Tag: کراچی ایئرپورٹ

کراچی : پاکستان ایئرپورٹس اتھارٹی نے کراچی ائیرپورٹ کے اطراف میں پرندوں کی تعداد میں اضافے پر تمام ایئرلائنز کے کپتانوں کو اہم ہدایات جاری کردی ہے۔

تفصیلات کے مطابق کراچی ائیرپورٹ کے اطراف پرندوں کی تعداد میں اضافے سے طیاروں کے لیے پھر نیا خطرہ پیدا ہوگیا۔

پاکستان ایئرپورٹس اتھارٹی نے تمام ایئر لائنز کے کپتانوں کوخبردار کردیا ، جس میں کہا ہے کہ مون سون سیزن ہے، ایئرپورٹ اوراطراف بڑی تعداد میں پرندے موجود ہیں۔

اس حوالے سے انتظامیہ نے نوٹم بھی جاری کیا ، جس میں محفوظ فلائٹ آپریشن کے لیے دوران لینڈنگ اور ٹیک آف سخت احتیاط کی ہدایت کرتے ہوئے کہا گیا ہے کہ پرندے طیاروں کے لیے بڑے حادثے کا سبب بن سکتے ہیں۔

مزید پڑھیں : کراچی ایئرپورٹ پر 3 طیاروں کے حادثات سے متعلق بڑی پیشرفت

خیال رہے گذشتہ ماہ کراچی ایئرپورٹ پر 3 غیر ملکی طیاروں کے ساتھ حادثات پیش آئے تھے ، جس کے بعد تینوں طیاروں کو گراؤنڈ کردیا گیا تھا۔

ترکش ایئرلائن اور فلائی جناح کے طیاروں سے پرندہ ٹکرانے پر گراؤنڈ کیا گیا تھا۔

کراچی : کراچی ایئرپورٹ سے کوئٹہ جانیوالی خاتون مسافر نے گولڈ جیولری غائب ہونے کی شکایت کردی، جس کے بعد تحقیقات شروع کردی گئی۔

تفصیلات کے مطابق کراچی ایئرپورٹ سے کوئٹہ جانیوالی خاتون مسافر کی گولڈ جیولری غائب ہونے کا انکشاف ہوا۔

ذرائع نے بتایا کہ خاتون مسافر نے گولڈ جیولری غائب ہونے کی شکایت کردی، خاتون مسافر کی شکایت پر پاکستان ایئرپورٹ اتھارٹی نے تحقیقات شروع کردیں۔

ذرائع کا کہنا تھا کہ خاتون مسافر چند روز قبل کراچی ایئرپورٹ سے نجی ایئرلائن کی پرواز سے کوئٹہ روانہ ہوئی تھیں ، خاتون جب کوئٹہ پہنچی تو چیک کرنے پر اس کی گولڈ جیولری غائب تھی۔

کراچی : دبئی سے کراچی آنیوالے غیرملکی طیارہ بڑے حادثے سے بال بال بچ گیا، پرواز کراچی ایئرپورٹ رن وے پر لینڈ کر رہی تھی۔

تفصیلات کے مطابق کراچی ایئرپورٹ پر پرندوں کی تاحال موجودگی محفوظ فلائٹ آپریشن کیلئے چیلنج بنا ہوا ہے۔

کراچی ایئرپورٹ پر ایک اور غیرملکی طیارہ پرندہ ٹکرانے سے بال بال بچ گیا، ذرائع نے بتایا کہ دبئی سے کراچی آنیوالے غیر ملکی طیارے کے کپتان نے پرندہ ٹکرانے کی اطلاع دی۔

دبئی سے غیر ملکی ایئر لائن فلائی دبئی کی پرواز  ایئرپورٹ رن وے پر لینڈ کر رہی تھی ، سول ایوی ایشن کی پوسٹ فلائٹ انسپکشن میں پرندہ ٹکرانے کے شواہد نہیں ملے۔

