار ہلاک اور عمارت مکمل تباہ ہوگئی تھی، حملے کی ذمہ داری طالبان نے قبول کی تھی۔

    یاد رہے کہ رواں برس 19 اکتوبرکو افغانستان کے صوبے قندھار میں افغان ملٹری بیس پر ہونے والے کار بم دھماکے میں 43 فوجی ہلاک متعدد زخمی ہوگئے تھے، جوابی کارروائی میں دس حملہ آور مارے گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں ۔

  • افغان دارالحکومت کابل میں ملٹری سینٹرپرحملہ

    افغان دارالحکومت کابل میں ملٹری سینٹرپرحملہ

    کابل: افغانستان کے دارالحکومت کابل میں ملٹری سینٹر پر مسلح افراد نے حملہ کردیا، سیکورٹی فورسز اور حملہ آوروں میں فائرنگ کا تبادلہ جاری ہے۔

    تفصیلات کے مطابق افغان دارالحکومت کابل میں افغان خفیہ ایجنسی این ڈی ایس کی زیر تعمیر عمارت پر مسلح افراد نے حملہ کردیا۔

    افغان میڈیا کا کہنا ہے کہ مسلح افراد عمارت کے اندر موجود ہیں جبکہ سیکورٹی فورسز اور حملہ آوروں میں فائرنگ کا تبادلہ جاری ہے۔

    افغان پولیس حکام کے مطابق ٹریننگ سینٹر میں 5 حملہ آور موجود ہیں۔

    افغان وزارت داخلہ نے این ڈی ایس کی عمارت پر مسلح افراد کے حملے کی تصدیق کردی۔

    افغان خفیہ ایجنسی کی عمارت پر ہونے والے حملے کی ذمہ داری اب تک کسی تنظیم کی جانب سے قبول نہیں کی گئی۔

    قندھار بیس پر دو خودکش حملے،فائرنگ، 43 فوجی ہلاک

    خیال رہے کہ رواں برس 19 اکتوبرکو افغانستان کے صوبے قندھار میں افغان ملٹری بیس پر ہونے والے کار بم دھماکے میں 43 فوجی ہلاک متعدد زخمی ہوگئے تھے، جوابی کارروائی میں دس حملہ آور مارے گئے تھے۔

    کابل، ملٹری اکیڈمی کے قریب خود کش دھماکا، 15 کیڈٹس جاں بحق

    بعدازاں 21 اکتوبر کو افغانستان کے دارالحکومت کابل میں واقع ملٹری اکیڈمی کے گیٹ پر خودکش دھماکے میں 15 کیڈٹس جاں بحق اور 4 زخمی ہوگئے تھے۔

    یاد رہے کہ گزشتہ سال 19 اپریل 2016 کو کابل میں افغان خفیہ ایجنسی این ڈی ایس کے سینٹر پرخودکش حملے اور فائرنگ کے نتیجے میں 28 افراد ہلاک جبکہ 300 سے زائد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں ۔

  • دہشت گرد کابل کے بجائے اسلام آباد کو نشانہ بنا سکتے ہیں، امریکی وزیرخارجہ

    دہشت گرد کابل کے بجائے اسلام آباد کو نشانہ بنا سکتے ہیں، امریکی وزیرخارجہ

    واشنگٹن : امریکی وزیرخارجہ ریکس ٹلرسن نے کہا ہے کہ پاکستان کے ساتھ تعلقات پالیسی کا اہم حصہ ہے گو گزشتہ چند سالوں میں پاکستان سے تعلقات میں خرابیاں آئی ہیں لیکن اب بھی امریکا کی پاکستان سے کئی معاملات پر بات چیت جاری ہے جوکہ خوش آئند بات ہے.

    ان خیالات کا اظہار انہوں نے میڈیا سے گفتگو کرتے ہوئے کیا، ریکس ٹلرسن کا کہنا تھا کہ امریکا کو پاکستان کے استحکام کی فکر ہے اور پاکستان پر اپنی توقعات واضح کرنا چاہتے ہیں اور یہ بھی کہ دہشت گرد اب کابل کے بجائے اسلام آباد کو ہدف بنا سکتے ہیں.

