ARYNews.tv | Urdu – Har Lamha Bakhabar

Tag: کتے

  • خرم شیر زمان بلاول ہاؤس کے آس پاس کتوں کی بڑھتی تعداد سے پریشان

    خرم شیر زمان بلاول ہاؤس کے آس پاس کتوں کی بڑھتی تعداد سے پریشان

    کراچی: پاکستان تحریک انصاف کے رکن سندھ اسمبلی خرم شیر زمان نے کہا ہے کہ کلفٹن بلاک 2 میں رات بھر کتے سونے نہیں دیتے، بلاول ہاؤس کے سامنے ہزاروں کی تعداد میں کتے جمع ہو گئے ہیں۔

    تفصیلات کے مطابق پی ٹی آئی رہنما نے سندھ اسمبلی کے اجلاس میں نکتہ اعتراض اٹھاتے ہوئے کلفٹن بلاک ٹو میں موجود ہزاروں آوارہ کتوں کی موجودگی پر شکایت کی۔

    خرم شیر زمان نے کہا کہ بختاور پارک بھی نشے کے عادی افراد کی آماج گاہ بن چکا ہے، 2 افراد کی لاشیں بھی پارک سے ملیں۔

    پی ٹی آئی رہنما نے کہا کہ بلاک ٹو میں سیوریج کا پانی جمع ہے، سڑکیں بھی ٹوٹی ہوئی ہیں۔

    تازہ ترین خبریں پڑھیں:  کراچی میں پانی کامسئلہ حل کرنے کے لیے وفاق کا بڑا فیصلہ

    صوبائی وزیر برائے ایکسائز اینڈ ٹیکسیشن مکیش کمار چاؤلہ نے بھی کہا کہ خرم شیر زمان نے درست نشان دہی کی ہے، کلفٹن بلاک 2 میں مندر بھی ہے، جس کے سامنے سے ڈی جی پارک کچرا اٹھانے نہیں دیتا۔

    مکیش کمار چاؤلہ نے کہا کہ شہر کے مئیر صاحب ایسی حرکت کریں گے تو میں فلور پر آواز اٹھاؤں گا۔ جس پر اسپیکر سندھ اسمبلی نے کہا کہ ان کو اسٹینڈنگ کمیٹی میں بلوائیں اور جواب طلب کریں۔

    سابق وزیر بلدیات سعید غنی نے اسمبلی میں کہا کہ پانی کی نئی لائنیں ڈالی جائیں گی اور کچرا بھی صاف ہوگا۔

  • کراچی: کتے کے کاٹے کی ویکسین کی قلت، 11 سال کا لڑکا جاں بحق

    کراچی: کتے کے کاٹے کی ویکسین کی قلت، 11 سال کا لڑکا جاں بحق

    کراچی: شہر قائد میں ایک بار پھر کتے کے کاٹے کی ویکسین کی قلت کی وجہ سے 11 سال کا لڑکا جاں بحق ہو گیا ہے۔

    تفصیلات کے مطابق کراچی میں کتے کے کاٹے کی ویکسین کی قلت کے باعث گیارہ سال کا لڑکا لال بخش جاں بحق ہو گیا۔

    لال بخش کو تین ماہ قبل سانگھڑ میں کتے نے ہاتھ پر کاٹا تھا، جسے گزشتہ رات سانگھڑ سے جناح اسپتال لایا گیا تھا۔

    جناح اسپتال کے اعداد و شمار کے مطابق رواں سال ریبیز سے موت کا یہ چھٹا کیس رپورٹ ہوا ہے۔ کراچی سمیت سندھ بھر میں آوارہ کتوں کی بہتات ہو گئی ہے جس سے شہریوں کو شدید پریشانی لاحق ہے، دوسری طرف انتظامیہ آوارہ کتوں کے خلاف کارروائی کرنے کے لیے تیار نہیں۔

