Tag: کابل

  • افغانستان: حالیہ بارشوں اور سیلاب سے بڑے پیمانے پر تباہی، 250 افراد جاں بحق

    افغانستان: حالیہ بارشوں اور سیلاب سے بڑے پیمانے پر تباہی، 250 افراد جاں بحق

    کابل: افغانستان میں حالیہ بارشوں اور سیلاب سے بڑے پیمانے پر تباہی مچ گئی ہے، بارشوں اور سیلاب سے 250 افراد جاں بحق جب کہ 300 سے زائد زخمی ہو چکے ہیں۔

    تفصیلات کے مطابق افغانستان میں حالیہ بارشوں اور سیلاب نے بڑے پیمانے پر تباہی مچا دی جہاں طوفانی بارشوں اور سیلابی ریلوں سے 250 افراد جاں بحق اور 300 سے زائد زخمی ہو گئے ہیں۔

    افغان نیشنل ڈیزاسٹر مینجمنٹ اتھارٹی کا کہنا ہے کہ بارشوں اور سیلاب کے باعث 33 ہزار گھر مکمل اور جزوی طور پر تباہ ہو چکے ہیں۔

    افغان میڈیا کے مطابق حالیہ دنوں کے دوران افغان دارالحکومت کابل سمیت ملک کے 24 صوبوں میں شدید بارشوں اور اس کے نتیجے میں آنے والے سیلابی ریلوں نے بڑے پیمانے پر تباہی مچائی۔

    یہ بھی پڑھیں:  ایران اورپاکستان کے بعد افغانستان میں طوفانی بارشوں نے تباہی مچادی

    سیلابی ریلوں میں متعدد افراد لا پتا بھی ہوئے ہیں، اب تک 6 ہزار خاندانوں کو نقد مالی امداد دی جا چکی ہے جب کہ 19 ہزار کو خوراک فراہم کی گئی ہے۔

    حکام کے مطابق رواں ماہ بدخشاں، تخار، ہرات، فریاب، بلخ، سمنگان، کنڑ سمیت دیگر افغان صوبے سیلاب سے متاثر ہوئے، اچانک آنے والے سیلابی ریلے مختلف علاقوں میں لوگوں کے سینکڑوں پالتو مال مویشی بہا کرلے گئے۔

    افغان میڈیا رپورٹس کے مطابق افغانستان کے صوبے ہرات کے 5 اضلاع میں شدید بارشوں نے تباہی مچائی، سیلابی صورتح ال کے باعث مختلف حادثات میں 6 افراد ہلاک اور 17 لا پتا ہوئے۔

    سیلابی ریلے میں لا پتا ہونے والے تمام افراد ایک بس میں سوار تھے، آخری اطلاعات تک لاپتا ہونے والے افراد کی تلاش جاری تھی۔

  • کابل میں’جناح اسپتال‘ کا افتتاح کردیا گیا

    کابل میں’جناح اسپتال‘ کا افتتاح کردیا گیا

    کابل: پاکستان نے افغانستان کی تعمیر نو کا ایک اوروعدہ پورے کرتے ہوئے کابل میں جناح اسپتال تعمیر کردیا، اسپتال کا افتتاح آج کیا گیا۔

    تفصیلات کے مطابق افغانستان میں انفرا اسٹرکچر کی بحالی میں پاکستان پیش پیش ہے اور اسی مقصد کے تحت کابل کے علاے دشت برجی میں ’جناح اسپتال‘ کے نام سے ایک بین الاقوامی معیار کا اسپتال تعمیر کیا گیا ہے۔

    اسپتال دوسو بستروں پر مشتمل ہے اور اس کی تعمیر میں 25 ملین ڈالر لاگت آئی ہے۔ اسپتال میں جدید طرز کے علاج کی تمام تر سہولیات میسر ہوں گی اور ہر قسم کی بیماریوں میں مبتلا مریضوں کا علاج کیا جاسکے گا۔

