Tag: کاروں کی فروخت

کراچی: پاکستان میں کاروں کی فروخت 18 ماہ کی بلند ترین سطح پر پہنچ گئی، مالی سال میں 81 ہزار 577کاریں فروخت ہوئیں۔

تفصیلات کے مطابق افراطِ زر میں بتدریج کمی کے ساتھ آٹو فنانسنگ کی مانگ میں اضافہ ہوا، پاکستان آٹوموٹیو مینوفیکچررز ایسوسی ایشن نے بتایا کہ کاروں کی فروخت 18 ماہ کی بلند ترین سطح پر پہنچ گئی۔

پاما کا کہنا تھا کہ پاکستان میں گاڑیوں کی فروخت میں جون میں سالانہ 138فیصد اضافہ ریکارڈ کیا گیا ، مالی سال میں 81 ہزار 577 کاریں فروخت ہوئیں۔

پاکستان آٹوموٹیو مینوفیکچررز ایسوسی ایشن نے کہا کہ جون 2023 میں 4 ہزار257 یونٹس کےمقابلے میں جون 2024 میں 10ہزار128 یونٹس فروخت ہوئے، جون 2024 میں گاڑیوں کی فروخت 19 فیصد ماہانہ اضافے سے 10 ہزار 128 یونٹس رہی۔

پاما نے مزید بتایا کہ 1300سی سی اورزائد کی گاڑیوں کی فروخت 174فیصد اضافے سے 4 ہزار522یونٹس رہی جبکہ 1000 سی سی گاڑیوں نے 898 یونٹس کی فروخت ریکارڈ کی۔

جون 2024 میں بسوں اور ٹرکوں کی فروخت 299 یونٹس تک پہنچ گئی جبکہ جیپوں اور پک اپ کی فروخت 1 ہزار 776 سے بڑھ کر 3 ہزار 156 یونٹس ہوگئی۔

اسلام آباد : ملک میں کاروں کی فروخت میں جاری مالی سال کی پہلی سہ ماہی میں سالانہ بنیادوں پر40 فیصد کی کمی سامنے آئی ہے جبکہ ستمبر میں ماہانہ بنیادوں پر10 فیصد کا اضافہ ریکارڈ کیا گیا ہے۔

آل پاکستان آٹو مینو فیکچررز ایسوسی ایشن کے اعداد و شمار کے مطابق جولائی سے ستمبر تک کی مدت میں ملک میں کاروں کے 20983 یونٹس کی فروخت ریکارڈ کی گئی جو گزشتہ مالی سال کی اسی مدت کے مقابلہ میں 40 فیصد کم ہے۔

گزشتہ مالی سال کی اسی مدت میں ملک میں 35002 یونٹس کاروں کی فروخت ریکارڈ کی گئی تھی، ستمبر2023  میں ملک میں 8312 یونٹس کاروں کی فروخت ریکارڈ کی گئی جوگزشتہ سال ستمبرکے مقابلہ میں 26 فیصدکم ہے۔

ستمبر2022 میں ملک میں 11288 یونٹس کاروں کی فروخت ریکارڈ کی گئی تھی،اگست کے مقابلہ میں ستمبرمیں کاروں کی فروخت میں ماہانہ بنیادوں پر10 فیصد کا اضافہ ریکارڈ کیا گیا، اگست میں ملک میں 7579 یونٹس کاروں کی فروخت ریکارڈ کی گئی تھی جو ستمبرمیں بڑھ کر8312 یونٹس ہوگئی۔

اعداد و شمارکے مطابق جاری مالی سال کی پہلی سہ ماہی میں پاک سوزوکی کے 10946 یونٹس کاروں کی فروخت ریکارڈ کی گئی جو گزشتہ مالی سال کی اسی مدت کے 16639 یونٹس کے مقابلہ میں 34 فیصد کم ہے۔

پہلی سہ ماہی میں انڈس موٹرز کے 4511 یونٹس کاروں کی فروخت ریکارڈ کی گئی جو گزشتہ مالی سال کی اسی مدت کے 8868 یونٹس کے مقابلہ میں 49 فیصد کم ہے،مالی سال کی پہلی سہ ماہی میں ہونڈا اٹلس کے 2510 یونٹس کاروں کی فروخت ریکارڈ کی گئی جوگزشتہ مالی سال کی اسی مدت کے 5626 یونٹس کے مقابلہ میں 55 فیصدکم ہے۔

اسی طرح ہنڈائی نشاط کے 2167 یونٹس کاروں کی فروخت ریکارڈ کی گئی جوگزشتہ مالی سال کی اسی مدت کے مقابلہ میں 30 فیصدکم ہے، گزشتہ مالی سال کی اسی مدت میں ہونڈائی نشاط کے 3097 یونٹس کاروں کی فروخت ریکارڈ کی گئی تھی۔

اسلام آباد : پاکستان میں گزشتہ مالی سال کاروں کی فروخت میں 48 فیصد کم ہوئی ، مالی سال 2021دو لاکھ اناسی ہزار 266 یونٹس فروخت ہوئے تھے۔

تفصیلات کے مطابق گزشتہ مالی سال کاروں کی فروخت اڑتالیس فیصد کم ہو کر ایک لاکھ 26 ہزار دوسواناسی یونٹس رہ گئی۔

پاکستان آٹوموٹیو مینوفیکچرز ایسوسی ایشن نے بتایا کہ مئی 2023 کے مقابلے میں رواں سال جون میں 8 فیصد اضافہ کے ساتھ 4258 یونٹس کی فروخت ہوئی۔

گزشہ مالی سال میں مجموعی آٹو سیلز اڑتیس فیصد کم ہوئیں، مالی سال دو ہزار اکیس بائیس کے مقابلے میں گزشتہ سال تیرا لاکھ اڑتالیس ہزار تین سو پینتالس یونٹس فروخت ہوئے۔

پاک سوزوکی اور ہنڈا کمپنیز کی کاروں کی فروخت میں ستاون فیصد، انڈس ٹویوٹا میں پچاس فیصد جبکہ ٹریکٹرز کی سیلز میں اڑتالیس فیصد کی کمی آئی ہے۔

مالی سال دوہزار اکیس بائیس میں دو لاکھ اناسی ہزار دوسو سٹرسٹھ یونٹس فروخت ہوئے تھے۔