Tag: کبھی میں کبھی تم

اداکارہ زینب مظہر کا کہنا ہے کہ جب بھی شادی کا سوچتی ہوں کسی لڑکی کی طلاق ہوجاتی ہے۔

اے آر وائی ڈیجیٹل کے ڈرامہ سیریل ’کبھی میں کبھی تم‘ میں ہانیہ عامر کی بہن ’یمنیٰ‘ کا کردار نبھانے والی اداکارہ زینب مظہر نے نجی ویب شو میں شرکت کی اور اس دوران نجی زندگی سمیت موضوعات پر اظہار خیال کیا۔

میزبان نے پوچھا کہ لڑکیاں گریجویٹ کرلیتی ہیں تو گھر والے دباؤ ڈالتے ہیں کہ شادی کرلو آپ کے ساتھ ایسا ہوا ہے؟

زینب مظہر نے کہا کہ مجھے بابا کی جانب سے کوئی دباؤ نہیں ڈالا گیا کہ شادی کرلو بلکہ وہ کہتے ہیں کہ پڑھ لکھ کر کچھ بننا ہے، میں سونے کا چمچ لے کر پیدا نہیں ہوئی، ہم چار بہنیں ہیں لیکن والد نے کوئی پابندیاں نہیں لگائیں۔

اداکارہ نے کہا کہ لڑکوں کو چاہیے کے شادی کے بعد مما کی گود سے نکل جائیں کیونکہ اب وہ کسی اور کے بھی لاڈلے بن چکے ہیں، آپ کو چاہیے کہ اپنے فیصلے خود لے سکیں۔

زینب مظہر نے کہا کہ شادی سے اس لیے خوفزدہ ہوں کہ شادی کا جب بھی سوچتی ہوں تو کسی لڑکی کی طلاق ہوجاتی ہے۔

انہوں نے کہا کہ میں ڈاکٹرز فیملی سے تعلق رکھتی ہوں، بابا اور بہن ڈاکٹر ہیں اور یہی تھا گھر میں کہ سب بچے ڈاکٹر بنیں گے لیکن میں نے ڈاکٹر نہیں بننا تھا جس پر بابا ناراض بھی ہوئے تھے انہوں نے کہا کہ ڈاکٹر نہیں تو بینکنگ کرلو یا انجینئرنگ کرلو لیکن مجھے مختلف شعبے میں جانا تھا۔

زینب مظہر کے مطابق بابا نے پھر کہا کہ جو تمہارا دل آتا ہے وہ کرو، پھر میں نے بی بی اے کیا اور لاہور میں انٹرن شپ اور ریڈیو شو بھی کیا جو 6 سے رات 8 بجے تک ہوتا تھا جب چار سال بعد ریڈیو چھوڑا تو بہت برا لگا، اس کے بعد پڑھائی مکمل کی اور ماڈلنگ کرنا شروع کردی۔

اداکارہ نے کہا کہ زندگی میں میرا یہ گول تھا کہ کچھ کرنا ہے تاکہ لوگ جانیں کہ یہ زینب مظہر ہے چاہے وہ اداکارہ، پائلٹ، ڈاکٹر ہو۔

ایک سوال کے جواب میں انہوں نے کہا کہ والد کے انتقال کے بعد مجھ پر ذمہ داری بڑھ گئی کیونکہ میں بڑی بہن ہوں ایک ہفتے بعد پھر جو شوٹنگ رکی ہوئی تھیں وہ مکمل کیں۔

کبھی میں کبھی تم کے سیٹ پر ایسا لگا کہ لاہور میں اپنی فیملی چھوڑ کر آئی ہوں اور مجھے نئی فیملی مل گئی ہے، ہانیہ عامر نے سیٹ پر استقبال کیا اور مجھے گلے لگایا۔

اے آر وائی ڈیجیٹل کے ڈرامہ سیریل ’کبھی میں کبھی تم‘ نے مقبولیت کے نئے ریکارڈ قائم کردیے۔

