Tag: کامیاب جوان” پروگرام

کراچی : سربراہ کامیاب جوان پروگرام عثمان ڈار نے بینکوں کے سربراہان کو نوجوانوں میں قرض کی ادائیگی کا عمل بلا تاخیر مکمل کرنے کی ہدایت کردی۔

تفصیلات کے مطابق وفاقی حکومت کے کامیاب جوان پروگرام کی سندھ میں انٹری ہوگئی ، معاون خصوصی عثمان ڈار کے نوجوانوں میں قرضوں کی تقسیم تیز کرنے کیلئے نجی بینکوں کے دورے جاری ہے۔

عثمان ڈار نے بینکوں کے سربراہان کو قرض کی ادائیگی کا عمل بلا تاخیرمکمل کرنے کی ہدایت کرتے ہوئے کہا میرٹ کو لے کرایک خوف کا ماحول بنا دیا گیا۔

معاون خصوصی نے سوال کیا کہ کیا پاکستان تحریک انصاف کا ورکر ہوناجرم ہے؟ پی ٹی آئی ورکرز اتنے نالائق نہیں کہ میرٹ پر پورا نہ اتر سکیں، پی ٹی آئی ورکرز سے کہتا ہوں میرٹ سے نہ گھبرائیں۔

ان کا کہنا تھا کہ آپ کامیاب جوان سمیت احساس اورنیا پاکستان پروگرام کیلئےاہل ہیں، عمران خان کی تحریک کا حصہ بننے والا ہر نوجوان منصوبے کا حصہ بنے۔

عثمان ڈار نے بتایا کہ کراچی میں اب تک 3 ارب روپے تقسیم کر چکے ہیں، 30ہزار خاندانوں کے افراد با عزت روزگار حاصل کر چکے ہیں۔

اسلام آباد : کامیاب جوان پروگرام کی ایک اور کامیاب کہانی سامنے آگئی، ملتان کے سعید احمد نے قرض کی رقم سے موبائل فونز کا کام شروع کیا۔

تفصیلات کے مطابق کامیاب جوان پروگرام کے تحت ملک میں کاروباری قرضہ جات کی تقسیم تیزی سے جاری ہے، کامیاب جوانوں میں29ارب روپے سے زائد قرضوں کی تقسیم کا عمل مکمل کرلیا گیا ہے۔

معاون خصوصی عثمان ڈار نے سماجی رابطے کی ویب سائٹ ٹوئٹر پر ملتان کے نوجوان کی کہانی ٹوئٹ کردی ، جس میں بتایا گیا کہ جس طرح ملتان کے سعید احمد نےقرض کی رقم سےموبائل فونزکاکام شروع کیا۔

مجھےخوشی ہے@KamyabJawanPKکےتحت پنجاب میں مجموعی طورپر66ہزارنوجوان فائدہ اٹھاچکےہیں جنکی ترقی کےلیےابتک23ارب خرچ کیےگئےہیں۔اس ضمن میں وزیراعظم@ImranKhanPTIکےوژن کےمطابق@TheNBPak
بھی قرض تقسیم کررہاہے۔ایسی ہی کامیاب کہانی ہےملتان سےسعید احمدکی جنھوں نے موبائل شاپ بنائی. pic.twitter.com/NpJNzgXGjB

— Usman Dar (@UdarOfficial) January 4, 2022

سعید احمد نے اپنے بیان میں کہا پہلے ملازمت کرتاتھا اور اپنا کاروبار شروع کرناخواب تھا، قرضہ اسکیم کےتحت نیشنل بنک سے3 ملین قرضہ منظورہوا، وزیراعظم اور کامیاب جوان پروگرام ٹیم،نیشنل بینک کا شکر گزار ہوں۔

معاون خصوصی عثمان ڈار کا کہنا ہے کہ پروگرام سے خالصتاً میرٹ قرضہ جات کی تقسیم کو یقینی بنا رہے ہیں اور ہزاروں نوجوان پروگرام کے تحت قرض لیکرکاروبار چلا رہے ہیں۔

عثمان ڈار نے مزید کہا کہ وزیراعظم کی قیادت میں نوجوانوں کی ترقی وخوشحالی کیلئےکام کر رہے ہیں، پروگرام کے تحت ہر ماہ2سے 3ارب کےقرضےمنظور کئےجارہےہیں۔

