Tag: کراچی

سہراب گوٹھ: ندی میں ڈوبنے والے بچے کی لاش نکال لی گئی ، گزشتہ روز 11 اور 14 سالہ دو بچے ندی میں ڈوب گئے تھے۔

تفصیلات کے مطابق کراچی کے علاقے سہراب گوٹھ الاآصف ندی میں ڈوبنے والے بچے کی لاش نکال لی گئی، پولیس حکام نے بتایا کہ گزشتہ روز 11 اور 14 سالہ دو بچے ندی میں ڈوب گئے تھے۔

حکام کا کہنا تھا کہ ایک بچے کو موقع پر ہی زندہ بچا لیا گیا تھا جبکہ دوسرے بچے کی لاش ایدھی غوطہ خور ٹیم نے تلاش کے بعد نکالی۔

ریسکیو آپریشن میں پولیس اور علاقہ مکینوں نے بھی حصہ لیا، بچے کی لاش ایک روز بعد ندی سے برآمد کی گئی۔

یاد رہے گذشتہ روز کراچی کے علاقے سہراب گوٹھ حاجی جنت گل ٹاؤن سے متصل ندی میں گیارہ سالہ بچہ یونس گر کر ڈوب گیا تھا ، ابتدائی طور پر علاقہ مکینوں نے اپنی مدد آپ کے تحت بچے کو ڈھونڈنے کی حتی الامکان کوشش کی لیکن ناکامی کا سامنا کرنا پڑا۔

علاقہ مکینوں کا کہنا ہ تھا کہ واقعے کی اطلاع ریسکیو ادارے کو فوری طور پر کردی تھی لیکن جب ریسکیو رضاکار پہنچے تو پانی کا تیز بہاؤ دیکھ کر بغیر کوئی کارروائی کیے واپس چلے گئے۔

لیاری ندی میں گرنے والا 11 سالہ یونس الآصف اسکوائر سہراب گوٹھ کا رہائشی تھا۔

کراچی : محکمہ موسمیات نے کراچی میں کل سے گرمی کی شدت میں اضافے کی پیش گوئی کردی۔

تفصیلات کے مطابق کراچی میں تیز ہواؤں کا سلسلہ جاری ہے، محکمہ موسمیات کی جانب سے کہا گیا کہ شہر قائد میں آج بھی وقفے وقفے سے تیز ہوائیں چلیں گی۔

محکمہ موسمیات نے شہر میں کل سے گرمی کی شدت میں اضافے کا امکان ظاہر کرتے ہوئے کہا زیادہ سے زیادہ درجہ حرارت 36 ڈگری سینٹی گریڈ تک جاسکتا ہے۔

موسم کا حال بتانے والوں نے کہا کہ ہوامیں نمی کاتناسب78فیصدہے اور جنوب مغربی سمت سے13کلومیٹرفی گھنٹہ کی رفتارسےہوائیں چل رہی ہیں۔

دوسری جانب محکمہ موسمیات نے آج اورکل پنجاب ،بلوچستان خیبرپختونخوا،گلگت بلتستان اورکشمیرمیں چند مقمات پربارش کی پیشگوئی کی ہے۔

سندھ کے بالائی اضلاع میں مطلع جزوی ابر آلود رہنے کے علاوہ بعد از دوپہر جھکڑ چلنے کی توقع ہے

پشاور سمیت خیبرپختونخوا میں بارش اورپہاڑوں پر برف باری کا سلسلہ دوسرے روز بھی جاری ہے۔۔

چترال اور گردونواح میں دو دن سے بارش اوربرف باری نے ٹھنڈ ایک بار پھربڑھا دی ہے ، گرم چشمہ ،شندوراوربالائی یارخون میں تقریباً تین انچ تک برف پڑ چکی ہے۔

لوئردیراور گردونواح میں بھی ٹھنڈی ہواؤں کے ساتھ بادل برسے، بارش کے دوران مسکنی درہ میں آسمانی بجلی گرنے سے چالیس مویشی ہلاک ہوگئے۔

کراچی : گھر کی دہلیز پر نوجوان کو موبائل نہ دینے پر قتل کردیا گیا، مقتول چند روز قبل دبئی سے پاکستان آیا تھا۔

تفصیلات کے مطابق کراچی کے شہری بے رحم ڈاکووں کے نشانے پر ہیں اور پولیس ڈکیتی کی بڑھتی ہوئی وارداتوں پر قابو پانے میں ناکام ہیں۔

