Tag: کرائم

لاہور: آئی جی پنجاب پولیس شعیب دستگیر نے کہا کہ جوکام کرے گا وہ محکمے میں رہے گا، ضرورت ہے پولیس احتساب کے موجودہ نظام کو بہتر بنائے۔

تفصیلات کے مطابق آئی جی پنجاب پولیس شعیب دستگیر کا کہنا ہے کہ لاہور میں بڑھتے ہوئے کرائم پر کنٹرول کیا جائے گا، کرائم بڑھا ہے تو اسے ٹھیک کریں گے اور بہتری لائیں گے۔

انہوں نے کہا کہ جو قانون کی کتاب تسلیم نہیں کرتا اسے ہمارے ساتھ رہنے کا حق نہیں ہے، وردی کے زور پر سب کچھ کرنے والوں کا احتساب ہونا ضروری ہے، ضرورت ہے پولیس احتساب کے موجودہ نظام کو بہتر بنائے۔

آئی جی پنجاب پولیس شعیب دستگیر نے کہا کہ جوکام کرے گا وہ محکمے میں رہے گا، ضرورت ہے پولیس احتساب کے موجودہ نظام کو بہتر بنائے۔

نئے آئی جی پنجاب شعیب دستگیر نے عہدے کا چارج سنبھال لیا

خیال رہے کہ آج صبح پنجاب پولیس کے نئے سربراہ انسپکٹر جنرل (آئی جی) شعیب دستگر نے اپنے عہدے کا چارج سنبھالا، آئی جی پنجاب کو سی پی او دفترمیں پولیس کے چاق وچوبند دستے نے سلامی دی۔

واضح رہے کہ گزشتہ دنوں وزیراعظم عمران خان اور تحریک انصاف کی کور کمیٹی نے پنجاب میں انتظامی معاملات پر عدم اطمینان کا اظہار کرتے ہوئے اہم عہدوں اور بیورو کریسی میں اکھاڑ پچھاڑ کا عندیہ دیا تھا۔

لاہور: قلعہ گجر سنگھ میں مقامی اخبار کے دفتر میں فائرنگ سے لڑکی جاں بحق ہو گئی، جس کی شناخت 25 سالہ عروج کے نام سے ہوئی ہے۔

تفصیلات کے مطابق لاہور کے قلعہ گجر سنگھ میں ایک اخبار کے دفتر میں کام سیکھنے والی نوجوان لڑکی عروج کو گزشتہ رات فائرنگ کر کے قتل کر دیا گیا، مقتولہ کے سر میں گولی ماری گئی، ورثا نے سابق شوہر پر قتل کا الزام لگا دیا ہے۔

پولیس کا کہنا ہے کہ 25 سالہ خاتون عروج کے قتل کا مقدمہ مقتولہ کے بھائی یاسر کی مدعیت میں تھانہ قلعہ گجر سنگھ میں درج کر دیا گیا ہے، خاتون کی لاش کو بھی مردہ خانے منتقل کر دیا گیا، ورثا نے الزام لگایا ہے کہ عروج کو سابق شوہر دلاور نے قتل کیا۔

پولیس کے مطابق مقتولہ نے 7 ماہ قبل دلاور نامی شخص سے پسند کی شادی کی تھی، دلاور اور عروج مقامی اخبار کے دفتر میں کام کرتے تھے، ذاتی رنجش کے باعث کچھ عرصہ قبل دونوں میں علیحدگی ہوئی، عروج نکلسن روڈ پر ایک فلیٹ میں رہایش پذیر تھی۔

یہ بھی پڑھیں:   قتل ہونے والی 15 سالہ عائشہ کے قاتل تا حال آزاد

پولیس حکام کے مطابق فائرنگ کا یہ واقعہ مقامی اخبار کے دفتر میں پیش آیا، عروج کو گولی مار کر قتل کیا گیا، واقعے کی تحقیقات کا آغاز کر دیا گیا ہے۔

یاد رہے کہ ستمبر میں پنجاب کے شہر نارووال میں 15 سالہ عائشہ کو قتل کر دیا گیا تھا، تھانہ صدر کی حدود میں کھیتوں سے ایک لڑکی کی تشدد زدہ لاش ملی تھی، بعد ازاں معلوم ہوا کہ لڑکی کو مبینہ زیادتی کے بعد قتل کیا گیا تھا۔