حال ہی میں بالی وڈ اداکار آدتیہ رائے کپور اور ارجن کپور کافی ود کرن میں شریک ہوئے جس میں میزبان نے ان سے کئی سوالات پوچھے۔
کافی ود کرن کے آٹھویں سیزن کی آٹھویں قسط میں اداکار آدتیہ رائے کپور اور ارجن کپور بطور مہمان نظر آئیں گے۔ نئی قسط کا پرومو جاری کیا گیا ہے جس میں آدتیہ کپور یہ بتاتے ہوئے نظر آرہے ہیں کہ موجودہ دوست اننیا پانڈے اور سابق دوست شردھا کپور میں سے وہ کسے منتخب کریں گے۔
آدتیہ نے اننیا پانڈے کے ساتھ سامنے آنے والی ڈیٹنگ کی افواہوں کا بھی جواب دیا جبکہ اپنی سابق دوست شردھا کپور کے حوالے سے بھی ایک سوال کا برملا جواب دیا۔
آدتیہ سے جب اننیا اور شردھا کے بارے میں پوچھا گیا تو ساتھ بیٹھنے ارجن کپور نے تقریباً اس بات کی تصدیق کر دی تھی کہ آدتیہ رائے کپور ماضی میں شردھا کے ساتھ تعلقات میں تھے۔
جب کرن جوہر نے آدتیہ سے کہا کہ وہ اپنی موجودہ دوست اننیا اور عاشقی 2 کی ساتھی اداکارہ شردھا میں سے کس کا ا انتخاب کریں گے۔
انھوں نے پوچھا کہ اگر آپ اننیا پانڈے اور شردھا کپور کے ساتھ لفٹ میں پھنس جاتے تو آپ کیا کرتے؟ جس پر ان کی جگہ ارجن نے کہا کہ عاشقی تو ضرور کرتا، اب کس کے ساتھ وہ نہیں پتا آدتیہ نے ارجن کی بات پر ردعمل دیتے ہوئے کہا ’کیا؟!‘
جس پر ارجن کپور بولے کہ وہ صرف مذاق کر رہے تھے۔ اس دوران آدتیہ نے کرن سے درخواست کی کہ موضوع کو تبدیل کریں اور آگے بڑھیں۔