بلدیہ اتحاد ٹاون میں گھر کی دہلیز پر عمر نامی نوجوان کو مزاحمت پر قتل کردیا گیا۔

ورثا نے بتایا مقتول چند روز قبل دبئی سے پاکستان آیا تھا اور دوستوں کےہمراہ گھر کے باہر بیٹھا ہوا تھا کہ موٹرسائیکل سوار ملزمان نے اسلحہ کے زور لوٹ مار شروع کی اور موبائل نہ دینے پر ملزمان نے فائرنگ کردی۔

جس کےنتیجے میں عمر زخمی ہوا اور اسپتال میں زخموں کی تاب نہ لاتے ہوئے دم توڑ گیا۔

یاد رہے رواں ماہ کورنگی نمبر ڈھائی کے علاقے میں ڈکیتی میں مزاحمت پر فائرنگ سے محنت کش نوجوان جاں بحق ہوگیا تھا۔

کراچی : محکمہ موسمیات نے آئندہ دنوں میں کراچی کا موسم گرم رہنے کی پیش گوئی کرتے ہوئے کہا کہ بارش کا کوئی امکان نہیں ہے۔

تفصیلات کے مطابق محکمہ موسمیات نے کراچی کے موسم کی صورتحال کے حوالے سے کہا ہے :بارش برسانےوالاہواکےکم دباؤکاسسٹم کمزورہوگیا، شہر میں آج بارش کا کوئی امکان نہیں.

شہر مطلع جزوی ابرآلود،موسم مرطوب رہنےکاامکان ہے، شہرکاموجودہ درجہ حرارت 26 ڈگری سینٹی گریڈریکارڈ کیا گیا جبکہ 18 کلومیٹر فی گھنٹہ کی رفتارسےہوائیں چل رہی ہیں اور زیادہ سےزیادہ درجہ حرارت 32 سے 34 ڈگری سینٹی گریڈتک رہنے کا امکان ہے۔

محکمہ موسمیات نے آئندہ دنوں میں شہر کا موسم گرم رہنے کا امکان ظاہر کردیا۔

دوسری جانب ملک کے بیشتر علاقوں میں موسم گرم اور خشک رہے گا، بالائی خیبر پختونخوا ،جنوب مشرقی سندھ، کشمیر اور ملحقہ پہاڑی علاقوں میں چند مقا مات پر تیز ہواؤں اور گرج چمک کے ساتھ بارش ہو سکتی ہے۔

محکمہ موسمیات کے مطابق اسلام آباد اور گر دو نواح میں موسم گرم اور خشک جبکہ مطلع جزوی ابر آلود رہنے کا امکان ہے جبکہ سندھ کے بیشتر اضلاع میں موسم گرم اور خشک رہے گا۔

میر پورخاص، عمر کوٹ، مٹھی اورتھر پارکر میں چند مقا مات پر تیز ہواؤں اورگرج چمک کے ساتھ بارش ہو سکتی ہے۔

پنجاب کے بیشتر اضلاع میں موسم گرم اور خشک رہنے کا امکان ہے۔ مری، گلیات اور گردونواح میں تیز ہواؤں اورگرج چمک کے ساتھ بارش ہو سکتی ہے۔

کراچی : دوران ڈیوٹی وردی میں ٹک ٹاک ویڈیو بنانے پر ایک لیڈی کانسٹیبل کو سروس سے معطل کر دیا گیا ہے۔

تفصیلات کے مطابق کراچی میں پولیس وردی میں ٹک ٹاک ویڈیو بنانا لیڈی کانسٹیبل کو مہنگا پڑگیا۔

کانسٹیبل ماریہ گل کی دوران ڈیوٹی ٹک ٹاک ویڈیو سوشل میڈیا پر وائرل ہوئی، جس کے بعد ڈی آئی جی ساؤتھ سید اسد رضا نے ویڈیو کا نوٹس لیتے ہوئے انہیں معطل کرنے کا حکم دے دیا۔

ماریہ، ایک خاتون کانسٹیبل، کراچی کے گزری تھانے میں تعینات ہے، ڈی آئی جی ساؤتھ نے ایس ایس پی ساؤتھ سے کانسٹیبل کی رپورٹ طلب کرلی۔

سید اسد رضا نے کہا کہ پولیس ایک پیشہ ور ادارہ ہے اور اہلکاروں کو اس طرح کے ‘غیر ذمہ دارانہ’ رویے کی اجازت نہیں دی جا سکتی۔

جون کے شروع میں اس وقت کے اے آئی جی کراچی نے لیڈیز پولیس کانسٹیبل سمیت پولیس اہلکاروں میں ٹک ٹاک بنانے کے بڑھتے ہوئے رجحان کا نوٹس لیا تھا۔