ڈرامہ سیریل ’کبھی میں کبھی تم‘ میں فہد مصطفیٰ (مصطفیٰ)، ہانیہ عامر (شرجینا)، عماد عرفانی (عدیل)، جاوید شیخ (افتخار)، بشریٰ انصاری، نعیمہ بٹ (رباب)، اریج چوہدری، (نتاشا)،  مایا خان ودیگر اداکاری کے جوہر دکھائے۔

ڈرامے کی کہانی فرحت اشتیاق نے لکھی ہے جبکہ اس کی ہدایت کاری کے فرائض بدر محمود نے انجام دیے۔

کبھی میں کبھی تم نے ویور شپ کے نئے ریکارڈ قائم کردیے ہیں، صرف یو ٹیوب پر 158.3 ملین ناظرین نے ڈرامہ دیکھا جو اس کی مقبولیت کا ثبوت ہے۔

 

View this post on Instagram

 

A post shared by ARY Digital (@arydigital.tv)

ڈرامے کو ناصرف پاکستان بلکہ بنگلہ دیش، بھارت اور یو اے ای سمیت دیگر ممالک میں بھی دیکھا گیا۔

واضح رہے کہ مداحوں کی جانب سے ڈرامے کی آخری قسط کا بے چینی سے انتظار کیا جارہا تھا۔

کبھی میں کبھی تم کی آخری قسط میں ’شرجینا اور مصطفیٰ‘ ایک ہوگئے جس کے اختتام کو مداحوں نے سراہا اور کمنٹس میں اداکاروں کے کردار کی تعریف کی۔

آخری قسط میں دکھایا گیا کہ مصطفیٰ، بڑے بھائی عدیل کو جیل سے رہا کروادیتے ہیں لیکن انہیں ساتھ گھر لے کر نہیں جاتے جبکہ شرجینا اور مصطفیٰ بھی ملاقات کرکے گلے شکوے دور کرلیتے ہیں۔

مداح بشریٰ انصاری، جاوید شیخ، نعیمہ بٹ، عماد عرفانی کی اداکاری کی بھی تعریف کررہے ہیں۔

مداحوں کا یہ بھی کہنا ہے کہ ’کبھی میں کبھی تم‘ کا سیکوئل بنایا جائے، ایک مداح نے لکھا کہ اس ڈرامے کو مدتوں یاد رکھا جائے گا۔

پاکستان کے مقبول ترین ڈرامے ’کبھی میں کبھی تم‘ میں مصفطفیٰ اور شرجینا پھر سے ایک ہوگئے، ڈرامے کے شاندار اختتام نے لوگوں کے دل جیت لیے۔

اے آر وائی ڈیجیٹل کے ڈرامہ سیریل ’کبھی میں کبھی تم‘ کی ہیپی اینڈنگ سے مداح بہت خوش ہیں، خاص کر خواتین اس بات پر نہال ہیں کہ شرجینا مان گئی اور وہ واپس مصطفیٰ کے پاس آگئی ہے، دنوں کے درمیان دوریاں ختم ہونے پر ڈرامے کے شائقین نے سکھ کا سانس لیا اور سینما ہالز سے خوشی خوشی گھر گئے۔

ڈرامے کی آخری قسط کا پریمیئر ہوا اور اسے پاکستان بھر کے سینما گھر میں دکھا گیا جہاں لوگوں کی بڑی تعداد اس سے لطف اندوز ہوئی، اس کے علاوہ آخر قسط سینما میں دیکھنے کے لیے شوبز کی نامور شخصیات بھی آئی تھی۔

ڈرامے کی پوری کاسٹ کراچی کے سینما گھر پہنچی تھی، مداحوں نے اس موقع سے بھرپور فائدہ اٹھاتے ہوئے اپنے پسندیدہ اداکاروں کے ساتھ سیلفیاں بھی لیں۔

کبھی میں کبھی تم کے ہیرو فہد مصطفیٰ نے کہا کہ اللہ کا شکر ہے کہ اس نے آج بھی اتنی عزت سے نوازا، جاوید شیخ نے کہا کہ ایک ارب ویوز سے ہی ڈرامے کی سپرہٹ مقبولیت ثابت ہوتی ہے۔

