Tag: کبریٰ خان

پاکستان کے معروف اداکار اظفر علی نے اداکارہ رمشا خان، کبریٰ خان اور  نازش جہانگیر کی اداکاری سے متعلق اپنی رائے کا اظہار کیا ہے۔

پاکستان کے معروف اداکار اظفر علی اور مانی کی ایک ویڈیو کلپ سوشل میڈیا پر وائرل ہورہی ہے جس میں انہیں نجی ٹی وی شو میں دیکھا جاسکتا ہے جہاں میزبان نے ان سے مختلف سوالات کیے۔

میزبان نے سوال پوچھا کہ اداکارہ رمشا خان، کبریٰ خان اور نازش جہانگیر میں سے کس کو اداکاری نہیں آتی جس کا جواب دیتے ہوئے اظفر علی نے کہا کہ تینوں کو اداکاری نہیں آتی۔

اظفر علی نے کہا کہ تینوں کو ایکٹنگ کرنا آسکتی ہے اگر یہ تھیٹر وغیرہ کر لیں یا کچھ ایسا کریں جس سے ایکٹنگ کی تھوڑی ٹریننگ ہو جائے، جب بھی ہم ان کا کام دیکھتے ہیں تو کہتے ہیں یہ جملے پھینک رہی ہے انہیں معلوم نہیں جملے کو کہاں کیسے بولنا ہے۔

 

View this post on Instagram

 

A post shared by Galaxy Lollywood (@galaxylollywood)

شوبز انڈسٹری کی معروف اداکارہ کبریٰ خان کا کہنا ہے کہ میں نے اپنے انگریزی لب و لہجے سے متعلق لوگوں کو صفائیاں دینا چھوڑ دی ہیں۔

اے آر وائی ڈیجیٹل کے نئے ڈرامہ سیریل ’نور جہاں‘ کی کاسٹ کبریٰ خان، علی رحمان، حاجرہ یامین، زویا ناصر، علی رضا نے پروگرام ’گڈ مارننگ پاکستان‘ میں شرکت کی اور اپنے کرداروں سے متعلق اظہار خیال کیا۔

کبریٰ خان سے کمسن مداح نے لائیو کال میں پوچھا کہ ’آپ میری پسندیدہ اداکارہ ہیں، میں آپ کی بہت بڑی مداح ہوں، مجھے پوچھنا ہے کہ آپ کا انگریزوں کی طرح لب و لہجہ ہے جب آپ بولتی ہیں تو بہت کیوٹ لگتی ہیں، جب آپ ڈراموں میں نہیں آئی تھیں تو کہ آپ کو اندازہ تھا کہ اتنی مشہور ہوجائیں گی۔؟‘

اداکارہ نے مسکراتے ہوئے کہا کہ مجھے ابھی بھی اندازہ نہیں ہے کہ کہاں تک پہنچی ہوں، میں نے اداکاری کا سوچا بھی نہیں تھا، اس وقت پڑھتی تھی تو زندگی کے پلان کچھ اور تھے اب کچھ اور ہیں۔

 انہوں نے بتایا کہ میرا انگریزی لب و لہجہ ہے تو کافی لوگوں کو لگتا ہے کہ میں بنا کر بات کررہی ہوں حالانکہ ایسا ہے نہیں اور اب میں نے لوگوں کو صفائیاں دینا چھوڑ دی ہیں۔

کبریٰ خان نے کہا کہ کافی لوگوں کو نہیں پتا کہ میں برطانیہ میں تھی اور 7 سال قبل پاکستان آئی ہوں، بچپن وہیں گزرا ہے تو لب و لہجہ ایسا ہونا نیچرل سی بات ہے۔

واضح رہے کہ ڈرامہ سیریل ’نور جہاں‘ میں کبریٰ خان ’نور بانو‘ کا کردار نبھا رہی ہیں، ڈرامے کی پہلی قسط کل رات 8 بجے نشر کی جائے گی۔

کراچی: سندھ ہائی کورٹ نے اداکارہ مہوش حیات اور کبریٰ خان کی میجر (ر)  عادل فاروق راجہ کے خلاف دائر درخواست پر سماعت 15 اگست تک ملتوی کردی۔

 سندھ ہائیکورٹ میں اداکارہ مہوش حیات اور رابعہ اقبال عرف کبریٰ خان کی میجر (ر) عادل فاروق راجہ کے خلاف دائر درخواست کی سماعت ہوئی۔

سماعت کے دروان تفتیشی افسر کے پیش نہ ہونے پر عدالت نے اظہار برہمی کا اظہار کیا۔

اداکارہ کے وکیل خواجہ نوید ایڈوکیٹ نے عدالت میں کہا کہ کاغذی کارروائی کے علاوہ ابھی تک کوئی کارروائی نہیں ہوئی، قابل اعتراض تصاویر اور مواد تاحال نیٹ پر موجود ہے۔

 درخواست میں کہا گیا تھا کہ یوٹیوبر سابق فوجی افسر نے میڈیا انڈسٹری کی چار اداکاراوں کے خلاف جھوٹے الزامات لگا کر ان کی تذلیل کی، جھوٹے اور من گھڑت الزامات سے میری اور دیگر اداکاراؤں کی عزت اور وقار کو مجروح کیا گیا۔

درخواست گزار نے مؤقف اپنایا کہ یوٹیوبر عادل فاروق راجہ نے بعد میں ایک اور ویڈیو وضاحت کی اور پہلے والے موقف سے مکر گئے، وکیل نے درخواست میں موقف اختیار کیا کہ اس دوران درخواست گزار سمیت اداکارہ کی ساکھ کو ناقابل تلافی نقصان پہنچا ہے۔

درخواست گزار نے کہا کہ ہتک آمیز مواد کو ہٹانے کے لیے ایف آئی اے اور پی ٹی اے سے رابطہ کیا گیا ہے لیکن یوٹیوب کے خلاف کوئی کارروائی نہیں کی گئی۔

عدالت نے آئندہ سماعت پر ڈپٹی ڈائریکٹر ایف آئی اے سے پیش رفت رپورٹ طلب کرتے ہوئے  درخواست کی مزید سماعت 15 آگست تک ملتوی کردی۔