ARYNews.tv | Urdu – Har Lamha Bakhabar

Tag: کرائسٹ چرچ

  • نیوزی لینڈ سانحہ : دہشت گرد نے پورے واقعے کو ویڈیو گیم کی طرح فلم بند کیا

    نیوزی لینڈ سانحہ : دہشت گرد نے پورے واقعے کو ویڈیو گیم کی طرح فلم بند کیا

    کرائسٹ چرچ : سفاک دہشت گرد نے مساجد میں کھیلا جانے والا کھیل ویڈیو گیم کی طرح کھیلا، جس میں داڑھی والے مسلمانوں کو ولن دکھا کر گولیوں کا نشانہ بنایا جاتا ہے۔

    نیوزی لینڈ کے شہر کرائسٹ چرچ میں حملہ آور نے خونی کھیل ویڈیو گیم کی طرح کھیلا، اس طرح کے اکثر ویڈیو گیمز میں داڑھی والے مسلمانوں کو ٹارگٹ دکھایا جاتا ہے، گیمز میں اسلام اور مسلمانوں کے خلاف نفرت بھڑکائی جاتی ہے۔

    نیوزی لینڈ کی مساجد میں دہشت گردی کرنے والے شخص نے بھی پورے واقعے کو ویڈیو گیم کی طرح فلم بند کیا، ایسی ہی گن فائٹ ویڈیو گیمز میں ولن اکثر مسلمان دکھائے جاتے ہیں جس میں گیم کھیلنے والا بندوق تھامے شلوار قمیض پہنے اور داڑھی والے کرداروں پر گولیاں برساتا ہے۔

    ان ویڈیو گیمز میں خاص طور پر افغانستان اور عراق کا وار زون دکھایا اور مخصوص حلیہ بنا کر مسلمانوں کو دشمن دکھایا جاتا ہے، ایسے کئی ویڈیو گیمز میں مسلمان ملکوں کے پرچم دشمن کے جھنڈے کی حیثیت سے دکھائے جاتے ہیں۔

    سوال یہ پیدا ہوتا ہے کہ کیا ان ویڈیو گیمز کا اصل مقصد یہی ہے کہ مسلمانوں کو ان کا دشمن دکھا کراسلام مخالف جذبات بھڑکائے جائیں؟ کیا ویڈیو گیمز کے ذریعے مسلمانوں کیخلاف نئی نسل کی ذہن سازی کی جارہی ہے؟

    مزید پڑھیں: نیوزی لینڈ دہشت گردی، مساجد بند، مسلمانوں کو گھروں میں رہنے کی ہدایت

    یاد رہے کہ نیوزی لینڈ کے علاقے کرائسٹ چرچ میں سفید فام شخص نے دو مساجد پر اُس وقت فائرنگ کی تھی کہ جب وہاں نمازِ جمعہ کی ادائیگی کے لیے مسلمانوں کا اجتماع شروع ہونا تھا۔ فائرنگ کے واقعے میں 49 مسلمان شہید جبکہ متعدد نمازی شدید زخمی ہوئے، ملزم نے اپنے گھناؤنے عمل کی ویڈیو سوشل میڈیا پر براہ راست نشر کی۔

  • نفرت بے لگام ہو تو روکنا مشکل ہوتا ہے: صدر مملکت کی نیوزی لینڈ حملے کی مذمت

    نفرت بے لگام ہو تو روکنا مشکل ہوتا ہے: صدر مملکت کی نیوزی لینڈ حملے کی مذمت

    اسلام آباد: صدر مملکت عارف علوی نے نیوزی لینڈ میں کرائسٹ چرچ کی مسجد میں قتل عام پر مذمت کرتے ہوئے کہا کہ متاثرہ خاندانوں سے تعزیت کا اظہار کرتا ہوں۔ مشکل وقت ہے، نفرت بے لگام ہو تو روکنا مشکل ہوتا ہے۔

    تفصیلات کے مطابق صدر مملکت عارف علوی نے نیوزی لینڈ میں کرائسٹ چرچ کی مسجد میں قتل عام پر اظہار افسوس کرتے ہوئے کہا کہ میری ہمدردیاں اور دعائیں متاثرین کے ساتھ ہیں۔