    یاد رہے کہ کراچی میں صرف جناح اور سول وہ سرکاری اسپتال ہیں جہاں کتے کے کاٹنے کی ویکسین موجود ہوتی ہے ، اس کے علاوہ کسی سرکاری اسپتال میں یہ سہولت میسر نہیں ہے ۔

    یہ بھی پڑھیں:  کراچی میں 62 افراد سگ گزیدگی کا شکار بن گئے

    چند نجی اسپتال بھی سگ گزیدگی کی ویکسین فراہم کرتے ہیں تاہم نجی اسپتالوں میں ویکسین اور ابتدائی ٹریٹمنٹ کی قیمت ہزاروں میں وصول کی جاتی ہے جب کہ سول اور جناح میں یہ سہولت بالکل مفت فراہم کی جاتی ہے۔

    گزشتہ برس 13 ستمبر کو ایک ہی دن میں کراچی کے مختلف علاقوں میں سگ گزیدگی کے واقعات میں ایک دم اضافہ دیکھنے میں آیا تھا اور جناح اسپتال میں کتوں کے کاٹنے کے 62 واقعات رپورٹ ہوئے۔

  • کتے انسانی خون کی بو سونگھ کر پھیپھڑوں کے کینسر کی تشخیص کرنے میں کامیاب

    کتے انسانی خون کی بو سونگھ کر پھیپھڑوں کے کینسر کی تشخیص کرنے میں کامیاب

    واشنگٹن: امریکی ماہرین نے دعویٰ کیا ہے کہ کتے انسان خون کی بو سونگھ کر پھیپھڑوں کے کینسر کی تشخیص کرنے میں کام یاب ہو گئے ہیں۔

    سائنس جرنل یوریک الرٹ کے مطابق امریکی ریاست فلوریڈا میں ایک اجلاس کے دوران ماہرین نے رپورٹ پیش کی کہ کتے انسانی خون کی بو سونگھ کر پھیپھڑوں میں کینسر کی تشخیص کرنے میں کامیاب ہو گئے ہیں۔

    رپورٹ کے مطابق امریکی سوسائٹی فار بائیو کیمسٹری اینڈ مالیکیولر بائیو لوجی کے سالانہ اجلاس میں ماہرین نے رپورٹ پیش کی جس میں دعویٰ کیا گیا کہ کتوں نے خون سونگھ کر کینسر کی 97 فی صد درست نشان دہی کی۔

    ماہرین نے بتایا کہ انھوں نے رضا کار کتوں کو 2 طرح کے خون کے نمونے دیے جن میں سے ایک خون ان مریضوں کا تھا جنھیں پھیپھڑوں کا کینسر لا حق تھا جب کہ دوسرا خون صحت مند انسانوں کا تھا۔

    یہ بھی پڑھیں:  حافظ قرآن شوگر ، بلڈ پریشر اور ڈپریشن سے محفوظ رہتے ہیں ، نئی تحقیق

    ماہرین کے مطابق کتوں نے 97 فی صد درست نتائج دیے اور پھیپھڑوں کے کینسر والے خون کی نشان دہی کی۔

    ماہرین نے کہا کہ اس تحقیق سے یہ بات ثابت ہوئی کہ کتے کینسر کی تشخیص میں ماہرین کی مدد کر سکتے ہیں تاہم اس معاملے پر مزید تحقیق کی ضرورت ہے۔

    ماہرین نے بتایا کہ کتوں کی پہلی تحقیق کی کام یابی کے بعد اب وہ رواں برس کے آخر تک کتوں کے ذریعے کینسر کی دوسری قسم کی تشخیص کا تجربہ کریں گے۔

  • پرانے ٹائر جانوروں کے بستر بن گئے

    پرانے ٹائر جانوروں کے بستر بن گئے

    انسانوں اور جانوروں سے رحم کا جذبہ وہ خصوصیت ہے جو کسی بھی انسان کو دوسروں سے ممتاز کرسکتا ہے، ایسے انسان کو بہت سی محبتیں موصول ہوتی ہیں۔

