ARYNews.tv | Urdu – Har Lamha Bakhabar

Tag: کامیاب تجربہ

  • پاکستان نے فضا سے مار کرنے والے کروز میزائل رعد 2 کا کامیاب تجربہ کرلیا

    پاکستان نے فضا سے مار کرنے والے کروز میزائل رعد 2 کا کامیاب تجربہ کرلیا

    اسلام آباد: پاکستان نے فضا سے مار کرنے والے کروز میزائل رعد 2 کا کامیاب تجربہ کرلیا، رعد 2 زمین اور سمندر میں بھی ہدف کو نشانہ بنا سکتا ہے۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ پاکستان نے فضا سے مار کرنے والے کروز میزائل رعد 2 کا کامیاب تجربہ کیا ہے۔

    آئی ایس پی آر کا کہنا ہے کہ رعد 2 زمین پر 600 کلو میٹر تک اور سمندر میں بھی ہدف کو نشانہ بنا سکتا ہے۔ کروز میزائل میں جدید ترین نیوی گیشن نصب ہے۔

    آئی ایس پی آر کے مطابق اسٹریٹجک پلانز ڈویژن فورس (ایس پی ڈی) کے ڈائریکٹر جنرل لیفٹیننٹ جنرل ندیم ذکی منج اور چیئرمین نیسکام ڈاکٹر ندیم ملک نے کامیاب تجربے کا مشاہدہ کیا۔

    اس موقع پر لیفٹیننٹ جنرل ندیم ذکی کا کہنا تھا کہ کامیاب تجربے سے پاکستان نے ایک اور سنگ میل عبور کیا۔

    کامیاب تجربے پر صدر مملکت ڈاکٹر عارف علوی، وزیر اعظم عمران خان اور عسکری قیادت کی جانب سے مبارکباد دی گئی۔

    اس سے قبل گزشتہ ماہ بھی غزنوی بیلسٹک میزائل کا کامیاب تجربہ کیا گیا تھا، یہ میزائل 290 کلو میٹر تک زمین سے زمین تک ہدف کو نشانہ بنا سکتا ہے۔

    غزنوی بیلسٹک میزائل مختلف نوعیت کے وار ہیڈ لے جانے کی صلاحیت رکھتا ہے۔ میزائل تجربے کا مقصد دن اور رات کے وقت آپریشنل تیاریوں کو جانچنا تھا۔

  • پاک بحریہ کا بحیرہ عرب میں مختلف میزائلز فائر کرنے کا کامیاب تجربہ

    پاک بحریہ کا بحیرہ عرب میں مختلف میزائلز فائر کرنے کا کامیاب تجربہ

    کراچی: ارض پاک کے دفاع کو ناقابل تسخیر بنانے کے لیے افواج پاکستان نے ہمہ وقت تیار ہونے کا ایک اور ثبوت دے دیا، پاک بحریہ نے بحیرہ عرب اور مکران کوسٹ پر مختلف میزائلز فائر کرنے کا کامیاب تجربہ کر لیا۔

    تفصیلات کے مطابق ترجمان پاک بحریہ کا کہنا ہے کہ پاک بحریہ کی جانب سے شمالی بحیرہ عرب اور مکران کوسٹ پر مختلف میزائلز فائر کرنے کے کامیاب مظاہرے کیے گئے۔

    جنگی بحری و ہوائی جہاز نے سطح سمندر پر مار کرنے والے اینٹی شپ میزائلز فائر کیے۔ پاک بحریہ کی فاسٹ اٹیک کرافٹ نے سطح سمندر سے زمین پر میزائل فائر کر کے ہدف کو تباہ کیا جبکہ زیر سمندر روایتی آبدوز سے بھی زمین پر میزائل فائر کیا گیا۔

    ترجمان کے مطابق مکران کوسٹ سے ایئر ڈیفنس میزائلز بھی فائر کیے گئے، مختلف میزائلز نے اپنے اہداف کو انتہائی کامیابی سے نشانہ بنایا۔

    سربراہ پاک بحریہ ایڈمرل ظفر محمود عباسی نے تجربات کا مشاہدہ کیا۔ امیر البحر نے پاک بحریہ کی آپریشنل تیاریوں پر اطمینان کا اظہار کیا اور کہا کہ کامیا تجربات پاک بحریہ کی آپریشنل صلاحیت کا منہ بولتا ثبوت ہیں۔