بارشوں سے کیڑے مکوڑوں نے پرندوں کی موجودگی نے پی اے اےحکام کوپریشان کردیا ، تین دن کے دوران صرف  ایئرپورٹ پر طیاروں سے پرندے ٹکرانے کے دو واقعات ہو چکے ہیں۔

یاد رہے کراچی ائیرپورٹ پر استنبول کیلئے جانے والی ترکش ائیرلائن کی پرواز حادثے سے بال بال بچ گئی تھی۔

مزید پڑھیں : ترکش ائیرلائن کا طیارہ بڑے حادثے سے بال بال بچ گیا

طیارہ اڑان بھرنے کیلئے ٹی کے 709 ٹیکسی وے پہنچا تو پرندہ ٹکرا گیا تھا، طیارے سے پرندہ ٹکرانے پر کپتان نے ایمرجنسی بریک لگائی۔

ترکش ایئرلائن کی پرواز واپس لاکر مسافروں کو لاؤنج منتقل کردیا گیا اور تکنیکی عملے نے معائنے کے بعد جہاز کو گراؤنڈ کردیا تھا۔

کراچی : کراچی ایئرپورٹ پر لائٹ ویٹ طیاروں کوفلائنگ سے روک دیا گیا، طیاروں کو دوران بارش حد نگاہ اور بیلنس قائم رکھنےمیں دشواری ہوتی ہے۔

تفصیلات کے مطابق کراچی ایئرپورٹ اور اطراف میں بارش کے باعث لائٹ ویٹ طیاروں کو فلائنگ سے روک دیا گیا۔

ایئرپورٹ اتھارٹی نے تربیتی چھوٹے طیاروں کو فلائنگ سے روکا، لائٹ ویٹ طیاروں کو دوران بارش حد نگاہ اور بیلنس قائم رکھنے میں دشواری ہوتی ہے۔

یاد رہے بارش کے پیش نظر جناح  ایئرپورٹ انتظامیہ نے حفاظتی ہدایات جاری کی گئیں تھیں۔

گائیڈ لائنز میں جناح ایئرپورٹ انتظامیہ نے کراچی میں مون سون کے موسم میں تمام محکموں کو ہائی الرٹ رہنے کی ہدایت کی تھی۔

ایئرپورٹس اتھارٹی نے ہدایت کی تھی کہ ہلکے طیاروں کو محفوظ علاقوں میں منتقل کرنے یا محفوظ کرنے کے لیے اقدامات کیے جائیں۔

کراچی : کراچی ایئرپورٹ پر لوڈر ٹرک کھڑے طیارے سے جا ٹکرایا تاہم ایئرپورٹس اتھارٹی کےایئرسائیڈحکام نے تحقیقات شروع کردیں۔

تفصیلات کے مطابق کراچی ایئرپورٹ پر کھڑے بین الاقوامی کارگو کمپنی کے طیارے سے گاڑی ٹکرا گئی۔

ایئرپورٹ ذرائع نے بتایا کہ طیارہ پارکنگ میں کھڑا تھا کہ اچانک ایک لوڈر ٹرک طیارے سے جا ٹکرایا ممکنہ طور پر لوڈر ٹرک کے بریک فیل ہو گئے تھے۔

تصادم کے بعد طیارے کو فوری طور پر گراؤنڈ کر دیا گیا جبکہ ایک تکنیکی ٹیم نے نقصان کی حد کا اندازہ لگانا شروع کر دیا۔

ذرائع کا کہنا تھا کہ پاکستان ائیرپورٹس اتھارٹی کے ایئر سائیڈ حکام نے واقعے کی اصل وجہ کا تعین کرنے اور زمینی کارروائیوں میں کسی ممکنہ کوتاہی کا اندازہ لگانے کے لیے تحقیقات کا آغاز کر دیا ہے۔

ایئرپورٹ حکام نے کارگو طیارے سے لوڈر ٹرک ٹکراںے کے واقعے کی تصدیق کردی تاہم حادثے میں کسی کے زخمی ہونے کی اطلاع نہیں ہے۔

