Tag: کرارا جواب

امریکی صدر ٹرمپ نے یوکرینی ہم منصب پر تنقید کرتے ہوئے انہیں غیر مقبول اور مزاحیہ اداکار قرار دیا تھا جس کا زیلنسکی نے کرارا جواب دیا ہے۔

غیر ملکی میڈیا کے مطابق یوکرین کے صدر ولادیمیر زیلنسکی نے کیف میں پریس کانفرنس کرتے ہوئے امریکی ہم منصب ڈونلڈ ٹرمپ کی تنقید پر انہیں کرارا جواب دیتے ہوئے کہا ہے کہ ٹرمپ روس کی غلط معلومات کو دہرا رہے ہیں۔

زیلنسکی نے پریس کانفرنس میں امریکی صدر کے کئی دعووں کو غلط قرار دیتے ہوئے کہا کہ میں ایک قوم کے رہنما کے طور پر امریکی صدر ٹرمپ اور ان کی قوم کا احترام کرتا ہوں لیکن بدقسمتی سے ڈونلڈ ٹرمپ اس وقت غلط معلومات اور روس کی گمراہ کن دنیا میں جی رہے ہیں۔

واضح رہے کہ ڈونلڈ ٹرمپ نے گزشتہ دنوں فلوریڈا میں میڈیا سے گفتگو کرتے ہوئے یوکرین کے صدر کو غیر مقبول رہنما قرار دیتے ہوئے کہا تھا کہ زیلنسکی کی مقبولیت 4 فیصد سے بھی کم ہے۔

گزشتہ روز امریکی صدر نے سوشل میڈیا پر متنازع بیان جاری کرتے ہوئے زیلنسکی کو مزاحیہ اداکار قرار دیتے ہوئے کہا تھا کی یوکرینی صدر نے اپنی جنگ میں امریکا کو جھونک دیا۔

انہوں نے لکھا تھا کہ یوکرین کے صدر زیلینسکی ایسے کامیڈین تھے جنہیں اپنے شعبے میں بھی محدود کامیابی حاصل ہوئی تھی۔ مگر انہوں نے امریکا کو ورغلا کر ایک ایسی جنگ میں ساڑھے تین سو ارب ڈالر جھونکنے پر آمادہ کر لیا جو یوکرین جیت بھی نہیں سکتا تھا۔

https://urdu.arynews.tv/donald-trump-calls-ukrainian-president-unpopular/

امریکی صدر کے غزہ پر قبضہ کے متنازع بیان پر فلسطین کی کمسن لڑکی ماریہ حنون نے ڈونلڈ ٹرمپ کو دوٹوک جواب دے دیا ہے۔

غزہ کی پٹی سے فلسطینیوں کی جبری ہجرت کے بعد اب اس خطہ پر قبضے کے بیان پر جہاں دنیا بھر سے اس حوالے سے امریکی صدر کی مذمت کی جا رہی ہے۔ وہیں ایک کسمن مگر بہادر فلسطینی لڑکی ماریہ حنون نے بھی ڈونلڈ ٹرمپ کو کرارا جواب دے دیا ہے۔

سوشل میڈیا ایپ انسٹا گرام پر ایک ویڈیو کلپ وائرل ہو رہا ہے جس میں ننھی لڑکی ماریہ حننون امریکی صدر کے متنازع بیان پر ڈونلڈ ٹرمپ سے ہپ سوال کر رہی ہے کہ "اگر میں آپ سے کہوں کہ اپنے گھر سے نکل جائیں تو کیا آپ نکل جائیں گے؟”

ماریہ کہتی ہے ک جب آپ اپنے گھر سے نکلنے سے انکار کر دیں گے تو پھر مجھے کیوں کہتے ہیں کہ میں اپنے گھر اور وطن سے نکل جاؤں۔

فلسطینی بچی نے ٹرمپ کو دوٹوک جواب دیتے ہوئے کہا کہ "آپ پوری دنیا پر حکم چلاتے ہیں، سوائے غزہ کے کیوں کہ غزہ خود پوری دنیا ہے”۔

ماریہ نے ٹرمپ کا آئینہ دکھاتے ہوئے کہا کہ آپ خود کو جمہوری اور انسانی آزادی والی ریاست کہتی ہیں، مگر کس کی اور کون سی آزادی کی بات کرتے ہیں۔

View this post on Instagram

A post shared by حنين سالم (@haneen.maher.salem)

واضح رہے کہ گزشتہ دنوں امریکی صدر ڈونلڈ ٹرمپ نے پہلے غزہ والوں کو نقل مکانی کر کے دوسرے ممالک جانے کی کہا تھا اور گزشتہ روز غزہ پر قبضہ کرنے سے متعلق بیان دیا تھا جس پر دنیا بھر سے ردعمل سامنے آ رہا ہے۔