    صدر مملکت نے کہا کہ متاثرہ خاندانوں سے تعزیت کا اظہار کرتا ہوں۔ مشکل وقت ہے، نفرت بے لگام ہو تو روکنا مشکل ہوتا ہے۔

    خیال رہے کہ آج صبح نیوزی لینڈ کے شہر کرائسٹ چرچ میں 2 مساجد میں مسلح افراد کی جانب سے فائرنگ کی گئی، حملے میں اب تک 40 افراد جاں بحق ہوگئے ہیں، حملہ آوروں نے النور مسجد اور لین وڈ میں نماز جمع کے دوران نمازیوں کو نشانہ بنایا۔

    بنگلہ دیشی کرکٹ ٹیم بھی حملے کے وقت مسجد میں موجود تھی تاہم وہ محفوظ رہی۔

    وزیر اعظم نیوزی لینڈ جیسنڈا آرڈرن نے فائرنگ واقعے کے بعد ہنگامی پریس کانفرنس کرتے ہوئے دہشت گرد حملے کی مذمت کی اور کہا کہ آج نیوزی لینڈ کی تاریخ کا سیاہ ترین دن ہے، ملزم سے تحقیقات جاری ہیں۔

    واقعے کے بعد وزیر اعظم عمران خان نے بھی دہشت گرد حملے کی مذمت کرتے ہوئے کہا کہ حملے کا شدید صدمہ ہے، حملے سے واضح ہوگیا دہشت گردی کا کوئی مذہب نہیں۔

    انہوں نے کہا تھا کہ دہشت گردی کے بڑھتے واقعات کی ذمہ داری نائن الیون کے بعد اسلام مخالف پروپیگنڈے پر عائد ہوتی ہے، جس میں کسی بھی دہشت گردی کا الزام اسلام اور سوا ارب مسلمانوں پر لگادیا جاتا ہے، یہ سب جان بوجھ مسلمانوں کی جائز سیاسی جدوجہد کو دبانے کے لیے کیا گیا۔

  • نیوزی لینڈ میں دہشت گردی انٹیلی جنس کی ناکامی ہے ، پاکستانی ہائی کمشنر

    نیوزی لینڈ میں دہشت گردی انٹیلی جنس کی ناکامی ہے ، پاکستانی ہائی کمشنر

    ویلنگٹن : نیوزی لینڈ میں پاکستانی ہائی کمشنر عبدالمالک کا کہنا ہے کہ نیوزی لینڈمیں دہشت گردی انٹیلی جنس کی ناکامی ہے، نیوزی لینڈمیں اس طرح کے واقعات کی کوئی مثال موجود نہیں۔

    تفصیلات کے مطابق نیوزی لینڈ میں پاکستانی ہائی کمشنر عبدالمالک نے اے آروائی نیوز کے پروگرام باخبر سویرا میں گفتگو کرتے ہوئے کہا نیوزی لینڈمیں دہشت گردی انٹیلی جنس کی ناکامی ہے، پولیس کےمطابق حملے کے مرکزی ملزم کو نہیں پکڑا جاسکا، پولیس نے علاقوں کا محاصرہ کیاہوا، رابطے نہیں ہوپا رہے۔

    ہائی کمشنر کا کہنا تھا نیوزی لینڈمیں 20 ہزار سے زائد پاکستانی مقیم ہیں، اس طرح کی دہشت گردی نیوزی لینڈ میں پہلے نہیں ہوئی، پولیس سے رابطے میں لیکن کسی چیزکی تصدیق نہیں ہو پا رہی۔

    عبدالمالک نے کہا ہمارے پاس پاکستانیوں کےمتاثر ہونے سے متعلق ابھی کوئی اطلاع نہیں ، جیسے ہی کوئی اطلاع ملی ہم دفترخارجہ سے رابطہ کریں گے۔