2سال میں29ارب مالیت کےکاروباری قرضوں کی تقسیم بڑی کامیابی ہے اور 4ارب سے 1لاکھ سےزائدنوجوانوں کو جدید،تکنیکی تعلیم سےآراستہ کرچکے، پروگرام سے 34 ارب روپے سے 1لاکھ 20ہزار خاندان کامیاب ہوئے۔

کراچی : کامیاب جوان پروگرام کے تحت کراچی کی خاتون مہوش وجاہت نے چند دنوں میں اپنے ہنر کو روزگار کا ذریعہ بنا لیا اور وزیراعظم عمران خان سمیت سربراہ کامیاب جوان پروگرام کا شکریہ ادا کیا۔

تفصیلات کے مطابق کامیاب جوان پروگرام کے تحت کاروباری قرضہ جات کی فراہمی جاری ہے ، وفاقی حکومت نے نوجوانوں میں 21 ارب روپے کی تقسیم کا عمل مکمل کر لیا ہے جبکہ بینکوں کی جانب سے اسکروٹنی اور رقم کی فراہمی کا عمل بھی تیز کردیا گیا ہے۔

اس حوالے سے گورنر سندھ عمران اسماعیل نے سماجی رابطے کی ویب سائٹ پر تازہ ترین اعداد و شمار جاری کر دئیے، جس کے مطابق ملک بھر کے نوجوانوں میں 2 ہفتوں میں مزید 2 ارب 60 کروڑ روپے تقسیم کر دئیے ، کامیاب جوان پروگرام کے ذریعے روزگار حاصل کرنے والے نوجوانوں کی تعداد 33 ہزار تک پہنچ گئی ، نوجوان کیسے اپنے ذاتی کاروبار کا خواب پورا کر رہے ہیں؟

گورنر سندھ عمران اسماعیل نے سماجی سماجی رابطے کی ویب سائٹ ٹوئٹر پر کامیاب جوان کی کامیاب کہانی ٹویٹ کر دی ، کراچی کی رہائشی خاتون مہوش وجاہت نے چند دنوں میں اپنے ہنر کو روزگار کا ذریعہ بنا لیا۔

کامیاب جوان پروگرام ملک بھر کے نوجوانوں کیلئے روزگار کی فراہمی کا سب سے بڑا ذریعہ بن چکاہے، خوشی ہے کہ اسکل اسکالرشپس سے لیکر کاروبار کے آغاز تک یہ منصوبہ نوجوانوں کیلئے کامیابیوں کے بےشمار مواقع پیدا کر رہا ہے! کراچی کی رہائشی مہوش وجاہت کی کہانی بھی اسی پروگرام کی زندہ مثال ہے! pic.twitter.com/ZjtJdjsZQG

— Imran Ismail (@ImranIsmailPTI) October 12, 2021

مہوش وجاہت نے کہا بیوٹی سیلون کا کام سیکھا لیکن کاروبار کے آغاز کیلئے سرمایہ کاری نہیں تھی، کامیاب جوان پروگرام کے ذریعے قرض کیلئے اپلائی کیا تو چند دنوں میں مطلوبہ رقم مل گئی، اب میرا اپنا کاروبار ہے جسے اپنی مرضی کے مطابق وسعت دے رہی ہوں۔

مہوش کا کہنا تھا کہ کامیاب جوان پروگرام کے ذریعے میرے خوابوں کی تعبیر ہوئی،وزیراعظم عمران خان اور سربراہ کامیاب جوان پروگرام کی شکرگزار ہوں۔

پارٹنر بینکوں کی کارکردگی پر معاون خصوصی عثمان ڈار نے اظہار اطمینان کیا۔

گورنر سندھ عمران اسماعیل نے کہا کہ نوجوانوں کو نیشنل جاب مارکیٹ میں شامل کرنا حکومت کی پہلی ترجیح ہے،نوجوانوں کو کامیاب دیکھنا وزیر اعظم عمران خان کے ویژن کی تکمیل ہے۔