    نیول چیف کا کہنا تھا کہ پاک بحریہ ہر جارحیت کا منہ توڑ جواب دینے کی صلاحیت رکھتی ہے۔

  • پاکستان کا زمین سے زمین تک مار کرنے والے ‘بیلسٹک میزائل غزنوی’ کا کامیاب تجربہ

    پاکستان کا زمین سے زمین تک مار کرنے والے ‘بیلسٹک میزائل غزنوی’ کا کامیاب تجربہ

    راولپنڈی : پاکستان نے زمین سے زمین تک مار کرنے والے بیلسٹک میزائل غزنوی کا کامیاب تجربہ کرلیا ، غزنوی میزائل290کلومیٹرتک مختلف نوعیت کے وارہیڈ لے جانے کی صلاحیت رکھتاہے۔

    تفصیلات کے مطابق پاک فوج کے شعبہ تعلقات عامہ آئی ایس پی آر کے کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر بتایا کہ پاکستان نے بیلسٹک میزائل غزنوی کا کامیاب تجربہ کیا ، غزنوی میزائل290کلومیٹرتک مختلف نوعیت کےوارہیڈلےجانےکی صلاحیت رکھتاہے اور زمین سے زمین تک ہدف کوکامیابی سے نشانہ بناسکتا ہے۔

    ڈی جی آئی ایس پی آر کا کہنا تھا کہ زمین سے زمین تک 290کلومیٹر تک مار کرنے والے غزنوی میزائل کا رات کے وقت تجربہ کیا گیا، اس کامیاب تجربے پر چیئرمین جوائنٹ چیفس آف سٹاف کمیٹی جنرل زبیر محمود حیات اور تینوں مسلح افواج کے سربراہان تجربہ کرنے والی ٹیم کو مبارکباد دی ہے۔

    صدر مملکت ڈاکٹر عارف علوی اور وزیراعظم عمران خان نے قوم کو مبارکباد دیتے ہوئے سائنسدانوں اور انجینئروں کو کاوشوں کو سراہا ہے۔

    خیال رہے پاکستان کی جانب سے غزنوی میزائل کا تجربہ ایسے وقت میں کیا گیا ، جب پاک بھارت پر تعلقات میں کشیدگی برقرار ہے۔

    یاد رہے رواں سال مئی میں پاکستان کی جانب سے زمین سے زمین تک مار کرنے والے میزائل شاہین ٹو کا کامیاب تجربہ کیا تھا، شاہین ٹوبیلسٹک میزائل 1500 کلو میٹر تک ہدف کامیابی سے نشانہ بنا سکتا ہے ، شاہین ٹو میزائل کا تجربہ بحیرہ عرب میں کیا گیا ، بلیسٹک میزائل روایتی اورنیوکلیئر وارہیڈ لے جاسکتا ہے۔

    ترجمان پاک فوج کا کہنا تھا کہ شاہین ٹو خطے میں دفاعی صلاحیتوں کو تقویت دینےکا باعث ہے اور اسٹریٹجک ضروریات کو مؤثرانداز میں پورا کرنے کی صلاحیت رکھتا ہے۔

    اس سے قبل بھی ی 31 مئی کو ایک اور نصراللہ بیلسٹک میزائل کا کامیاب تجربہ کیا تھا، جو دورانِ پرواز ہدف تک پہنچنے کی صلاحیت رکھتا تھا۔

  • پاکستان میں پہلی مرتبہ فائیوجی ٹیکنالوجی کا کامیاب تجربہ

    پاکستان میں پہلی مرتبہ فائیوجی ٹیکنالوجی کا کامیاب تجربہ

    اسلام آباد : پاکستان  ساؤتھ ایسٹ ایشیا میں فائیوجی ٹیکنالوجی کا کامیاب تجربہ کرنےوالا پہلاملک بن گیا ہے، چیئرمین پی ٹی اے، وفاقی وزیر آئی ٹی اور کمپنی آج تفصیلات میڈیا کو دیں گے۔

    تفصیلات کے مطابق پاکستان میں ٹیلی کمیونی کیشن کے میدان سے بڑی خبر سامنے آگئی، پہلی بار فائیوجی ٹیکنالوجی کا کامیاب تجربہ کر لیا، موبائل کمپنی زونگ نےفائیوجی ٹیکنالوجی کا اسپیڈ ٹیسٹ کامیابی سے مکمل کیا۔