    ان کا کہنا تھا کہ پاکستانی کمیونٹی سےرابطےمیں ہیں، کرائسٹ چرچ میں مسجد 1960 سے قائم ہے، اس میں 300 افراد موجود تھے، نیوزی لینڈمیں اس طرح کےواقعات کی کوئی مثال موجودنہیں۔

    مزید پڑھیں : نیوزی لینڈ کی 2 مساجد میں فائرنگ‘ 27 افراد جاں بحق

    یاد رہے نیوزی لینڈکےشہرکرائسٹ چرچ میں 2مساجد میں مسلح افراد کی جانب سے فائرنگ کی گئی ،حملے میں 30 افراد جاں بحق ہوئے، حملہ آوروں نے النور مسجد اور لِین وڈ میں نماز جمعے کے دوران نمازیوں کونشانہ بنایا۔

    بنگلہ دیشی کرکٹ ٹیم بھی حملے کےوقت مسجدمیں موجودتھی تاہم وہ محفوظ رہی۔

    وزیراعظم نیوزی لینڈ جیسنڈا آرڈرن نے فائرنگ واقعے کے بعد ہنگامی پریس کانفرنس کرتے ہوئے دہشت گرد حملے کی مذمت کی اور کہا آج نیوزی لینڈ کی تاریخ کاسیاہ ترین دن ہے ، ملزم سے تحقیقات جاری ہیں، فی الحال تفصیلات نہیں بتاسکتے۔

    جیسنڈا آرڈرن کا کہنا تھا کہ ایسے پُر تشدد واقعات کی نیوزی لینڈمیں کوئی جگہ نہیں، متاثرہ علاقےمیں شہری گھروں میں رہیں۔

    حکام کے مطابق کرائسٹ چرچ مسجد میں فائرنگ کرنے والا لڑکا آسٹریلیوی شہری ہے، حملہ آور کی عمر27 سال ہے۔

  • بنگلادیش اورنیوزی لینڈ کے درمیان ٹیسٹ میچ منسوخ

    بنگلادیش اورنیوزی لینڈ کے درمیان ٹیسٹ میچ منسوخ

    کرائسٹ چرچ: نیوزی لینڈ کی مساجد میں فائرنگ کے واقعے کے بعد نیوزی لینڈ اور بنگلہ دیش کی ٹیموں کے درمیان کھیلے جانے والا ٹیسٹ میچ منسوخ کردیا گیا۔

    تفصیلات کے مطابق کرائسٹ چرچ کی مساجد میں فائرنگ کے واقعے کے بعد نیوزی لینڈ اور بنگلہ دیش کی ٹیموں کے درمیان کل کھیلا جانے والا سیریز کا تیسرا اور آخری ٹیسٹ میچ منسوخ کردیا گیا ہے۔

    خیال رہے کہ نیوزی لینڈ کے شہر کرائسٹ چرچ کی 2 مساجد میں مسلح شخص نے اندھا دھند فائرنگ کردی جس کے نتیجے میں 27 افراد جاں بحق ہوگئے جبکہ مسجد میں بنگلہ دیشی کرکٹ ٹیم کے کھلاڑی بھی موجود تھے۔

    نیوزی لینڈ کی 2 مساجد میں فائرنگ‘ 27 افراد جاں بحق

    غیرملکی میڈیا کے مطابق کرائسٹ چرچ میں مقامی وقت کے مطابق تقریباََ ایک بجکر 40 منٹ پر مسلح شخص نے مسجد میں داخل ہوتے ہی اندھا دھند فائرنگ کی اور اس کی لائیو ویڈیو بھی بناتا رہا۔

    نیوزی لینڈ کرکٹ بورڈ نے تصدیق کی ہے کہ فائرنگ کے واقعے میں بنگلہ دیشی کرکٹرز محفوظ رہے۔

    نیوزی لینڈ کرکٹ بورڈ نے فائرنگ کے واقعے پر افسوس کا اظہار کرتے ہوئے کہا کہ دونوں ملکوں کے کرکٹ بورڈز نے باہمی رضا مندی سے فیصلہ کیا کہ ہیگلے اوول ٹیسٹ منسوخ کردیا گیا ہے۔

