ARYNews.tv | Urdu – Har Lamha Bakhabar

Tag: کانووکیشن

  • جناح سندھ میڈیکل یونیورسٹی کانووکیشن، پہلی بار ڈاکٹر آف فزیکل تھراپی کے طلبہ کو ڈگریاں عطا

    جناح سندھ میڈیکل یونیورسٹی کانووکیشن، پہلی بار ڈاکٹر آف فزیکل تھراپی کے طلبہ کو ڈگریاں عطا

    کراچی: جناح سندھ میڈیکل یونیورسٹی نے اپنے چھٹے کانووکیشن میں تعلیمی سال 2023-2024 کے دوران بیچلرز اور ماسٹرز پروگرامز سے 505 فارغ التحصیل طلبہ کو ڈگریاں عطا کیں۔

    اس سال یونیورسٹی نے پہلی بار ڈاکٹر آف فزیکل تھراپی کے فارغ التحصیل طلبہ کو بھی ڈگریاں عطا کی گئیں، کانووکیشن میں ایم بی بی ایس، بی ڈی ایس، فارم ڈی، بی ایس این، بی بی اے (آنرز)، بی بی اے ایچ سی ایم، اور بی ایس پبلک ہیلتھ پروگرامز کے ساتھ ساتھ ماسٹرز پروگرامز، جن میں ماسٹر آف سائنس ان پبلک ہیلتھ (MSPH) اور ماسٹر آف ہیلتھ پروفیشنز ایجوکیشن (MHPE) شامل ہیں، کے فارغ التحصیل طلبہ کی کامیابیوں کا جشن منایا گیا۔

    یونیورسٹی کے وائس چانسلر پروفیسر امجد سراج میمن نے ڈی پی ٹی کے پہلے گریجویٹ بیچ پر فخر کا اظہار کرتے ہوئے جامعہ میں پی ایچ ڈی پروگرامز کے آغاز کا اعلان کیا، اور کہا کہ جناح اسپتال میں اساتذہ کی کمی کو پورا کرنے کے لیے 100 سے زائد کلینیکل فیکلٹی کی شمولیت کی گئی ہے۔

    دریں اثنا، وزیر صحت ڈاکٹر عذرا پیچوہو نے جناح اسپتال میں پہلے ویسکیولر سرجری یونٹ کا افتتاح کیا، انھوں نے ویلیکا اور لانڈھی کیمپس کی مکمل فعالیت، فلسطینی طلبہ کی فیس معافی اور 25 نئے فلسطینی طلبہ کے داخلے کو بھی یونیورسٹی کی ترقی کا حصہ قرار دیا۔

    کراچی میں ایک بار پھر کرونا کیسز رپورٹ ہونا شروع ہوگئے

    کانووکیشن میں نمایاں کارکردگی کا مظاہرہ کرنے والے گریجویٹس کو اعزازات سے نوازا گیا، ڈاکٹر محمد اعزاز الرحمٰن (ایم بی بی ایس) اور ڈاکٹر امیرہ عمر (بی ڈی ایس) کو بہترین گریجویٹ قرار دیا گیا، جب کہ ڈاکٹر امیرہ نے تین میڈلز حاصل کیے۔ دیگر بہترین گریجویٹس میں ڈاکٹر عریبا خان (فارم ڈی)، حریرہ احمد (بی ایس این)، ڈاکٹر حرا نوید (ڈی پی ٹی)، ادیبہ شاہ (بی بی اے-ایچ سی ایم)، فبیحہ افضل (بی بی اے)، نیہا (بی ایس پی ایچ)، اور ڈاکٹر کرن فاطمہ (ایم ایس پی ایچ) شامل ہیں۔

    مختلف پروگرامز کے نمایاں طلبہ کو گولڈ، سلور، اور برونز میڈلز دیے گئے، مجموعی طور پر 19 گولڈ، 7 سلور، اور 5 برونز میڈلز دیے گئے۔ جب کہ کانوکیشن میں پروفیسر آمنہ ریحانہ، پروفیسر محمد اظہر مغل، ایسوسی ایٹ پروفیسر ڈاکٹر شاہین پروین، ڈاکٹر شہلا امام، اسسٹنٹ پروفیسر ڈاکٹر احسان احمد، ڈاکٹر بشریٰ حنا، لیکچرار ڈاکٹر انعم پریو اور ڈاکٹر صائمہ عباد کو بہترین ٹیچر ایوارڈ دیا گیا۔

