Tag: کراچی

کراچی کے علاقے میں بوٹ بیسن میں مالک کے تشدد سے بچنے کے لئے 10سالہ گھریلو ملازم نے چھلانگ لگا دی، گورنر سندھ نے واقعے کا نوٹس لے لیا۔

کراچی کے علاقے بوٹ بیسن میں دس سالہ بچے نے مالک کے تشدد اور مار سے بچنے کے لئے کھڑکی سے چھلانگ لگادی، پولیس حکام کے مطابق بچے پر چوری کا الزام تھا، جس پر ڈاکٹر منیر نے اس کو کمرے میں بند کردیا تھا۔

جس کمرے میں بچے کو مالک ڈاکٹر مینر نے بند کیا تھا اس کی کھڑکی کھلی ہوئی تھی، بچہ مار کے ڈر سے خوف زدہ تھا، اس نے کھڑکی سے چھلانگ لگادی اور گر کر زخمی ہوگیا۔

گرنے کے باعث بچے کے سر پر چوٹ آئی اوراس کو اسپتال منتقل کردیا گیا جبکہ پولیس نے بچے پر تشدد کے الزام میں ڈاکٹر منیر کو حراست میں لے لیا ہے۔
    
   

کراچی میں نمائش چورنگی پر عاشقان رسول کی جانب سے بارہ ہزار پانچ سو دئیے جلا کر ورلڈ ریکارڈ قائم کیا گیا۔ نمائش چورنگی پر عاشقان رسول  کی جانب سے حضورسے اظہار محبت کرتے ہوئے دئیے جلانے کا عالمی ریکارڈ قائم کردیا۔

۔کراچی میں پہلی بار بارہ ہزار پانچ سو دئیے روشن کئے گئے۔ منتظمین کے مطابق یہ عالمی ریکارڈ ہے اس سے قبل دئیے جلانے کا عالمی ریکارڈ بھارت کے پاس تھا بھارت نے دوہزار بارہ میں بارہ ہزار ایک سو سیتیس دئیے روش کئے تھے۔

منتظمین کا کہنا ہے کہ اب یہ ریکارڈ بھی عاشقان رسول ﷺ کے پاس آگیا ہے ۔۔۔دئیے جلانے کی اس تقریب میں نوجوان بچے خواتین سب ہی شریک تھے ۔۔۔اس موقع پر گینز ورلڈ بک کی ٹیم بھی موجود تھی ان کا کہنا ہے کہ وہ ریکارڈ چیک کررہی ہیں۔ اگر ریکارڈ ٹوٹ گیا تو اس کو گینز ورلڈ بک میں بھی شامل کیا جائے گا۔

کراچی میں پرائمری اساتذہ نے اپنے مطالبات کے حق میں کراچی پریس کلب کے سامنے مظاہرہ کیا، اساتذہ کا کہنا ہے کہ مطالبات پورے نہ ہوئے تو بلدیاتی انتخابات میں کام نہیں کریں گے۔

اساتذہ کا کہنا ہے کہ اساتذہ کسی بھی ملک کا سرمایہ ہوتے ہیں مگر کراچی میں پرائمری اسکولوں کے اساتذہ اپنا حق حاصل کرنے کے لئے سڑکوں پر آکر احتجاج کرنے پر مجبور ہوگئے، سہولتوں کی عدم فراہمی پر نالاں آل سندھ پرائمری ایسوسی ایشن کے اساتذہ نے پریس کلب کے سامنے مظاہرہ کیا،

مظاہرین نے سیکریٹری تعلیم فضل اللہ کو فوری طور پر برطرف کرنے، بلوچستان فارمولے کے تحت ملازمت کے پچیس سال مکمل ہونے پر سندھ کے اساتذہ کو سولا گریڈ دینے، دو ہزار ایک سے اساتذہ کی روکی جانے والے مراعات دینے، برطرف اساتذہ کی بحالی، نئے ٹیچینگ اور نان ٹیچینگ اسٹاف کی تنخوائیں دینے کے مطالبات کئے۔ اساتذہ نے مطالبات پورے نہ ہونے کی صورت میں بلدیاتی انتخابات کا بائیکاٹ کرنے کا اعلان کیا۔