کراچی : محکمہ موسمیات کی جانب سے بارشوں کی پیشگوئی کے بعد کراچی ایئرپورٹ پر الرٹ جاری کردیا گیا اور تمام اداروں کو چوکس رہنے کی ہدایت کی گئی ہے۔

تفصیلات کے مطابق کراچی میں بارش کی پیش گوئی کے بعد کراچی ایئرپورٹ انتظامیہ نے حفاظتی ہدایات جاری کردی گئیں۔

گائیڈ لائنز میں جناح ایئرپورٹ انتظامیہ نے کراچی میں مون سون کے موسم میں تمام محکموں کو ہائی الرٹ رہنے کی ہدایت کی ہے۔

ایئرپورٹس اتھارٹی نے بارش کے دوران کیڑوں کی افزائش کی وجہ سے پرندوں کی سرگرمیوں کے بڑھتے ہوئے خطرے سے خبردار کیا۔

مزید پڑھیں : کراچی میں 27جون سے بارشیں

اتھارٹی نے ہدایت کی کہ پرندوں کو کنٹرول کرنے والے اہلکاروں اور انسپکٹرز کو ایئر سائیڈ پر تعینات کیا جائے۔

مزید برآں ہلکے طیاروں کو محفوظ علاقوں میں منتقل کرنے یا محفوظ کرنے کے لیے اقدامات کیے جائیں۔

اتھارٹی نے بارش کے پانی کی مناسب نکاسی کو یقینی بنانے کے لیے فریم کی باڑ کے باہر رکاوٹیں دور کرنے کی ضرورت پر بھی زور دیا۔

یاد رہے محکمہ موسمیات نے کراچی میں 27 جون سے گرج چمک کے ساتھ بارشوں کا امکان ظاہر کا ہے تاہم آئندہ دو روز تک موسم گرم اور مرطوب رہنے کی پیش گوئی کی ہے۔

اس سے قبل پی ڈی ایم اے کے ترجمان نے صوبے کے مختلف اضلاع میں پری مون سون بارشوں کی تفصیلات بتاتے ہوئے بتایا کہ لاہور ایئرپورٹ کے علاقے میں 37 ملی میٹر جبکہ باقی شہر کے علاقوں میں 4 ملی میٹر بارش ہوئی۔

کراچی: کسٹمز نے کراچی ایئرپورٹ پر زیورات اسمگلنگ کی کوشش ناکام بنادی، 2 کروڑ روپے سے زائد کے زیورات پکڑے گئے۔

اے آر وائی نیوز کے مطابق کسٹمزحکام نے بتایا کہ کسٹمز نے کراچی ایئرپورٹ پر بروقت کارروائی کرتے ہوئے 2 کروڑ 38 لاکھ روپے سے زائد مالیت کے زیورات برآمد کرلیے ہیں، مسافر نے ہوشیاری سے ان زیورات کو جسم پر چسپاں کیا تھا۔

کسٹمز نے بتایا کہ برآمد سامان میں سونے کا ہار، چین، بالیاں، ہیرے کی انگوٹھی اور ہار شامل ہیں، دبئی سے کراچی آنے والے مسافر نے جسم پر لگے پرس میں اشیا چھپا رکھی تھیں۔

اس سے قبل کسٹمز انفورسمنٹ سیل نے موبائل مارکیٹ صدر میں چھاپہ مار کر کروڑوں مالیت کے بھارتی ساختہ موبائل فونز، ٹیبلٹس، گھڑیاں، ٹیبلٹس، پینسلز اور ایئر پوڈ ضبط کر لیے تھے۔

ایڈیشنل کلکٹر کسٹمز انفورسمنٹ سید محمد رضا نقوی کا کہنا تھا کہ چھاپہ میں 3 کروڑ روپے مالیت کے ایپل آئی فون،ایپل میک بک، ایپل واچز، ایپل پینسلز، سیمسنگ ٹیبلیٹس، ایئر پوڈز اپنی تحویل میں لےکر ضبط کر لیے ہیں۔