ARYNews.tv | Urdu – Har Lamha Bakhabar

Tag: کاروبار کی خبریں

  • جولائی میں برآمدات میں 11 فیصد اضافہ

    جولائی میں برآمدات میں 11 فیصد اضافہ

    کراچی: اسٹیٹ بینک آف پاکستان کا کہنا ہے کہ جولائی میں برآمدات میں 11 فیصد کا اضافہ ہوا جبکہ درآمدات کا حجم 26 فیصد کمی کے بعد 4 ارب 10 کروڑ ڈالر رہا۔

    تفصیلات کے مطابق اسٹیٹ بینک آف پاکستان کی جانب سے جاری کردہ رپورٹ میں کہا گیا ہے کہ جولائی میں برآمدات میں 11 فیصد کا اضافہ ہوا، برآمدات کا حجم 2 ارب 20 کروڑ ڈالر رہا۔

    اسٹیٹ بینک کا کہنا ہے کہ گزشتہ مالی سال کے اختتام پر برآمدات کا حجم 24 ارب 22 کروڑ ڈالر تھا، جولائی میں درآمدات کا حجم 26 فیصد کمی کے بعد 4 ارب 10 کروڑ ڈالر رہا۔

    رپورٹ میں کہا گیا کہ گزشتہ مالی سال کے اختتام پر درآمدات کا حجم 52 ارب 88 کروڑ ڈالر تھا، جولائی میں ترسیلات زر 3 فیصد اضافے کے ساتھ 2 ارب ڈالر رہیں۔

    اسٹیٹ بینک کے مطابق گزشتہ مالی سال کے اختتام پر ترسیلات زر کا حجم 21 ارب 84 کروڑ ڈالر تھا۔

    اس سے قبل وزیر اعظم کے مشیر برائے تجارت عبدالرزاق داؤد نے درآدات برآمدات کی تفصیلات بتاتے ہوئے کہا تھا کہ مارکیٹ میں ہیجانی کیفیت کے باوجود برآمدات میں اضافہ ہوا۔ حکومت کسی صورت کاروبار کی رجسٹریشن نہیں روکے گی۔

    انہوں نے کہا تھا کہ چاول کی برآمدات میں 71، گارمنٹس میں17 اور ٹیکسٹائل میں 14 فیصد کمی ہوئی، ملکی درآمدات 18 فیصد کمی کے ساتھ 3 ارب 84 کروڑ ڈالر رہی۔ معدنی پیداوار میں 23 اور گاڑیوں کی درآمدات میں 42 فیصد کمی ہوئی۔

  • پاکستان اسٹاک ایکسچینج: 100 انڈیکس میں 30 ہزار پوائنٹس کی سطح بحال

    پاکستان اسٹاک ایکسچینج: 100 انڈیکس میں 30 ہزار پوائنٹس کی سطح بحال

    کراچی: کاروباری ہفتے کے دوسرے روز بھی پاکستان اسٹاک ایکسچینج میں تیزی دیکھی گئی، 100 انڈیکس میں 30 ہزار پوائنٹس کی سطح بحال ہوگئی۔

    تفصیلات کے مطابق کاروباری ہفتے کے دوسرے روز پاکستان اسٹاک مارکیٹ میں تیزی کی لہر دیکھی گئی۔ 100 انڈیکس میں 850 سے زائد پوائنٹس کا اضافہ ہوا۔

    100 انڈیکس میں اضافے کے بعد 30 ہزار پوائنٹس کی سطح بحال ہوگئی اور انڈیکس 30 ہزار 412 پوائنٹس پر ٹریڈ کرتا رہا۔

    گزشتہ روز بھی اسٹاک ایکسچینج میں زبردست تیزی دیکھی گئی تھی اور 100 انڈیکس میں 797 پوائنٹس کا اضافہ دیکھا گیا۔