    اسپتال کا افتتاح افغان  نائب صدر محمد سرور دانش، افغان وزیر برائے صحت کے مشیر ڈاکٹر فیروز الدین اور پاکستان کے وزیر برائے پارلیمانی امورعلی محمد خان نے مشترکہ طور پر کیا۔ یاد رہے کہ پاکستان کی جانب سے افغانستان میں انفرا اسٹرکچر کی بحالی کے لیے ایک بلین امریکی ڈالر سے زائد کے پراجیکٹ زیر تعمیر ہیں ۔

    اس موقع پرتقریب سے خطاب کرتے ہوئے وزیرپارلیمانی امورعلی محمد خان نے کہاکہ امید ہے ہسپتال کے قیام سے افغانستان میں صحت کے شعبے میں بہتری آئےگی۔ انہوں نے کہاکہ پاکستان ایسے منصوبے جاری رکھے گا۔

    افغان حکومت نے پاکستانی حکومت اور عوام کی جانب سے شکریہ ادا کرتے ہوئے کہا کہ یہ ہسپتال پاکستان کی جانب سے افغان عوام کےلئے تحفہ ہے۔

    تقریب سے خطاب کرتے ہوئے افغانستان میں پاکستانی سفیرزاہد نصر اللہ نے کہاکہ پاکستان کی جانب سے افغانستان میں لگائے گئے منصوبوں میں سب سے بڑا منصوبہ جناح ہسپتال کا ہے

    پاکستانی حکام کا کہنا ہے کہ افغانستان میں پاکستان کے بیشتر پراجیکٹ یا تو مکمل ہوچکے ہیں یا بہت جلد پایہ تکمیل تک پہنچنے والے ہیں، اور جلد ہی ان کا افتتاح کیا جائے گا۔

    یاد رہے کہ پاکستان افغانستان میں قیامِ امن کے لیے اہم کردار ادا کررہا ہے ، امریکا اور افغان طالبان کے قطر میں ہونے والے مذاکرات میں پاکستان کلیدی کردار کا حامل ہے۔

  • افغانستان میں دھماکا، 7 بچے ہلاک، متعدد زخمی

    افغانستان میں دھماکا، 7 بچے ہلاک، متعدد زخمی

    کابل: افغانستان میں بم دھماکے کے نتیجے میں سات بچے ہلاک جبکہ متعدد زخمی ہوگئے۔

    تفصیلات کے مطابق افغان امن مذاکرات کا سلسلہ جاری رہنے کے باوجود ملک میں دہشت گرد حملے نہ رکے، صوبہ لغمان میں بم دھماکے سے 7 بچے مارے گئے، اور درجنوں زخمی ہوئے۔

    غیر ملکی میڈیا کا کہنا ہے کہ مارٹر بم پھٹنے سے بچوں کی ہلاکتیں ہوئیں، مارے جانے والے بچوں کی عمریں 15 سال سے کم ہیں۔

    اسپتال ذرایع کے مطابق زخمیوں میں چار افراد کی حالت تشویش ناک ہے۔ دھماکے کی ذمہ داری اب تک کسی عسکریت پسند گروپ نے قبول نہیں کی۔

    البتہ اس نوعیت کے حملے ماضی میں طالبان کی جانب سے کیے جاتے رہے ہیں، تاہم اب تک واضح نہیں ہوسکا کہ یہ دہشت گرد حملہ کس نے کیا۔

    خیال رہے کہ اس سے قبل 22 دسمبر کو افغانستان کے شمالی صوبے فریاب میں ایک دھماکے کی زد میں آکر تقریباً 8 بچے ہلاک اور 6 زخمی ہو گئے تھے۔

    حال ہی میں افغان حکام اور طالبان کے درمیان مذاکرات کے باوجود طالبان نے افغانستان میں دہشت گرد حملے جاری رکھنے کا اعلان کیا ہے۔

    افغان طالبان نے اعلان کیا تھا کہ وہ جلد ہی موسم بہار کے شروع ہونے پر نئے حملوں کا سلسلہ شروع کر دیں گے، حملوں کا مقصد ملک پر غیر ملکی افواج کے قبضے کا خاتمہ ہے۔