  • پاکستان کی نیوزی لینڈ میں دہشت گردی کے واقعے کی مذمت

    پاکستان کی نیوزی لینڈ میں دہشت گردی کے واقعے کی مذمت

    اسلام آباد: ترجمان دفتر خارجہ ڈاکٹر محمد فیصل نے نیوزی لینڈ کے شہر کرائسٹ چرچ میں دہشت گردی کے واقعے کی شدید مذمت کی ہے۔

    تفصیلات کے مطابق پاکستان نے نیوزی لینڈ کے شہر کرائسٹ چرچ میں دو مساجد میں نماز جمعہ کے دوران فائرنگ کے واقعے کی مذمت کی ہے۔

    ترجمان دفترخارجہ نے سماجی رابطے کی ویب سائٹ ٹویٹر پراپنے پیغام میں کہا کہ ہمارا ہائی کمیشن مقامی حکام سے رابطے میں ہے۔

    ڈاکٹر محمد فیصل نے اپنے پیغام میں مزید کہا کہ مکمل تفصیلات حاصل کرنے کی کوشش کررہے ہیں۔

    نیوزی لینڈ کی 2 مساجد میں فائرنگ‘ 27 افراد جاں بحق

    واضح رہے کہ نیوزی لینڈ کے شہر کرائسٹ چرچ کی 2 مساجد میں مسلح شخص نے اندھا دھند فائرنگ کردی جس کے نتیجے میں 27 افراد جاں بحق ہوگئے جبکہ مسجد میں بنگلہ دیشی کرکٹ ٹیم کے کھلاڑی بھی موجود تھے۔

    غیرملکی میڈیا کے مطابق کرائسٹ چرچ میں مقامی وقت کے مطابق تقریباََ ایک بجکر 40 منٹ پر مسلح شخص نے مسجد میں داخل ہوتے ہی اندھا دھند فائرنگ کی اور اس کی لائیو ویڈیو بھی بناتا رہا۔

  • نیوزی لینڈ کی 2 مساجد میں فائرنگ‘ 49 افراد جاں بحق

    نیوزی لینڈ کی 2 مساجد میں فائرنگ‘ 49 افراد جاں بحق

    کرائسٹ چرچ: نیوزی لینڈ کے شہر کرائسٹ چرچ میں مسلح افراد نے مساجد میں موجود نمازیوں پر فائرنگ کردی جس کے نتیجے میں 49 افراد جاں بحق ہوگئے۔

    تفصیلات کے مطابق نیوزی لینڈ کے شہر کرائسٹ چرچ میں واقع 2 مساجد اور اسپتال میں مسلح افراد نے اندھا دھند فائرنگ کردی، افسوس ناک واقعے میں 49 افراد جاں بحق جبکہ درجنوں زخمی ہوگئے۔

    غیرملکی میڈیا کے مطابق نمازجمعہ کے دوران مساجد میں موجود نمازیوں پرفائرنگ کی گئی، حملہ آوروں نے النورمسجد اور لِین وڈ میں نمازیوں کونشانہ بنایا۔

    میڈیا رپورٹس کے مطابق مسجد میں بنگلہ دیشی کرکٹ ٹیم کے کھلاڑی بھی موجود تھے جو اس واقعے میں محفوظ رہے۔

    بنگلہ دیشی کرکٹرتمیم اقبال نے سماجی رابطے کی ویب سائٹ ٹویٹر پر اپنے پیغام میں کہا کہ پوری ٹیم محفوظ ہے، ہمارے لیے دعا کریں۔

    انہوں نے اپنے پیغام میں مزید کہا کہ خوش قسمتی سے محفوظ رہے، دوبارہ ایسا واقعہ نہیں دیکھنا چاہتے۔

    بنگلہ دیشی کرکٹرمشفق الرحیم نے ٹویٹرپراپنے پیغام میں کہا کہ کرائسٹ چرچ کی مسجد میں فائرنگ ہوئی، الحمداللہ، اللہ نے ہمیں محفوظ رکھا، ہم بہت زیادہ خوش نصیب ہیں، دوبارہ اس طرح نہیں دیکھنا چاہتے، ہمارے لیے دعا کریں۔