  • امریکی یونیورسٹی نے سب سے لائق مسلمان طالبہ کا الوداعی خطاب کیوں منسوخ کر دیا؟

    امریکی یونیورسٹی نے سب سے لائق مسلمان طالبہ کا الوداعی خطاب کیوں منسوخ کر دیا؟

    کیلیفورنیا: پاکستان کو آزادئ اظہار کا درس دینے والے امریکا میں بنیادی حقوق پامال کیے جا رہے ہیں، آزادئ اظہار کے اس دہرے معیار کا ثبوت ایک امریکی یونیورسٹی نے دے دیا ہے۔

    کیلیفورنیا کی معروف یونیورسٹی میں 10 مئی کو ہونے والے جلسہ تقسیم اسناد میں فورتھ ایئر کی ایک مسلمان طالبہ اثنا تبسم کا الوداعی خطاب منسوخ کر دیا گیا ہے۔

    بی بی سی کے مطابق یونیورسٹی آف سدرن کیلیفورنیا (یو ایس سی) نے ایک طالبہ کی گریجویشن تقریر اس لیے منسوخ کی کہ اس نے سوشل میڈیا پر غزہ پر اسرائیلی مظالم کے خلاف احتجاج کیا، یو ایس سی نے مسلمان طالبہ کی تقریر کو روکنے کے فیصلے کا جواز یہ پیش کیا کہ کیمپس کی سیکیورٹی کو اس سے ’ٹھوس خطرات‘ لاحق ہیں۔

    یونیورسٹی کے نگراں ڈاکٹر اینڈریو گُزمین نے الوداعی خطاب کی منسوخی کی وجہ بتاتے ہوئے کہا کہ بات آزادی اظہار رائے کی نہیں بلکہ تقریب میں شریک ہونے والے 65 ہزار افراد کی سیفٹی کا ہے۔ لیکن بنگلادیشی نژاد طالبہ اثنا تبسم نے کہا کہ یونیورسٹی نے اسے دھوکا دیا ہے، اور اسے نفرت کی مہم کا نشانہ بنایا گیا ہے جس کا مقصد میری آواز کو خاموش کرنا ہے۔

    اثنا تبسم 2024 کی ویلڈیکٹورین ہیں، یونیورسٹی کی سب سے لائق طالبہ ہونے کی بنا پر انھیں الوداعی خطاب کے لیے 100 طلبہ میں سے منتخب کیا گیا تھا، یونیورسٹی میں ان کا تعلیمی اسکور اعلیٰ رہا اور کیمپس کی زندگی میں ان کی شمولیت بھی نمایاں رہی۔

    جلسہ تقسیم اسناد میں فارغ التحصیل ہونے والے سب سے لائق و فائق طالب علم کی جانب سے الوداعی خطاب امریکی جامعات کی روایت ہے، جلسے کے دعوت نامے میں اثنا کا نام بھی شائع کر دیا گیا تھا مگر پانچ منٹ کی تقریر سے معلوم نہیں کیا قیامت ٹوٹ پڑتی، کہ انتظامیہ نے یونیورسٹی کی روایت ہی توڑ ڈالی۔

    واضح رہے کہ گزشتہ روز امریکی وزارتِ خارجہ کے ترجمان میتھیوملر نے کہا تھا کہ ہم پاکستان میں آزادی اظہار کے لیے کام جاری رکھیں گے۔

    گزشتہ اکتوبر میں غزہ پر اسرائیلی وحشیانہ بمباری کے آغاز کے بعد سے امریکی یونیورسٹیوں کے کیمپسز میں آزادئ اظہار کی بحث تیز تر ہو گئی ہے، یونیورسٹی نے یہ جواز پیش کیا کہ اثنا تبسم کا انسٹاگرام اکاؤنٹ ایک ایسی ویب سائٹ سے منسلک ہے، جو دو ریاستی حل کی بجائے اسرائیل کے مکمل خاتمے کا مطالبہ کرتی ہے، جس پر اثنا کی سوشل میڈیا سرگرمی کو یہود دشمنی قرار دیا گیا۔