    ایسا ہی ایک فنکار بھی جانوروں کی محبوب ترین شخصیت ہے جو ان کے لیے نرم ملائم بستر تیار کر رہا ہے۔

    برازیل سے تعلق رکھنے والا یہ کم عمر فنکار سلوا جانورں سے بے حد محبت کرتا ہے۔

    سلوا استعمال شدہ پرانے ٹائرز سے گلی میں گھومنے والے کتے اور بلیوں کے لیے نرم ملائم بستر تیار کرتا ہے۔

    اس کام کا آغاز 2 سال قبل ہوا جب سلوا کو اضافی رقم کی ضرورت تھی۔ اس نے دیکھا کہ آوارہ کتے ٹائروں میں اپنی رات گزارتے تھے۔

    تب اس نے سوچا کہ کیوں نہ ان ٹائروں کو مزید آرام دہ اور خوبصورت بنایا جائے۔

    وہ ان ٹائروں کا کاٹ کر دھوتا ہے اور ان پر خوبصورت رنگ کرتا ہے۔ بعض اوقات وہ اس میں سونے والے جانور کا نام بھی لکھتا ہے۔

    آئیں ان کے بنائے گئے خوبصورت بستر دیکھتے ہیں۔

     

    View this post on Instagram

     

    Pingo todo feliz com sua nova cama 😍 #instadog #caminhaspet #pneus #dog #petshop #pets #caes

    A post shared by CaominhasPetsOficial (@caominhas_pets2) on

     

    View this post on Instagram

     

    É um doce até no nome 😹😻

    A post shared by CaominhasPetsOficial (@caominhas_pets2) on

     

    View this post on Instagram

     

    Felicidade é apelido.

    A post shared by CaominhasPetsOficial (@caominhas_pets2) on

  • بچوں اور پالتو جانوروں کی نگرانی کرنے والا روبوٹک کتا

    بچوں اور پالتو جانوروں کی نگرانی کرنے والا روبوٹک کتا

    گھر میں چھوٹے بچے ہوں تو والدین کو ہر لمحہ فکر رہتی ہے کہ وہ ان کی نظروں سے اوجھل ہو کر گر نہ جائیں یا خود کو کوئی نقصان نہ پہنچا لیں، ایسے ہی بچوں کی نگرانی کے لیے ماہرین نے روبوٹک کتا متعارف کروا دیا۔

     ایبو نامی یہ روبوٹ کیمرے، آرٹیفیشل انٹیلی جنس اور انٹرنیٹ سے لیس ہے جو بچوں سمیت گھر کے دیگر افراد اور پالتو جانوروں کی بھی نگرانی کرسکتا ہے۔

    یہ کتا پہلے سے سیٹ کی گئی ہدایات کے مطابق گھر میں گھومتا رہے گا اور گھر والوں کو چیک کرتا رہے گا۔

    روبوٹ کے مالک کو اسمارٹ فون کے ذریعے معلومات موصول ہوتی رہیں گی کہ بچے یا گھر کے دیگر افراد کیا کر رہے ہیں۔

    یہ روبوٹ ان افراد کے لیے نہایت فائد مند ہوسکتا ہے جو گھر سے باہر ہوں اور ان کے گھر میں چھوٹے بچے یا معمر افراد موجود ہوں۔

    جاپان میں تیار کیے جانے والے اس روبوٹ کی قیمت 3 ہزار ڈالر رکھی گئی ہے۔

    جاپان میں اس سے پہلے بھی گھر میں موجود معمر افراد کی سہولت کے لیے مختلف روبوٹک اشیا متعارف کروائی جا چکی ہیں۔

  • کتے نے جان پر کھیل کر زخمی دوست کی جان بچالی

    کتے نے جان پر کھیل کر زخمی دوست کی جان بچالی

    جانوروں کا ایک دوسرے کے لیے محبت کا جذبہ کسی سے ڈھکا چھپا نہیں، اپنے ساتھی کو مشکل سے نکالنے کے لیے وہ اپنی جان جوکھم میں ڈالنے سے بھی پرہیز نہیں کرتے۔