کراچی میں امن وامان یقینی بنانےکےلئےسیکورٹی ادارےمتحرک ہیں۔ مختلف علاقوں سےکالعدم تنطیم کے ارکان سمیت پچاس سے زائد ملزمان گرفتار کرلئے۔ فائرنگ کے واقعات میں ایک شخص جاں بحق اور دو زخمی ہوگئے۔ کراچی میں جاری پرتشدد واقعات کی لہر کے ساتھ پولیس اور رینجرز کی ٹارگٹڈ کارروائیاں بھی جاری ہیں۔

رینجرز کی بھاری نفری نے بنارس اور اطراف کے علاقوں میں کالعدم تنظیموں کیخلاف کریک ڈاون کیا کارروائی میں نو ملزمان کو حراست میں لے کر اسلحہ برآمد کر لیا گیا۔ ذرائع کے مطابق زیر حراست افراد سے چوہدری اسلم پر ہونے والے حملے کی پوچھ گچھ کی جاری ہے۔

دوسری جانب گلشن اقبال راجپوت کالونی میں اینٹی وائلنٹ کرائم سیل نے کارروائی کرکے لیاری گینگ وار کے ٹارگٹ کلر کو گرفتار کرلیا۔ پولیس کے مطابق ملزم طفیل عرف بنگالی سیاسی جماعت کے کارکنان سمیت متعددافراد کی ٹارگٹ کلنگ میں ملوث ہے۔

ڈالمیا شانتی نگر میں حساس اداروں اور پولیس نے مشترکہ کارروائی میں لیاری گینگ وارکے اہم کردار ارشد پپو کے ساتھی کو گرفتار کرلیا۔ملزم کالو عرف بندر درجنوں مقدمات میں پولیس کومطلوب تھا۔اورنگی ٹاؤن پیرآباد میں بھی پولیس نے سرچ آپریشن کے دوران تیرہ مشتبہ افراد کو حراست میں لیا۔
    

لیاری کے علاقے رانگی واڑہ میں نامعلوم افراد کی فائرنگ سے ایک شخص جاں بحق ہوگیا،راجپوت کالونی سے ٹارگٹ کلر کو گرفتار کرلیا گیا۔ پولیس کے مطابق رانگی واڑہ میں فائرنگ سے جاں بحق ہونے والے مقتول کی شناخت نہیں ہوسکی ہے۔

دوسری جانب گلشن اقبال راجپوت کالونی میں اینٹی وائلنٹ کرائم سیل نے کارروائی کرکے لیاری گینگ وار کے ٹارگٹ کلر کو گرفتار کرلیا۔ پولیس کے مطابق ملزم طفیل عرف بنگالی سیاسی جماعت کے کارکنان سمیت متعدد افراد کی ٹارگٹ کلنگ میں ملوث ہے، ملزم کے قبضے سے اسلحہ بھی برآمد کیاگیا ہے۔

جبکہ اورنگی ٹاؤن کے علاقے پیرآباد میں پولیس نے سرچ آپریشن کے دوران تیرہ مشتبہ افراد کو حراست میں لیا ہے۔ ڈالمیا کے علاقے سانتی نگر میں حساس اداروں اور پولیس نے مشترکہ کارروائی میں لیاری گینگ وار کے اہم کردار ارشد پپو کے ساتھی کو گرفتار کرلیا۔

پولیس ذرائع کے مطابق گرفتار ملزم کالو عرف بندر درجنوں مقدمات میں پولیس کو مطلوب تھا۔ ملزم سے مزید تفتیش جاری ہے۔