    امریکی وزیرخارجہ ریکس ٹلرسن نے کہا ہے کہ دہشت گردی کو جڑ سے اکھاڑنے کے لیے پاکستان سے مل کر مثبت انداز میں کام کر رہے ہیں جسے جاری رکھنا بھی چاہتے ہیں اور جس کے لیے پاکستان سے انٹیلی جنس معلومات کے تبادلے کیلئے بھی تیار ہیں.

    ریکس ٹلرسن نے کہا کہ دہشت گردی کے خلاف پاکستان کو کامیاب ہوتے دیکھنا چاہتے ہیں لیکن موجودہ حالات میں پاکستان سے بات آگے نہیں بڑھ پا رہی ہے تاہم امریکا امن کی مکمل بحالی کے لیے افغانستان میں مقیم رہے گا جہاں طالبان مذاکرات کر کے افغان حکومت میں شامل ہوسکتےہیں.

  • کابل میں جنگ سے زیادہ فضائی آلودگی لوگوں کی اموات کا سبب

    کابل میں جنگ سے زیادہ فضائی آلودگی لوگوں کی اموات کا سبب

    کابل: ایک طویل عرصے سے جنگ کا شکار ملک افغانستان کا دارالحکومت اپنے شہریوں کے لیے کوئی محفوظ جائے پناہ نہیں رہا۔ آئے روز ہونے والے دہشت گردی کے واقعات سے کابل کے لوگوں کی زندگی ہر وقت خطرے کا شکار رہتی ہے کہ کب اور کہاں وہ کسی دھماکے کا شکار ہوجائیں۔

    لیکن اس کے علاوہ ایک شے اور ہے جو کابل کے شہریوں کو بلا دریغ موت کے گھاٹ اتار رہی ہے، اور وہ ہے فضائی آلودگی۔

    اقوام متحدہ کے مطابق فضائی آلودگی کی وجہ سے مختلف بیماریوں کا شکار ہو کر مرنے والے افراد کی سالانہ تعداد جنگ میں مرنے والے افراد کی تعداد سے دگنی ہے۔

    گو کہ افغانستان قدرتی مناظر اور خوبصورت مقامات سے بھرپور ملک ہے تاہم اس کی فضائی آلودگی اس ملک کا حسن برباد کر رہی ہے۔ ملک کا دارالحکومت کابل اکثر و بیشتر اسموگ کی لپیٹ میں رہتا ہے۔

    مزید پڑھیں: طالبان اب درخت اگائیں گے

    کابل پولی ٹیکنک یونیورسٹی کے ایک پروفیسر ڈاکٹر اسرار الدین گزید کا کہنا ہے کہ شہر میں آلودگی کی سب سے بڑی وجہ شہر میں جابجا بکھرے گندگی کے ڈھیر ہیں جنہیں مناسب طور پر ٹھکانے لگانے کا انتظام موجود نہیں۔

    بالآخر اس کچرے کو ختم کرنے کے لیے اسے جلایا جاتا ہے۔

    ایک اور وجہ گاڑیوں سے نکلنے والا دھواں ہے جس نے کابل کو آلودہ ترین شہروں کی فہرست میں شامل کردیا ہے۔ کابل میں زیادہ تر پرانی گاڑیاں اور غیر معیاری فیول استعمال ہوتا ہے جن سے نکلنے والا دھواں شہر کی فضا میں سانس لینا دو بھر کردیتا ہے۔

    کابل میں گاڑیوں، کچرا جلانے سے اٹھنے والا دھواں، اور پاور جنریٹرز یہاں کی آلودگی کی اہم وجوہات ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کابل میں ٹی وی چینل پر حملہ ، خاتون ہلاک ، متعدد زخمی

    کابل میں ٹی وی چینل پر حملہ ، خاتون ہلاک ، متعدد زخمی

    کابل: نامعلوم مسلح افراد نے نجی ٹی وی چینل پر حملہ کردیا، جس کے نتیجے میں ایک خاتون کے ہلاک اور 20 افراد کے زخمی ہونے کی اطلاعات ہیں۔

    افغان میڈیا کے مطابق افغان دارلحکومت کابل ایک بار پھر دھماکے سے گونج اٹھا ، نامعلوم افراد نے ٹی وی چینل کے دفتر پر حملہ کردیا ،جس کے نتیجے میں ایک خاتون ہلاک اور 20افراد زخمی ہوگئے ۔