    ایسے ہی ایک کتے کی ویڈیو سوشل میڈیا پر بہت وائرل ہو رہی ہے جس نے اپنی جان خطرے میں ڈال کر اپنے زخمی دوست کی جان بچائی۔

    ویڈیو میں دیکھا جاسکتا ہے کہ ایک زخمی کتا ٹرین کی پٹریوں کے درمیان پڑا ہے، وہ اس قدر زخمی ہے کہ اپنی جگہ سے حرکت بھی نہیں کرسکتا۔

    ایسے میں ایک اور کتا اسے اس حال میں دیکھتا ہے تو اس کی مدد کو پہنچتا ہے۔ سخت سردی میں برف سے ڈھکی پٹری پر یہ کتا زخمی کتے کو اپنے جسم سے حرارت فرہم کرتا ہے۔

    یہ کتا نہ صرف اسے کھانا لا کر دیتا رہا بلکہ اسے آنے والی ٹرینوں سے بھی بچاتا رہا۔

    ٹرین آنے کے موقع پر کتا اپنے زخمی دوست کے ساتھ لیٹ جاتا ور اس کا سر نیچے کردیتا جس کے بعد ٹرین ان کے اوپر سے گزرتی چلی جاتی۔

    یہ معاملہ 2 دن تک چلتا رہا، کتے نے زخمی دوست کا ساتھ ایک لمحے کے لیے بھی نہیں چھوڑا۔

    بالآخر ایک ٹرین کنڈکٹر نے یہ منظر دیکھا اور مقامی پولیس کو خبر کی۔ تاہم اس موقع پر کتے نے پولیس کو قریب نہیں آنے دیا اور اپنے زخمی دوست کی حفاظت کرتا رہا۔

    اس کے بعد جانوروں کو ریسکیو کرنے والی ٹیم کو بلایا گیا جنہوں نے مختلف تکنیکوں سے کام لیتے ہوئے دونوں کتوں کو ریسکیو کیا۔

    بعد ازاں ایک ادارے نے انہیں گود لے لیا جہاں ان کی پرورش کی جانے لگی، جلد ہی زخمی کتا صحت مند ہوگیا، دونوں کتے آج بھی ایک دوسرے کے گہرے دوست ہیں۔

  • میوزک بجانے والا کتا

    میوزک بجانے والا کتا

    اکثر کتے اپنے مالکوں کی دلچسپیوں اور مشاغل میں ان کا ہاتھ بٹاتے ہیں اور ان کے کئی کام کرتے ہیں، ایسا ہی ایک کتا اپنے موسیقار مالک کے ساتھ نہایت مہارت سے آلات موسیقی بجاتا ہے۔

    میپل نامی یہ کتا اپنے مالک ٹرینچ کے ساتھ مختلف آلات موسیقی بجاتا ہے۔ ٹرینچ نامی یہ میوزیشن مختلف گانوں کی دھنیں مختلف آلات پر بجاتا ہے اور اس کا کتا بھی اس کا ساتھ دیتا ہے۔

    سوشل میڈیا پر ان دونوں کو پسند کرنے والے صارفین کی تعداد لاکھوں میں ہے۔

    ماہرین کا کہنا ہے کہ کتے انسانوں کی طرح موسیقی کو سمجھنے کی اہلیت رکھتے ہیں۔

    ہنگری میں کی جانے والی ایک تحقیق کے مطابق کتے الفاظ اور موسیقی کو سمجھنے کے لیے دماغ کے انہی حصوں کو استعمال کرتے ہیں جو انسان استعمال کرتے ہیں۔

    دوسری جانب کتوں کی اپنے مالک کے لیے محبت بھی کسی سے ڈھکی چھپی نہیں۔ سائنس دانوں کا کہنا ہے کہ اپنے مالک کو خوش کرنا کتوں کے لیے بہت اہمیت رکھتا ہے۔

