اسلام آباد: وزیراعظم عمران خان نے کہا ہے کہ بڑے شہروں میں میئر براہ راست منتخب ہو کر اپنی کابینہ لائیں گے۔
ان خیالات کا اظہار انھوں نے پنجاب اور کے پی میں بلدیاتی نظام کے حوالے سے بریفنگ دیتے ہوئے کیا. ان کا کہنا تھا کہ نیا بلدیاتی نظام پوری دنیا کے نظام کے مطالعہ کرنے کے بعد تیار کیا گیا.
[bs-quote quote=” نئے بلدیاتی نظام سے نئی لیڈرشپ سامنے آئے گی، نئے بلدیاتی نظام میں تمام فنڈز عوام پرخرچ ہوں گے” style=”style-8″ align=”left” author_name=”وزیر اعظم”][/bs-quote]
پرانے نظام کی وجہ سے مقامی سطح پربہت زیادہ کرپشن ہوتی تھی. نئے بلدیاتی نظام کے تحت ولیج کونسل، پنچائت کے براہ راست انتخابات ہوں گے، ترقیاتی کاموں کے لئے ولیج کونسل کوبراہ راست فنڈز فراہم کیے جائیں گے، پرانے نظام کے تحت یوسی ارکان ضلع ناظم کو بلیک میل کرتے تھے. اب پنجاب کی 22 ہزار ولیج کونسل کو 40 ارب روپے فنڈز ملیں گے.
بڑے شہروں میں میئر براہ راست منتخب ہوں گے، بپنجاب میں 22 ہزار پنچایت کا انتخاب ہوگا، دوسری سطح پرانتخاب تحصیل کی سطح پرہوگا، شہر اپنا ریونیو خود جمع کرے گا، نئے بلدیاتی نظام سے نئی لیڈرشپ سامنے آئے گی، نئے بلدیاتی نظام میں تمام فنڈز عوام پرخرچ ہوں گے.
مزید پڑھیں: وزیر اعظم کی زیر صدارت توانائی امور سے متعلق اجلاس
وزیر اعظم عمران خان نے کہا کہ تجربے سے سیکھ کراس جگہ تک پہنچے ہیں، پاکستان میں بلدیاتی نظام نہ ہونے کے برابرہے، کے پی میں بلدیاتی نظام کے تجربات سے بہت کچھ سیکھا، لندن کا سسٹم دیکھ لیں، میئر کا انتخاب براہ راست ہوتا ہے.
ایک سوال کے جواب میں انھوں نے کہا کہ کون کہہ رہا ہے کہ صدارتی نظام لایا جا رہا ہے، صدارتی نظام کی بحث کہاں سے آئی، مجھے معلوم نہیں. ہماری پہلی ترجیح ہےکہ عوام پر زیادہ سے زیادہ خرچ کریں.
نئےنظام کے تحت بڑے شہر اپنا پیسہ خودجمع کریں گے، شہر خود بھی پیسہ جمع نہیں کریں گے، تو وہ ترقی کیسے کریں گے، گورننس نچلی سطح تک لے جانےمیں فائدہ ہوگا، اٹھارویں ترمیم کی وجہ سےوفاق دیوالیہ ہوگیا، صوبےٹیکس جمع کرنےمیں ناکام رہے، شہر میں میئرکےالیکشن پارٹیاں لڑیں گی۔