    جس کے بعد پاکستان ساؤتھ ایسٹ ایشیا میں فائیوجی ٹیکنالوجی کا کامیاب تجربہ کرنےوالا پہلاملک بن گیا ہے ، چیئرمین پی ٹی اے، وفاقی وزیر آئی ٹی اور کمپنی آج تفصیلات میڈیا کو دیں گے ۔

    یاد رہے اس سے قبل پاکستان ٹیلی کمیونی کیشن اتھارٹی(پی ٹی اے) کا کہنا تھا کہ فائیو جی کے لائسنسز کا اجرا رواں سال نومبر میں ہوگا۔درخواستیں وصول کرنے کیلئے اخبار میں اشتہار دے دیا گیا جبکہ اس کا طریقہ کار بھی ویب سائٹ پر جاری کردیا گیا ہے۔

    خیال رہے کہ 2014 میں تھری جی اور فور جی کے لائسنس کا اجرا کیا گیا تھا جس کے بعد بڑی تعداد میں صارفین نے اس کا استعمال شروع کیا۔

    پی ٹی اے کے مطابق اب تک چار کروڑ 40 لاکھ افراد تھری جی اور فور جی کی سروس استعمال کررہے ہیں، فائیو جی لائسنس کیلئے مختلف ٹیلی کام سیکٹر کی کمپنیاں خواہش مند ہیں۔

    واضح رہے کہ 5 جی سیلولر کمیونیکشن ٹیکنالوجی کے میدان میں جدید اور تیز ترین ٹیکنالوجی ہے، ٹیکنالوجی ماہرین کے مطابق 5 جی ٹیکنالوجی سے اسمارٹ فونز پر انٹرنیٹ کی رفتار پچاس گنا بڑھ جائے گی ، جس کے ذریعے صارفین محض ایک سیکنڈ میں کئی میگا بائیٹ کی فلم ڈاؤن لوڈ کر سکیں گے۔

  • پاکستان کا نصربیلسٹک میزائل کا ایک اور کامیاب تجربہ

    پاکستان کا نصربیلسٹک میزائل کا ایک اور کامیاب تجربہ

    راولپنڈی : پاکستان نے نصربیلسٹک میزائل کا ایک اور کامیاب تجربہ کیا ،تجربے کے دوسرے مرحلے میں دوران پرواز اور ہدف تک پہنچنے میں صلاحیتوں کا جائزہ لیاگیا، 24 جنوری کو بھی بیلسٹک میزائل نصر کا کامیاب تجربہ کیا گیا تھا۔

    پاک فوج کے شعبہ برائے تعلقات عامہ (آئی ایس پی آر) کے مطابق پاکستان کی جانب سے نصر بیلسٹک میزائل کا ایک اور کامیاب تجربہ کیاگیا ، تجربے کے دوسرے مرحلے میں دوران پرواز اور ہدف تک پہنچنے میں صلاحیتوں کا جائزہ لیاگیا۔

    چیئرمین جوائنٹ چیفس آف اسٹاف کمیٹی جنرل زبیرمحمودحیات نےتجربےکامشاہدہ کیا، تجربے کے موقع پر اعلیٰ عسکری حکام، سائنسدان اور انجینئرز بھی موجودتھے۔

    آئی ایس پی آر کا کہنا ہے کہ نصربیلسٹک میزائل کا 24 جنوری اور آج ایک بار پھرتجربہ کیاگیا، نصربیلسٹک میزائل بغیر نشاندہی کامیابی سے ہدف تک پہنچنےکی صلاحیت رکھتاہے اور زمین سے زمین تک مختصر فاصلےتک مارکر سکتاہے۔

    چیئرمین جوائنٹ چیفس آف اسٹاف کمیٹی جنرل زبیرمحمودحیات کا کہنا ہے کہ تجربےسےدفاعی صلاحیتوں سےمتعلق ایک اورسنگ میل عبورکرلیا، ویپن سسٹم کےکامیاب تجربے پر ماہرین مبارکباد کے مستحق ہیں۔