    کتوں پر ایک تحقیق کے مطابق کتے خواب میں بھی اپنے مالک کی خوشبو اور اس کی مسکراہٹ کو دیکھتے ہیں، یا وہ خود کو ایسی حرکتیں کرتے ہوئے دیکھتے ہیں جس سے ان کا مالک بہت خوش یا بہت تنگ ہوتا ہو۔

  • کتے مردوں سے زیادہ خواتین کے وفادار

    کتے مردوں سے زیادہ خواتین کے وفادار

    کتا ایک نہایت وفادار جانور ہے اور اگر آپ اس کا خیال رکھتے ہوں اور اس کے مالک ہوں تو یہ آپ کے لیے نہایت بے ضرر ہوگا۔ تاہم حال ہی میں ایک رپورٹ میں انکشاف ہوا کہ کتے صنف کی بنیاد پر بھی محبت اور وفاداری نبھاتے ہیں۔

    جرنل رائل سوسائٹی آف اوپن سائنس میں شائع ہونے والی ایک تحقیق کے مطابق کتوں کے بھونکنے اور مختلف آوازیں نکالنے کو مردوں سے زیادہ خواتین سمجھتی ہیں۔

    ماہرین کے مطابق اس کی وجہ یہ ہے کہ خواتین اپنی فطری رحم دلی اور ہمدرد طبیعت کی وجہ کتوں کے ساتھ مردوں کی نسبت زیادہ محبت اور شفقت کا مظاہرہ کرتی ہیں یہی وجہ ہے کہ کتے ان کی صحبت میں زیادہ پرسکون ہوتے ہیں۔

    ماہرین کا کہنا ہے کہ کتوں کے دماغ کا ایک حصہ انسانوں کے دماغ کی طرح ہے جو جذبات کو پہچاننے کی صلاحیت رکھتا ہے، یہی وجہ ہے وہ خواتین کے نرم جذبات کو پہچان کر مردوں کی نسبت خواتین سے زیادہ قریب اور ان کے زیادہ وفادار ہوتے ہیں۔

    مزید پڑھیں: کتے خواب میں کیا دیکھتے ہیں؟

    ہنگری کے دارالحکومت بڈاپسٹ کی ایٹووس یونیورسٹی میں کی جانے والی ایک تحقیق میں بتایا گیا تھا کہ کتے الفاظ اور موسیقی کو سمجھنے کے لیے دماغ کے انہی حصوں کو استعمال کرتے ہیں جو انسان استعمال کرتے ہیں۔

    تحقیق کے مطابق انسانی دماغ نہ صرف بولے جانے والے الفاظ کا تجزیہ کرتا ہے بلکہ بسا اوقات وہ ان کے پس پردہ معنی کو بھی سمجھتا ہے یعنی دماغ بیک وقت دو کام سر انجام دیتا ہے۔

    بالکل یہی کام اسی طریقہ کار کے ذریعہ کتوں کا دماغ بھی انجام دیتا ہے۔

    ماہرین کے مطابق کتوں کا دماغ ہمدردانہ اور مانوس الفاظ پر بھی ویسا ہی ردعمل ظاہر کرتا ہے جیسے انسان کرتے ہیں۔ گھر، کھانا اور محبت و شفقت کے الفاظ کتوں کے دماغ میں مثبت لہریں پیدا کرتے ہیں جو ان کے جسم کو پرسکون رکھتی ہیں۔

  • کتا آپ کو امراض قلب سے بچا سکتا ہے

    کتا آپ کو امراض قلب سے بچا سکتا ہے

    کیا کتا آپ کا پسندیدہ جانور ہے، اور آپ کے گھر میں ایک پالتو کتا بھی موجود ہے جو آپ کو بالکل اپنے گھر کا ایک حصہ لگتا ہے؟ تو پھر خوش ہوجائیں کیونکہ کتا آپ کو امراض قلب سے بچا سکتا ہے۔

