Tag: کالعدم ٹی ٹی پی

کالعدم تحریک طالبان پاکستان (ٹی ٹی پی) کی تنظیم نو میں افغانستان کا کردار ہے کیونکہ کابل میں افغان طالبان کے کنٹرول کے بعد کالعدم ٹی ٹی پی کو سب سے بڑا فائدہ ہوا۔

تفصیلات کے مطابق کالعدم تحریک طالبان پاکستان (ٹی ٹی پی) کی تنظیم نو میں افغانستان کے کردار کے حوالے سے ایک رپورٹ سامنے آئی ،جس میں کہا گیا کہ 2014 میں پاک فوج نے دہشت گردی کے خاتمے کیلئےآپریشن ضرب عضب شروع کیا تو پاکستان میں کالعدم ٹی ٹی پی کا شیرازہ بکھرگیا۔

رپورٹ میں کہنا تھا کہ آپریشن ضرب عضب کے بعد دہشت گرد خود کو بچانے اور منظم کرنے کے لئے افغانستان بھاگے، طالبان کی فتح کا پرچم لہرایا تو کالعدم ٹی ٹی پی پہلاگروہ تھا، جس نےجشن منایا اور غیرمشروط حمایت کا اعلان کیا۔

نورولی محسود نے امیر ہیبت اللہ اخونزادہ سے وفاداری کااعلان کیا، کابل میں افغان طالبان کے کنٹرول سے کالعدم ٹی ٹی پی کوسب سےبڑافائدہ ہوا۔

طالبان کے کنٹرول کے بعد مولوی فقیرمحمد باجوڑی اور مفتی خالد بلتی سمیت کالعدم ٹی ٹی پی کے سینکڑوں دہشت گرد رہا ہوئے اور ان کی طاقت میں مزید اضافہ ہوا۔

کالعدم ٹی ٹی پی کو پاکستان سے متصل افغان سرزمین پر حفاظت کیساتھ تنظیم نو کے مواقع ملے، افغان طالبان کے کچھ گروہ کالعدم ٹی ٹی پی کی حمایت کو مذہبی اورقومی ذمہ داری سمجھتے ہیں اور اب افغان طالبان کے کچھ سپاہیوں نےیہاں تک کہہ دیا جہاد کا اگلا حصہ پاکستان کیخلاف جنگ ہے۔

کالعدم ٹی ٹی پی کے دہشت گردوں کے گرفتار ہونے سے پہلے بارڈر پر لگائی باڑ کاٹنے کی کوشش کی فوٹیجز بھی سامنے آئی ہے۔

کالعدم ٹی ٹی پی کی پاکستان کیخلاف مکروہ جنگ میں افغان خود کش بمباروں کی شمولیت کےشواہد موجود ہیں، اب سوال ہے کیا افغان طالبان اپنی سرزمین پرموجود کالعدم ٹی ٹی پی کے دہشت گردوں کو لگام ڈالیں گے؟ یا اسی طرح معصوم پاکستانی ٹی ٹی پی خوراج کی بربریت کا نشانہ بنتے رہیں گے؟

واشنگٹن : امریکی نمائندہ خصوصی برائے افغانستان  تھامس ویسٹ نے کالعدم ٹی ٹی پی کی دہشت گرد کارروائیوں کے حوالے سے پاکستانی مؤقف کی تائید کردی۔

امریکی نمائندہ تھامس ویسٹ نے کالعدم ٹی ٹی پی کےحوالے سے پاکستانی مؤقف کی تائید کردی ، تھامس ویسٹ نمائندہ خصوصی افغانستان،ڈپٹی اسسٹنٹ سیکرٹری بیوروساؤتھ اینڈ سینٹرل ایشین افیئرز ہیں اور امن مشنزکےلئےعالمی سطح پرتھامس ویسٹ کی خدمات قابل قدر ہیں۔

تھامس ویسٹ نے سیمینار سے اظہار خیال کرتے ہوئے میں ٹی ٹی پی کی کارروائیوں کے حوالے سے کہا کہ ٹی ٹی پی خطےکے امن کے لیے شدیدترین خطرہ ہے، ٹی ٹی پی کی جانب سےافغان سرزمین کواستعمال کرکےحملوں میں اضافہ دیکھنےمیں آیا۔

امریکی نمائندہ خصوصی کا کہنا تھا کہ ٹی ٹی پی پاکستان سےنکالےجانےپرافغان طالبان کی حامی بن کرجنگ لڑتی رہی، افغان طالبان اورٹی ٹی پی آپریشنل اورمالی معاونت میں ایک پیج پرہیں، افغان طالبان ٹی ٹی پی کولاجسٹک سپورٹ بھی فراہم کرتے آئے ہیں، پاکستان خطےمیں امن کےلیےہمیشہ مددگاررہاہے۔

تھامس ویسٹ نے خطےمیں امن کیلئےپاکستانی کاوشوں کی تعریف کرتے ہوئے کہا کہ پاکستان سیکیورٹی مسائل کی نشاندہی،افغان مہاجرین معاملےپرانتہائی مددگار رہا ہے۔

معروف تجزیہ کار رستم شاہ مہمند کا کہنا ہے کہ کالعدم ٹی ٹی پی ایک دہشت گردجماعت ہے، جسےعوام کی حمایت حاصل نہیں۔

تفصیلات کے مطابق معروف تجزیہ کار رستم شاہ مہمند نے کالعدم ٹی ٹی پی کےبارے میں تاثرات کا اظہار کرتے ہوئے کہا کہ کالعدم ٹی ٹی پی ایک دہشت گرد جماعت ہے، جس کو عوام کی بھی حمایت حاصل نہیں ہے۔