  • ڈاؤ یونیورسٹی کا 12 واں کانووکیشن، 2000 سے زائد طلبہ میں ڈگریاں تقسیم

    ڈاؤ یونیورسٹی کا 12 واں کانووکیشن، 2000 سے زائد طلبہ میں ڈگریاں تقسیم

    کراچی: ڈاؤ یونیورسٹی کے 12 ویں کانووکیشن میں 2000 سے زائد طلبہ میں ڈگریاں تقسیم کی گئیں۔

    تفصیلات کے مطابق اوجھا کرکٹ اسٹیڈیم، اوجھا کیمپس میں بارہویں کانووکیشن کی تقریب منعقد کی گئی، وائس چانسلر پروفیسر محمد سعید قریشی نے بتایا کہ دو ہزار سے زائد ڈاکٹرز، ڈینٹسٹری اور دیگر ہیلتھ پروفیشنلز کے بَیچ کو صحت کے شعبے میں فرائض انجام دینے کے لیے تیار کیا گیا ہے۔

    انھوں نے کہا کہ جامعے کا دنیا بھر کے ٹاپ 600 یونیورسٹیوں میں شمار ادارے کی ان تھک محنت کا نتیجہ ہے، ڈاؤ یونیورسٹی مشہور سرجنز کو اعزازی ڈگری تفویض کرنے والی واحد جامعہ ہے، مشہور سرجن پروفیسر محی الدین بھی ڈاؤ یونیورسٹی کے سابق طالب علم ہیں۔

    پروفیسر سعید قریشی نے کہا ڈاؤ یونیورسٹی کی خدمات اور طرزِ تعلیم کو قومی اور بین الاقوامی سطح پر سراہا گیا، یہ بات قابلِ تحسین ہے کہ اساتذہ اور طلبہ نے ہر مشکل حالات میں معیار پر سمجھوتا کیے بغیر تعلیم کا سفر جاری رکھا، ایک اچھے ڈاکٹر بننے کے ساتھ آپ کو ایک اچھا انسان بھی بننا ہے۔

    انھوں نے کہا 2 اعزازی ڈگریاں اور 4 پی ایچ ڈی ڈگری تفویض کرنا جامعے کے لیے باعث فخر بات ہے، پروفیسر محی الدین منصور اور فیصل ڈار کو ڈاکٹر آف سائنس (ڈی ایس سی) کی اعزازی ڈگری سے نوازا گیا ہے، میں ادارے سے وابستہ ہر فرد کا شکریہ ادا کرتا ہوں، جنھوں نے ادارے کو ترقی کی راہوں پر گامزن رکھا۔

    پروفیسر سعید قریشی کا کہنا تھا کہ ڈاؤ یونیورسٹی کا طبی تعلیم کی ترقی میں ہمیشہ کلیدی کردار رہا ہے، میں تمام والدین کا شکر گزار ہوں جنھوں نے ڈاؤ یونیورسٹی پر اعتماد کا اظہار کیا۔

  • ہماری قوم مدینہ کی ریاست کے اصولوں پر کھڑی ہوگی: وزیر اعظم

    ہماری قوم مدینہ کی ریاست کے اصولوں پر کھڑی ہوگی: وزیر اعظم

    میانوالی: وزیر اعظم عمران خان کا کہنا ہے کہ ہماری قوم مدینہ کی ریاست کے اصولوں پر کھڑی ہوگی، ہمیں سب سے پہلے اپنا قبلہ درست کرنے کی ضرورت ہے۔

    تفصیلات کے مطابق وزیر اعظم عمران خان نے میانوالی میں نمل یونیورسٹی کے یوم تاسیس اور کانووکیشن کی تقریب میں بطور مہمان خصوصی شرکت کی۔ وزیر اعظم نے طلبا میں اسناد تقسیم کی۔

    تقریب سے خطاب کرتے ہوئے وزیر اعظم عمران خان کا کہنا تھا کہ متحدہ عرب امارات کے وزیر شیخ نہیان کو نمل یونیورسٹی میں خوش آمدید کہتا ہوں، عرب امارات نے ہر مشکل وقت میں پاکستان کا ساتھ دیا، مشکل معاشی حالات میں سعودی عرب اور چین نے بھی پاکستان کی مدد کی۔