    سوئیڈن میں کی جانے والی ایک تحقیق کے مطابق کتا پالنے والے افراد میں امراض قلب میں مبتلا ہونے کا امکان کم ہوجاتا ہے نتیجتاً ان کی جلد موت کا خطرہ کم ہوجاتا ہے۔

    ماہرین کا کہنا ہے کہ کتا پالنے والے افراد جسمانی طور پر متحرک ہوتے ہیں کیونکہ وہ باقاعدگی کے ساتھ کتے کو ٹہلانے کے لیے لے کر جاتے ہیں، جسمانی طور پر فعال رہنا امراض قلب میں کمی کرتا ہے۔

    تحقیق میں دیکھا گیا کہ تنہا رہنے والے وہ افراد جن کے پاس کتا موجود تھا، ان میں امراض قلب کے خطرے میں 11 فیصد جبکہ قبل از وقت موت کے خطرے میں 33 فیصد کمی دیکھی گئی۔

    ماہرین کے مطابق اکیلے رہنے والے افراد میں امراض قلب سمیت مختلف بیماریوں میں مبتلا ہونے کا امکان زیادہ ہوتا ہے۔

    تحقیق میں یہ بھی کہا گیا کہ کتا اپنے مالک کی قوت مدافعت پر بھی مثبت طور پر اثر انداز ہوتا ہے اور اس میں اضافہ کرتا ہے۔

    مزید پڑھیں: برے آدمی کی پہچان کے لیے اپنے کتے کی مدد لیجیئے

  • لوگ اپنے پالتو کتے پر پنیر کا ٹکڑا کیوں پھینک رہے ہیں؟

    لوگ اپنے پالتو کتے پر پنیر کا ٹکڑا کیوں پھینک رہے ہیں؟

    سماجی رابطوں کی ویب سائٹ پر ہر دوسرے دن کوئی نہ کوئی چیلنج مقبول ہوتا رہتا ہے۔ یہ چیلنج بہت خطرناک بھی ہوتے ہیں اور بعض اوقات نہایت بے ضرر بھی ہوتے ہیں۔

    ان چیلنجز کو پورا کرنے کے لیے لوگ ہر حد تک گزرنے کو تیار ہوتے ہیں جس کی وجہ سے بعض بے ضرر چیلنج بھی نقصان پہنچا سکتے ہیں، جبکہ بعض صارفین کو ہنسی کا سامان فراہم کرتے ہیں۔

    ایسا ہی ایک اور چیلنج سوشل میڈیا پر مقبول ہورہا ہے جس میں لوگ اپنے پالتو کتوں پر پنیر کا ٹکڑا پھینک رہے ہیں۔

    ڈاگ چیز نامی اس چیلنج میں کوئی شخص اپنے کتے پر اس کی بے خبری میں پنیر کا ٹکڑا پھینکتا ہے۔ وہ پنیر کتے کے جسم کے کسی بھی حصے عموماً پشت پر جاگرتا ہے، جس کے بعد کتا پریشان ہوجاتا ہے کہ اس کے جسم پر کیا گرا ہے۔

    چند لمحوں کی کوشش کے بعد پنیر اس کے جسم سے نیچے گر جاتا ہے جس کے بعد کتا اس پنیر کو کھا لیتا ہے۔

    بظاہر اس چیلنج کا کوئی خاص مقصد نہیں ہے تاہم سوشل میڈیا صارفین اس بے ضرر چیلنج سے بہت لطف اندوز ہورہے ہیں اور ان کا کہنا ہے کہ خطرناک چیلنجز کے مقابلے میں یہ ہلکا پھلکا چیلنج کافی متاثر کن ہے۔

    بعض لوگوں نے اس چیلنج کو مزید دلچسپ بنانے کے لیے کتے کے علاوہ دیگر جانوروں پر بھی پنیر کا ٹکڑا پھینکا جس کے بعد اور مزے کی صورتحال سامنے آئی۔