کراچی پولیس کے سابق سربراہ نے کہا تھا کہ وردی سرکاری ڈیوٹی کے لیے دی گئی ذاتی تشہیر کے لیے نہیں، ڈیوٹی اوقات کے دوران ٹک ٹاک کو یونیفارم میں بنانا نامناسب ہے۔

کراچی‌: ہاکس بے پر شہریوں کے ڈوبنے کے بعد دفعہ سمندر میں نہانے پر پابندی سخت کرکے پولیس کی اضافی نفری تعینات کردی گئی۔

تفصیلات کے مطابق گزشتہ روز شہریوں کے ڈوبنے کے واقعے کے بعد انتظامیہ کی جانب سے کراچی میں دفعہ 144 کے تحت سمندر میں نہانے پر پابندی سخت کردی گئی۔

ایڈیشنل آئی جی کی ہدایت پر ہاکس بے اور سی ویوپرپولیس کی اضافی نفری تعینات کی گئی ہے اور شہریوں کی بڑی تعدادکوہاکس بےسمندری حدودمیں داخلےسے روک دیا گیا۔

پولیس نے پکنک منانے کے لیے جانے والے شہریوں کو سینڈز پٹ کے مقام سے واپس بھیجنا شروع کردیا تاہم شہریوں کی بڑی تعداد کا واپس جانے سے انکار کردیا ، جس کے بعد شہریوں کی پولیس سے بحث و تکرار شروع کردی۔

پولیس کا کہنا تھا کہ گزشتہ روزبھی دفعہ144کی خلاف ورزی پرکارروائی کی گئی، شہری ذمہ داری کاثبوت دیں اور ساحل پرآنے سے گریزکریں۔

کراچی : کراچی میں بارشوں کے پیش نظر غیر قانونی اورخطرناک بل بورڈز ہٹانے کا حکم دے دیا گیا اور کہا تیزہواؤں اور بارش کے سبب یہ بورڈز انسانی جانوں کیلئے خطرہ بن سکتے ہیں۔

تفصیلات کے مطابق سندھ حکومت نے بارشوں کےپ یش نظرغیرقانونی اورخطرناک بل بورڈز ہٹانے کا حکم دے دیا۔.

اس سلسلے میں چیف سیکریٹری سندھ کی منظوری کے بعد اقدامات سے متعلق خط ارسال کردیا ہے، خط محکمہ جنرل ایڈمنسٹریشن کے ڈویژنل کمشنراورسیکریٹری بلدیات کو لکھا گیا۔

خط میں کہا گیا ہے کہ محکمہ موسمیات نےصوبےبھرمیں شدیدمون سون بارشوں کی پیشگوئی کی ہے، تیز ہواؤں اوربارش کےسبب یہ بل بورڈانسانی جانوں کیلئے خطرہ بن سکتےہیں۔

خط میں مزید کہنا تھا کہ ان  بورڈزکوفوری طورپرہٹایاجائے، ایسے ہی تمام خطرناک  بورڈز کو سپریم کورٹ نے بھی ہٹانے کا حکم دیا ہے۔

کراچی: نیٹی جیٹی پل سے کود کر خودکشی کرنے والے شاہ زیب کو تاحال تلاش نہیں کیا جاسکا، شہری نے نیٹی جیٹی پل سے سمندر میں چھلانگ لگا دی تھی۔

تفصیلات کے مطابق کراچی میں نیٹی جیٹی پل سےکودکرخودکشی کرنے کے واقعے میں 27سالہ شاہ زیب کی لاش تاحال نہ مل سکی، لاش کی تلاش کے لیے ریسکیوآپریشن جاری ہے۔

بھائی نے بتایا کہ شاہ زیب سب سے چھوٹا اور والد کے ساتھ ٹیلر کا کام کرتا تھا، شاہ زیب کا جناح اسپتال میں علاج جاری تھا ، 3آپریشن ہوچکے تھے، سول اور جناح اسپتال میں بھائی کا علاج ٹھیک نہیں کیا گیا، وہ کافی اذیت میں اورہمت ہار چکا تھا۔

گذشتہ روز کراچی میں بیروزگاری سے پریشان ہو کر 27 سالہ نوجوان شاہزیب نے نیٹی جیٹی پل سے چھلانگ لگا لی تھی۔

بعد ازاں شاہزیب کی تلاش کے لیے دن بھر جاری رہنے والا ریسکیو آپریشن رات کے اندھیرے کی وجہ سے روک دیا گیا تھا۔

ریسکیو حکام کا کہنا ہے کہ صبح دوبارہ اس کی تلاش کے لیے غوطہ خوروں کی مدد سے آپریشن شروع کیا جائے گا۔