    گزشتہ روز اضافے کے بعد 100 انڈیکس 29 ہزار 5 سو 62 پوائنٹس پر آگیا تھا، ایک دن میں 100 انڈیکس میں 2.7 فیصد کا اضافہ ہوا۔

    اس سے قبل 2 ہفتوں سے اسٹاک مارکیٹ پر مندی کے بادل چھائے ہوئے تھے۔ گزشتہ ہفتے پاکستان اور بھارت کے درمیان لائن آف کنٹرول پر بڑھتی کشیدگی کی وجہ سے اسٹاک ایکسچینج میں مسلسل 7 ٹریڈنگ سیشن میں مندی دیکھی گئی۔

    گزشتہ ہفتے کے دوران 100 انڈیکس میں 664 پوائنٹس کی کمی ہوئی، 100 انڈیکس مسسلسل فروخت کے دباؤ پر 29 ہزار کی اہم سطح بھی برقرار نہیں رکھ سکا تھا۔ ایک ہفتے میں 100 انڈیکس 5 سال کی کم ترین سطح 28 ہزار 7 سو 65 کی سطح پر بند ہوا۔

    ایک ہفتے میں مارکیٹ کپیٹلائزیشن میں بھی 105 ارب روپے کی کمی واقع ہوئی، گزشتہ ہفتے میں مارکیٹ کپیٹلائزیشن 6020 ارب سے کم ہو کر 5916 ارب روپے رہ گئی تھی۔

  • گزشتہ مالی سال کے دوران گاڑیوں کی فروخت میں نمایاں کمی ریکارڈ

    گزشتہ مالی سال کے دوران گاڑیوں کی فروخت میں نمایاں کمی ریکارڈ

    کراچی: گزشتہ مالی سال کے دوران گاڑیوں کی فروخت میں نمایاں کمی ریکارڈ ہوئی ہے، رپورٹ میں کہا گیا ہے کہ جولائی 2019 میں گاڑیوں کی فروخت میں 42 فی صد کمی ہوئی۔

    تفصیلات کے مطابق آٹو انڈسٹری کی تازہ رپورٹ میں کہا گیا ہے کہ گزشتہ مالی سال میں گاڑیوں کی فروخت میں 42 فی صد کی نمایاں کمی ریکارڈ کی گئی ہے۔

    رپورٹ کے مطابق جولائی 2019 میں مختلف مقامی کار ساز کمپنوں کے 12482 یونٹس فروخت ہوئے ہیں، جب کہ جولائی 2018 میں مختلف کار ساز کمپنیوں کے 21344 یونٹس فروخت ہوئے تھے۔

    پاکستان آٹوموٹیو مینوفیکچررز ایسوسی ایشن (پی اے ایم اے) کا کہنا ہے کہ جولائی 2018 سے جولائی 2019 کے دوران مختلف کار ساز کمپنیوں کو گاڑیوں کی فروخت میں واضح کمی کا سامنا رہا۔

    رپورٹ میں کہا گیا ہے کہ سب سے زیادہ کمی کا سامنا ہونڈا کمپنی کو رہا، مالی سال کے دوران کمپنی کی فروخت میں 66 فی صد کمی آئی، انڈس کو 56 فی صد جب کہ سوزوکی کو 23 فی صد کمی کا سامنا رہا۔

    معاشی ماہرین کا کہنا ہے کہ گاڑیوں کی فروخت میں کمی کا سبب روپے کی قدر میں کمی ہے، جس کی وجہ سے مقامی کاریں مہنگی ہوئیں۔

    دوسری طرف جولائی تا نومبر 2017 میں گاڑیوں کی قیمتوں میں اضافے کے باوجود پی اے ایم اے کی جانب سے جاری کردہ اعداد و شمار میں انکشاف کیا گیا تھا کہ گزشتہ مالی سال کے مقابلے میں مذکورہ مدت میں گاڑیوں کی فروخت میں اضافہ ہوا۔

