ARYNews.tv | Urdu – Har Lamha Bakhabar

Tag: کاروبار کی خبریں

  • گزشتہ ہفتے ڈالر کی قیمت میں اضافہ

    گزشتہ ہفتے ڈالر کی قیمت میں اضافہ

    کراچی: گزشتہ ہفتے ڈالر کی قیمت میں معمولی اضافہ ہوا جس کے بعد ڈالر کی قیمت 155.03 روپے ہوگئی۔

    تفصیلات کے مطابق گزشتہ ہفتے انٹر بینک میں ڈالر 14 پیسے مہنگا ہوا، انٹر بینک میں ڈالر 154.89 سے بڑھ کر 155.03 روپے پر بند ہوا۔

    رپورٹ کے مطابق ایک ہفتے میں اوپن مارکیٹ میں ڈالر 30 پیسے مہنگا ہوا جس کے بعد اوپن مارکیٹ میں ڈالر 154.90 سے بڑھ کر 155.20 روپے کا ہوگیا۔

    گزشتہ ہفتے پاکستان اسٹاک مارکیٹ میں بھی کاروبار میں ملا جلا رجحان دیکھا گیا، ایک ہفتے میں 100 انڈیکس میں صرف 16 پوائنٹس اضافہ ہوا۔

    ہفتے کے اختتام پر انڈیکس 40 ہزار 848 پوائنٹس پر بند ہوا۔ گزشتہ ہفتے انڈیکس کی بلند ترین سطح 41 ہزار 289 پوائنٹس جبکہ کم ترین سطح 39 ہزار 454 پوائنٹس رہی۔

    23 سے 27 دسمبر کے دوران مارکیٹ کپیٹلائزیشن 24 ارب روپے کمی کے بعد 7 ہزار 281 ارب روپے رہی، گزشتہ کاروباری ہفتے میں 91 کروڑ 97 لاکھ شیئرز کے سودے ہوئے۔

  • پاکستان اسٹاک مارکیٹ: گزشتہ ہفتے 100 انڈیکس میں اتار چڑھاؤ

    پاکستان اسٹاک مارکیٹ: گزشتہ ہفتے 100 انڈیکس میں اتار چڑھاؤ

    کراچی: گزشتہ کاروباری ہفتے کے دوران پاکستان اسٹاک ایکسچینج میں اتار چڑھاؤ دیکھا گیا، 100 انڈیکس 39 ہزار پوائنٹس پر جا کر واپس 40 ہزار پوائنٹس پر آگیا۔

    تفصیلات کے مطابق گزشتہ ہفتے پاکستان اسٹاک مارکیٹ میں کاروبار میں ملا جلا رجحان دیکھا گیا، ایک ہفتے میں 100 انڈیکس میں صرف 16 پوائنٹس اضافہ ہوا۔

    ہفتے کے اختتام پر انڈیکس 40 ہزار 848 پوائنٹس پر بند ہوا۔ گزشتہ ہفتے انڈیکس کی بلند ترین سطح 41 ہزار 289 پوائنٹس جبکہ کم ترین سطح 39 ہزار 454 پوائنٹس رہی۔

    23 سے 27 دسمبر کے دوران مارکیٹ کپیٹلائزیشن 24 ارب روپے کمی کے بعد 7 ہزار 281 ارب روپے رہی، گزشتہ کاروباری ہفتے میں 91 کروڑ 97 لاکھ شیئرز کے سودے ہوئے۔

    خیال رہے کہ پاکستان اسٹاک مارکیٹ میں گزشتہ کچھ ہفتوں سے زبرست تیزی دیکھی جارہی تھی۔ 2 ہفتے قبل 100 انڈیکس میں 184 پوائنٹس کا اضافہ ہوا تھا جس کے بعد انڈیکس 40 ہزار 916 پوائنٹس پر بند ہوا تھا۔

    ہفتہ وار رپورٹ کے مطابق 9 سے 13 دسمبر کے دوران انڈیکس کی بلند ترین سطح 41 ہزار 77 پوائنٹس جبکہ کم ترین سطح 40 ہزار 170 پوائنٹس رہی تھی۔

