ممبئی: بالی ووڈ اداکارہ کترینا کیف نے کہا ہے کہ شادی نہیں کروں گی، جس حد تک ممکن ہوا کنواری ہی رہوں گی۔

بھارتی میڈیا کے مطابق بالی ووڈ کی خوبرو اداکارہ کترینا کیف نے حال ہی میں ایک انٹرویو میں کے دوران کہا کہ حقیقتاً وہ جانتی نہیں کہ وہ ہمیشہ تنہا رہ پائیں گی یا نہیں تاہم جس حد تک ممکن ہوسکا وہ سنگل ہی رہیں گی۔

ممبئی: کترینا کیف کا کہنا تھا کہ شاید ایک ایسا لفظ ہے جس کو میں سمجھ نہیں پائی اور مجھے نہیں لگتا کہ میں اچھی بیوی ثابت ہوسکتی ہوں۔

واضح رہے کہ دبنگ خان کی شادی کو لے کر کترینا کیف کو ہی جوڑا جاتا ہے اور مداحوں کی بھی یہی خواہش ہے باربی ڈول کترینا کیف سلو میاں کے ساتھ شادی کے بندھن میں بندھ جائیں۔

مزید پڑھیں: سلمان خان اور کترینا کیف کی شادی ’بھارت‘ میں ہوگی

سلمان خان بالی ووڈ میں نئے چہرے متعارف کرانے کے حوالے سے مشہور ہیں اور کترینا کیف کو بالی ووڈ انڈسٹری میں متعارف کرانے کا سہرا سلمان خان کے سر ہی جاتا ہے۔

ان دنوں کترینا کیف دبنگ خان کی نئی آنے والی فلم ’بھارت‘ میں مرکزی کردار ادا کررہی ہیں اور فلم ایک گانے کی شوٹنگ میں دونوں کی شادی ہوئی تھی، جسے مداحوں کی جانب سے بے حد سراہا گیا تھا۔

علی عباس ظفر کی ہدایت کاری میں بنائی جانے والی فلم میں سلمان خان، کترینہ کیف مرکزی کردار ادا کررہے ہیں دیگر اداکاروں میں تبو، ڈیشا پٹنی، سنیل گروور اور جیکی شرف شامل ہیں۔

بھارتی میڈیا رپورٹ کے مطابق بھارت فلم 2014 میں ساؤتھ کوریا میں بننے والی فلم ’اوڈی ٹو مائی فادر‘ کی کاپی ہے۔ یاد رہے کہ فلم بھارت رواں سال عید الفطر پر پوری دنیا میں ریلیز کی جائے گی۔

ممبئی: بالی ووڈ اداکار سلمان خان اور اداکارہ کترینا کیف رواں سال ’ بھارت‘ میں شادی کے بندھن میں بندھ جائیں گے۔

بھارتی میڈیا کے مطابق سلمان خان کے مداحوں کے لیے خوشی کی خبر ہے کہ دبنگ خان رواں سال اداکارہ کترینا کیف کے ساتھ ’بھارت‘ میں شادی کے بندھن میں بندھ جائیں گے۔

سلمان خان کے مداح ان کی کترینا کیف کے ساتھ جوڑی کو پسند کرتے ہیں بلکہ ان کی خواہش بھی رہی ہے کہ دونوں کی شادی ہوجائے۔

دبنگ خان نے مداحوں کی اس خواہش کو پوری کرنے کا ارادہ کرلیا ہے، وہ کترینا کیف سے یہ شادی حقیقت میں نہیں بلکہ نئی آنے والی فلم ’بھارت‘ میں کریں گے۔

سلمان خان ان دنوں اپنی نئی آنے والی فلم بھارت کی شوٹنگ میں مصروف ہیں، دبنگ خان ایک گانے کی شوٹنگ کررہے ہیں جو شادی کے سین پر مشتمل ہے۔

یہ پڑھیں: سلمان خان کی نئی فلم کا ٹریلر ریلیز

واضح رہے کہ دبنگ خان کی فلم بھارت کا ٹریلر گزشتہ ماہ ریلیز کیا گیا تھا جس میں دبنگ خان مختلف کردار ادا کرتے نظر آرہے ہیں۔

علی عباس ظفر کی ہدایت کاری میں بنائی جانے والی فلم میں سلمان خان، کترینہ کیف مرکزی کردار ادا کررہے ہیں دیگر اداکاروں میں تبو، ڈیشا پٹنی، سنیل گروور اور جیکی شرف شامل ہیں۔

بھارتی میڈیا رپورٹ کے مطابق بھارت فلم 2014 میں ساؤتھ کوریا میں بننے والی فلم ’اوڈی ٹو مائی فادر‘ کی کاپی ہے۔ یاد رہے کہ فلم بھارت رواں سال عید الفطر پر پوری دنیا میں ریلیز کی جائے گی۔

ممبئی: بالی ووڈ اداکارعامرخان نے کہا ہے کہ دھوم تھری کے وقت سے میرا کترینا کیف پر دل آیا ہوا ہے، مجھے تو وہ اس سیارے کی لگتی ہی نہیں ہیں وہ ایلین ہیں۔

تفصیلات کے مطابق بالی ووڈ کی باربی ڈول فلم ٹھگ آف ہندوستان میں عامر خان کے ساتھ مرکزی کردار ادا کررہی ہیں، مسٹر پرفیکشنسٹ عامر خان کترینا کیف کی تعریفوں کے پل باندھنے میں مصروف عمل ہیں۔

عامر خان نے فلم ٹھگ آف ہندوستان کے گانے ’ثریا جان’ میں کترینا کیف کے ساتھ رقص کرتے ہوئے کہا کہ مجھے سمجھ نہیں آتا آخر کترینا کیف اتنا اچھا رقص کس طرح کرلیتی ہیں، مجھے تو وہ اس سیارے کی لگتی ہی نہیں ہیں وہ ایلین ہیں۔

یہ پڑھیں: ٹھگ آف ہندوستان: عامر خان کی پہلی جھلک، تصاویر وائرل

انہوں نے کہا کہ جب کترینا کیف نے گانے ثریا جان کے اسٹیپس کرنا تھے تو مجھے لگتا تھا وہ اتنے مشکل اسٹیپس نہیں کرپائیں گی لیکن انہوں نے مجھے غلط ثابت کردیا اور بہت اچھا ڈانس کیا وہ بہت محنتی اداکارہ ہیں۔

چند روز قبل ثریا جان گانے کی ریلیز سے قبل بھی عامر خان کا کہنا تھا کہ کترینا اتنا اچھا رقص کرتی ہیں وہ دس سال میں ان جیسا رقص نہیں کرسکتے، وہ اس سے قبل بھی دھوم تھری کے موقع پر کترینا کی اداکاری اور رقص کی تعریف کرچکے ہیں۔

مزید پڑھیں: ٹھگ آف ہندوستان کی شوٹنگ دھماکے کے ساتھ اختتام پذیر

واضح رہے کہ فلم ’ٹھگ آف ہندوستان’ کی ہدایت کاری کے فرائض وجے کرشنا اچاریا انجام دی ہیں، فلم کے اداکاروں میں امیتابھ بچن، عامر خان، کترینا کیف ودیگر نمایاں ہیں۔

فلم کے حوالے سے پیش گوئی کی گئی ہے کہ ٹھگ آف ہندوستان ریلیز کے ابتدائی تین دنوں میں ہی سو کروڑ کا بزنس کرلے گی۔