Tag: کتاب

کچھ کتابوں کو پڑھنا مشکل ہوتا ہے۔ اس میں بتائے گئے دقیق فلسفہ مبہم ہوتے ہیں اور بہت کم لوگ انہیں سمجھ پاتے ہیں۔

لیکن کیا آپ نے ایسی کتاب دیکھی ہے جسے پڑھنے کے لیے اسے حل کرنا پڑے؟

امریکی ریاست پنسلوینیا کے رہائشی وٹنی بریڈی نے ایسی کتاب بنائی ہے جس کے اگلہ صفحہ تک پہنچنے کے لیے اسے ’حل‘ کرنا پڑتا ہے۔

ایک پزل کی طرح بنائی گئی یہ کتاب لکڑی سے بنی ہوئی ہے اور اس کے صرف 5 صفحات ہیں۔

اس کے ہر صفحہ میں مشکل اور پیچیدہ بھول بھلیوں جیسے نٹ اور بولٹ لگائے گئے ہیں اور صفحہ پلٹنے کے لیے ذہانت سے ان سے نبرد آزما ہونا پڑتا ہے۔

کتاب میں مشہور مصور لیونارڈو ڈاونچی کا ایک واقعہ بیان کیا گیا ہے کہ کس طرح وہ اپنی پینٹنگز کو چوروں سے بچانے کے لیے جال بچھایا کرتا تھا۔ اس کی پینٹنگز چرانے کے لیے آنے والے چور اگر ذہین ہوتے تو اس جال سے بچ نکلتے ورنہ پکڑے جاتے۔

یہ کہانی اتنی دلچسپ ہے کہ پڑھنے والا مجبوراً لکڑی کی اس کتاب کو ’حل‘ کر کے آگے پڑھنے پر مجبور ہوجاتا ہے۔

بظاہر دیکھنے میں یہ کتاب جادوئی فلموں میں دکھائی جانے والی کتاب جیسی لگتی ہے جس میں بے شمار راز چھپے ہوتے ہیں۔

اس کے خالق وٹنی بریڈی کا ارادہ ہے کہ وہ اس طرح کی ایک بڑی کتاب تشکیل دے گا جو کئی صفحات پر مشتمل ہوگی۔

برسلز: ’پوکیمون گو‘ کی مقبولیت کے بعد بیلجیئم میں ایک پرائمری اسکول کے پرنسپل نے ایسا آن لائن گیم بنا لیا جو کھیلنے والوں کو کتابیں ڈھونڈنے پر اکسائے گا۔

پوکیمون گو کچھ عرصہ قبل ہی متعارف کیا جانے والا گیم ہے جس میں کھیلنے والے کیمرے اور جی پی ایس ڈیوائس کے ذریعہ کارٹون کریکٹر پوکیمون کو ڈھونڈتے ہیں۔ اسی کی طرز پر بیلجیئم کے اسکول پرنسپل ایویلن گریگور نے فیس بک گروپ کے ذریعہ ایک نیا کھیل ایجاد کیا جس کا نام ’کتاب کی تلاش کرنے والے‘ رکھا گیا ہے۔

اس گیم میں کھیلنے والے ایک کتاب کی تصویر پوسٹ کرتے ہیں اور اشارتاً اس کے مقام کے بارے میں بتاتے ہیں۔ جو شخص اس کتاب کو ڈھونڈ لے وہ اسے اپنے پاس رکھ کر پڑھ سکتا ہے۔

کتاب کو ڈھونڈنے والا کتاب پڑھنے کے بعد اسے دوبارہ کسی جگہ چھپا دیتا ہے اور لوگ پھر سے اسے ڈھونڈنے نکل کھڑے ہوتے ہیں۔

پوکیمون گو ذاتی معلومات افشا کرسکتا ہے *

گریگور اس بارے میں بتاتے ہیں کہ ان کی لائبریری بالکل بھر چکی تھی اور اس میں کتابیں رکھنے کی بالکل جگہ نہیں تھی۔ ’اپنے بچوں کے ساتھ پوکیمون گو کھیلتے ہوئے مجھے خیال آیا کہ کیوں نہ میں ان کتابوں کو بھی ایسے ہی چھپا دوں تاکہ جس کو یہ کتاب ملے وہ اس سے فیض اٹھا سکے‘۔

ان کتابوں کو پلاسٹک کی تھیلیوں میں رکھ کر چھپایا جاتا ہے تاکہ وہ بارش اور دیگر نقصانات سے محفوظ رہ سکیں۔

گریگوری کے مطابق ان کا خاندان اب اس کام میں اتنا مگن ہوچکا ہے کہ روز صبح کی واک کے دوران وہ ایک کتاب ڈھونڈتے ہیں جبکہ مزید 4 کتابوں کو پڑھنے والوں کے لیے مختلف جگہوں پر چھپا دیتے ہیں۔

واضح رہے رواں برس جولائی میں متعارف کیا جانے والا گیم پوکیمون گو ایک ماہ میں ہی مقبولیت کی بلندیوں پر پہنچ چکا ہے اور اس کی بنانے والی کپمنی ننٹینڈو کو اب تک 222 ملین ڈالرز کا فائدہ ہوچکا ہے۔