    عینی شاہدین کا کہنا ہے کہ فائرنگ کے واقعے میں متعدد افراد کو گولیاں لگی ہیں جن کی حالت تشویش ناک بتائی جاتی ہے۔

    کرائسٹ چرچ میں پولیس حکام نے لوگوں کو گھروں میں رہنے کی ہدایت کی گئی ہے، زخمیوں کو طبی امداد کے لیے قریبی اسپتالوں میں منتقل کیا جا رہا ہے۔

    [bs-quote quote=”
    نیوزی لینڈ کی وزیراعظم نے فائرنگ کے واقعے کے بعد ہنگامی پریس کانفرنس کے دوران کہا کہ آج نیوزی لینڈ کی تاریخ کا سوگواردن ہے، ایسے پُرتشددواقعات کی نیوزی لینڈ میں کوئی جگہ نہیں ہے۔” style=”style-8″ align=”left” author_name=”جیسنڈا ایرڈن” author_avatar=”https://arynewsudweb.wpengine.com/wp-content/uploads/2019/03/60×60.jpg”][/bs-quote]

    جیسنڈا ایرڈن نے دہشت گرد حملے کی شدید مذمت کرتے ہوئے کہا کہ ایک حملہ آور کو گرفتار کرلیا ہے، ملزم سے تحقیقات جاری ہیں، فی الحال تفصیلات نہیں بتا سکتے۔

    غیرملکی میڈیا کے مطابق حملے میں ملوث ایک دہشت گرد نے ہیلمٹ پہن رکھا تھا جس پرکیمرہ نصب تھا، دہشت گرد نے قتل وغارت کی فوٹیج براہ راست سوشل میڈیا پرنشرکی۔

    نیوزی لینڈ میں پاکستانی ہائی کمشنر عبدالمالک نے اے آروائی نیوز سے گفتگو کرتے ہوئے کہا کہ اطلاعات کے مطابق حملے میں 9 افراد شہید ہوئے۔

    انہوں نے کہا کہ پاکستانی کمیونٹی سے رابطے میں ہیں، حملے میں کسی پاکستانی کے متاثر ہونے سے متعلق اطلاع نہیں ہے۔

    پاکستانی ہائی کمشنر نے کہا کہ پولیس نےعلاقوں کا محاصرہ کیا ہوا ہے، رابطے نہیں ہوپارہے، جیسے ہی کوئی اطلاع ملی، ہم دفترخارجہ سے رابطہ کریں گے۔

    پولیس کمشنرکرائسٹ چرچ نے میڈیا سے گفتگو کرتے ہوئے کہا کہ پولیس نے گاڑی کوتحویل میں لے لیا، دھماکاخیز مواد نصب تھا۔

    پولیس کمشنر نے بتایا کہ خاتون سمیت 4 مشتبہ افراد زیرحراست میں، زیرحراست افراد میں 27 سال کا آسٹریلوی شہری بھی شامل ہے۔

  • انڈر19ورلڈ کپ: کوارٹر فائنل، پاکستان کا مقابلہ کل جنوبی افریقہ سے ہوگا

    انڈر19ورلڈ کپ: کوارٹر فائنل، پاکستان کا مقابلہ کل جنوبی افریقہ سے ہوگا

    کرائسٹ چرچ : انڈر نائنٹین ورلڈ کپ کے کوارٹرفائنل میں کل پاکستان کا مقابلہ جنوبی افریقہ سےہوگا، انڈر نائنٹین ورلڈ کپ میں پیش قدمی کیلئے پاکستان کو مضبوط جنوبی افریقہ کو ڈھیر کرنا ہوگا۔

    تفصیلات کے مطابق انڈر 19 ورلڈ کپ کے کوارٹر فائنل میں قومی ٹیم کل جنوبی افریقہ کے مد مقابل ہوگی، کرائسٹ چرچ میں ہونے والے اہم میچ میں دونوں ٹیموں کیلئے میچ آر یا پارکی حیثیت اختیار کرگیا ہے۔