    مزید پڑھیں : پاکستان کا زمین سے زمین تک مار کرنے والے نصر میزائل کا کامیاب تجربہ

    یاد رہے گذشتہ ہفتے بھی پاکستان نے زمین سے زمین تک مار کرنے والے نصر میزائل کا کامیاب تجربہ کیاتھا، آئی ایس پی آر کا کہنا تھا کہ بیلسٹک میزائل نصر سے آپریشنل صلاحیت میں اضافہ ہوگا، نصر میزائل انتہائی کامیابی سے ’’شوت اینڈاسکوٹ‘‘ ویپن سسٹم کا حامل ہے۔

    ترجمان کے مطابق ویپن سسٹم بھرپور دفاعی صلاحیت کاحامل ہے، نصر میزائل بیلسٹک میزائل، ایئرڈیفنس سسٹمز کو تباہ کرنے کی صلاحیت رکھتا ہے، تجربے سے آرمی اسٹریٹجک فورسز کمانڈ کی صلاحیت میں اضافہ ہوگا۔

  • پاکستان کے کروز میزائل بابر کے جدید ماڈل کا کامیاب تجربہ

    پاکستان کے کروز میزائل بابر کے جدید ماڈل کا کامیاب تجربہ

    راولپنڈی : پاکستان نے کروزمیزائل بابر کے جدید ماڈل کا کامیاب تجربہ کرلیا، مذکورہ میزائل700کلو میٹر تک ہدف کو نشانہ بنانے کی صلاحیت رکھتا ہے، اعلیٰ حکام نے سائنسدانوں اور انجینئرز اور قوم کو مبارکباد دی ہے۔

    پاک فوج کے شعبہ تعلقات عامہ آئی ایس پی آر کے مطابق پاکستان نے700کلومیٹر تک خشکی اور سمندر میں مار کرنے والے ”بابر“کروز میزائل کا کامیاب تجربہ کرلیا، یہ میزائل اسٹیلتھ خصوصیات کا حامل ہے، جو مختلف قسم کے ”وار ہیڈ“لے جانے کی صلاحیت رکھتا ہے۔

    آئی ایس پی آر کا کہنا ہے کہ یہ میزائل ہرقسم کے ماحول میں اپنے ہدف کو نشانہ بنا سکتا ہے، جدید آلات سے مزین یہ میزائل جی پی ایس کے بغیر بھی اپنے ہدف تک پہنچ سکتاہے ۔

    اس تجربے سے پاکستان کے دفاع میں مزید مضبوطی آئے گی۔ آئی ایس پی آر کے مطابق ڈی جی ایس پی ڈی، چیئرمین نیسکام سمیت دیگرحکام نے میزائل تجربے کا مشاہدہ کیا، صدر، وزیراعظم، مسلح افواج کے سربراہان اورجوائنٹ چیفس آف سٹاف نے کامیاب تجربے پرٹیم کو مبارکباد پیش کی ہے۔

    آصف علی زرداری کی کامیاب میزائل تجربے پر مبارکباد

    علاوہ ازیں پیپلز پارٹی کے شریک چیئرمین آصف علی زرداری نے بابر کروز میزائل کے کامیاب تجربہ پرپاکستانی قوم، پاک افواج اور سائنسدانوں کو مبارکباد پیش کی ہے انہوں نے کہا کہ شہید بینظیر بھٹو نے قوم کو میزائل ٹیکنالوجی کا تحفہ دیا تھا، وطن کا دفاع اور سلامتی ہماری بنیادی ترجیح ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • جے ایف17تھنڈرطیارے سے میزائل فائرنگ کا کامیاب تجربہ

    جے ایف17تھنڈرطیارے سے میزائل فائرنگ کا کامیاب تجربہ

    کراچی : پاک فضائیہ نے جے ایف سیونٹین سے میزائل فائرنگ کا کامیاب تجربہ کرلیا، طیارے سے میزائل فائر کیا گیا جس نے ٹھیک نشانے پر جا کر ہدف کے پرخچے اڑا دئیے، ایئرچیف سہیل امان نے غیرمعمولی سنگ میل عبورکرنے پر قوم کو مبارکباد دی ہے۔

    تفصیلات کے مطابق پاکستانی شاہینوں نے ایک اور بڑا کارنامہ کردکھایا، سونمیانی فائرنگ رینج میں جے ایف سیونٹین سے میزائل فائرنگ کا شاندار مظاہرہ کیا گیا۔