    میڈیا کے مطابق حملہ آور ٹی وی چینل کی بلڈنگ میں موجود ہیں اور فائرنگ کا تبادلہ جاری ہے، معلوم افراد کابل میں واقع شمشاد ٹی وی چینل کے مرکزی دروازے پر تعینات سیکیورٹی اہلکاروں پر فائرنگ کرتے ہوئے اندر داخل ہوئے جہاں اندھا دھند فائرنگ کی گئی۔

    حملے کے بعد ٹی وی چینل کی نشریات معطل ہوگئی ہے۔

    افغان وزارتِ داخلہ کے ترجمان کا کہنا ہے کہ دہشت گردوں کے خلاف کارروائی جاری ہے اور سیکیورٹی فورسز نے علاقے کو گھیرے میں لے لیا ہے۔

    حملے میں ہلاکتوں میں اضافے کا خدشہ ظاہر کیا جارہا ہے جبکہ طالبان نے اس حملے میں ملوث ہونے کی تردید کردی ہے۔

    خیال کیا جا رہا ہے کہ ٹی وی چینل کے دفتر میں 100 کے قریب ملازمین موجود ہیں جبکہ عینی شاہدین کے مطابق حملے میں ٹی وی چینل کے عملے کے کچھ اراکین ہلاک ہوگئے ہیں۔

    مزید پڑھیں : کابل: آسٹریلوی سفارت خانے کے باہر دھماکا، 14 ہلاک، متعدد زخمی

    یاد رہے گذشتہ ہفتے افغانستان کے دارالحکومت میں آسٹریلوی سفارت خانے کے قریب خودکش دھماکے کے نتیجے میں 14 ہلاک اور متعدد افراد زخمی ہوگئے تھے۔

    واضح رہے کہ کابل میں اس سے قبل بھی ملٹری اکیڈمی کے قریب دھماکا ہوا تھا، جس کے نتیجے میں 15 کیڈٹس جاں بحق جبکہ 4 زخمی ہوئے تھے، علاوہ ازیں ستمبر کے ماہ میں ایک مسجد میں دھماکے کے نتیجے میں 6 نمازی شہید ہوئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • افغانستان: واٹس ایپ پر پابندی کا فیصلہ صحافیوں کے احتجاج پرواپس

    افغانستان: واٹس ایپ پر پابندی کا فیصلہ صحافیوں کے احتجاج پرواپس

    کابل : افغانستان حکومت نے واٹس ایپ اور دیگر ایپس پر پابندی کا فیصلہ صحافیوں اور صارفین کی جانب سے شدید احتجاج کے بعد واپس لے لیا، حکومتی فیصلے کیخلاف صحافیوں، میڈیا اور ایپ صارفین نے احتجاج کرتے ہوئے اسے واپس لینے کا مطالبہ کیا تھا۔

    تفصیلات کے مطابق افغان حکومت کی جانب سے واٹس ایپ پر پابندی کا فیصلہ کیا گیا تاہم ابھی اس پر عمل درآمد بھی نہیں ہوا تھا کہ صحافیوں، میڈیا گروپوں اور دیگر صارفین کی جانب سے اس فیصلے کو شدید تنقید کا نشانہ بنایاگیا۔

    اس کے علاوہ افغانستان کے ایک سینیئر صحافی نے اس اقدام کو ترقی سے منہ موڑنا قرار دیتے ہوئے فیصلے کیخلاف بھرپور مزاحمت کا اعلان کیا تھا۔

    برطانوی نشریاتی ادارے بی بی سی کے مطابق حکومت نے یہ اقدام طالبان اور دیگر جنگجو گروپوں کی جانب سے ایسی ایپس کو استعمال کرنے کی اطلاعات کے بعد کیا تھا۔

    مزید پڑھیں: افغان حکومت نے واٹس ایپ پر پابندی عائد کردی

    ذرائع کا کہنا ہے کہ اس حوالے سے افغان حکام نے موبائل کمپنیوں کو ایک لیٹر جاری کیا جس میں کہا گیا تھا کہ سکیورٹی خدشات کے پیش نظر ایسی ایپس کو عارضی پر بند کیا جائے۔

    واضح رہے کہ واٹس ایپ، فیس بک میسنجر اور وائبر افغانی عوام بڑی تعداد میں استعمال کرتے ہیں۔