    مذاکرات کے باوجود طالبان کا دہشت گرد حملے جاری رکھنے کا اعلان

    یاد ہے کہ طالبان کی جانب سے یہ بھی کہا گیا تھا کہ مذاکرات کے ساتھ ساتھ ان کا جہاد بھی جاری رہے گا کیونکہ ابھی افغانستان کے ایک وسیع حصے پر غیر ملکی دستے قابض ہیں۔

  • افغان صوبے بادغیس میں جھڑپیں، 36 فوجی، 30 طالبان جنگجو ہلاک

    افغان صوبے بادغیس میں جھڑپیں، 36 فوجی، 30 طالبان جنگجو ہلاک

    کابل: افغان صوبے بادغیس میں خونریز جھڑپوں کے دوران 36 فوجیوں سمیت 30 طالبان جنگجو ہلاک ہوگئے۔

    غیرملکی خبررساں ادارے کے مطابق افغان صوبے بادغیس کے ضلع بالا مرغاب میں طالبان عسکریت پسندوں اور ملکی فوج کے درمیان جھڑپوں کے دوران 36 افغان فوجی ہلاک ہوگئے، عسکریت پسندوں نے کئی چیک پوسٹوں پر بھی قبضہ کرلیا جبکہ جھڑپوں میں 30 سے زائد طالبان بھی مارے گئے۔

    طالبان کے ترجمان نے حملے کی تصدیق کرتے ہوئے کہا ہے کہ بالا مرغاب پر حملہ چار سمتوں سے کیا گیا۔

    افغان صوبے بادغیس کے ضلع بالا مرغاب میں طالبان عسکریت پسندوں اور ملکی فوج کے درمیان شدید جھڑپوں کی ضلعی گورنر وارث شہرزاد نے تصدیق کردی ہے۔

    رپورٹ کے مطابق سینکڑوں طالبان جنگجوں نے بالا مرغاب پر بدھ کی رات کو دھاوا بولا تھا اور تب سے جھڑپوں کا سلسلہ جاری ہے۔

    مزید پڑھیں: افغانستان: طالبان کا دہشت گرد حملہ، 20 سے زائد فوجی اہلکار ہلاک

    واضح رہے کہ گزشتہ روز افغان صوبے بادغیس میں قائم فوجی اڈے پر طالبان نے حملہ کردیا تھا جس کے نتیجے میں پولیس اہلکاروں سمیت 20 سے زائد فوجی ہلاک ہوگئے تھے۔

    یاد رہے کہ دو روز قبل افغانستان میں امریکی ڈرون حملے میں داعش خراسان کا اہم رہنما مولوی سلیمان چار ساتھیوں کے ہمراہ مارا گیا تھا۔ جبکہ طالبان کا حملہ جوابی کارروائی ہوسکتی ہے۔

    خیال رہے کہ گذشتہ دنوں افغانستان میں طالبان جنگجوؤں کے حملے میں 8 پولیس اہلکار ہلاک جبکہ 4 زخمی ہوگئے تھے۔

  • افغانستان میں تعینات برطانوی فوجیوں کی اپوزیشن لیڈر کی فوٹو پر فائرنگ پریکٹس

    افغانستان میں تعینات برطانوی فوجیوں کی اپوزیشن لیڈر کی فوٹو پر فائرنگ پریکٹس

    کابل: افغانستان میں تعینات برطانوی فوجیوں نے اپوزیشن لیڈر جیرمی کوربن کی فوٹو پر فائرنگ پریکٹس شروع کردی جس کی فوٹیج منظر عام پر آگئی۔

    غیرملکی خبررساں ادارے کے مطابق افغانستان میں تعینات برطانوی فوجیوں نے اپوزیشن لیڈر جیرمی کوربن کی فوٹو پر فائرنگ پریکٹس شروع کردی، فوٹیج میں کابل میں تعینات افسران مل کر پریکٹس کرتے نظر آرہے ہیں۔