مداحوں نے کہا کہ ڈرامہ بہت اچھا تھا اور اس کی اینڈنگ بھی ہیپی تھی، شرجینا نے مصطفیٰ کو بہت تنگ کیا لیکن شکر ہے کہ وہ اختتام پر مان گئی۔

خیال رہے کہ اے آر وائی ڈیجیٹیل کے ڈرامے ’کبھی میں کبھی تم‘ نے مقبولیت کے نئے ریکارڈ قائم کیے ہیں، اپنی بہترین کہانی اور اداکاروں کی جاندار اداکاری کے باعث یہ اس سال کا سب سے زیادہ دیکھا جانے والا ڈرامہ بن گیا، دنیا بھر میں لوگ اس کے سحر میں مبتلا ہوگئے ہیں۔

آخری قسط کے نشر ہونے اور سینما میں لگنے سے قبل ہی ڈرامے کے یوٹیوب پر ایک ارب سے زیادہ ویوز ہوچکے ہیں، صرف پاکستان ہی نہیں بلکہ پڑوسی ملک بھارت اور دیگر ممالک میں بھی مصطفیٰ اور شرجینا کی کہانی کو بہت پسند کیا گیا۔

پاکستان کے سب سے سپرہٹ ڈرامے ’کبھی میں کبھی تم‘ کا ناظرین کو بے صبری سے انتظار ہے، شائقین جاننے کے متمنی ہیں کہ آخری قسط میں کیا ہونیوالا ہے۔

ملک بھر میں پاکستان کے مقبول ترین ڈرامے کے حوالے سے ناظرین کی دھڑکنیں تیز ہیں، کوئی کہتا ہے کہ ڈرامے کا اختتام خوشی پر مبنی اور اچھا ہونا چاہے، کسی نے کہا کوئی مرجائے گا تبھی ڈرامہ مدتوں یاد رکھا جائے گا۔

کبھی میں کبھی تم کے مداحوں نے رائے دی کہ مصطفیٰ نے شرجینا کے ساتھ اچھا سلوک نہیں کیا اس لیے وہ شرجینا کو منائے۔

ناظرین کو اس وقت کے مقبول ترین ڈرامے کی آخری قسط کا بے صبری سے انتظار ہے جبکہ کبھی میں کبھی تم کی بے انتہا کامیابی کے پیش نظر اس کی آخری قسط کو آج سینما گھروں میں بھی دکھایا جائے گا۔

ایک مداح نےکہا کہ ڈرامے ک اختتام اچھا ہوگا تو سب خوش ہونگے، دکھی اینڈنگ ہوئی تو سب کافی عرصے تک روتے رہیں گے، ایک اور خاتون کا کہنا تھا کہ کسی کو مرنا نہیں چاہیے ہم لوگ چاہ رہے ہیں کہ سب اچھا ہوجائے۔

اے آر وائی ڈیجیٹیل کے ڈرامے ’کبھی میں کبھی تم‘ نے مقبولیت کے نئے ریکارڈ قائم کیے ہیں، اپنی بہترین کہانی اور اداکاروں کی جاندار اداکاری کے باعث یہ اس سال کا سب سے زیادہ دیکھا جانے والا ڈرامہ بن گیا ہے، دنیا بھر میں لوگ اس کے سحر میں مبتلا ہوگئے ہیں۔

آخری قسط کے نشر ہونے سے قبل ہی ڈرامے کے یوٹیوب پر ایک ارب سے زیادہ ویوز ہوچکے ہیں، صرف پاکستان ہی نہیں بلکہ پڑوسی ملک بھارت اور دیگر ممالک میں بھی مصطفیٰ اور شرجینا کی کہانی سے جڑے ہوئے ہیں۔

ڈرامے میں فہد مصطفیٰ، ہانیہ عامر کے ساتھ ساتھ عماد عرفانی، نعیمہ بٹ، اریج چوہدری، بشریٰ انصاری، جاوید شیخ سمیت دیگر نے اداکاری کے جوہر دکھائے ہیں۔