Tag: کاروبار کی خبریں

کراچی: پاکستان اسٹاک ایکسچینج میں مندی دیکھی گئی جس کے بعد 100 انڈیکس 40 ہزار 514 پوائنٹس پر پہنچ گیا، ڈالر کی قیمت میں اچانک 1 روپے سے زائد کا اضافہ ہوگیا۔

تفصیلات کے مطابق کاروباری ہفتے کے تیسرے روز بدھ کو پاکستان اسٹاک مارکیٹ میں مندی دیکھی گئی، دن کے آغاز پر 100 انڈیکس میں 16 پوائنٹس کمی ہوئی جس کے بعد انڈیکس 40 ہزار 637 پوائنٹس پر پہنچ گیا۔

بعد ازاں مارکیٹ میں منفی رجحان دیکھا گیا، انڈیکس میں 260 پوائنٹس کی کمی ہوئی جس کے بعد انڈیکس 40 ہزار 392 پوائنٹس پر پہنچ گیا۔

دن کے اختتام تک 100 انڈیکس مجموعی طور پر 138 پوائنٹس کمی کے ساتھ 40 ہزار 514 پوائنٹس پر بند ہوا۔

گزشتہ روز پاکستان اسٹاک ایکسچینج میں تیزی دیکھی گئی تھی، دن کے اختتام تک 100 انڈیکس 148 پوائنٹس اضافے کے ساتھ 40 ہزار 652 پوائنٹس پر بند ہوا تھا۔

ڈالر کی صورتحال

کاروباری ہفتے کے تیسرے روز انٹر بینک میں ڈالر کی قیمت میں یکایک 1 روپے 22 پیسے کا اضافہ ہوگیا جس کے بعد ڈالر 159 روپے سے بھی تجاوز کرگیا۔

قدر میں اضافے کے بعد اب ڈالر کی نئی قیمت 159 روپے 52 پیسے ہے۔

اس سے قبل کئی روز سے ڈالر کی قیمت میں چند پیسوں کی کمی دیکھی جارہی تھی، گزشتہ ہفتے انٹر بینک میں ڈالر 158 روپے 70 پیسے پر آگیا تھا۔

مجموعی طور پر گزشتہ 2 ماہ 10 دن کے دوران ڈالر کی قیمت میں 9 روپے 37 پیسے کمی ہوچکی ہے۔

کراچی: پاکستان اسٹاک ایکسچینج میں تیزی دیکھی گئی جس کے بعد 100 انڈیکس 40 ہزار 652 پوائنٹس پر پہنچ گیا۔

تفصیلات کے مطابق کاروباری ہفتے کے دوسرے روز منگل کو پاکستان اسٹاک ایکسچینج میں تیزی دیکھی گئی، دن کے آغاز پر 100 انڈیکس میں 272 پوائنٹس کا اضافہ ہوا جس کے بعد انڈیکس 40 ہزار 777 پوائنٹس پر پہنچ گیا۔

دن کے اختتام تک 100 انڈیکس 148 پوائنٹس اضافے کے ساتھ 40 ہزار 652 پوائنٹس پر بند ہوا۔

گزشتہ روز سوموار کو مارکیٹ میں مندی دیکھی گئی تھی۔ گزشتہ روز 100 انڈیکس میں 64 پوائنٹس کی کمی ہوئی تھی جس کے بعد انڈیکس 40 ہزار 505 پوائنٹس پر بند ہوا تھا۔

ڈالر کی صورتحال

کاروباری ہفتے کے دوسرے روز انٹر بینک میں ڈالر کی قیمت میں 14 پیسے اضافہ ہوا، دن کے آغاز پر 5 پیسے کا اضافہ ہوا تھا جس کے بعد ڈالر کی قیمت 158.12 ہوگئی۔

تاہم دن کے اختتام تک 14 پیسے اضافے کے بعد ڈالر کی قیمت 158 روپے 31 پیسے ہوگئی۔

کراچی: پاکستان اسٹاک ایکسچینج میں مندی دیکھی گئی جس کے بعد 100 انڈیکس 40 ہزار پوائنٹس پر آگیا، دوسری جانب ایشیائی اسٹاک مارکیٹس میں تیزی کا رجحان ہے۔

تفصیلات کے مطابق کاروباری ہفتے کے پہلے روز سوموار کو پاکستان اسٹاک ایکسچینج میں مندی دیکھی گئی، دن کے اختتام تک 100 انڈیکس میں 64 پوائنٹس کی کمی ہوئی جس کے بعد انڈیکس 40 ہزار 505 پوائنٹس پر بند ہوا۔

گزشتہ ہفتہ پاکستان اسٹاک مارکیٹ کے لیے ملا جلا رہا تھا، گزشتہ ہفتے کے اختتام پر انڈیکس 40 ہزار 569 پوائنٹس پر بند ہوا تھا۔

اس دوران مارکیٹ میں 1 ارب 44 کروڑ شیئرز کا کاروبار ہوا، کاروبار کی مالیت 52 ارب 52 کروڑ روپے ہوئی، گزشتہ ہفتے کے دوران مارکیٹ کیپٹلائزیشن بھی 71 ارب روپے کم ہو کر 7 ہزار 465 ارب پر آگئی۔

ڈالر کی صورتحال

کاروباری ہفتے کے پہلے روز انٹر بینک میں ڈالر کی قیمت میں صرف 1 پیسہ اضافہ ہوا جس کے بعد انٹر بینک میں ڈالر 158 روپے 17 پیسے پر آگیا۔