    برطانوی وزارت دفاع نے فوٹیج کے اصلی ہونے کی تصدیق کردی ہے۔

    برٹش منسٹری آف ڈیفنس نے کہا ہے کہ برطانوی فوجیوں کی حرکت ناقابل برداشت ہے، یہ فعل آرمی کے ضابطہ اخلاق کی نفی ہے۔

    ترجمان منسٹری آف ڈیفنس کا کہنا ہے کہ پیرا شوٹ رجمنٹ کے جوان گارڈین ایجلز جلد وطن واپس آرہے ہیں ان سے اس حوالے سے پوچھ گچھ کی جائے گی۔

    لیبر پارٹی کے ترجمان کا کہنا ہے کہ اس طرح کا رویہ ناقابل برداشت ہے امید ہے کہ اس واقعے کی تحقیقات کرکے حقائق سامنے لائے جائیں گے۔

    لیبر پارٹی کی ترجمان انجیلا رینر نے کہا ہے کہ اس طرح کا اقدام قابل مذمت ہے، امید ہے کہ تحقیقات کو عوام کے سامنے لایا جائے گا۔

    ڈیفنس سیکریٹری نیا گریفتھ نے ویڈیو پر تنقید کرتے ہوئے کہا ہے کہ اس طرح کا عمل ناقابل قبول ہے اس کی تحقیقات کی جائیں گی۔

    مزید پڑھیں: بریگزٹ ڈیل: برطانوی وزیراعظم اپوزیشن لیڈر سے اہم ملاقات کریں گی

    واضح رہے کہ گزشتہ روز برطانوی وزیراعظم تھریسامے نے اپوزیشن لیڈر سے ملاقات کی خواہش ظاہر کی تھی جس پر جیرمی کوربن راضی ہوگئے تھے، ملاقات کے حوالے سے حتمی تاریخ سامنے نہیں آئی، اس واقعے کے بعد دونوں رہنماؤں کی ملاقات ہوگی یا نہیں اس کی تفصیلات سامنے نہیں آسکی ہیں۔

  • ’افغان امریکن آئیڈل‘ پہلی بار 20 سالہ لڑکی نے جیت لیا

    ’افغان امریکن آئیڈل‘ پہلی بار 20 سالہ لڑکی نے جیت لیا

    کابل: افغانستان کے میوزک رئیلٹی شو ’افغان امریکن آئیڈل‘ کا مقابلہ پہلی بار ایک 20 سالہ لڑکی نے جیت کر تاریخ رقم کردی۔

    غیرملکی خبررساں ادارے کے مطابق افغانستان میں طالبان کے اثرو رسوخ کے باوجود پہلی بار افغانستان کا میوزک رئیلٹی شو افغان اسٹار 20 سالہ لڑکی زہرہ الہام نے جیت کر نئی تاریخ رقم کردی۔

    افغان امریکن آئیڈل کے گرینڈ فنالے میں زہرہ الہام سمیت 2 خواتین تھیں اور ان کے مقابلے میں لڑکوں کی تعداد 4 تھی تاہم جیت کی حقدار زہرہ الہام قرار پائیں۔

    زہرہ الہام نے جیت پر خوشی کا اظہار کرتے ہوئے اس کا کریڈٹ والدین کو قرار دیا جنہوں نے اس مقابلے میں شریک ہونے اور اسے جیتنے کے لیے ان کی حوصلہ افزائی کی۔

    20 سالہ زہرہ نے افغانستان کی لڑکیوں کو اپنے پیغام میں کہا کہ وہ بھی آگے آئیں اور اپنی صلاحیتوں کو اجاگر کریں، زہرہ الہام سے قبل افغان آئیڈل کے پہلے 13 ٹائٹل مرد گلوکاروں کے نام ہی رہے ہیں۔

    اس مقابلے کو جیتنے والے اب تک کے گلوکار افغانستان کی میوزک انڈسٹری میں اپنا مقام بنا چکے ہیں۔

