Tag: کاغذات نامزدگی

پنجاب کی 4 ہزار 28 یونین کونسلوں اور 172 میونسپل کمیٹیوں کیلئے ایک لاکھ 63 ہزار 384 امیدواروں نے کاغذات نامزدگی جمع کرائے ہیں ، الیکشن کمیشن میں کل سے کاغذات نامزدگی پر اعتراضات وصول کیے جائیں گے۔ پنجاب میں یونین کونسلوں کے لئے ایک لاکھ 42 ہزار 456 جبکہ میونسپل کمیٹیوں کے لئے 20 ہزار 928 امیدواروں نے کاغذات نامزدگی جمع کرا ئے

جنرل کونسلر کے لئے 75 ہزار 488، خواتین 20 ہزار 390 اور کسانوں، مزدوروں کی نشستوں کے لئے 10 ہزار 308 امیدوار سامنے آئے ہیں۔ نوجوانوں کی مخصوص نشست کیلئے 9 ہزار 105 جبکہ اقلیتی نشستوں کیلئے 7 ہزار 25 امیدواروں نے کاغذات نامزدگی جمع کرائے ہیں۔

صرف لاہور ضلع میں 14991 امیدواروں نے کاغذات نامزدگی جمع کروائے۔ ایک ہزار ،522چیئرمین اور وائس چیئرمین اور عام نشستوں کے لئے768امیدواروں کے کاغذات جمع کرائے گئے۔ نوجوانوں نے ایک ہزار 1خواتین اور کسانوں نے ایک ہزار 574 کاغذات جمع کرائے

پنجاب میں بلدیاتی انتخابات کے لیے کا غذات نامزدگی جمع کرانے کے لیے الیکشن کمیشن نے وقت میں رات بار ہ بجے تک توسیع کردی ہے، کاغذات نامدگی جمع کرائے جانے کے شیڈول کے مطابق بلدیاتی انتخابات کے لیے بائیس دسمبر سے ستائیس دسمبر کو شام چاربجے تک کاغذات نامزدگی جمع کروائے جانے کا شیڈول دیا گیا تھا۔

تاہم الیکشن کمیشن نے آج کاغذات نامزدگی جمع کرائے جانے کے وقت میں مزید آٹھ گھنٹے کی توسیع کردی ہے جس کے تحت امیدوار آج رات بارہ بجے تک کاغذات نامزدگی جمع کرواسکتے ہیں، ذرائع کے مطابق وقت میں توسیع کا مقصد زیادہ سے زیادہ امیدواروں کو کاغذات نامزدگی جمع کرانے کا موقع فراہم کرنا ہے۔

پنجاب میں بلدیاتی انتخابات کیلئے کاغذات نامزدگی جمع کرانے کا آج آخری دن ہے، امیدواروں کی بڑی تعداد نے کاغذات نامزدگی داخل کرا دیئے.

پنجاب میں بلدیاتی انتخابات کیلئے کاغذات نامزدگی وصول کرنے کا آغاز 22 دسمبر کو ہوا تھا جبکہ آج آخری دن ہے، امیدواروں کی ابتدائی فہرست 28 دسمبر کو جاری ہوگی جبکہ اگلے روز اعتراضات وسول کئے جائیں گے۔

سکروٹنی کا عمل 30 دسمبر سے 4 جنوری تک ہوگا، کاغذات نامزدگی مسترد یا قبول کئے جانے کے خلاف 6 اور 7 جنوری کو کی جا سکیں گی، انتخابی شیدول کے مطابق کاغذات نامزدگی 12 جنوری کو واپس لئے جا سکیں گے۔

امیدواروں کی حتمی فہرست کا اجراء اور انتخابی نشانات کی الاٹمنٹ 13 جنوری کو ہوگی، پولنگ 30 جنوری کو ہوگی جبکہ سرکاری نتائج 2 فروری کو جاری کئے جائیں گے۔

پنجاب میں بلدیاتی انتخابات کےلئے کاغذات نامزدگی جمع کرانے کا آج دوسرا روز ہے۔ ۔صوبے کی اڑتالیس ہزار تین سو چھتیس نشستوں پر دنگل کے لئے کاغذات ستائیس دسمبرتک وصول کئے جائیں گے۔

وصول کئے گئے کاغذات سے متعلق نوٹی فیکیشن اٹھائیس دسمبرکو جاری کیاجائے گا۔ الیکشن کمیشن کے مطابق کاغذات کی جانچ پڑتال تین اورچار جنوری کو جائے گی۔

منظوریا مسترد ہونے والے کاغذات کے خلاف اپیلیں دائرکرنے کےلئے چھ اور سات جنوری کے تاریخ مقررکی گئی ہے۔اپیلوں پر فیصلے آٹھ جنوری سے گیارہ جنوری تک سنایاجائے گا۔ جبکہ بارہ جنوری کو امیدوار کاغذات واپس لے سکیں گے ۔

بلدیاتی انتخاب میں حصہ لینے والے امیدواروں کی حتمی فہرست تیرہ جنوری کو جاری کی جائے گی۔صوبے میں بلدیاتی انتخاب کےلئے پولنگ تیس جنوری کو ہوگی۔ جس کے تین روز بعد دوفروری کو حتمی نتائج کا اعلان کیا جائےگا۔