ایشیائی اسٹاک مارکیٹس کی صورتحال

دوسری جانب ایشیائی اسٹاک مارکیٹس میں تیزی کا رجحان دیکھا جارہا ہے، جاپان کے نکئی انڈیکس میں 420 پوائنٹس کا اضافہ ہوا جس کے بعد انڈیکس 29 سال کی بلند ترین سطح پر پہنچ گیا۔

ہانگ کانگ کا ہینگ سینگ انڈیکس 74 پوائنٹس بڑھ گیا جبکہ چین کے شنگھائی کمپوزٹ انڈیکس میں بھی 20 پوائنٹس کا اضافہ دیکھا گیا۔

تیل اور سونے کی قیمتیں

عالمی مارکیٹ میں امریکی خام تیل کے سودے 40 ڈالرز 26 سینٹس فی بیرل سے اوپر برقرار ہیں، برینٹ کروڈ آئل کی قیمت 43 ڈالر 17 سینٹس فی بیرل پر آگئی۔

عالمی مارکیٹ میں فی اونس سونا 18 سو 97 ڈالر 13 سینٹس پر ٹریڈ کر رہا ہے۔

کراچی: پاکستان اسٹاک ایکسچینج میں 100 انڈیکس میں 300 سے زائد پوائنٹس کا اضافہ دیکھا گیا جس کے بعد انڈیکس 41 ہزار 153 پوائنٹس پر بند ہوا۔

تفصیلات کے مطابق کاروباری ہفتے کے دوسرے روز منگل کو پاکستان اسٹاک ایکسچینج میں تیزی دیکھی گئی، دن کے آغاز پر 100 انڈیکس میں 456 پوائنٹس کا اضافہ ہوا جس کے بعد انڈیکس 41 ہزار 240 پوائنٹس کی سطح پر پہنچ گیا۔

دن کے اختتام تک 100 انڈیکس میں کل 369 پوائنٹس کا اضافہ دیکھا گیا، انڈیکس 41 ہزار 153 پوائنٹس پر بند ہوا۔

ڈالر کی صورتحال

کاروباری ہفتے کے دوسرے روز انٹر بینک میں ڈالر کی قدر میں 21 پیسے کمی ہوئی جس کے بعد انٹر بینک میں ڈالر 158 روپے 70 پیسے پر آگیا۔

گزشتہ 2 ماہ 10 دن کے دوران ڈالر کی قیمت میں 9 روپے 37 پیسے کمی ہوچکی ہے۔

ایشیائی اسٹاک مارکیٹس کی صورتحال

دوسری جانب ایشیائی اسٹاک مارکیٹس میں بھی تیزی کا رجحان دیکھا جارہا ہے، جاپان کے نکئی انڈیکس میں 268 پوائنٹس کا اضافہ ہوا جبکہ ہانگ کانگ کا ہینگ سینگ انڈیکس 260 پوائنٹس بڑھ گیا۔

چین کے شنگھائی کمپوزٹ انڈیکس میں بھی 8 پوائنٹس کا اضافہ دیکھا گیا۔

تیل اور سونے کی قیمتیں

عالمی مارکیٹ میں امریکی خام تیل کے سودے 40 ڈالرز فی بیرل سے نیچے آگئے تاہم برینٹ کروڈ آئل کی قیمت 42 ڈالر سے اوپر برقرار ہے۔

عالمی مارکیٹ میں فی اونس سونا 18 سو 75 ڈالر 70 سینٹس پر ٹریڈ کر رہا ہے۔

کراچی: گزشتہ کاروباری ہفتے کے دوران پاکستان اسٹاک ایکسچینج میں کمی دیکھی گئی، 100 انڈیکس 39 ہزار پوائنٹس کی سطح پر آگیا۔

تفصیلات کے مطابق گزشتہ ہفتے پاکستان اسٹاک مارکیٹ میں 100 انڈیکس میں 13 سو 78 پوائنٹس کی کمی دیکھی گئی جس کے بعد 100 انڈیکس 39 ہزار 888 پوائنٹس پر بند ہوا۔

ایک ہفتے کے دوران انڈیکس میں 3.20فیصد کمی ہوئی، اس دوران انڈیکس کی بلند ترین سطح 41 ہزار 927 پوائنٹس اور کم ترین سطح 39 ہزار 283 پوائنٹس رہی۔

گزشتہ کاروباری ہفتے (26 سے 30 اکتوبر 2020) کے دوران 1 ارب کے 87 کروڑ شیئرز کا کاروبار ہوا، شیئرز بازار کے ہفتہ وار کاروبار کی مالیت 65 ارب روپے سے زائد رہی۔

گزشتہ ہفتے مارکیٹ کیپٹلائزیشن بھی 246 ارب روپے کم ہو کر 7 ہزار 399 ارب رہ گئی۔

دوسری جانب اسٹیٹ بینک کا کہنا ہے کہ گزشتہ ہفتے میں ملکی زر مبادلہ کے ذخائر میں بھی 51 لاکھ ڈالر کمی ہوئی۔

اسٹیٹ بینک کے مطابق 23 اکتوبر تک زرمبادلہ کے ذخائر 19 ارب 29 کروڑ ڈالرز پر آگئے، اسٹیٹ بینک کے پاس 12 ارب 12 کروڑ ڈالر زرمبادلہ کے ذخائر موجود رہ گئے۔