Tag: کالعدم تنظیم
-
لاہور:مریدکے سے کالعدم تنظیم کے 3مبینہ دہشتگرد گرفتار
مرید کے میں کالعدم تنظیم کے تین مبینہ دہشت گرد پکڑے گئے، ملزمان سے بھاری مقدار میں اسلحہ، دھماکا خیز مواد اور نقشے برآمد کرلئے گئے۔
لاہور میں قانون نافذ کرنے والے ادارے نے کارروائی کرتے ہوئے مریدکے سے تین مبینہ دہشتگردوں کو حراست میں لے لیا، ملزمان سے بھاری مقدار میں اسلحہ، دھماکہ خیز مواد اور نقشہ جات بھی برآمد ہوئے۔
ذرائع کا کہنا ہے کہ دہشت گردوں نے لاہور، گوجرانوالہ اور سیالکوٹ میں عید میلادالنبی کے موقع پر جلوسوں کو نشانہ بنانے کی منصوبہ بندی کررکھی تھی، ملزمان کو مزید تفتیش کے لئے نامعلوم مقامات پر منتقل کر دیا گیا۔
-
نوشہرہ:پولیس اور کالعدم تنظیم کے ارکان میں مقابلہ،2ملزم گرفتار
ضلع نوشہرہ کے علاقہ اکبر پورہ میں پولیس اور کالعدم تنظیم کے ارکان کے ساتھ مقابلے کے بعد دو ملزموں کو گرفتار کرلیا ہے جبکہ باقی افراد فرار ہونے میں کامیاب ہوگئے۔
ملزموں کے قبضے سے خطرناک اسلحہ اور 3گرنیڈ بھی قبضے میں لے لیے گئے، دونوں گرفتار افراد کو تفتیش کیلئے نامعلوم مقام پر منتقل کردیا گیا ہے، پولیس کے مطابق کالعدم تنظیم کے ارکان علاقے میں کسی بڑی واردات کیلئے موجود تھے، فرار ہونے والے افراد کی گرفتاری کیلئے علاقے میں سرچ آپریشن شروع کردیا گیا ہے۔
-
کراچی:ٹارگٹڈ آپریشن، 2مبینہ دہشتگردوں سمیت 6ٹارگٹ کلرز گرفتار
کراچی میں دومبینہ دہشتگردوں سمیت چھ ٹارگٹ کلرز پکڑے گئے جبکہ ٹارگٹڈ آپریشن میں مختلف علاقوں سے پچیس سے زائد جرائم پیشہ افراد کو حراست میں لے لیا گیا۔
سی آئی ڈی پولیس نے سرجانی ٹاون میں پولیس مقابلے کے بعد کالعدم تنظیم سے تعلق رکھنے والے دو دہشتگردوں آصف اور شہادت حسین کو گرفتار کرلیا، سی آئی ڈی حکام کے گرفتار ملزمان فرقہ وارانہ ٹارگٹ کلنگ اور ڈکیتیوں کی وارداتوں میں ملوث رہے ہیں۔
سی آئی ڈی پولیس کی مختلف ٹیموں نے لیاری اور بلدیہ ٹاون میں کاروائیاں کرتے ہوئے لیاری گینگ وار اور سیاسی جماعتوں سے تعلق رکھنے والے4ٹارگٹ کلرز کو بھی گرفتار کیا، کورنگی صنعتی ایریا میں پولیس نے مقابلے کے بعد دو ڈاکووں کو زخمی حالت میں گرفتار کیا۔
نیوکراچی اور سپر مارکیٹ سے بھی پولیس نے قتل اور بھتہ خوری میں ملوث2ملزمان کو گرفتار کرلیا، شہر کے دیگر علاقوں میں بھی سیکورٹی اداروں نے چھاپہ مار کاروائیوں کے دوران22ملزمان کو حراست میں لیکر تفتیش کیلئے نامعلوم مقام پر منتقل کردیا ہے۔
