لاہور : جوہر ٹاؤن پولیس نے کارروائی کرتے ہوئے کبوتروں پر تشدد کرنے والے ملزم کو گرفتار کرلیا۔
تفصیلات کے مطابق لاہور میں جوہر ٹاؤن کے علاقے میں کبوتروں پر ظلم کا انکشاف سامنے آیا ، کبوتروں کو اونچا اچھالنے کی ویڈیو سوشل میڈیا پر بھی اپلوڈ کی جاتی تھی۔
پولیس نے بتایا کہ جوہر ٹاؤن میں کبوتروں کو زیادہ اپر اچھالنے پر انعام دیا جاتا تھا تاہم جوہر ٹاؤن پولیس نے کبوتروں پر تشدد کا مقدمہ درج کر کے ملزم کو گرفتار کر لیا۔
پولیس اینیمل ریسکیو سینٹر نے کارروائی کرتے ہوئے 80 سے 90 کبوتر برآمد کیے ، جن میں سے 5 کبوتر زخمی، جن کو پنجوں میں شدید چوٹے آئی ہوئی تھی جبکہ 10 سے 15 کبوتر کمزور حالت میں پائے گئے۔
ملزم سوشل میڈیا پر کبوتروں کی ویڈیوز اپلوڈ کرتا تھا اور شہریوں سے کبوتروں پر تشدد کرواتا تھا۔
کبوتروں پر تشدد کرنے پر ملزم عالم شیر کے خلاف ٹریفک وارڈن شمع محمد جمیل کی مدعیت میں مقدمہ درج کیا گیا اور کبوتروں کو پولیس اینیمل ریسکیو سینٹر میں منتقل کر دیا گیا ہے۔
کبوتروں کو اونچا اچھالنے کی ویڈیو سوشل میڈیا پر بھی اپلوڈ کی جاتی تھی، جس پر پولیس نے مقدمہ درج کر دیا ۔