Tag: کتا

سراغ رسانی کے لیے کتوں کی مدد لینا تو ایک عام بات ہے، تاہم حال ہی میں ایک تحقیق میں انکشاف ہوا کہ کتے اچھے اور برے آدمی کی بھی شناخت کرسکتے ہیں۔

حال ہی میں ماہرین کی جانب سے کیے جانے والے ایک تجربے میں دیکھا گیا کہ کتے جھوٹے افراد پر بھروسہ نہیں کرتے۔

تجربے کے لیے ایک کتے کے مالک نے کھانے سے بھرے ہوئے ایک کنٹینر کی طرف اشارہ کیا۔ اس کے بعد اس نے ایسے کنٹینر کی طرف اشارہ کیا جو خالی تھا۔ کتا اسے بھی کھانے سے بھرا ہوا سمجھ کر دوڑا لیکن اسے خالی پایا۔

تیسری بار جب مالک نے کھانے سے بھرے ہوئے ایک اور کنٹینر کی طرف اشارہ کیا تو کتے نے کوئی ردعمل نہیں دیا۔ گویا اس کا مالک اس سے جھوٹ بول کر اپنا اعتماد کھو بیٹھا۔

یعنی اگر آپ اپنے کتے کو گمراہ کریں گے تو وہ آپ کی بات نہیں مانے گا۔

مزید پڑھیں: کتے خواب میں کیا دیکھتے ہیں؟

ویسے تو کتے کی وفاداری بے حد مشہور ہے تاہم ماہرین کا کہنا ہے کہ کتے کی ذہانت اس سے کہیں زیادہ ہے جو سمجھی جاتی ہے۔

اس سے قبل کئی بار تحقیق میں دیکھا جا چکا تھا کہ کتے اپنے مالکوں اور اس کے آس پاس موجود افراد کے تاثرات اور لہجہ پہچاننے کی صلاحیت رکھتے ہیں۔

وہ ایسے لوگوں کے پاس جاتے ہیں جو ان سے شفقت بھرا رویہ اپنائیں اور کتے کے مالک کی بھی مدد کریں۔

اس کے برعکس جو کتے سے برا رویہ اپنائے وہ اسے پسند نہیں کرتے۔

اگر آپ کا کتا گھر آنے والے آپ کے دوستوں پر بھونکتا ہے، ان کے پاس نہیں جاتا اور انہیں ناپسند کرتا ہے تو یقیناً آپ کو اپنے دوستوں کی فہرست پر نظر ثانی کرنے کی ضرورت ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