کراچی: پاکستان اسٹاک ایکسچینج میں کاروباری ہفتے کے دوران مندی رہی، ہفتہ بھر میں 100 انڈیکس میں 392 پوائنٹس کی کمی ہوئی۔

پاکستان اسٹاک ایکسچینج کی رپورٹ کے مطابق اس کاروباری ہفتے میں انڈیکس 115,272 سے کم ہو کر 114,880 پر بند ہوا، اور مارکیٹ ایک ہفتے میں 1 نفسیاتی حد گنوا بیٹھی۔

ہفتہ وار کاروبار کے دوران انڈیکس 1 لاکھ 16 ہزار 424 کی بلند ترین سطح پر ٹریڈ ہوا، 100 انڈیکس کی ہفتہ وار کم ترین سطح 1 لاکھ 13 ہزار 234 پوائنٹس رہی۔

اسٹاک ایکسچینج میں 5 روزہ کاروبار کے دوران مارکیٹ کیپٹلائزیش میں 127 ارب روپے کمی ہوئی، اور مارکیٹ کیپٹلائزیشن ایک ہفتے میں کم ہو کر 14116 ارب روپے رہ گئی۔

کاروباری ہفتے کے دوران 48.01 فی صد حصص کی قیمتیں گھٹ گئیں، اور بازار حصص میں 908 کمپنیوں کے حصص کی قیمت بڑھ گئی، جب کہ 1078 میں کمی ہوئی۔

کاروباری خبریں _ یہاں کلک کریں

کراچی: پاکستان اسٹاک ایکسچینج کی ہفتہ وار رپورٹ کے مطابق ایک ہفتے میں اسٹاک مارکیٹ میں مندی کے بادل چھائے رہے۔

100 انڈیکس میں ہفتہ وار 4.19 فی صد گراوٹ کے ساتھ 4788 پوائنٹس کی کمی ہوئی، کاروباری ہفتے کے اختتام پر 100 انڈیکس 4788 پوائنٹس کی کمی سے 109513 پر بند ہوا۔

100 انڈیکس کی ہفتہ وار بلند ترین سطح 117039 پوائنٹس ریکارڈ ہوئی، 100 انڈیکس کی ہفتہ وار کم ترین سطح 105601 پوائنٹس رہی، مارکیٹ کیپٹلائزیشن میں ہفتہ وار 629 ارب روپے کی کمی ہوئی، مارکیٹ کیپٹلائزیشن 14587 ارب روپے سے کم ہو کر 13958 ارب روپے ہو گئی۔

ماہرین کا کہنا ہے کہ گزشتہ ہفتے اسٹاک مارکیٹ میں تکنیکی درستگی دیکھی گئی، میوچل فنڈز میں فروخت کا دباؤ اور سرمایہ کاروں کی جانب سے منافع کا حصول غالب رہا، ٹیکس قوانین ترمیمی بِل 2024 نے حصص بازار میں غیر یقینی پیدا کی، مجموعی معاشی اعشاریے بہتر ہیں اور مارکیٹ میں لیکیوڈیٹی کی فراوانی ہے۔

پاکستان میں آج ڈالر اور دیگر کرنسیوں کی قیمت

اسٹیٹ بینک کے مطابق گزشتہ ہفتے مرکزی بینک نے شرحِ سود میں لگاتار پانچویں کمی کی، اسٹیٹ بینک نے مانیٹری پالیسی میں شرح سود 2 فی صد کم کر کے 13 فی صد کی، کرنٹ اکاؤنٹ مسلسل چوتھے ماہ سرپلس ہو کر 10 سال کی بلند ترین سطح پر پہنچ گیا۔

مرکزی بینک کے مطابق شعبۂ خدمات کے تجارتی خسارے میں 42.6 فی صد کمی ہوئی ہے، مالی سال 25 کی پہلی سہ ماہی میں آئی ٹی ایکسپورٹ میں 33 فی صد اضافہ ہوا ہے۔

کراچی: پاکستان اسٹاک ایکسچینج کی جاری ہفتہ وار رپورٹ کے مطابق پی ایس ای کے کاروباری ہفتے میں مجموعی طور پر مثبت رجحان رہا۔

100 انڈیکس میں ہفتہ بھر میں 5247 پوائنٹس کا اضافہ ہوا، 100ا نڈیکس 4.83 فی صد اضافے سے 1 لاکھ 14 ہزار 301 پوائنٹس پر بند ہوا، اور کاروباری ہفتے میں 100 انڈیکس 7546 پوائنٹس کے بینڈ میں رہا۔

100 انڈیکس کی ہفتہ وار بلند ترین سطح 1 لاکھ 15 ہزار 172 رہی، 100 انڈیکس کی ہفتہ وار کم ترین سطح 107625 رہی۔

رپورٹ کے مطابق بازار میں ایک ہفتے میں 6.81 ارب شیئرز کے سودے ہوئے، اور شیئرز بازار کے کاروبار کی مالیت 302 ارب روپے رہی، جب کہ مارکیٹ کیپٹلائزیشن ہفتہ بھر میں 732 ارب بڑھ کر 14 ہزار 587 ارب ہوئی۔

پاکستان میں آج ڈالر اور دیگر کرنسیوں کی قیمت

واضح رہے کہ کے ایس ای – 100 انڈیکس پی ایس ایکس کا سب سے زیادہ مربوط (تسلیم شدہ) انڈیکس ہے جس میں مارکیٹ کے کل سرمائے (کیپٹلائزیشن) کی بنیاد پر سب سے بڑی کمپنیاں شامل ہیں۔ کے ایس ای 100 انڈیکس میں پی ایس ایکس کے تمام شعبوں (سیکٹرز) کی نمائندگی ہے۔ یہ انڈیکس ایکسچینج کی تمام مارکیٹ کے کل سرمائے کے 85 فی صد سرمائے پر مشتمل ہے، اس کو فری فلوٹ مارکیٹ کے طریقے پر ناپا جاتا ہے۔

پانچ لسٹڈ کمپنیوں اور 37 ملین روپے کے کل ادا کردہ سرمائے (پیڈ اپ کیپٹل) کی شروعات کے ساتھ پی ایس ایکس نے تاریخی طور پر خاطر خواہ ترقی کی ہے۔ 1960 میں پی ایس ایکس پر کل مندرج (لسٹڈ) کمپنیوں کی تعداد 81 تھی اور مجموعی مارکیٹ سرمایہ کی قدر 1.8 ارب روپے تھی۔ اب پی ایس ایکس پر 522 مندرج کمپنیاں ہیں اورمارکیٹ کے سرمائے کی قدر 7.2 کھرب روپے ہے، جب کہ لِسٹڈ کمپنیوں کو 37 صنعتی شعبوں /صنعتوں کے گروپوں میں تقسیم کیا گیا ہے۔