    اس کے بعد 16 سے 20 دسمبر 2019 کے دوران 100 انڈیکس نومبر 2018 کے بعد سے اب تک کی بلند ترین سطح پر پہنچ گیا تھا۔ ہفتے کے پہلے روز انڈیکس میں 740 پوائنٹس کا اضافہ ہوا جس کے بعد انڈیکس 41 ہزار 657 پوائنٹس پر پہنچ گیا تھا۔

    مذکورہ ہفتے کے دوران انڈیکس کی بلند ترین سطح 42 ہزار 55 پوائنٹس جبکہ کم ترین سطح 40 ہزار 430 پوائنٹس رہی۔ اس ہفتے 1 ارب 48 کروڑ شیئرز کے سودے ہوئے۔

    اس عرصے میں بازار کے ہفتہ وار کاروبار کی مالیت 63 ارب رہی جبکہ مارکیٹ کیپٹلائزیشن 56 ارب روپے کم ہوئی۔

  • سال 2019: ملکی معیشت میں نمایاں بہتری، زر مبادلہ ذخائر میں اضافہ، تجارتی خسارے میں کمی

    سال 2019: ملکی معیشت میں نمایاں بہتری، زر مبادلہ ذخائر میں اضافہ، تجارتی خسارے میں کمی

    اسلام آباد: سال 2019 اختتام کے قریب ہے، اس سال ملکی معیشت کے بیرونی کھاتوں میں نمایاں بہتری نظر آئی۔ بیرونی کھاتوں کے بیشتر اشاریے معاشی بہتری کی طرف اشارہ کر رہے ہیں۔

    تفصیلات کے مطابق سال 2019 ملکی معیشت کے لیے انتہائی اہم ثابت ہوا، پاکستانی معیشت کے کھاتے نہ صرف بہتر ہوئے بلکہ جاری کھاتوں کا خسارہ کرنٹ اکاؤنٹ بھی سرپلس بن گیا۔

    رواں برس تجارتی خسارے میں خاطر خواہ کمی ہوئی۔ ترسیلات بڑھنے سے زر مبادلہ ذخائر میں نمایاں اضافہ ہوا۔

    گزشتہ مالی سال کے پہلے 5 ماہ کا موازنہ رواں مالی سال کے پہلے 5 ماہ سے کیا جائے تو جاری کھاتوں کے خسارے میں نمایاں کمی دیکھنے میں آئی۔ جولائی تا نومبر 2018 میں جاری کھاتوں کا خسارہ 6 ارب 73 کروڑ ڈالر تھاجو رواں مالی سال کم ہو کر 1 ارب 82 کروڑ ڈالرہوگیا۔

    اکتوبر میں جاری کھاتے 70 کروڑ سرپلس ہوئے۔

    گزشتہ مالی سال کے پہلے 5 ماہ کے مقابلے میں تجارتی خسارے میں 36 فیصد کی کمی ہوئی۔ تجارتی خسارے کا حجم 15 ارب 10 کروڑ ڈالر تھا جو کہ رواں مالی سال میں کم ہو کر 9 ارب 62 کروڑ ڈالر ہوگیا۔

    برآمدات بھی گزشتہ مالی سال کے پہلے 5 ماہ کے مقابلے میں رواں سال 5 فیصد بڑھی۔ درآمدات میں 21 فیصد کی کمی ہوئی۔

    نومبر میں ترسیلات زر گزشتہ سال نومبر کے مقابلے میں 9.3 فیصد زائد رہیں، 5 ماہ کی ترسیلات کا حجم 9 ارب 29 کروڑ ڈالر تک جا پہنچا۔

    ماہرین کا کہنا ہے کہ ترسیلات رواں مالی سال مقررہ ہدف سے زائد ہونے کا امکان ہے۔

  • پاکستان اسٹاک مارکیٹ: 100 انڈیکس میں 800 سے زائد پوائنٹس کی کمی

    پاکستان اسٹاک مارکیٹ: 100 انڈیکس میں 800 سے زائد پوائنٹس کی کمی

    کراچی: کاروباری ہفتے کے پہلے روز پیر کو پاکستان اسٹاک ایکسچینج میں مندی دیکھی گئی اور 100 انڈیکس میں 800 سے زائد پوائنٹس کی کمی ہوئی۔

    تفصیلات کے مطابق پاکستان اسٹاک مارکیٹ میں مندی دیکھی گئی۔ دن کے آغاز پر ہی 100 انڈیکس میں 837 پوائنٹس کی کمی ہوئی جس کے بعد انڈیکس 39 ہزار 995 پوائنٹس پر پہنچ گیا۔