    ادھر آٹو انڈسٹری کی سیلز میں نمایاں کمی ہونے کی وجہ سے اس شعبے میں ملازمتیں ختم ہونے کا خدشہ بھی پیدا ہو گیا ہے۔

  • کاروباری ہفتے کے پہلے روز پاکستان اسٹاک ایکسچینج میں زبردست تیزی

    کاروباری ہفتے کے پہلے روز پاکستان اسٹاک ایکسچینج میں زبردست تیزی

    کراچی: کاروباری ہفتے کے پہلے روز پاکستان اسٹاک ایکسچینج میں زبردست تیزی دیکھی گئی، 100 انڈیکس 28 ہزار 7 سو 65 سے 29 ہزار 5 سو 62 پوائنٹس پر آگیا۔

    تفصیلات کے مطابق مسلسل 8 کاروباری سیشن میں مندی کے بعد کاروباری ہفتے کے پہلے روز پاکستان اسٹاک ایکسچینج میں مثبت رجحان دیکھنے میں آیا، 100 انڈیکس میں 797 پوائنٹس کا اضافہ دیکھا گیا۔

    اضافے کے بعد 100 انڈیکس 29 ہزار 5 سو 62 پوائنٹس پر آگیا، ایک دن میں 100 انڈیکس میں 2.7 فیصد کا اضافہ ہوا۔

    اس سے قبل 2 ہفتوں سے اسٹاک مارکیٹ پر مندی کے بادل چھائے ہوئے تھے۔ گزشتہ ہفتے پاکستان اور بھارت کے درمیان لائن آف کنٹرول پر بڑھتی کشیدگی کی وجہ سے اسٹاک ایکسچینج میں مسلسل 7 ٹریڈنگ سیشن میں مندی دیکھی گئی۔

    گزشتہ ہفتے کے دوران 100 انڈیکس میں 664 پوائنٹس کی کمی ہوئی، 100 انڈیکس مسسلسل فروخت کے دباؤ پر 29 ہزار کی اہم سطح بھی برقرار نہیں رکھ سکا تھا۔ ایک ہفتے میں 100 انڈیکس 5 سال کی کم ترین سطح 28 ہزار 7 سو 65 کی سطح پر بند ہوا۔

    ایک ہفتے میں مارکیٹ کپیٹلائزیشن میں بھی 105 ارب روپے کی کمی واقع ہوئی، گزشتہ ہفتے میں مارکیٹ کپیٹلائزیشن 6020 ارب سے کم ہو کر 5916 ارب روپے رہ گئی۔

    اس سے گزشتہ ہفتے کے دوران بھی پاکستان اسٹاک ایکسچینج میں مندی دیکھی گئی، 100 انڈیکس 2 ہزار 237 پوائنٹس کم ہو کر 29 ہزار 4 سو 29 پوائنٹس کی سطح پر آگیا۔

    5 سے 9 اگست کے دوران اسٹاک مارکیٹ میں 14.63 ارب مالیت کے 35 کروڑ شیئرز کا کاروبار ہوا تھا۔ مارکیٹ کیپٹلائزیشن 324 ارب روپے کم ہو کر 6020 ارب رہ گئی۔

  • گزشتہ ہفتے اسٹاک ایکسچینج میں 100 انڈیکس میں کمی

    گزشتہ ہفتے اسٹاک ایکسچینج میں 100 انڈیکس میں کمی

    کراچی: گزشتہ کاروباری ہفتے میں پاک بھارت کشیدگی کے باعث پاکستان اسٹاک ایکسچینج میں مندی دیکھی گئی، 100 انڈیکس میں 664 پوائنٹس کی کمی دیکھنے میں آئی۔

    تفصیلات کے مطابق پاکستان اور بھارت کے درمیان لائن آف کنٹرول پر بڑھتی کشیدگی کی وجہ سے اسٹاک ایکسچینج میں مسلسل 7 ٹریڈنگ سیشن میں مندی دیکھی گئی۔