    میگا ایونٹ میں قومی ٹیم ایک میچ افغانستان سے ہاری ہے جبکہ آئر لینڈ اور سری لنکا کے خلاف پاکستان ٹیم کامیاب رہی تھی۔

    ادھر جنوبی افریقہ بھی تین میں سے ایک میچ ہار چکی ہے، پاک انڈر نائنٹین ٹیم نے جنوبی افریقہ کے خلاف میچ کے لئے تیاریاں تیز کردی ہیں، دونوں ٹیموں کے درمیان مقابلہ پاکستانی وقت کے مطابق منگل اور بدھ کی درمیان شب ڈھائی بجے شروع ہوگا۔

    واضح رہے کہ ورلڈ کپ میں پاکستان انڈر19 ٹیم پہلے میچ میں اچھا آغاز نہیں کرسکی تھی، میگا ایونٹ کے پہلے میچ میں افغانستان نے پاکستان کو 188 تک محدود کردیا تھا۔ جواب میں افغان ٹیم نے مطلوبہ ہدف 5 وکٹ کے نقصان پرحاصل کرلیا۔

    دوسرے میچ میں پاکستان ٹیم نے آئر لینڈ ٹیم کو188 رنز پر آؤٹ کرکے مطلوبہ ہدف ایک وکٹ پر ہی حاصل کرلیا تھا، میچ کی خاص بات پاکستانی پیسر شاہین آفریدی کی 97 رنز دے کر چھ وکٹیں تھیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • مسیحی برادری نےقیام پاکستان اورملکی ترقی میں بھرپورکرداراداکیا،آرمی چیف

    مسیحی برادری نےقیام پاکستان اورملکی ترقی میں بھرپورکرداراداکیا،آرمی چیف

    راولپنڈی : آرمی چیف جنرل قمرجاویدباجوہ نے مسیحی برادری کوکرسمس کی مبارکباد دیتے ہوئے کہا کہ مسیحی برادری نےقیام پاکستان اورملکی ترقی میں بھرپورکرداراداکیا، مادروطن کےدفاع کیلئےمسلح افواج میں مسیحی برادری کاگرانقدرکردارہے۔

    ڈی جی آئی ایس پی آر میجر جنرل آصف غفور کے مطابق آرمی چیف جنرل قمر جاوید باجوہ نے مسیحی برادری کے ساتھ اظہار یکجہتی کیلئے راولپنڈی کے کرائسٹ چرچ پہنچے ، جہاں چرچ انتظامیہ نے ان کا استقبال کیا۔

    اس موقع پر آرمی چیف نے مسیحی برادری کو کرسمس کی مبارکباد ددیتے ہوئے کہا کہ مسیحی برادری نےقیام پاکستان اورملکی ترقی میں بھرپورکرداراداکیا، مسیحی برادری تعلیم،صحت اورعوامی بہبودمیں بھی حصہ لےرہی ہے۔

    جنرل قمر جاوید باجوہ نے مزید کہا کہ مادروطن کےدفاع کیلئےمسلح افواج میں مسیحی برادری کاگرانقدرکردارہے۔

    ڈی جی آئی ایس پی آر کے مطابق کورکمانڈرراولپنڈی بھی آرمی چیف کےساتھ تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • نیوزی لینڈ نے پاکستان کو 8 وکٹوں سے شکست دے دی

    نیوزی لینڈ نے پاکستان کو 8 وکٹوں سے شکست دے دی

    کرائسٹ چرچ : نیوزی لینڈ میں کھیلے جانے والے پہلے ٹیسٹ میچ میں میزبان ٹیم نےپاکستان کو8 وکٹوں سے شکست دے دی۔

    تفصیلات کےمطابق تفصیلات کےمطابق کرائسٹ چرچ کے ہیگلے اوول گراؤنڈ میں پاکستان کی جانب سے نیوزی لینڈ کو فتح کے لیے 105 رنز کا ہدف ملا جومیزبان ٹیم نے 31.3 اوورز میں دو وکٹوں کے نقصان پر پورا کرلیا۔

