کابل : افغانستان کے شہر قندوزمیں نیٹو کے فضائی حملے میں خواتین اور بچوں سمیت 30 شہری ہلاک اور متعدد شہری زخمی ہوگئے۔

تفصیلات کےمطابق افغانستان کے شمالی صوبہ قندوز میں آپریشن کے دوران نیٹو کی فضائی بمباری کے نتیجے میں خواتین اور بچوں سمیت 30 افراد ہلاک ہوگئے۔

نیٹو کی بمباری میں عام شہریوں کی ہلاکت کے بعد متاثرہ افراد کے لواحقین کی بڑی تعداد لاشیں لے کر گورنر ہاؤس کے باہر پہنچ گئے اور شدید احتجاج کیا۔

قندوز گورنر کے ترجمان محمود دانش نے کا کہناتھاکہ یہ آپریشن قندوز شہر سے پانچ کلومیٹر کے فاصلے پر ایک علاقے میں کیا۔انہوں نے کہا کہ نیٹو سے فضائی مدد اس وقت مانگی جب جب افغان سپیشل فورسز کو طالبان نے گھیرے میں لے لیاتھا۔

مزید پڑھیں:افغان ایئرفورس کی اپنے ہی فوجیوں پر فائرنگ،5فوجی ہلاک

نیٹومشن کےترجمان کا کہنا ہے امریکی فورسز نے قندوز میں افغان فورسز کی مدد کے لیے کارروائی کی۔ شہریوں کی ہلاکت کی تحقیقات کی جا رہی ہیں۔

واضح رہے کہ دو روز قبل افغان اتحادی فورسز نے مشترکہ آپریشن کیا تھا جس میں 14طالبان ہلاک اور تین زخمی ہوئے ،آپریشن میں تین افغان کمانڈوز اور دو امریکی فوجی اہلکار بھی مارے گئےتھے۔

کابل: افغان دارالحکومت کابل میں امریکی فوجی کیمپ کے قریب مسلح شخص کی فائرنگ سے 2 امریکی ہلاک ہوگئے۔

تفصیلات کےمطابق افغانستان میں موجود نیٹو حکام کا کہنا ہےکہ کابل میں ہونے والے مسلح افراد کے حملے میں ایک امریکی فوجی اور ایک شہری ہلاک ہوا اور3 افراد زخمی ہوئے۔

دوسری جانب امریکی حکام کا کہنا تھا کہ فائرنگ میں دو افراد ہلاک ہوئے ہیں جبکہ جوابی کارروائی میں حملہ آور ماراگیا۔ان کا مزید کہنا تھا کہ فائرنگ کا واقع بیس کے قریب ہوا جہاں افغان کمانڈوز کو ٹریننگ دی جاتی ہے۔

خیال رہےکہ اس سے قبل افغان وزارت دفاع کے ترجمان دولت وزیری نے واقعے کو اندرونی حملہ قرار دیتے ہوئے کہا تھا کہ فوجی یونیفارم میں ملبوس ایک حملہ آور نے فائرنگ کرکے نیٹو سے تعلق رکھنے والے ایک فوجی کو ہلاک جبکہ دیگر 5 کو زخمی کردیا۔

خیال رہے کہ تاحال کسی بھی گروپ یا تنظیم نے مذکورہ حملے ذمہ داری قبول نہیں کی۔

یادرہے کہ افغانستان میں امریکہ کی اتحادی نیٹو افواج کے گزشتہ 13 برس سے جاری مشن کو ختم کردیا گیا ہے،جس کا آغاز 11 ستمبر 2001 میں ورلڈ ٹریڈ سینٹر پر ہونے والے حملے کے بعد طالبان کے خلاف جنگ سے ہوا تھا۔

واضح رہے کہ 1جنوری 2015 سے نیٹو کی انٹرنیشنل سیکیورٹی اسسٹنس فورس کو ٹریننگ اینڈ سپورٹ مشن سے تبدیل کردیا گیا،جس کے تحت تقریباً 13 ہزار نیٹو فوجی افغانستان میں قیام کریں گے، ان میں امریکی فوجی بھی شامل ہیں۔

کابل : پولیس حکام کا کہنا ہے کہ کابل سے نامعلوم افراد نے دو غیر ملکی شہریوں کو اغو کر لیا ہے.ان دونوں کو اتوار کی صبح کابل شہر سے اغوا کیا گیا.

تفصیلات کے مطابق افغانستان کے دارالحکومت کابل سے دو غیر ملکی شہریوں کو اغواکرلیا،اغواکار افغان سیکورٹی فورس کے یونیفارم میں ملبوس تھے.

افغانستان میں طالبان کی جانب سے پرتشدد واقعات میں اضافہ ہوا ہے،حالیہ کچھ عرصے کے دوران افغانستان سے کئی غیرملکیوں کو اغوا کیا گیا ہے.

یاد رہے کہ رواں سال جون میں بھارت سے تعلق رکھنے والے امدادی کارکن کو کابل سے اغوا کیا گیا تھا جبکہ اپریل میں فوج کے یونیفارم میں ملبوس مسلح افراد نے آسٹریلوی امدادی کارکن کو جلال آباد سے اغوا کیا تھا.

*کابل سے اغوا ہونے والی ہندوستانی خاتون بازیاب

افغانستان کے دارالحکومت کابل سےجون میں اغوا ہونے والی ہندوستانی خاتون کوجوڈتھ ڈی سوزا کوچھ ہفتے بعد بازیاب کروالیاگياتھا.

اسی طرح گذشتہ سال جرمنی کی تعمیراتی کمپنی جی آئی زیڈ (گیز) کے دو امدادی کارکنوں کو مغوی بنایا گیا لیکن بعد میں انہیں رہا کر دیا گیاتھا.

رواں ہفتے کے آغاز میں افغانستان کے مغربی شہر ہیرات میں شدت پسندوں نے غیر ملکی سیاحوں کے قافلے پر حملہ کیا جس میں چھ سیاح اور اُن کا افغان ڈرائیور زخمی ہو گیا،غیر ملکی سیاحوں میں آٹھ کا تعلق برطانیہ،تین کا امریکہ اور ایک کا تعلق جرمنی سے تھا.

واضح رہے کہ ہیرات میں غیرملکی سیاحوں کے قافلے پر حملے کی ذمہ داری طالبان کے ترجمان نےقبول کی تھی.