    دن کے اختتام تک 100 انڈیکس 824 پوائنٹس کی کمی کے بعد 40 ہزار 8 پوائنٹس پر بند ہوا۔ ایک دن میں 100 انڈیکس میں 2 فیصد کی نمایاں کمی ہوئی۔

    خیال رہے کہ پاکستان اسٹاک مارکیٹ میں گزشتہ کچھ ہفتوں سے زبرست تیزی دیکھی جارہی تھی۔ ایک ہفتے قبل 100 انڈیکس میں 184 پوائنٹس کا اضافہ ہوا تھا جس کے بعد انڈیکس 40 ہزار 916 پوائنٹس پر بند ہوا تھا۔

    ہفتہ وار رپورٹ کے مطابق 9 سے 13 دسمبر کے دوران انڈیکس کی بلند ترین سطح 41 ہزار 77 پوائنٹس جبکہ کم ترین سطح 40 ہزار 170 پوائنٹس رہی تھی۔

    اس کے بعد گزشتہ کاروباری ہفتے کے پہلے روز پیر کو 100 انڈیکس نومبر 2018 کے بعد سے اب تک کی بلند ترین سطح پر پہنچ گیا تھا۔ پہلے روز انڈیکس میں 740 پوائنٹس کا اضافہ ہوا جس کے بعد انڈیکس 41 ہزار 657 پوائنٹس پر پہنچ گیا تھا۔

    16 سے 20 دسمبر 2019 کے دوران انڈیکس کی بلند ترین سطح 42 ہزار 55 پوائنٹس جبکہ کم ترین سطح 40 ہزار 430 پوائنٹس رہی۔ اس ہفتے 1 ارب 48 کروڑ شیئرز کے سودے ہوئے۔

    اس عرصے میں بازار کے ہفتہ وار کاروبار کی مالیت 63 ارب رہی جبکہ مارکیٹ کیپٹلائزیشن 56 ارب روپے کم ہوئی۔

  • ایک دن کی مندی کے بعد پاکستان اسٹاک مارکیٹ میں پھر تیزی

    ایک دن کی مندی کے بعد پاکستان اسٹاک مارکیٹ میں پھر تیزی

    کراچی: کاروباری ہفتے کے آخری روز جمعے کو پاکستان اسٹاک ایکسچینج میں گزشتہ روز کی مندی کے بعد تیزی دیکھی گئی اور 100 انڈیکس میں 300 پوائنٹس کا اضافہ ہوا۔

    تفصیلات کے مطابق پاکستان اسٹاک مارکیٹ میں تیزی دیکھی گئی۔ دن کے آغاز پر 100 انڈیکس میں 300 پوائنٹس کا اضافہ ہوا اور انڈیکس 40 ہزار 955 پوائنٹس پر پہنچ گیا۔

    دن کے اختتام تک انڈیکس میں کمی واقع ہوئی اور انڈیکس 126 پوائنٹس کے بعد 40 ہزار 528 پوائنٹس پر بند ہوا۔

    گزشتہ روز سابق صدر و آرمی چیف پرویز مشرف کو سزائے موت کا تفصیلی فیصلہ آنے اور بے یقینی کی صورتحال کے بعد پاکستان اسٹاک مارکیٹ میں بدترین مندی دیکھی گئی تھی۔

    جمعرات کے روز دن کے آغاز پر 100 انڈیکس میں 350 پوائنٹس کی کمی دیکھی گئی جس کے بعد انڈیکس 41 ہزار 249 پوائنٹس پر ٹریڈ کرنے لگا۔

    دن کے اختتام تک 100 انڈیکس 948 پوائنٹس کمی سے 40 ہزار 655 پوائنٹس پر بند ہوا۔ یہ انڈیکس میں 2.33 فیصد کی شدید مندی ہے۔

    خیال رہے کہ پاکستان اسٹاک مارکیٹ میں گزشتہ کچھ ہفتوں سے زبرست تیزی دیکھی جارہی ہے۔ گزشتہ ہفتے میں 100 انڈیکس میں 184 پوائنٹس کا اضافہ ہوا جس کے بعد انڈیکس 40 ہزار 916 پوائنٹس پر بند ہوا تھا۔

