Tag: کامران ٹیسوری

کراچی: گورنر سندھ کامران ٹیسوری نے نوجوانوں کو قرعہ اندازی کے ذریعے دبئی کے 24 ٹکٹس دینے کا اعلان کردیا۔

تفصیلات کے مطابق ہاکی اسٹیڈیم میں منعقدہ میگا آئی ٹی انٹری ٹیسٹ میں ہزاروں نوجوانوں نے بھرپور شرکت کی، تقریب میں گورنر سندھ کامران ٹیسوری بھی شریک ہوئے اور نوجوانوں کی حوصلہ افزائی کی

گورنر سندھ تقریب کے دوران نوجوانوں کو قرعہ اندازی کے ذریعے دبئی کے 24 ٹکٹس دینے کا اعلان کرتے ہوئے کہا تقریب میں شریک ایک طالبہ کو عمرے کا ٹکٹ انعام میں دیا۔

کامران ٹیسوری نوجوانوں کے درمیان جاکر ان کا حوصلہ بڑھاتے رہے، تقریب سے خطاب کرتے ہوئے گورنر سندھ نے کہا کہ پہلے ہماری افواج نے بھارت کے جہاز گرائے اور اب نوجوانوں کے ساتھ مل کر بھارت کی آئی ٹی ایکسپورٹ کو گرائیں گے۔

ان کا کہنا تھا کہ آئی ٹی تعلیم کے خواہشمند نوجوانوں کے لیے گورنر ہاؤس کے دروازے ہر وقت کھلے ہیں، پوری کوشش ہے کہ نوجوان اپنے پیروں پر کھڑے ہوں اور ہم انہیں ہر ممکن تعاون فراہم کریں گے۔

یاد رہے اس سے قبل انہوں نے لیاری میں عمارت گرنے کے المناک واقعے میں جاں بحق افراد کے لواحقین کو 80 گز کا پلاٹ دینے کا اعلان کیا تھا۔

گورنر سندھ نے مطالبہ کیا تھا کہ سندھ حکومت متاثرہ خاندانوں کو 6 ماہ کا کرایہ ادا کرے اور انہیں اسی علاقے میں رہائش کے لیے گھر فراہم کیے جائیں۔

کراچی : گورنر سندھ کامران ٹیسوری کا کہنا ہے کہ کراچی میں پانی ہے اور نہ ہی بجلی ہے لگتا ہے ہم چاند پر رہ رہے ہیں۔

تفصیلات کے مطابق گورنر سندھ کامران ٹیسوری نے گورنر ہاؤس کراچی میں تقریب سے خطاب کرتے ہوئے کہا کہ ایسا لگ رہا ہے کراچی والے چاند پر رہے رہے ہیں ، کیونکہ وہاں بھی پانی ، بھی گیس نہیں اور کراچی کی عوام کو بھی یہ تین چیزیں میسر نہیں ، اب تو ان کے بغیر جینے کی عادت بن چکی ہے۔

گورنر سندھ کا کہنا تھا کہ اللہ نے دس مئی کو پاکستان کو اس خطے میں کتنی بڑی کامیابی سے نوازا ، طاقت ، وسائل اور ٹیکنالوجی میں ہم سے زیادہ بڑا ملک لیکن جب اللہ کی لاٹھی چلی تو اسکا غرور خاک میں مل گیا ، یہ سب اللہ کی مدد و نصرت کی وجہ سے ہوا

انھوں نے کہا کہ چوبیس کڑور لوگوں کو اللہ کا شکر ادا کرنا چاہیے کہ ہم ایک آزاد اسلامی ملک میں سانس لے رہے ہیں۔

کامران ٹیسوری کا مزید کہنا تھا کہ صوبے کے عوام سے محبت کرتا رہوں گا اور حق اور سچ کی آواز بنتارہوں گا، مجھےتو ہٹانے کی متعدد بارکوششیں کیں گئیں، ہمیں ایمان یقین محکم پرعمل پیراہ ہونا ہے، عزتوں کا مالک اللہ تعالی ہے۔

انھوں نے بتایا کہ گورنرہاوس کے پاس کوئی بجٹ نہیں ہے لیجن تین ہزار اسکولز کے بچوں کاناشتہ بھجوایاجاتاہے ، گورنرہاوس میں پچاس ہزار بچے آئی ٹی کی تعلیم حاصل کررہے ہیں، چوری شدہ بائک کے متبادل نئی موٹربائیک دی گئیں۔