رستم شاہ مہمند کا کہنا تھا کہ کالعدم ٹی ٹی پی کےاندرونی اختلافات بہت زیادہ بڑھ گئےہیں، جس کے باعث کالعدم ٹی ٹی پی تنظیم وقت کےساتھ ساتھ کمزور ہوتی جارہی ہے۔

معروف تجزیہ کار نے بتایا کہ آپس کے اختلافات اوروسائل کی کمی کی وجہ سےیہ تنظیم اب قریب المرگ ہے، جہاد کا فیصلہ کون کرسکتاہے یہ تو مجدد علما کرام ہی بتا سکتےہیں۔

ان کا کہنا تھا کہ کالعدم ٹی ٹی پی اسلامی ریاست کیلئے جہاد کا نام استعمال کررہی ہے تو اسے حکومت پاکستان سے مذاکرات کرنے چاہئیں۔

رستم شاہ مہمند نے کہا کہ اگرکالعدم ٹی ٹی پی کسی مخصوص حصہ میں الگ نظام چاہتی ہے تو اس کے لئے بھی اسے پہلےریاست پاکستان کو تسلیم کرنا ہوگا، اس کے بعدآئین پاکستان کے مطابق قانون سازی کی جاسکتی ہے۔

معروف تجزیہ کار نے اپنے تاثرات میں کہا کہ موجودہ حالات میں کالعدم ٹی ٹی پی کو خود نہیں پتہ کہ وہ کیوں لڑرہےہیں، ریاست پاکستان کوبھی نہیں معلوم کالعدم ٹی ٹی پی کی کیاخواہشات ہیں،دونوں کوابہام دورکرناچاہئے۔

لاہور: سی ٹی ڈی نے انٹیلی جنس بیسڈ آپریشنکرتے ہوئے کالعدم ٹی ٹی پی اور القاعدہ کے 9 دہشتگرد کو گرفتار کرلیا۔

ترجمان کاؤنٹر ٹیررزم ڈیپارٹمنٹ پنجاب (سی ٹی ڈی ) کے مطابق انٹیلی جنس بیسڈ کارروائیاں فیصل آباد، گوجرانوالہ، بہاولپور، ڈی جی خان، ملتان میں کی گئیں، آپریشن کے دوران 9 دہشتگرد کو گرفتار کیا گیا۔

ترجمان سی ٹی ڈی کے مطابق دہشتگردوں کا تعلق  ٹی ٹی پی اور القاعدہ سے ہے، دہشتگردوں سے بارودی مواد، ڈیٹونیٹر، 2 فیوز اور ڈیڑھ لاکھ روپے سے زائد نقدی برآمد کرلی ہے۔

ترجمان نے بتایا کہ گرفتار دہشتگرد میں نوید خان، خرم، غلام حسین، غلام عباس، اویس، محمد سیف اور حسین شامل ہیں جس کیخلاف مقدمات درج کرلیا گیا۔

حکام کے مطابق رواں ہفتے 153 کومبنگ آپریشنز کے دوران 8 مشتبہ افراد گرفتار کیے، کومبنگ آپریشنز میں 7751  افراد سے پوچھ کچھ کی گئی۔

اسلام آباد : پاکستانی دفتر خارجہ کی ترجمان ممتاز زہرابلوچ نے واضح کیا کہ کالعدم ٹی ٹی پی سے مذاکرات نہیں ہوں گے، کالعدم ٹی ٹی پی پاکستانی شہریوں اور سیکیورٹی فورسز پر حملوں میں ملوث ہیں۔

تفصیلات کے مطابق پاکستانی دفتر خارجہ کی ترجمان ممتاز زہرا بلوچ نے میڈیا بریفنگ دیتے ہوئے واضح کیا کہ کالعدم ٹی ٹی پی سےمذاکرات نہیں ہوں گے، کالعدم ٹی ٹی پی پاکستانی شہریوں اور سیکیورٹی فورسزپرحملوں میں ملوث ہیں ، وزیر خارجہ بھی کہہ چکےہیں کہ ایسےافرادسےمذاکرات نہیں ہوں گے۔

ترجمان دفترخارجہ نے کہا کہ وزیر خارجہ 2 اور3 جولائی کوجاپان کادورہ کریں گے، پاکستان قازقستان کادو طرفہ اجلاس آستانہ میں 26 جون کوہو گا، جس میں مختلف شعبوں میں تعاون کےفروغ پرتبادلہ خیال کیا جائے گا۔

انھوں نے بتایا کہ رواں ہفتے روسی ڈپٹی وزیر خارجہ نے پاکستان کا اہم دورہ کیا ، دونوں ملکوں کےدرمیان دو طرفہ تعلقات کے فروغ پر اتفاق کیا گیا ، روسی ڈپٹی وزیر خارجہ اور سیکرٹری خارجہ پاکستان کے مذاکرات ہوئے ، دونوں نےشنگھائی تعاون تنظیم کے حوالے سے گفتگو کی۔

ممتاز زہرا بلوچ کا کہنا تھا کہ یورپی یونین سے برسلزمیں مذاکرات ہوں گے ، جی ایس پی پلس پربات ہوگی ، یورپی یونین کے ساتھ پاکستان کی تجارت کو بڑھایا جائے گا۔

کشتی حادثے کے حوالے سے ترجمان نے کہا کہ یونان کشتی حادثےپرلواحقین کےاہل خانہ سےتعزیت کرتےہیں، یونان کشتی حادثےمیں 12 پاکستانی زندہ بچ گئے ،84 لاشیں نکالی جا چکی ہیں اور لاشوں کی شناخت کاعمل ڈی این اے سےجاری ہے۔