    ایک ہفتے کے دوران 100 انڈیکس میں 664 پوائنٹس کی کمی ہوئی، 100 انڈیکس مسسلسل فروخت کے دباؤ پر 29 ہزار کی اہم سطح بھی برقرار نہیں رکھ سکا۔ ایک ہفتے میں 100 انڈیکس 5 سال کی کم ترین سطح 28 ہزار 7 سو 65 کی سطح پر بند ہوا۔

    ایک ہفتے میں مارکیٹ کپیٹلائزیشن میں بھی 105 ارب روپے کی کمی واقع ہوئی، گزشتہ ہفتے میں مارکیٹ کپیٹلائزیشن 6020 ارب سے کم ہو کر 5916 ارب روپے رہ گئی۔

    اس سے گزشتہ ہفتے کے دوران بھی پاکستان اسٹاک ایکسچینج میں مندی دیکھی گئی تھی، 100 انڈیکس 2 ہزار 237 پوائنٹس کم ہو کر 29 ہزار 4 سو 29 پوائنٹس کی سطح پر آگیا۔

    5 سے 9 اگست کے دوران اسٹاک مارکیٹ میں 14.63 ارب مالیت کے 35 کروڑ شیئرز کا کاروبار ہوا تھا۔ مارکیٹ کیپٹلائزیشن 324 ارب روپے کم ہو کر 6020 ارب رہ گئی۔

  • گزشتہ ہفتے ڈالر کی قیمت میں معمولی اضافہ

    گزشتہ ہفتے ڈالر کی قیمت میں معمولی اضافہ

    کراچی: گزشتہ کاروباری ہفتے کے دوران ڈالر کی قیمت میں 51 پیسے اضافہ ہوا جس کے بعد ڈالر کی قیمت 158.95 روپے ہوگئی۔

    تفصیلات کے مطابق گزشتہ ہفتے ڈالر کی قیمت میں معمولی اضافہ دیکھنے میں آیا، انٹر بینک میں ڈالر 51 پیسے مہنگا ہوا جس کے بعد ہفتے کے آخری روز انٹر بینک میں ڈالر 158.44 روپے سے بڑھ کر 158.95 روپے پر بند ہوا۔

    ایک ہفتے میں اوپن مارکیٹ میں ڈالر 10 پیسے سستا ہوا، اوپن ایکسچینج میں ڈالر 159.50 سے کم ہو کر 159.40 روپے کا ہوگیا۔

    گزشتہ ہفتے پاکستان اور بھارت کے درمیان لائن آف کنٹرول پر بڑھتی کشیدگی کی وجہ سے اسٹاک ایکسچینج میں بھی مسلسل 7 ٹریڈنگ سیشن میں مندی دیکھی گئی۔

    ایک ہفتے کے دوران 100 انڈیکس میں 664 پوائنٹس کی کمی ہوئی، 100 انڈیکس مسسلسل فروخت کے دباؤ پر 29 ہزار کی اہم سطح بھی برقرار نہیں رکھ سکا۔ ایک ہفتے میں 100 انڈیکس 5 سال کی کم ترین سطح 28 ہزار 7 سو 65 کی سطح پر بند ہوا۔

    گزشتہ ہفتے میں مارکیٹ کپیٹلائزیشن میں بھی 105 ارب روپے کی کمی واقع ہوئی، گزشتہ ہفتے میں مارکیٹ کپیٹلائزیشن 6020 ارب سے کم ہو کر 5916 ارب روپے رہ گئی۔

  • خام تیل کی قیمت میں کمی

    خام تیل کی قیمت میں کمی

    ایشیائی منڈیوں میں خام تیل کی قیمت میں کمی کا رجحان جاری ہے۔ 2 دن میں خام تیل کی قیمت میں 5 فیصد کمی ریکارڈ کی گئی۔