گورنر سندھ نے کہا کہ کیا ہم سچے امتی ہیں؟ اللہ تعالی نے مجھے بارہ ربیع الاول کے دن گورنرکےمنصب پرفائزکیا۔

کراچی : گورنر سندھ کامران ٹیسوری نے نجف میں حضرت علی کرم اللّٰہ وجہہ کے روضہ پر حاضری دی اور اہم مقامات کی زیارت کرکے ملک کی سلامتی و استحکام کے لیے خصوصی دعائیں کیں۔

تفصیلات کے مطابق گورنر سندھ کامران ٹیسوری بوہرہ کمیونٹی کے روحانی پیشواء سیدنا مفضل سیف الدین کی خصوصی دعوت پر پانچ روزہ دورے پر عراق پہنچے۔

نجف ائیرپورٹ پر پاکستانی سفیر نے گورنر ٹیسوری کا استقبال کیا، نجف میں گورنر سندھ نے حضرت علی کرم اللّٰہ وجہہ کے روضہ پر حاضری دی ساتھ ان کے تاریخی گھر اور مسجد کوفہ کی زیارت کی۔

حضرت مسلم بن عقیلؓ کے روضہ اقدس پر بھی فاتحہ خوانی کی اور مہمانوں کی یادگارکتاب میں اپنےقلبی تاثرات قلمبند کیے۔

کامران ٹیسوری نے نجف میں اہم مقامات کی زیارت اور نوافل کی ادائیگی کے بعد ملک و قوم کی سلامتی ، استحکام اور معاشی خوشحالی کے لیے خصوصی دعا بھی مانگی ۔

عراق کے دورے پر گورنر سندھ اور گورنر نجف کے درمیان اہم ملاقات ہوئی، جس میں مذہبی ، سیاحتی ، تجارتی تعلقات کو فروغ دینے ، جلد تجارتی وفود کے تبادلے سمیت ایس آئی ایف سی کے ذریعے آئی ٹی ، توانائی اور ذراعت میں سرمایہ کاری کرنے پر تبادلہ خیال کیا گیا۔

کامران ٹیسوری نے کہا ایس آئی ایف سی منصوبہ غیرملکی سرمایہ کاروں کی مؤثر رہنمائی کرتا ہے۔ سندھ میں سرمایہ کاری کےوسیع مواقع ہیں۔

گورنر سندھ کامران ٹیسوری نے کہا ہے کہ اٹھارویں ترمیم کے بعد میرے پاس اختیار نہیں اختیار دیں تو کراچی میں پانی اور ٹریفک کا مسئلہ حل کر دوں گا۔

اے آر وائی نیوز کے مطابق گورنر سندھ کامران ٹیسوری نے اٹھارویں ترمیم کے بعد میرے پاس اختیار نہیں۔ اگر اختیار دیا جائے تو نلکوں میں پانی اور ٹریفک سیدھی لائن میں چلے گا، یہ نہ کرسکا تو اگلے گھنٹے ہی مجھے اتار دیں۔

نمائش چورنگی کراچی میں عوام کے ساتھ رمضان المبارک کی پہلی سحری کے دوران گفتگو کرتے ہوئے گورنر سندھ نے دوٹوک انداز میں کہا کہ یہ روشنیوں کا شہر ہے اس کو مجرموں کا شہر نہیں بننے دیں گے۔ کراچی میں اب دہشت گردی اور ٹریفک گردی نہیں چلے گی۔

گورنر سندھ نے کہا کہ مصطفیٰ عامر کیس اس ملک کی آنکھیں کھولنے کے لیے کافی ہے۔ مافیاز کو کھلی چھوٹ دیں گے اور نہ ہی انہیں تعلیمی اداروں میں منشیات کی خرید و فروخت کرنے دیں گے۔

کامران ٹیسوری نے مزید کہا کہ ان ڈمپر مافیا کے پیچھے کون مافیاز ہیں، جو ان کی پشت پناہی کرتے ہیں، ان کو وکیل فراہم کرتے ہیں اور پھر ان کی ضمانتیں ہو جاتی ہیں۔ مافیاز سن لیں وہ بے نقاب ضرور ہوں گے اور جیت عوام کی ہی ہوگی۔

