Tag: کالعدم تنظیم

لاڑکانہ : سی ٹی ڈی لاڑکانہ نے کارروائی کرتے ہوئے کالعدم تنظیم کے 3 مبینہ دہشت گرد گرفتار کرلئے، دوران تفتیش ملزمان نے کئی انکشافات کئے۔

تفصیلات کے مطابق سی ٹی ڈی نے جیکب آباد روڈ پر کارروائی کی اور کارروائی کے دوران کالعدم تنظیم کے 3 دہشتگرد گرفتار کرلئے۔

ترجمان سی ٹی ڈی نے بتایا کہ ملزمان سے بارودی مواد ،12 نان الیکٹریکل ڈیٹونیٹر،بال بیئرنگ بھی برآمد ہوئے۔

گرفتار دہشت گردوں کا تعلق کالعدم تنظیم بی آرجی سے ہے، دوران تفتیش ملزمان نے کئی انکشافات کئے۔

ترجمان کا کہنا تھا کہ ملزم عبدالحمید نے2011میں تفتان میں افغانی ٹرینرز سےتربیت لی ، افغانی ٹرینر پہلے سے ہی ٹریننگ کیمپ میں موجود تھے۔

سی ٹی ڈی نے مزید بتایا کہ عبدالحمید نے تفتان سے جیکب آباد گولیاں اور بارودی مواد اسمگل کیا اور دسمبر2021میں نامعلوم افراد نے جیکب آباد میں ایمونیشن فراہم کیا۔

ملزمان نے انکشاف کیا کہ جنوری2022میں دو دستی بم کوٹ نیم الفا کو فراہم کئے اور مارچ 2022میں ایک دستی بم ببوا کو دیا۔

ترجمان سی ٹی ڈی کا کہنا تھا کہ عثمان ببوا 25جون2022کو جیکب آباد دستی بم دھماکے میں ملوث ہے جبکہ گرفتار ملزم اسماعیل متعدد دہشتگردی حملوں اور بھتہ خوری میں ملوث ہے۔

سی ٹی ڈی کے مطابق گرفتار ملزم نے دھماکا خیز مواد کا استعمال ،آئی ای ڈی اور ایم سی آئی ای ڈیزبنانے کی تربیت تفتان سے حاصل کی ہے۔

کراچی: شہر قائد میں سی ٹی ڈی انویسٹی گیشن نے کارروائی کرتے ہوئے کالعدم سیاسی تنظیم سے تعلق رکھنے والے مبینہ ٹارگٹ کلر کو گرفتار کرلیا۔

تفصیلات کے مطابق کراچی میں سی ٹی ڈی انویسٹی گیشن گارڈن کی بڑا بورڈ بس اسٹاپ کے قریب کارروائی کی۔

کارروائی کے دوران کالعدم سیاسی تنظیم سے تعلق رکھنے والے مبینہ ٹارگٹ کلر کو گرفتار کرلیا۔

سی ٹی ڈی حکام نے بتایا کہ ابتدائی تفتیش میں ملزم نے انکشاف کیا کہ اس نے سال 2002میں کالعدم سیاسی تنظیم میں شمولیت اختیارکی۔

ملزم نے دیگر ساتھیوں کے ہمراہ مخالف سیاسی جماعتوں کے کارکنان کی ٹارگٹ کلنگ کا بھی اعتراف کیا۔

سی ٹی ڈی حکام نے دعویٰ کیا کہ ملزم نے سال 2012 میں انوبھائی پارک کے قریب چار لڑکوں پر فاٰئرنگ کی تھی، جس میں تین افرادجاں بحق ہوئے تھے۔

حکام کا کہنا تھا کہ ملزم نے دیگر قتل کی وارداتوں کا بھی اعتراف کیا ہے۔

راولپنڈی :کالعدم تنظیم کے مزید 82 کارکنان کو اڈیالہ جیل سے رہا کردیا گیا ، اب تک اڈیالہ جیل سے 132 کارکنان کو رہا کیا جاچکا ہے۔