    وزیر اعظم کا کہنا تھا کہ والدین کے لیے خوشی کا دن ہے کہ ان کے بچوں نے عالمی معیار کی ڈگری حاصل کی، والدین سنجیدہ نہ ہوں خوشی منائیں یہ خوشی کا دن ہے۔ انشا اللہ اس جگہ پر پاکستان کی آکسفورڈ یونیورسٹی بنے گی۔

    انہوں نے کہا کہ اللہ نے یہ صلاحیت انسانوں کو دی ہے کہ آپ کچھ بھی کر سکتے ہیں، اللہ نے طاقت دی جو تصور اور خواب انسان دیکھتے ہیں وہ اسے پورا کر سکتے ہیں۔

    وزیر اعظم کا کہنا تھا کہ دنیا کی پہلی فلاحی ریاست کی بنیاد رسول ﷺ نے رکھی تھی، ہماری قوم مدینہ کی ریاست کے اصولوں پر کھڑی ہوگی۔ ہمیں سب سے پہلے اپنا قبلہ درست کرنے کی ضرورت ہے۔ رسولﷺ  سے زیادہ کامیاب انسان دنیا میں آج تک نہیں آیا۔

    انہوں نے کہا کہ جب برا وقت آتا ہے انسان سوچتا ہے کہ کوئی شارٹ کٹ لے لوں، برے وقت میں شارٹ کٹ لینے والوں نے ایمانداری سے کام نہیں کیا۔ برے وقت سے کبھی نہ ڈریں، اس کا مقابلہ کرنے میں ہی کامیابی کا راز ہے۔ انسان جدوجہد کے لیے ہی پیدا ہوا۔

  • وزیراعظم عمران خان آج میانوالی کا دورہ کریں گے

    وزیراعظم عمران خان آج میانوالی کا دورہ کریں گے

    اسلام آباد : وزیراعظم عمران خان آج میانوالی کا دورہ کریں گے، اس موقع پر وہ نمل کالج کے کانووکیشن کی تقریب سے خطاب کریں گے۔

    تفصیلات کے مطابق وزیر اعظم عمران خان آج اپنے آبائی حلقے میانوالی کا دورہ کریں گے، اپنے دورہ کے موقع پر وزیر اعظم نمل کالج کے کانووکیشن کی تقریب سے بھی خطاب کریں گے۔

    میانوالی دورے کے دوران ان کی مقامی شخصیات سے بھی ملاقات شیڈول میں شامل ہے، واضح رہے کہ میانوالی عمران خان کا آبائی علاقہ ہے۔

    انہوں نے اس الیکشن میں میانوالی سے الیکشن لڑ کر کامیابی حاصل کی تھی۔ بعدازاں انہوں نے یہی سیٹ اپنے پاس رکھی۔

    عمران خان نے اپنی ملک گیر انتخابی مہم کا آغاز بھی شہر میانوالی ہاکی اسٹیڈیم سے کیا تھا۔ عمران خان کا کہنا تھا کہ 2002ء میں اگر میانوالی کے عوام میرا ساتھ نہ دیتے تو شاید آج میں سیاست نہ کررہا ہوتا۔

    ان کا مزید کہنا تھا کہ اس وقت علاقے کے لوگوں نے ہی مجھے پہلی بار قومی اسمبلی کا رکن منتخب کیا اور میانوالی کے نوجوانوں کی اسی محنت کی بدولت پی ٹی آئی آج ملک کی سب سے بڑی جماعت بن چکی ہے۔

  • کراچی میڈیکل اینڈ ڈینٹل کالج کو یونیورسٹی بنائیں گے: صدر مملکت

    کراچی میڈیکل اینڈ ڈینٹل کالج کو یونیورسٹی بنائیں گے: صدر مملکت

    کراچی: صدر مملکت ڈاکٹر عارف علوی کا کہنا ہے کہ کراچی میڈیکل اینڈ ڈینٹل کالج کو یونیورسٹی میں تبدیل کریں گے، اس حوالے سے میئر کو بریفنگ دینے کا کہا ہے۔

