عاشقی 2 میں راہول کے طور پر شہرت حاصل کرنے والے آدتیہ رائے کپور نے عاشقی 3 میں کاسٹ نہ کرنے پر خاموشی توڑ دی۔
آدتیہ رائے کپور نے عاشقی 2 میں راہول کے طور پر شہرت حاصل کی، فلم میں شردھا کپور نے مرکزی کردار ادا کیا، دونوں کی متاثر کن پرفارمنس ہمیشہ کے لیے ناقدین کے دلوں میں بسی ہوئی ہے۔
عاشقی 3 کا اعلان بھی ہوگیا، اس فلم میں اداکار کارتک آریان اور سارہ علی خان مرکزی کردار نبھائیں گے جبکہ پنکچ ترپاٹھی بھی فلم میں جلوہ گر ہوں گے۔
تاہم اب کافی ود کرن سیزن 8 ایپیسوڈ 8 میں آدتیہ رائے کپور اپنے قریبی دوست ارجن کپور کے ساتھ شو کا مہمان بنیں۔
جہاں کرن جوہر نے اداکار آدتیہ سے پوچھا کہ وہ عاشقی 3 میں کارتک آریان نے ان کی جگہ لی تو اس بارے میں وہ کیسا محسوس کر رہے ہیں؟ جس پر آدتیہ رائے کپور نے جواب دیا کہ میرے خیال میں وہ اس فلم کو آگے بڑھانے کے لیے بہترین شخص ہیں۔
انہوں نے کہا کہ ’ عاشقی 3 میں میرے ہونے کا کوئی امکان نہیں تھا، کیوں کہ اس فلم میں ، میں مرچکا تھا، جب میں مر گیا، تو اب کہاں واپس آؤں گا؟ میری روح واپس آجائے گی‘۔
آدتیہ رائے کپور نے مذاق میں کہا کہ انہیں عاشقی 3 کا حصہ بننے کے لیے ایک روح کے طور پر واپس آنا پڑے گا۔
واضھ رہے کہ اداکار کارتک آریان اور سارہ علی خان فلم عاشقی 3 میں مرکزی کردار نبھائیں گے جبکہ پنکچ ترپاٹھی بھی فلم میں جلوہ گر ہوں گے۔
عاشقی سیریز کی پہلی فلم میں راہول رائے نے اداکاری کے جوہر دکھائے تھے جس کے بعد عاشقی ٹو میں آدتیہ رائے کپور اور شردھا کپور شامل تھے۔
دونوں فلمیں جاندار کہانی اور سپر ہٹ گانوں کی وجہ سے باکس آفس پر ہٹ ثابت ہوئی تھیں۔