تفصیلات کے مطابق حکومت کی جانب سے کالعدم تنظیم کے کارکنان کی رہائی کا سلسلہ جاری ہے، اڈیالہ جیل سے مزید بیاسی افراد کورہا کر دیا گیا‌۔

جیل ذرائع کا کہنا ہے کہ گزشتہ روز 50 کارکنوں کو رہا کیا گیا تھا، اب تک اڈیالہ جیل سے 132 کارکنان کورہاکیاجاچکاہے، گزشتہ رات جہلم جیل سے کالعدم جماعت کے 74 کارکنان رہا کئے گئے تھے۔

دوسری جانب گوجرانوالہ میں معمولات زندگی بحال ہوگئی، مگرکالعدم تنظیم کے کارکناں نےوزیرآباد کا اللہ والاچوک اب تک خالی نہیں کیا، جس کےباعث لاہورسے اسلام آبادجی ٹی روڈ تاحال بند ہے، خندقیں بھی پُرنہیں ہوسکی ہیں۔

گجرات میں دریائے چناب ٹول پلازہ ٹریفک کیلئے کھل نہ سکا، دریائےچناب کےتینوں پلوں پرکنٹینراورپولیس کی بھاری نفری موجود ہےاور پیدل چلنے والوں کو شناخت کے بعد جانے کی اجازت دی جارہی ہیں۔

موٹر وے پولیس نے ہدایت کی ہے کہ گجرات سے لاہورجانےوالی گاڑیاں متبادل راستہ اختیارکریں۔

یاد رہے گذشتہ روز حکومت اور کالعدم تحریک لبیک کے درمیان طے پانے والے معاہدے پر عملدرامد کرتے ہوئے پنجاب میں حراست میں لیے جانے والے تحریک لبیک کے آٹھ سو ساٹھ کارکنوں کو رہا کردیا گیا تھا۔

محکمہ داخلہ کا کہنا تھا کہ پہلے مرحلے میں ان کارکنوں کو رہا کیا جائے گا جو براہ راست پرتشدد واقعات میں ملوث نہیں اور ان کے خلاف کسی قسم کا کوئی فوجداری مقدمہ درج نہیں ہے۔

ذرائع کے مطابق دوسرے مرحلے میں محکمہ داخلہ نے سولہ ایم۔ پی۔ او اور شیڈول فور کے تحت نظربند کئے جانے والوں کے کیسسز کا جائزہ لینا شروع کر دیا ہے۔

ایبٹ آباد: ایف آئی اے سائبر کرائم نے کالعدم تنظیم کا مواد سوشل میڈیا پر شیئر کرنے والے ایک اور ملزم کو گرفتار کرکے یوایس بی اور لیپ ٹاپ برآمد کرلیا۔

تفصیلات کے مطابق ایف آئی اےسائبر کرائم کا سوشل میڈیا پر اشتعال انگیز مواد پھیلانے والوں کے خلاف کریک ڈاؤن جاری ہے ، ایف آئی اےسائبر کرائم نے  ایبٹ آباد میں کارروائی کرتے ہوئے کالعدم تنظیم کا مواد سوشل میڈیاپرشیئرکرنے والے ملزم کو گرفتار کرلیا۔

ایف آئی اےسائبر کرائم کا کہنا ہے کہ ملزم سے یوایس بی اورلیپ ٹاپ بھی برآمد ہوا ہے۔

گذشتہ روز ایف آئی اے سائبر کرائم راولپنڈی نے ایک کارروائی میں کالعدم تحریک لبیک کے سوشل میڈیا اکاؤنٹ چلانے والے 3 ملزمان کو گرفتار کرلیا تھا۔

حکام کے مطابق ملزمان ملزمان سے سوشل میڈیا اکاؤنٹس کا ڈیٹا قبضے میں لے لیا گیا ، ملزمان فیس بک اور ٹویٹر پر ٹی ایل پی کی جانب سے اشتعال انگیز مواد شیئر کر رہے تھے۔

ایف آئی اے کا کہنا تھا کہ ملزموں کے خلاف الیکٹرانک ایکٹ کے تحت کارروائی کا آغاز کر دیا گیا ہے۔