    خواتین کے حقوق کے لیے آواز اُٹھانے والی سونیتا رضا نے اپنے فیس بک پیج پر مقابلہ جیتنے والی زہرہ کو پیغام دیا کہ امید ہے وہ مقابلہ جیتنے کے بعد بھی اپنے خوابوں کو پورا کرنے کے لیے میوزک کا سلسلہ جاری رکھیں گی۔

    صابر زادہ کا کہنا تھا کہ زہرہ کے جیتنے سے دیگر خواتین کی بھی حوصلہ افزائی ہوگی اور دیگر خواتین بھی اپنی صلاحیتوں کو اجاگر کرنے کے لیے آگے آئیں گی۔

    واضح رہے کہ افغانستان میں طالبان کی دھمکیوں کے باعث خواتین اپنے مردوں کے ساتھ برقع پہن کر گھروں سے باہر نکلتی ہیں اور خواتین کو مردوں کے برابر حقوق حاصل نہیں ہیں۔

  • کابل : کوٹ سنگی میں دھماکا 1 شخص ہلاک، ایک زخمی

    کابل : کوٹ سنگی میں دھماکا 1 شخص ہلاک، ایک زخمی

    کابل: افغانستان کے دار الحکومت میں بم حملے میں ایک شخص ہلاک جبکہ ایک زخمی ہو گیا، حملہ کابل کے مصروف ترین علاقے میں ہوا۔

    تفصیلات کے مطابق افغانستان کا دار الحکومت کابل ایک بار پھر دہشت گردوں کا نشانہ بن گیا، کابل کے مصروف ترین علاقے کوٹ سنگی میں بم حملے میں ایک فرد ہلاک جب کہ 1 زخمی ہو گیا۔

    افغان خبر رساں ادارے کا کہنا ہے کہ پولیس نے ہفتے کی صبح دھماکے کے نتیجے میں ہونے والی ہلاکت کی تصدیق کردی ہے تاہم واقعے سے متعلق مزید تفصیلات سے آگاہ نہیں کیا۔

    اس سے قبل رواں برس 15 جنوری کو بھی افغان دار الحکومت کابل میں ایک قلعہ بند غیر ملکی کمپاؤنڈ کے قریب کار بم حملے میں 4 افراد ہلاک جب کہ 44 زخمی ہو ئے تھے۔

    خیال رہے کہ یہ حملہ ایک ایسے وقت میں کیا گیا ہے جب کہ طالبان کے ساتھ سترہ سالہ جنگ کے خاتمے کے لیے جاری سفارتی کوششوں میں تیزی آ گئی ہے۔

    میڈیا رپورٹس کے مطابق کار بم حملے میں زخمی ہونے والوں میں دس بچے بھی شامل تھے، دھماکا اتنا زوردار تھا کہ قریب موجود رہائشی علاقے کو بھی شدید نقصان پہنچا تھا۔

    یہ بھی پڑھیں: کابل: امریکی فضائی حملہ، ملا عبدالمنان سمیت 29 طالبان ہلاک

    دہشت گردوں کا نشانہ بننے والے انتہائی محفوظ کمپاؤنڈ میں اقوام متحدہ کا عملہ رہائش پذیر تھا تاہم وزارت داخلہ کے ترجمان کے مطابق علاقہ اب خالی کیا جا چکا ہے اور وہاں صرف چند گارڈز ہی موجود تھے۔

    یاد رہے کہ 21 نومبر کو بھی افغانستان کا دار الحکومت کابل بڑے دہشت گرد حملے کا نشانہ بنا تھا، جس میں 50 افراد اپنی زندگی کی بازی ہار گئے تھے۔

  • کابل : سیاسی اجتماع میں دھماکے اور فائرنگ، تین افراد ہلاک، 19 زخمی

    کابل : سیاسی اجتماع میں دھماکے اور فائرنگ، تین افراد ہلاک، 19 زخمی

    کابل : افغانستان کے دارالحکومت میں منعقدہ اجتماع کے دوران دھماکوں اور فائرنگ کے نتیجے میں آٹھ سیکیورٹی اہلکاروں سمیت متعدد افراد زخمی جبکہ تین افراد ہلاک ہوگئے۔