    تفصیلات کے مطابق عالمی منڈی میں خام تیل کی قیمت میں کمی کا رجحان برقرار ہے۔ ایشیائی منڈیوں میں برینٹ خام تیل کی قیمت 2 فیصد کمی کے بعد 57 ڈالر 66 سینٹس فی بیرل ہوگئی۔

    امریکی خام تیل کی قیمت میں 1.4 کمی ریکارڈ کی گئی جس کے بعد امریکی خام تیل کی قیمت 54 ڈالر 47 سینٹس فی بیرل ہوگئی۔

    معاشی ماہرین کے مطابق خام تیل کی قیمت میں کمی کا رجحان عالمی معاشی کساد بازاری کے خدشات کے باعث ہے، خام تیل کی طلب میں بھی کمی کا رجحان دیکھا جا رہا ہے۔

    اس سے قبل ایشیائی ترقیاتی بینک نے اپنی ایک رپورٹ میں کہا تھا کہ عالمی سطح پر خام تیل اور خوراک کی قیمتوں میں کمی کے باعث مہنگائی میں کمی متوقع ہے۔

    ایشیائی ترقیاتی بینک کے مطابق رواں برس جنوبی ایشیا کی معاشی ترقی کی شرح بہتر رہے گی، معاشی شرح نمو سنہ 2019 میں 6.6 جبکہ 2020 میں 6.7 فیصد رہنے کا امکان ہے۔

  • گزشتہ ہفتے ڈالر کی قیمت میں کمی

    گزشتہ ہفتے ڈالر کی قیمت میں کمی

    کراچی: گزشتہ کاروباری ہفتے کے دوران ڈالر کی قیمت میں 67 پیسے کمی ہوئی جس کے بعد ڈالر کی قیمت 158.44 روپے ہوگئی۔

    تفصیلات کے مطابق گزشتہ کاروباری ہفتے میں ڈالر کی قیمت میں کمی دیکھنے میں آئی۔ گزشتہ ہفتے انٹر بینک میں ڈالر 67 پیسے سستا ہوا جس کے بعد ڈالر کی قیمت 159.11 سے کم ہو کر 158.44 روپے ہوگئی۔

    گزشتہ ہفتے اوپن مارکیٹ میں روپے کی قدر میں استحکام رہا، اوپن ایکسچینج مارکیٹ میں ڈالر 159 روپے 50 پیسے پر ہی برقرار رہا۔

    دوسری جانب گزشتہ کاروباری ہفتے اسٹاک ایکسچینج میں 100 انڈیکس 29 ہزار 4 سو 29 پوائنٹس کی سطح پر آگیا۔ ایک ہفتے میں 100 انڈیکس میں 2 ہزار 237 پوائنٹس کی کمی ریکارڈ کی گئی۔

    گزشتہ ہفتے اسٹاک ایکسچینج میں 14.63 ارب مالیت کے 35 کروڑ شیئرز کا کاروبار ہوا۔ مارکیٹ کیپٹلائزیشن بھی 324 ارب روپے کم ہو کر 6020 ارب رہ گئی۔

    اس سے قبل 29 جولائی سے 2 اگست کے دوران ڈالر کی قیمت میں 1 روپے 47 پیسے کمی ہوئی تھی جس کے بعد ڈالر کی قیمت 160.158 سے کم ہو کر 159.11 روپے ہوگئی تھی۔

    اس ہفتے اوپن مارکیٹ میں ڈالر 1 روپے 20 پیسے سستا ہوا، اوپن مارکیٹ میں ڈالر 160.70 سے کم ہو کر 159.50 روپے کا ہوا تھا۔

  • گزشتہ کاروباری ہفتے اسٹاک ایکسچینج میں 100 انڈیکس میں کمی

    گزشتہ کاروباری ہفتے اسٹاک ایکسچینج میں 100 انڈیکس میں کمی

    کراچی: گزشتہ کاروباری ہفتہ پاکستان اسٹاک ایکسچینج میں مندی دیکھی گئی، 100 انڈیکس میں 2237 پوائنٹس کی کمی دیکھنے میں آئی۔