    تفصیلات کے مطابق صدر مملکت ڈاکٹر عارف علوی نے میڈیکل اینڈ ڈینٹل کالج کے کانووکیشن میں بطور مہمان خصوصی شرکت کی۔ کانووکیشن سے خطاب کرتے ہوئے انہوں نے کہا کہ امید ہے ڈاکٹرز اپنے عہد پر عمل پیرا رہیں گے۔

    صدر مملکت نے کہا کہ کسی بھی شعبے میں ابتدائی 15 سے 20 سال اہم ہوتے ہیں، طلبا کی کامیابی پر اساتذہ مبارکباد کے مستحق ہیں۔

    انہوں نے کہا کہ وقت کے ساتھ ساتھ میڈیکل کے شعبے میں جدت آرہی ہے۔ کانووکیشن تعلیم مکمل کرنے والوں کے لیے ایک خوبصورت احساس ہے

    ڈاکٹر عارف علوی کا کہنا تھا کہ کراچی میڈیکل اینڈ ڈینٹل کالج کو یونیورسٹی میں تبدیل کریں گے، اس حوالے سے میئر کراچی وسیم اختر کو بریفنگ دینے کا کہا ہے۔ ’میئر کے پاس وسائل کم ہیں اور ہمیں اس کا احساس ہمیشہ سے ہے‘۔

  • گورنرسندھ کی تقریب، شرکاء کے موبائل فون اور پرس غائب

    گورنرسندھ کی تقریب، شرکاء کے موبائل فون اور پرس غائب

    کراچی : گورنرسندھ کی تقریب میں شریک لوگوں کےپرس اور موبائل فون غائب ہوگئے، لوگ ٹوکن لئے گھومتے رہے سامان نہ مل سکا، عملہ موقع سے غائب ہوگیا۔

    تفصیلات کے مطابق کراچی میں جناح یونیورسٹی برائے خواتین کے کانووکیشن کا انعقاد کیا گیا، تقریب کے مہمان خصوصی گورنرسندھ محمد زبیر تھے، تقریب میں شدید بدنظمی دیکھنے میں آئی۔

    کانووکیشن میں گورنرسندھ کی موجودگی اورسیکیورٹی کے باعث سامان لےجانے پر پابندی عائد کی گئی تھی، تقریب میں آنے والے شرکاء کے موبائل فون اور دیگرسامان باہر رکھ لیا گیا تھا اور اس کے بدلے میں انتظامیہ کی جانب سے ان کو یہ کہہ کر ٹوکن تھما دیئے گئے کہ واپسی پر ٹوکن دکھانے پر آپ کو آپ کا سامان واپس مل جائے گا۔

     بعد ازاں تقریب کے اختتام کے بعد لوگوں کو ان کےبیگ خالی ملے، جس میں سے سامان چوری کر لیا گیا تھا، متعدد طالبات اوران کے والدین پریشانی کے عالم میں گھومتے رہے۔

    سامان کی عدم فراہمی پر لوگوں نے اپنے شدید غم و غصے کا اظہار کیا، حالت کی نزاکت کو دیکھتے ہوئے انتظامی عملہ وہاں سے غائب ہوگیا۔

    میڈیا سے گفتگو میں ان کا کہنا تھا کہ ہمیں سامان کے بدلےٹوکن دیئے گئے تھے،ٹوکن تو ہے لیکن سامان نہیں مل رہا، کہا گیا تھا کہ ٹوکن واپس کرینگے توسامان ملے گا، لوگوں کامؤقف ہے کہ سامان کہاں گیا کسی کوکچھ معلوم نہیں۔

  • طلباء ملکی ترقی و خوشحالی میں اپنا بھرپور کردار ادا کریں، ایڈمرل ذکاءاللہ

    طلباء ملکی ترقی و خوشحالی میں اپنا بھرپور کردار ادا کریں، ایڈمرل ذکاءاللہ

    اسلام آباد : بحریہ کے سربراہ ایڈمرل ذکاءاللہ نے کہا ہے کہ بدلتے ہوئے عالمی سیاسی منظر کے پیش نظر دنیا کو نئے چیلینجز کا سامنا ہے اور طلباء کا کردار اس تناظر میں بہت اہم ہے۔