    تفصیلات کے مطابق افغانستان کے دارالحکومت کابل میں حزب وحدت پارٹی کے سربراہ عبدالعلی مزاری کی 24 ویں برسی کی تقریب میں نامعلوم مسلح افراد نے مارٹر گولوں سے حملہ کردیا۔

    افغان خبر رساں ادارے کا کہنا ہے کہ اجتماع میں پارٹی کارکنان، عام شہریوں، افغانستان کے سی ای او عبداللہ عبداللہ، سابق افغان صدر حامد کرزئی سمیت دیگر سیاسی رہنما بھی موجود تھے، مارٹر گولوں  اور فائرنگ کی زد میں آکر 19 افراد زخمی ہوگئے۔

    مقامی خبر رساں ادارے کا کہنا ہے کہ برسی کی تقریب کو مارٹر گولوں سے نشانہ بنانے کی کوشش کی گئی، پولیس نے مارٹر گولے فائر کرنے والے شخص کو گرفتار کرلیا۔

    افغان میڈیا کا کہنا ہے کہ طبی امداد فراہم کرنے والے عملے زخمیوں کو اسپتال منتقل کردیا ہے تاہم ابھی تک کسی کے ہلاک ہونے کی اطلاعات موصول نہیں ہوئی ہیں.

    مزید پڑھیں : افغانستان میں دھماکا، 6 افراد ہلاک، کئی زخمی

    یاد رہے کہ گزشتہ ماہ 20 فروری کو افغانستان کے صوبہ لغمان میں دہشت گردوں نے حملہ کردیا تھا، دھماکے کے نتیجے میں 6 افراد ہلاک جبکہ متعدد افراد زخمی ہوئے تھے۔

    حکام کا کہنا تھا کہ دہشت گرد حملے کی ذمہ داری کسی عسکریت پسند گروہ کی جانب سے قبول نہیں کی گئی البتہ اس قسم کے حملے طالبان کی جانب سے کیے جاتے رہے ہیں۔

    مزید پڑھیں : افغانستان میں فوجی اڈے کے قریب خودکش حملہ، 12 افراد ہلاک

    جنوری میں ہی افغانستان کے صوبے لوگر کے گورنر اور این ڈی ایف کے صوبائی چیف کے قافلے پر خودکش حملہ ہوا تھا جس کے نتیجے میں گورنر کی حفاظت پر تعینات 8 سیکیورٹی اہلکار ہلاک جبکہ 10 زخمی ہوئے تھے۔

    واضح رہے کہ دوسری جانب طالبان اور امریکا کے درمیان مذاکراتی دور کا سلسلہ بھی جاری ہے، جبکہ طالبان کا وفد افغان اپوزیشن رہنماؤں سے بھی ملاقات کرچکا ہے۔

  • طالبان کا افغان فوجی بیس کیمپ پر حملہ، 25 فوجی ہلاک

    طالبان کا افغان فوجی بیس کیمپ پر حملہ، 25 فوجی ہلاک

    کابل: طالبان نے افغانستان کے فوجی بیس کیمپ پر حملہ کیا جس کے نتیجے میں 25 فوجی ہلاک ہوگئے جبکہ 20 جنگجو بھی مارے گئے۔

    غیرملکی خبررساں ادارے کے مطابق افغانستان کے صوبے ہلمند میں فوجی بیس کیمپ پر طالبان نے حملہ کیا جس کے نتیجے میں 25 افغان فوجی ہلاک اور 15 زخمی ہوئے جبکہ سیکیورٹی فورسز کی جوابی کارروائی میں 20 جنگجو مارے گئے۔

    طالبان جنگجوؤں نے اس فوجی کیمپ پر 48 گھنٹے میں تیسری بار حملہ کیا جس کے باعث افغان سیکیورٹی فورسز کے مزید دستے طلب کیے گئے تھے۔