    ہفتہ وار رپورٹ کے مطابق گزشتہ ہفتے (9 سے 13 دسمبر کے دوران) انڈیکس کی بلند ترین سطح 41 ہزار 77 پوائنٹس جبکہ کم ترین سطح 40 ہزار 170 پوائنٹس رہی تھی۔

    رواں کاروباری ہفتے کے پہلے روز پیر کو 100 انڈیکس نومبر 2018 کے بعد سے اب تک کی بلند ترین سطح پر پہنچ گیا تھا۔ انڈیکس میں 740 پوائنٹس کا اضافہ ہوا جس کے بعد انڈیکس 41 ہزار 657 پوائنٹس پر پہنچ گیا تھا۔

  • مشرف کو سزائے موت: پاکستان اسٹاک مارکیٹ میں بدترین مندی

    مشرف کو سزائے موت: پاکستان اسٹاک مارکیٹ میں بدترین مندی

    کراچی: کاروباری ہفتے کے چوتھے روز جمعرات کو پاکستان اسٹاک ایکسچینج میں بدترین مندی دیکھی گئی اور 100 انڈیکس 41 ہزار سے واپس 40 ہزار پوائنٹس کی سطح پر پہنچ گیا۔

    تفصیلات کے مطابق سابق صدر و آرمی چیف پرویز مشرف کو سزائے موت کا تفصیلی فیصلہ آنے اور بے یقینی کی صورتحال کے بعد پاکستان اسٹاک مارکیٹ میں بدترین مندی دیکھی گئی۔

    جمعرات کے روز دن کے آغاز پر 100 انڈیکس میں 350 پوائنٹس کی کمی دیکھی گئی جس کے بعد انڈیکس 41 ہزار 249 پوائنٹس پر ٹریڈ کرنے لگا۔

    تاہم دن گزرنے کے ساتھ ساتھ انڈیکس کی سطح نیچے آتی گئی اور 11 سو پوائنٹس کی کمی واقع ہوئی۔ بدترین مندی کے بعد 100 انڈیکس 40 ہزار 500 پوائنٹس پر پہنچ گیا۔

    دن کے اختتام تک 100 انڈیکس 948 پوائنٹس کمی سے 40 ہزار 655 پوائنٹس پر بند ہوا۔ یہ انڈیکس میں 2.33 فیصد کی شدید مندی ہے۔

    مارکیٹ میں 11 ارب روپے مالیت کے 35.95 کروڑ شیئرز کا کاروبار کیا گیا، شیئرز کی قیمت کم ہونے سے سرمایہ کاروں کے 150 ارب روپے ڈوب گئے۔

    خیال رہے کہ پاکستان اسٹاک مارکیٹ میں گزشتہ کچھ ہفتوں سے زبرست تیزی دیکھی جارہی ہے۔ گزشتہ ہفتے میں 100 انڈیکس میں 184 پوائنٹس کا اضافہ ہوا جس کے بعد انڈیکس 40 ہزار 916 پوائنٹس پر بند ہوا۔

    ہفتہ وار رپورٹ کے مطابق گزشتہ ہفتے (9 سے 13 دسمبر کے دوران) انڈیکس کی بلند ترین سطح 41 ہزار 77 پوائنٹس جبکہ کم ترین سطح 40 ہزار 170 پوائنٹس رہی۔

    رواں کاروباری ہفتے کے پہلے روز پیر کو 100 انڈیکس نومبر 2018 کے بعد سے اب تک کی بلند ترین سطح پر پہنچ گیا تھا۔ انڈیکس میں 740 پوائنٹس کا اضافہ ہوا جس کے بعد انڈیکس 41 ہزار 657 پوائنٹس پر پہنچ گیا۔

  • ایشیائی اسٹاک مارکیٹس میں مندی کا رجحان

    ایشیائی اسٹاک مارکیٹس میں مندی کا رجحان

    اسلام آباد: چین، جاپان، ہانگ کانگ اور سنگاپور سمیت دیگر ایشیائی حصص بازاروں میں مندی کا رجحان دیکھا جارہا ہے۔

    تفصیلات کے مطابق ایشیائی حصص بازاروں میں مندی دیکھی جارہی ہے۔ چین، جاپان، ہانگ کانگ اور سنگاپور کی اسٹاک مارکیٹس میں مندی کا رجحان ہے۔