    ایڈمرل ذکاء اللہ نے اسلام آباد میں بحریہ یونیورسٹی کے تیرھویں کانووکیشن کی تقریب سے خطاب کرتے ہوئے کہاکہ طلبا ء کو محنت اور لگن سے اپنے آپ کو ترقی یافتہ اقوام کے ہم پلہ بنانا ہو گا تا کہ وہ ملک کی ترقی و خوشحالی میں اپنا بھرپور کردار ادا کر سکیں۔

    انھوں نے کہا کہ طلباء کو اللہ پر غیر متزل یقین ،غیر مثالی دیانت داری اور نیک نیتی کو اپنے رہنما اصول بناناچاہیئے۔ ان کا کہنا تھا کہ بچوں کی ترقی میں والدین کے ا یثار کو فراموش نہیں کیا جا سکتا ۔

    آخر میں انھوں نے نمایاں کارکردگی کا مظاہرہ کرنے والے طلباء میں میڈلز اورانعامات تقسیم کئے۔

  • حکومت اور عمران خان ضد نہ کریں لچک کا دکھائیں، چوہدری محمد سرور

    حکومت اور عمران خان ضد نہ کریں لچک کا دکھائیں، چوہدری محمد سرور

    لاہور: گورنر پنجاب چوہدری محمد سرور کہتے ہیں کہ تیس نومبر کے جلسے کیلئے حکومت اور تحریک انصاف لچک کامظاہرہ کریں اور ضد کسی کے مفاد میں نہیں ہوگی۔

    یونیورسٹی آف ویٹرینری اینڈ اینیمل سائنسز لاہور کے چھٹے کانووکیشن کے موقع پر میڈیا سے گفتگو کرتے ہوئے چوہدری محمد سرور نے کہا کہ سیاست میں مذاکرات کا راستہ ہی اختیار کیا جانا چاہیے۔

    انھوں نے کہا کہ امید ہے کہ تیس نومبر بھی پرامن طور پر گزرجائے گا۔ گورنر پنجاب کا کہنا تھا کہ جلسے کے لیے جگہ کا تعین ہوگیا ہے اور امید ہے تحریک انصاف کا احتجاج پر امن ہوگا۔

    چوہدری سرور کا کہنا تھا کہ تیس نومبر کے جلسے کے بعد فریقین کو سیاسی بحران کے حل کے لئے مذاکرات کرنا چاہیئے۔ انہوں نے تعلیمی میدان میں نمایاں کارکردگی کا مظاہرہ کرنے والوں میں میڈل اور امتیازی شیلڈ بھی تقسیم کیں۔

  • طلبہ وطالبات ڈگری کے حصول کو کامیابی تصورنہ کریں,چودھری سرور

    طلبہ وطالبات ڈگری کے حصول کو کامیابی تصورنہ کریں,چودھری سرور

    گورنر پنجاب چودھری محمد سرور نے طلبہ و طالبات پر زور دیاہے کہ وہ ڈگری کے  حصول کوکامیابیتصورنہکریںبلکہعملیزندگیکیمنازلطےکرنےکے لیےخودکو تیار کرلیں۔ یونیورسٹی آف ویٹرنری اینڈ اینیمل سائنسز لاہور کے پانچویں کانووکیشن سے خطاب کرتے ہوئے گورنرپنجاب کا کہنا تھا کہ طلبہ و طالبات کا ڈگری حاصل کرنا یقینا ایک بڑی کامیابی ہے مگر عملی زندگی میں سخت محنت اور وقت کی پابندی ہی کامیابی کی ضمانت ہوتی ہے۔

    اُن کا کہنا تھا کہ ڈگری حاصل کرنے کا مقصد دفتر میں کرسی میز پر نو سے پانچ بجے تک وقت گزارنا نہیں، آپ کو اپنے لیے اور اپنے ملک کے لیے سخت محنت کرنے کی ضرورت ہے۔

    گورنر پنجاب نے کہاکہ اُ نہوں نے یورپی یونین سے پاکستان کے لیے جی ایس پی پلس اسٹیٹس حاصل کرنے کے لیے بہت محنت کی ہے اور اس محنت کا پھل آنے والے دنوں میں پوری قوم کھائے گی۔ گورنر پنجاب نے  752 سکالرز اور طلبہ و طالبات میں ڈگریاں تقسیم کیں