    ملکی ساختہ جے ایف 17تھنڈر نے سومیانی فائرنگ رینج پرفضاء سے فضاء میں مار کرنے والے میزائل کو فائر کرکے کم رفتار سے پرواز کرنے والے مطلوبہ ہدف کو کامیابی سے نشانہ بنا کر تباہ کر دیا۔

    پاک فضائیہ کے سربراہ ایئرچیف سہیل امان کا کہنا ہے کہ میزائل فائرنگ کا کامیاب مظاہرہ پاک فضائیہ کی تاریخ میں ایک سنہری باب کا اضافہ ہے۔

    تقریب سے خطاب کرتے ہوئے پاک فضائیہ کے سربراہ ائیر چیف مارشل سہیل امان کا کہنا تھا کہ ہم اللہ تعالی کے شکر گزار ہیں جس نے ہمیں یہ غیر معمولی سنگ میل حاصل کرنے کی طاقت عطا فرمائی۔

    جے ایف17تھنڈر طیاروں سے ان جدید ہتھیاروں کاکامیاب مظاہرہ اس طیارے کی ہمہ جہت صلاحیتوں کا مظہر ہے، انہوں نے اس مظاہرے کو کامیاب بنانے پر پاک فضائیہ اور چین کے عملے کی کاوشوں کو سراہا۔

    ان کا مزید کہنا تھا کہ سونمیانی میں ایک جدید ویپن ٹیسٹ رینج کو پاک فضائیہ کا حصہ بنایا گیا ہے جہاں مختلف قسم کے ملکی ساختہ اورغیر ملکی ہتھیاروں کے معیار کو جانچا جائے گا۔

    چین کی معاونت سے تیار کردہ اس جدید رینج میں ایسے آلات نصب کیے گئے ہیں جو جہاز اور جہاز سے فائر کئے گئے میزائل کی پرواز اور زاویے کو جانچنے میں مدد فراہم کرتے ہیں۔

    یہ مظاہرہ مختلف رفتار سے پرواز کرنے والے اہداف کو ڈھونڈ کر تباہ کرنے کی پاک فضائیہ کی صلاحیتوں کا منہ بولتا ثبوت ہے۔

  • پاک بحریہ کا اینٹی شپ میزائل ” ضرب ” میزائل کا کامیاب تجربہ

    پاک بحریہ کا اینٹی شپ میزائل ” ضرب ” میزائل کا کامیاب تجربہ

    کراچی: پاک بحریہ نے اینٹی شپ میزائل ” ضرب ” کا کامیاب تجربہ کیا ہے ، پاکستان نیوی نے ساحل سے بحری جنگی جہازوں کو مارکرنے والے میزائل ضرب کی کامیاب لانچنگ اور تجربے کے بعد اسے پاک بحریہ میں شامل کر لیا گیا ہے۔

    پاک بحریہ کے ترجمان کے مطابق اینٹی شپ میزائل ” ضرب ” کو ساحلی علاقے سے فائر کیا گیا ، جس نے سمندر میں اپنے ٹارگٹ کو کامیابی سے نشانہ بنایا ۔

    پاک بحریہ کے سربراہ ایڈمرل ذکاء اللہ نے اس کامیاب تجربے پر ساینسدانوں اور انجینئروں کو مبارکباد دیتے ہوئے کہا کہ میزائل لانچنگ کے اس کامیاب تجربے سے پاکستان نیوی کے جنگی اثاثوں کی صلاحیتوں میں قابل ذکر اضافہ ہو ا ہے ، یہ نیا میزائل سسٹم پاکستان نیوی کی حربی صلاحیتوں میں اضافے کی کاوشوں کا حصہ ہے ۔

    چیف آف دی نیول اسٹاف ایڈمرل محمد ذکاء اللہ نے کہا کہ اینٹی شپ میزائل ” ضرب ” کا کامیاب تجربہ پاک نیوی کی حربی تیاریوں پر مہر ِ سند ہے ، جو ملکی بحری سرحدوں کے دفاع کو مزید مضبوط بنانے میں اہم قدم ہے۔