    رپورٹ کے مطابق چینی اسٹاک مارکیٹ میں 46 پوائنٹس کی مندی دیکھی گئی جبکہ جاپانی حصص مارکیٹ میں 52 پوائنٹس کی کمی دیکھی گئی۔

    اسی طرح ہانگ کانگ اسٹاک مارکیٹ میں بھی 127 پوائنٹس کی کمی دیکھی گئی۔

    مندی کی وجہ جاپانی مرکزی بینک کی جانب سے شرح سود برقرار رکھنا ہے جبکہ امریکی صدر کا مواخذہ بھی مندی کا باعث بن رہا ہے۔

    امریکی صدر کے ممکنہ مواخذے کی وجہ سے گزشتہ روز امریکی اسٹاک مارکیٹس میں بھی مندی دیکھی گئی تھی۔

    گزشتہ ماہ کے آخر میں امریکی صدر ڈونلڈ ٹرمپ نے کہا تھا کہ چین اور امریکا تجارتی معاملہ حل کرنے کے بہت قریب ہیں، چینی صدر نے بھی کہا تھا کہ باہمی اتفاق رائے اور برابری کی بنیاد پر مسئلے کو حل کریں گے۔

    ان اعلانات کے بعد بیشتر ایشیائی حصص بازاروں میں تیزی ریکارڈ کی گئی تھی۔

  • پاکستان اسٹاک مارکیٹ: 100 انڈیکس 13 ماہ کی بلند ترین سطح پر پہنچ گیا

    پاکستان اسٹاک مارکیٹ: 100 انڈیکس 13 ماہ کی بلند ترین سطح پر پہنچ گیا

    کراچی: کاروباری ہفتے کے پہلے روز پیر کو پاکستان اسٹاک ایکسچینج میں زبردست تیزی دیکھی گئی اور 100 انڈیکس نومبر 2018 کے بعد سے اب تک کی بلند ترین سطح یعنی 41 ہزار 657 پوائنٹس پر پہنچ گیا۔

    تفصیلات کے مطابق پاکستان اسٹاک مارکیٹ میں تیزی کا تسلسل برقرار ہے۔ دن کے آغاز پر 100 انڈیکس میں 400 پوائنٹس کا اضافہ ہوا اور انڈیکس 41 ہزار 317 پوائنٹس پر پہنچ گیا۔

    تاہم دن کے اختتام تک 100 انڈیکس نومبر 2018 کے بعد سے اب تک کی بلند ترین سطح پر پہنچ گیا۔ 100 انڈیکس میں 740 پوائنٹس کا اضافہ ہوا جس کے بعد انڈیکس 41 ہزار 657 پوائنٹس پر پہنچ گیا۔

    100 انڈیکس کی رواں برس کم ترین سطح 16 اگست 2019 کو دیکھی گئی تھی جب انڈیکس 28 ہزار 765 پوائنٹس پر پہنچا تھا۔ اب انڈیکس اس کم ترین سطح سے 45 فیصد اوپر آچکا ہے۔

    پاکستان اسٹاک مارکیٹ میں گزشتہ کچھ ہفتوں سے زبرست تیزی دیکھی جارہی ہے۔ گزشتہ ہفتے میں 100 انڈیکس میں 184 پوائنٹس کا اضافہ ہوا جس کے بعد انڈیکس 40 ہزار 916 پوائنٹس پر بند ہوا۔

    ہفتہ وار رپورٹ کے مطابق گزشتہ ہفتے (9 سے 13 دسمبر کے دوران) انڈیکس کی بلند ترین سطح 41 ہزار 77 پوائنٹس جبکہ کم ترین سطح 40 ہزار 170 پوائنٹس رہی۔

    گزشتہ ہفتے اسٹاک مارکیٹ میں 1 ارب 37 کروڑ شیئرز کے سودے ہوئے، کاروباری ہفتے میں مارکیٹ کیپٹلائزیشن 105 ارب روپے بڑھی۔ کاروباری ہفتے کے اختتام پر مارکیٹ کیپٹلائزیشن 7 ہزار 902 ارب روپے رہی۔