ان کا کہنا تھا کہ ڈمپر حادثات میں جاں بحق افراد کے لواحقین کا کوئی پرسان حال نہیں۔ ڈمپر مافیا سے لڑ کر شہرت حاصل کرنا میری سیاست نہیں اور مجھے اس پر نعرے بازی نہیں چاہیے۔ جو اس معاملے پر سیاست کر رہے ہیں اللہ ان سے پوچھے گا، میرا حق ہے کہ شہریوں کے ساتھ زیادتی پر آواز اٹھاؤں، خاموش رہوں تو عوام میرا گریبان پکڑے۔

کامران ٹیسوری نے کہا کہ لوگوں میں قوت خرید ختم ہوچکی ہے۔ ہمیں اس ماحول میں ایک دوسرے کا ساتھ دینا ہے اور پورے رمضان عوام کا خیال رکھنا ہے۔ اس ماہ مقدس میں گورنر ہاؤس میں 10 لاکھ افراد کے افطار ڈنر کا اہتمام کیا گیا ہے۔

گورنر سندھ کا یہ بھی کہنا تھا کہ میرے تمام اقدامات میں ایک پائی بھی حکومتی فنڈ یا ٹیکس سے نہیں لگتا۔ یہ میرا ذاتی پیسہ یا میرے وہ اسپانسر ہیں، جو فلاحی کام کرتے ہیں۔ میں نے تو ڈھائی سال میں ایک تنخواہ بھی نہیں لی اور اپنی تنخواہ فلاحی اداروں کو دے دیتا ہوں۔

https://urdu.arynews.tv/kamran-tessori-dumper-accidents-karachi-01-03-2025/

برمنگھم : گورنر سندھ کامران ٹیسوری کا کہنا ہے کہ آرمی چیف اور افواجِ پاکستان کے خلاف سوشل میڈیا مہم میں بھارتی ایجنٹس اور خوارج ملوث ہیں، محتاط رہیں۔

تفصیلات کے مطابق گورنر سندھ کامران خان ٹیسوری کے اعزاز میں برمنگھم میں اوورسیز پاکستانیوں کی جانب سے تقریب کا انعقاد کیا گیا۔

گورنر سندھ نے تقریب سے خطاب کرتے ہوئے کہا کہ آرمی چیف اور افواجِ پاکستان کے خلاف سوشل میڈیا مہم میں بھارتی ایجنٹس اور خوارج ملوث ہیں، محتاط رہیں۔

ان کا کہنا تھا کہ یہ سوشل میڈیا پر پاکستان اور بھارت کے درمیان جنگ ہے، بھارت سوشل میڈیا کے ذریعے ہمارے معاشی و معاشرتی نظام کو نقصان پہنچانے کی سازش کر رہا ہے۔

گورنر سندھ نے کہا کہ بھارت پاکستان کے معاشی و معاشرتی نظام کو نقصان پہنچانے کی سازش کر رہا ہے،سوشل میڈیا پر غیر مصدقہ خبریں پھیلانے سے اجتناب کریں، غلط خبروں سے پاکستان کے وقار کو نقصان پہنچتا ہے۔

کامران ٹیسوری کا مزید کہنا تھا کہ اوورسیز پاکستانی جہاں بھی ہوں، ان کی پہچان پاکستانی نژاد ہونا ہے، پاکستانی نژاد کا لقب اتنا معتبر ہونا چاہیے کہ دنیا پاکستان اور اس کے شہریوں کو عزت دے۔

انھوں نے کہا کہ پاکستان آرمی اور ایس آئی ایف وہ ادارے ہیں جو ملک کو اپنے پیروں پر کھڑا کرسکتے ہیں، ہمیں کسی کے لیے نہیں بلکہ پاکستان کے لیے کھڑا ہونا ہے، پاکستان کی عزت اور وقار ہم سب کی ذمہ داری ہے، مثبت کردار ادا کریں۔

میں یہاں کسی کی حمایت کے لیے نہیں بلکہ ملک کے مستقبل کی بات کرنے آیا ہوں، پاکستان ہم سب کا ہے، اسے مضبوط بنانے کے لیے ہر ایک کو اپنا کردار ادا کرنا ہوگا۔