    تفصیلات کے مطابق گزشتہ کاروباری ہفتے اسٹاک ایکسچینج میں 100 انڈیکس 29 ہزار 4 سو 29 پوائنٹس کی سطح پر آگیا۔ ایک ہفتے میں 100 انڈیکس میں 2 ہزار 237 پوائنٹس کی کمی ریکارڈ کی گئی۔

    گزشتہ ہفتے میں 14.63 ارب مالیت کے 35 کروڑ شیئرز کا کاروبار ہوا۔ مارکیٹ کیپٹلائزیشن 324 ارب روپے کم ہو کر 6020 ارب رہ گئی۔

    اس سے گزشتہ کاروباری ہفتے کے دوران بھی پاکستان اسٹاک ایکسچینج میں مندی دیکھی گئی تھی، 100 انڈیکس میں 436 پوائنٹس کی کمی دیکھنے میں آئی تھی۔

    29 جولائی سے 2 اگست کے دوران 100 انڈیکس کی کم ترین سطح 31 ہزار 431 پوائنٹس رہی، کاروباری ہفتے کے آخری روز انڈیکس 31 ہزار 666 پوائنٹس پر بند ہوا۔

    اس ہفتے مارکیٹ کیپٹلائزیشن بھی 119 ارب کم ہو کر 6344 ارب رہ گئی تھی۔

  • جولائی میں ملکی برآمدات ایک ارب 87 کروڑ ڈالر رہیں: مشیر تجارت

    جولائی میں ملکی برآمدات ایک ارب 87 کروڑ ڈالر رہیں: مشیر تجارت

    اسلام آباد: وزیر اعظم کے مشیر برائے تجارت عبدالرزاق داؤد کا کہنا ہے کہ گزشتہ جولائی کی نسبت رواں سال جولائی میں ملکی برآمدات میں 14 فیصد اضافہ ہوا، ملکی برآمدات پہلے ماہ ایک ارب 87 کروڑ ڈالر رہیں۔

    تفصیلات کے مطابق وزیر اعظم کے مشیر برائے تجارت عبدالرزاق داؤد کا کہنا ہے کہ جولائی میں ملکی برآمدات ایک ارب 88 کروڑ ڈالر رہیں۔ گزشتہ جولائی کی نسبت رواں سال جولائی میں 14 فیصد اضافہ ہوا۔

    مشیر تجارت کا کہنا تھا کہ ملکی برآمدات پہلے ماہ ایک ارب 87 کروڑ ڈالر رہیں، مارکیٹ میں ہیجانی کیفیت کے باوجود برآمدات میں اضافہ ہوا۔ حکومت کسی صورت کاروبار کی رجسٹریشن نہیں روکے گی۔

    انہوں نے کہا کہ چاول کی برآمدات میں 71، گارمنٹس میں17 اور ٹیکسٹائل میں 14 فیصد کمی ہوئی، ملکی درآمدات 18 فیصد کمی کے ساتھ 3 ارب 84 کروڑ ڈالر رہی۔ معدنی پیداوار میں 23 اور گاڑیوں کی درآمدات میں 42 فیصد کمی ہوئی۔

    عبد الرزاق داؤد کا کہنا تھا کہ 20 سے 30 اگست کو افغان صدر کی دعوت پر افغانستان جاؤں گا، افغان ٹرانزٹ ٹریڈ سے ہماری معیشت کو نقصان ہوا۔ ملائیشیا، انڈونیشیا اور یورپی ممالک سے مارکیٹ رسائی کا معاہدہ ہوا ہے۔

    انہوں نے مزید کہا کہ کاروبار رجسٹر کرنا پڑے گا، سیلز ٹیکس قانون میں تبدیلی نہیں ہوگی۔