  • پاکستان اسٹاک ایکسچینج: ایک ہفتے میں 100 انڈیکس میں 184 پوائنٹس کا اضافہ

    پاکستان اسٹاک ایکسچینج: ایک ہفتے میں 100 انڈیکس میں 184 پوائنٹس کا اضافہ

    کراچی: گزشتہ ہفتے پاکستان اسٹاک ایکسچینج میں تیزی رہی، ایک ہفتے میں 100 انڈیکس میں 184 پوائنٹس کا اضافہ ہوا۔

    تفصیلات کے مطابق گزشتہ ہفتے پاکستان اسٹاک مارکیٹ میں تیزی دیکھی گئی، ایک ہفتے میں 100 انڈیکس میں 184 پوائنٹس کا اضافہ ہوا جس کے بعد انڈیکس 40 ہزار 916 پوائنٹس پر بند ہوا۔

    رپورٹ کے مطابق گزشتہ ہفتے (9 سے 13 دسمبر کے دوران) انڈیکس کی بلند ترین سطح 41 ہزار 77 پوائنٹس جبکہ کم ترین سطح 40 ہزار 170 پوائنٹس رہی۔

    گزشتہ ہفتے اسٹاک مارکیٹ میں 1 ارب 37 کروڑ شیئرز کے سودے ہوئے، کاروباری ہفتے میں مارکیٹ کیپٹلائزیشن 105 ارب روپے بڑھی۔ کاروباری ہفتے کے اختتام پر مارکیٹ کیپٹلائزیشن 7 ہزار 902 ارب روپے ہے۔

    اس سے گزشتہ ہفتے (2 سے 6 دسمبر) کے دوران بھی اسٹاک مارکیٹ میں زبردست تیزی دیکھی گئی تھی، ایک ہفتے میں 100 انڈیکس میں 14 سو 44 پوائنٹس کا اضافہ ہوا تھا جس کے بعد انڈیکس 9 ماہ بعد 40 ہزار کی سطح عبور کر گیا۔

    اسی ہفتے کے دوران مارکیٹ میں 81 ارب روپے مالیت کے 2.32 ارب روپے کا کاروبار بھی کیا گیا، ایک ہفتے میں مارکیٹ کیپٹلائزیشن 284 ارب روپے بڑھ کر 7 ہزار 796 ارب پر پہنچ گئی تھی۔

  • پاکستان اسٹاک مارکیٹ میں مثبت رجحان

    پاکستان اسٹاک مارکیٹ میں مثبت رجحان

    کراچی: کاروباری ہفتے کے آخری روز جمعہ کو پاکستان اسٹاک ایکسچینج میں مثبت رجحان دیکھنے میں آرہا ہے۔ 100 انڈیکس میں 398 سے زائد پوائنٹس کی تیزی دیکھی گئی۔

    تفصیلات کے مطابق جمعے کے دن پاکستان اسٹاک مارکیٹ میں مثبت رجحان دیکھا گیا، کاروبار کے دوران دن کے آغاز پر 100 انڈیکس میں 290 سے زائد پوائنٹس کی تیزی ہوئی جس کے بعد 100 انڈیکس 40 ہزار 800 پوائنٹس کی سطح عبور کرگیا۔

    ایک گھنٹے بعد انڈیکس میں 398 سے زائد پوائنٹس کا اضافہ ہوا جس کے بعد انڈیکس 40 ہزار 911 پوائنٹس پرٹریڈ کرنے لگا۔

    خیال رہے کہ گزشتہ ہفتے پاکستان اسٹاک مارکیٹ میں زبردست تیزی دیکھی گئی تھی، ایک ہفتے میں 100 انڈیکس میں 14 سو 44 پوائنٹس کا اضافہ ہوا جس کے بعد انڈیکس 40 ہزار 732 پوائنٹس پر بند ہوا۔

    2 سے 6 دسمبر کے دوران پہلے روز پیر کے دن انڈیکس میں 836 پوائنٹس کا اضافہ ہوا جس کے بعد 100 انڈیکس 9 ماہ بعد 40 ہزار کی سطح عبور کر گیا۔

    منگل کے روز کاروبار میں معمولی کمی دیکھنے میں آئی تاہم بدھ کے روز 40 ہزار پوائنٹس کی سطح ایک بار پھر بحال ہوگئی۔

    کاروباری ہفتے کے آخری روز یعنی جمعے کو 100 انڈیکس میں 240 پوائنٹس کا اضافہ ہوا جس کے بعد انڈیکس 40 ہزار 732 پوائنٹس پر بند ہوا۔