اسلام آباد : کامیاب جوان اسپورٹس پروگرام کیلئے تیار خصوصی ترانہ جاری کردیا گیا ، عثمان ڈار کا کہنا ہے کہ وزیراعظم آج کھیلوں کےفروغ کیلئےوعدہ پورا کرنےجا رہے ہیں۔
تفصیلات کے مطابق کامیاب جوان اسپورٹس پروگرام کیلئےتیار خصوصی ترانہ جاری کر دیا گیا ، سربراہ کامیاب جوان پروگرام عثمان ڈار بھی ترانے کی شوٹنگ میں شامل تھے۔
معاون خصوصی عثمان ڈار نے سماجی رابطے کی ویب سائٹ ٹوئٹر پر خصوصی ترانے کی ویڈیو ٹویٹ کر دی ، ترانے میں گلی محلے کے بچوں کو کھیل میں کامیاب ہوتا دکھایا گیا ہے۔
گلی سے گراونڈ تک ۔۔۔ فائنل راونڈ تک!
گلی محلوں میں حکومتی سرپرستی نہ ہونے کے باعث ضائع ہونے والے ٹیلنٹ اور گمنام سپر ہیروز کے نام!وزیراعظم کی اسپورٹس ڈرائیو کی لانچنگ اور نوجوانوں کیلئے تیار کیا گیا خصوصی ترانہ!#KJSportsDrive pic.twitter.com/513wZQcnrr
— Usman Dar (@UdarOfficial) December 6, 2021
خیال رہے وزیراعظم عمران خان کامیاب جوان اسپورٹس ڈرائیو آج لانچ کریں گے ، سب سے بڑے ٹیلنٹ ہنٹ پروگرام کی لانچنگ تقریب جناح اسٹیڈیم میں ہوگی ، جس میں شرکت کیلیے ہزاروں اتھیلیٹس اورنوجوان جناح اسٹیڈیم پہنچناشروع ہوگئے ہیں۔
تقریب میں نامور،انٹرنیشنل کھلاڑی اوراہم شخصیات کو مدعو کیا گیا ہے جبکہ وفاقی وزرا،وزرائےمملکت ،مشیران،معاونیں شریک ہوں گے۔
ملک بھر سے آئے کھلاڑی اسٹیڈیم میں پر فارم بھی کریں گے ، جناح اسپورٹس کمپلیکس میں آج 17 سال بعدمشعل روشن کی جائے گی ، اس موقع پر وزیراعظم عمران خان نوجوانوں سے خطاب بھی کریں گے۔
ٹیلنٹ ہنٹ پروگرام کیلئےچاروں صوبوں کو 25 ریجنز میں تقسیم کیاگیاہے ، جس میں ملک بھر کی جامعات میں ہائی پرفارمنس سینٹرزبھی بنائے جائیں گے، وفاقی حکومت مقامی ٹیلنٹ کوعالمی فورمزتک پہنچانے کی ذمہ داری لے گی۔
عثمان ڈار کا کہنا ہے کہ وزیراعظم آج کھیلوں کےفروغ کیلئےوعدہ پورا کرنےجا رہے ہیں ، آج ملک کا سب سے بڑا ٹیلنٹ ہنٹ پروگرام شروع ہوگا،عثمان ڈار