    میچ کے چوتھے روز کھیل آغاز ہوا تو پاکستان کی جانب سے اسد شفیق اور سہیل خان نے دوسری اننگز دوبارہ شروع کی، تاہم سہیل خان 40 رنز بناکر ٹم ساؤتھی کا شکار بن گئے۔اس کے بعد اسد شفیق 17 رنز اور راحت علی صرف 2 رنز بناکر پولین لوٹ گئے جبکہ یاسر شاہ 6 رنز کے ساتھ ناٹ آؤٹ رہے۔

    نیوزی لینڈ کی جانب سے ٹرینٹ بولٹ، ٹم ساؤتھی اور وینگر نے تین تین کھلاڑیوں کو آؤٹ کیا جبکہ گرینڈ ہوم نے ایک وکٹ حاصل کی۔

    جیت راول 36 اور کین ولیم سن 61 رنز بناکر نمایاں رہے جبکہ پاکستان کی جانب سے محمد عامر اور اظہر علی نے ایک ایک کھلاڑیوں کو آؤٹ کیا۔

    واضح رہے کہ میچ کے بہترین کھلاڑی کا اعزاز ڈیبیو کرنے والے فاسٹ بولر گرینڈ ہوم کے نام رہا جنہوں نے میچ میں مجموعی طور پر 7 وکٹیں حاصل کیں۔

  • پاک نیوزی لینڈ ٹیسٹ : کھلاڑیوں نے کرائسٹ چرچ میں تیاریاں تیزکردیں

    پاک نیوزی لینڈ ٹیسٹ : کھلاڑیوں نے کرائسٹ چرچ میں تیاریاں تیزکردیں

    کرائسٹ چرچ : پاکستانی ٹیم کا دورہ نیوزی لینڈ میں امتحان کا وقت نزدیک آگیا۔ کھلاڑیوں نے کرائسٹ چرچ ٹیسٹ کیلیے تیاریاں تیز کردیں۔ ٹیسٹ میچ کیلیے انتظامات کو حتمی شکل دی جارہی ہے، ۔پہلا ٹیسٹ میچ 17 نومبر سے کھیلا جائے گا۔

    تفصیلات کے مطابق پاکستان اور نیوزی لینڈ کے درمیان کرائسٹ چرچ ٹیسٹ میچ کی تیاریاں بارش سے متاثر ہوئیں تو پھر زلزلہ بھی آگیا۔ جس کے بعد نیوزی لینڈ میں اب زندگی معمول پر آنا شروع ہوگئی ہے۔

    پاک نیوزی لینڈ کی ٹیموں کے درمیان پہلا کرائسٹ چرچ ٹیسٹ شیڈول کے مطابق 17نومبر سےشروع ہوگا، پاکستانی کھلاڑی بھی زلزلے کا خوف دل سے نکال کر پہلے ٹیسٹ کی تیاریوں میں لگ گئے۔

    کرائسٹ چرچ ٹیسٹ سے قبل پاکستانی ٹیم کو زیادہ تیاریوں کو موقع نہیں مل سکا تھا۔ تین روزہ پریکٹس میچ بھی خراب موسم کی نذر ہوگیا۔ ابر آلود موسم کے سبب کھلاڑیوں کو انڈور پریکٹس کرنا پڑی۔

    زلزلے کے بعد قومی ٹیم اب نیلسن سے کرائسٹ چرچ پہنچ گئی ہے۔ دونوں ٹیموں نے پہلے ٹیسٹ کیلئے تیاریاں تیز کردی ہیں۔ کرائسٹ چرچ بھی زلزلے سے متاثر ہوا تھا۔

    رابطہ سڑکیں ٹوٹ گئیں تھیں اور عمارتیں میں دراڑیں پڑگئیں تھیں۔ نیوزی لینڈ بورڈ نے جمعرات سے شروع ہونے والے کرائسٹ چرچ ٹیسٹ کا گرین سگنل دے دیا ہے۔ انتظامات کو حتمی شکل دی جارہی ہے۔