    گزشتہ روز بھی طالبان کی جانب سے جنوبی صوبہ ہلمند میں فوجی بیس کو نشانہ بنایا گیا تھا جس کے نتیجے میں 9 حملہ آور ہلاک ہوئے تھے۔

    مزید پڑھیں: افغانستان میں فوجی اڈے کے قریب خودکش حملہ، 12 افراد ہلاک

    گورنر آفس کی جانب سے جاری بیان میں کہا گیا تھا کہ حملہ آور ہلمند میں 215 میوند کورپس کے سہراب کیمپ کے اندر داخل ہوئے اور دو طرفہ فائرنگ کے تبادلے میں تین خودکش بمبار اور 6 دیگر حملہ آور مارے گئے۔

    طالبان اور امریکا کے درمیان مسلسل امن مذاکرات کا سلسلہ جاری ہے، طالبان کی خواہش پر امن مذاکرات میں کابل حکومت کو شامل نہیں کیا گیا جس کے سبب طالبان اور حکومت کے درمیان جھڑپوں کا سلسلہ جاری ہے۔

    واضح رہے کہ چار سال میں مختلف واقعات میں ہلاک ہونے والے افغان فوجیوں کی تعداد 45 ہزار سے تجاوز کرگئی ہے۔

    یاد رہے کہ دہشت گردوں نے گزشتہ ماہ افغانستان کے صوبے وردک میں بھی فوجی اڈے کو نشانہ بنایا تھا، فوجی اڈے کے قریب خودکش دھماکے کے نتیجے میں 12 افراد ہلاک جبکہ 27 زخمی ہوئے تھے۔

  • افغانستان: پاکستان قونصلیٹ مزار شریف میں دہشت گردی کی کوشش ناکام، خاتون گرفتار

    افغانستان: پاکستان قونصلیٹ مزار شریف میں دہشت گردی کی کوشش ناکام، خاتون گرفتار

    کابل: پاکستان قونصلیٹ مزار شریف میں دہشت گردی کی کوشش ناکام بنادی گئی، افغان خاتون بیگ میں ہینڈ گرینیڈ لے کر پاکستانی قونصلیٹ پہنچی تو پولیس نے گرفتار کرلیا۔

    تفصیلات کے مطابق ترجمان دفتر خارجہ نے کہا ہے کہ پاکستان قونصلیٹ مزار شریف میں دہشت گردی کی کوشش ناکام بنادی گئی ہے، پولیس نے بیگ میں ہینڈ گرینیڈ لے جانے والی افغان خاتون کو گرفتار کرلیا۔

    دفتر خارجہ کے مطابق پاکستانی قونصلیٹ مزار شریف عارضی طور پر بند کردیا گیا جبکہ افغان حکام سے پاکستانی سفارت خانے کی فول پروف سیکیورٹی کا مطالبہ کیا گیا ہے۔

    ترجمان دفتر خارجہ نے مطالبہ کیا کہ خاتون سے تحقیقات پاکستانی سفارت خانے سے شیئر کی جائیں، فول پروف سیکیورٹی کی فراہمی تک مزار شریف قونصل خانہ بند رہے گا۔

    ڈاکٹر فیصل نے کہا کہ مزار شریف قونصل خانہ کی جانب سے ویزا دینے کا عمل روک دیا گیا ہے، افغان حکام کی جانب سے فول پروف سیکیورٹی کی مکمل یقین دہانی تک قونصل خانہ بند رہے گا۔

    واضح رہے کہ گزشتہ سال 30 اگست 2018 میں افغانستان میں پاکستانی سفارت خانے نے سیکیورٹی انتظامات پر مداخلت پر جلال آباد کا قونصل خانہ عارضی طور پر بند کردیا گیا تھا۔

    بعدازاں 8 اکتوبر 2018 کو افغان حکام کی جانب سے فول پروف سیکیورٹی کی یقین دہانی کے بعد پاکستان نے جلال آباد میں قائم اپنا سفارت خانہ کھول دیا تھا۔