    ترجمان کے مطابق نیول چیف اورڈپٹی چیف آف نیول اسٹاف(آپریشنز) نے اس کامیاب تجربے میں شامل تمام لوگوں کی کوششوں کو سراہااور میزائل بیٹری کے عملے کو مبارک باد دی ہے ۔

  • پاکستان نے کروزمیزائل رعد کا کامیاب تجربہ کرلیا

    پاکستان نے کروزمیزائل رعد کا کامیاب تجربہ کرلیا

    راولپنڈی : پاکستان نے کروز میزائل رعد کا کامیاب تجربہ کر کے دفاعی میدان میں ایک اور بڑی کامیابی حاصل کر لی ہے۔

    پاک فوج کے ادارہ تعلقات عامہ (آئی ایس پی آر ) کے مطابق پاکستان نے رعد کروز میزائل کا کامیاب تجریہ کیاہے کروز میزائل رعد فضا سے زمین اور سمندر میں ہدف کو نشانہ بنانے کی صلاحیت رکھتا ہے۔

    آئی ایس پی آر کا کہنا ہے کہ کروز میزائل رعد سے تین سو پچاس کلو میٹر تک ہدف کو کامیابی سے نشانہ بنایا جاسکتا ہے۔

    میزائل نچلی سطح پرپرواز اورہدف کےتعاقب کی صلاحیت سمیت جدید ترین گائیڈنس اور نیوی گیشن سسٹم سےلیس ہے۔

    صدر مملکت ممنون حسین اور وزیر اعظم نواز شریف نے پاک فوج کے انجینئروں اور سائنسدانوں کو کامیاب تجربے پر مبارکباد دی ہے۔

    Pakistan today conducted a successful Flight Test of the indigenously developed Air Launched Cruise Missile (ALCM) “Ra’ad”. The Ra’ad ALCM, with a range of 350 Km, enables Pakistan to achieve air delivered strategic standoff capability on land and at sea.

    Posted by ISPR Official on Tuesday, January 19, 2016

    Chat Conversation End

  • زمین سے زمین پر مارکرنے والے شاہین ون اے میزائل کا کامیاب تجربہ

    زمین سے زمین پر مارکرنے والے شاہین ون اے میزائل کا کامیاب تجربہ

    راولپنڈی : پاکستان نے آج زمین سے زمین پر مارکرنے والے شاہین ون اے میزائل کا کامیاب تجربہ کیاہے۔ جو کہ نو سو کلومیٹر تک مختلف قسم کے وارہیڈ کے ساتھ ہدف کو نشانہ بنانے کی صلاحیت رکھتا ہے۔

    تجربے کا مقصد اس میزائل کے مختلف ڈیزائن اور تکنیکی پہلوئوں کا جائزہ لیناتھا۔ اسٹریٹیجک پلانز ڈویژن اورسٹریٹیجک فورسز کے سینئر افسران اورسٹریٹیجک اداروں کے سائنسدانوں اور انجینئرز نے اس کامیاب تجربے کا مظاہرہ دیکھا۔

    میزائل کا حدف بحیرہ عرب میں تھا ۔ شاہین ون اے میزائل کے کامیاب فائر کے موقع پر ڈائریکٹر جنر ل اسٹریٹیجک پلانز ڈویژن لیفٹیننٹ جنرل مظہر جمیل نے تمام سائنسدانوں اور انجینئرزکی لگن، قابلیت اور تکنیکی مہارت کی سراہتے ہوئے اس تجربہ کو پاکستانی دفاع کی طرف ایک اور اہم سنگ میل قرار دیا۔

    شاہین ون اےمیزائل اپنے جدید اور انتہائی اعلی کار کردگی کے حامل گائیڈنس سسٹم کے باعث ایک انتہائی موئثر و کارگر ویپن سسٹم ہے ۔

    انہوں نے اس امر کی وضاحت کی کہ پاکستان کی اسٹریٹیجک صلاحیت کی بنیاد علاقے میں باہمی امن و بقاء اور کے فروغ کے لئے ہے۔

    اُنہوں نے واضح کیا کہ پاکستان باہمی امن کے ساتھ اپنی بقاء کا خواہاں ہے۔ آج کے کامیاب تجربے کو صدر پاکستان اور وزیراعظم پاکستان نے سراہتے ہوئے تمام سائنسدانوں اور انجینئرزکو ایک اور سنگ میل کے حصول پر مبارکباد پیش کی ہے۔