Tag: کار

وائرل ہونے کے شوق میں آج کل لوگ عجیب وغریب اور خطرناک اسٹنٹ کرتے ہیں ایک انفلوئنسر نے خود کو کار سمیت زندہ دفن کرا لیا۔

جب سے سوشل میڈیا انسان کی زندگی میں آیا ہے لوگوں کے سروں پر مشہور ہونے کا جنون سوار ہو گیا ہے۔ اس کے لیے وہ نت نئی انوکھی اور خطرناک اسٹنٹ کرنے تک سے گریز نہیں کرتے اور اب تک درجنوں افراد اس شوق میں اپنی جان گنوا چکے ہیں۔

ایک روسی انفلوئنسر ایوگینی چیبوٹاریو نے خود کو مرسڈیز کار سمیت زندہ دفن کرا لیا۔ یہ حیرت انگیز ویڈیو تیزی سے سوشل میڈیا پر وائرل ہو رہی ہے اور دنیا بھر میں صارفین اس کو دیکھ کر حیران ہو رہے ہیں۔

اس وائرل ویڈیو میں دیکھا جاسکتا ہے کہ روسی نوجوان ایک بڑی سی کھودی ہوئی قبر میں اپنی مرسڈیز کا سمیت داخل ہوتا ہے۔ اوپر سے اس کے ساتھی گاڑی پر مٹی ڈالنا شروع کر دیتے ہیں۔

اس موقع پر ایک ایکسکیویٹر کی مدد سے گاڑی کو مکمل طور پر زمین کے نیچے دفن کرتے دکھایا گیا ہے۔

یہ منظر دیکھ کر صارفین کے ہوش اڑ گئے تاہم دوسری جانب منوں مٹی تلے زندہ دفن ہونے والے ایوگینی اس دوران بالکل پرسکون بلکہ خوش وخرم دکھائی دیا۔

اس ویڈیو پر سوشل میڈیا صارفین کی جانب سے مختلف تبصرے کیے جا رہے ہیں۔

اکثر صارفین اس کو نوجوان کی بے وقوفانہ اور انتہائی خطرناک حرکت قرار دیتے ہوئے اس کی زندگی کے بارے فکرمند دکھائی دیتے ہیں اور کہتے ہیں کہ آخر وہ منوں مٹی تلے کیسے سانس لے رہا ہے؟ یہ اسٹنٹ کسی بھی لمحے اس کی جان بھی لے سکتا ہے۔

کار میں دو بزرگ شہریوں کے بیٹھے ہونے کے باوجود پرائیویٹ پارکنگ ٹھیکیدار کے عملے نے کار کو لفٹر کے ذریعے اٹھالیا۔

بھارتی شہر نوئیڈا میں ایک عجیب و غریب واقعہ پیش آیا، پرائیویٹ پارکنگ ٹھیکیدار کے عملے نے ایک کار کو لفٹر سے اٹھا لیا جب کہ اس کے اندر دو بزرگ شہری بھی بیٹھے ہوئے تھے۔ عملے نے مبینہ طور پر جواز پیش کیا کہ کار نو پارکنگ زون میں کھڑی تھی۔

نوئیڈا اتھارٹیز کی جانب سے متعلقہ واقعے کے بعد پارکنگ ٹھیکیدار کو کار کو لفٹ کرنے کے الزام میں شو کاز نوٹس جاری کردیا گیا ہے۔

یہ واقعہ نوئیڈا کے سیکٹر 50 میں منگل کو اس وقت پیش آیا جب وشواجیت مزمدار نامی شخص اپنی بھابھی کے ساتھ نوئیڈا سیکٹر 50 کے ایک اسپتال گئے ہوئے تھے۔

مزومدار کے مطابق ان کی بھابھی دل کی مریضہ تھیں اور اسپتال میں انھیں نقد رقم ادا کرنے اور کچھ دستاویزات کی فوٹو کاپی کروانے کو کہا گیا تھا۔

انھوں نے کہا کہ سیکٹر 50 کے نو پارکنگ زون میں گاڑی کھڑی کی تھی تاہم نو پارکنگ کا نشان نہیں دیکھا کیونکہ یہ درخت کے پتوں سے ڈھکا ہوا تھا۔ ہم کام کے بعد پانچ منٹ میں ہی واپس آگئے لیکن اس وقت تک کار کے اگلے حصے کو ٹو کیا جارہا تھا

مزومدار نے کہا کہ ہم نے انھیں بتایا بھی کہ ہمیں اسپتال جانا ہے، ہمارے ساتھ ایک مریض ہے اسے دل کا عارضہ ہے۔ ہم 70 سال کے بزرگ شہری ہیں پر پارکنگ عملے نے ہماری بات نہیں سنی۔

اس واقعے کی ویڈیو سوشل میڈیا پر وائرل ہوئی جس میں ایک سرخ کار کو کھینچتے ہوئے دکھایا گیا ہے۔ ویڈیو وائرل ہونے کے بعد ٹھیکیدار پراوین گپتا کے خلاف ایف آئی آر درج کی گئی جبکہ ٹھیکیدار پر 50 ہرزار روپے کا جرمانہ بھی عائد کیا گیا ہے۔