عمران اسماعیل کا کہنا تھا کہ آہستہ آہستہ تکنیکی رکاوٹیں ختم کرنے میں کامیاب ہو رہے ہیں، انشااللہ تمام نوجوانوں کی وسائل کی یکساں اور مرٹ پر فراہمی ممکن بنائیں گے،نوجوانوں کا بزنس پلان جتنا موثر اور واضح ہوگا، اتنا جلد قرض ملے گا۔

اسلام آباد : کامیاب جوان پروگرام نے ہزاروں نوجوانوں کوجدید دورکے تقاضوں سے جوڑ دیا اور اس پروگرام کے تحت 1سال میں 95 ہزار 710 اعلیٰ ہنر مند نوجوان تیار کرلئے گئے۔

تفصیلات کے مطابق کامیاب جوان پروگرام قرض ہی نہیں بلکہ اعلیٰ تکنیکی کورسزمیں بھی آگےنکل گیا، اس پروگرام نے ہزاروں نوجوانوں کوجدید دورکے تقاضوں سے جوڑ دیا، کامیاب جوان پروگرام نے 1سال میں 95 ہزار 710 اعلیٰ ہنر مند نوجوان تیار کئے۔

الحمداللہ!
کامیاب جوان پروگرام اب تک 47 ہزار نوجوانوں کو براہ راست روزگار اور 95 ہزار نوجوانوں کو ہنرمند بنا چکا ہے! یہ ہنر مند افراد ملک اور بیرون ملک ملازمتیں اور روزگار بھی حاصل کر چکے ہیں! انشااللہ اپنے نوجوانوں سے کیا ہوا ہر وعدہ پورا کریں گے! pic.twitter.com/BCpUgEgCPT

— Usman Dar (@UdarOfficial) September 8, 2021

نوجوانوں کی ہائی ٹیک اسکلز کیلئے 1سال میں 4 ارب 30 کروڑ کے اسکالرشپ دئیے گئے، ہائی ٹیک کورسزہوں یامکینکل ،فنی تربیت،تربیتی پیکجزکی تفصیلات ویب پرڈال دی گئی ہے۔

جس میں بتایا گیا ہے کہ ہائی ٹیک اسکل اسکالرشپ کے تحت 36 ہزار 369 نوجوانوں نےجدید کورسز مکمل کرلئے ، اعلیٰ تربیتی اسکل اسکالرشپ پر 2 ارب 54 کروڑ روپے خرچ ہوئے اور روایتی ہنر کے کورسزمکمل کرنیوالے نوجوانوں کی تعداد 41 ہزار سے تجاوز کرگئی، روایتی ہنر مندی سکھانےپر1 ارب 64 کروڑ روپے کے اسکالرشپ دیئے گئے۔

رپورٹ کے مطابق 16ہزار 605 نوجوانوں کو مکینکل طرزکے رسمی کورس بھی کرائےگئے ، نوجوانوں کی پیشہ وارانہ مہارت بڑھنےپر7کروڑ 47 لاکھ اخراجات کئےگئے، جدید کورسز سے مستفید ہونیوالوں میں کارپوریٹ سیکٹر کے 1600نوجوان شامل ہیں۔

رپورٹ میں کہا گیا کہ مختلف کمپنیوں میں کام کرنیوالے 1600نوجوانوں کی تربیت پر3 کروڑ84 لاکھ خرچ ہوئے، ہائی ٹیک اسکل کے 28 ہزار سرٹیفائیڈ نوجوانوں میں 13 ہزار کو نوکریاں بھی مل گئیں جبکہ بیرون ملک جانیوالے سیکڑوں ہنر مند نوجوان کی ماہانہ آمد سوا لاکھ تک پہنچ گئی۔

اس حوالے سے معاون خصوصی عثمان ڈار نے کہا کہ نوجوانوں کی استعداد کار بڑھاکر عمران خان دھرتی کا قرض بھی اتار رہے ہیں،ہماری کوشش ہے پاکستانی نوجوان جدید دنیا کی دوڑ میں پیچھے نہ رہ جائیں۔

عثمان ڈار کا کہنا تھا کہ کامیاب جوان پروگرام کے تربیت یافتہ نوجوان دنیا کا مقابلہ کریں گے، 1لاکھ 70ہزارنوجوانوں کی اسلکل ڈیولپمنٹ کا ہدف مکمل کرنےکے قریب ہیں۔