کراچی : کراچی ایئر پورٹ حملہ کیس میں مفروردہشت گردوں کو اشتہاری قراردینے کی کارروائی شروع کرنے کاحکم دے دیا گیا۔
تفصیلات کے مطابق کراچی ایئرپورٹ حملہ کیس کا حتمی چالان سی ٹی ڈی نے اے ٹی سی میں جمع کرادیا ، جس میں ماسٹر مائنڈکمانڈربشیر بلوچ عرف بشیر زیب اورعبدالرحمان عرف رحمان گل مفرور قرار دیا۔
عدالت نے مفرور دہشت گردوں کو اشتہاری قرار دینے کی کارروائی شروع کرنے کاحکم دیتے ہوئے کہا کہ مفرور ملزمان کیخلاف زیردفعہ 88،87 کی کارروائی شروع کی جائے۔
انسداددہشت گردی عدالت نےمفرورملزمان کی جائیدادوں کی تفصیلات طلب کرلیں، چالان میں کہا گیا کہخود کش دھماکےمیں2چینی باشندوں سمیت شہری کی موت ہوئی جبکہ خاتون سمیت 6 افراد زخمی ہوئے تھے۔
چالان کے متن میں کہنا تھا کہ کیس میں جاویداورخاتون گل نساگرفتارہیں ، شاہ فہد نے خودکش دھماکا کیا، ماسٹر مائنڈ کمانڈربشیر بلوچ اورعبدالرحمان عرف رحمان گل مفرور ہیں جبکہ بشیر زیب اور رحمان گل نے شاہ فہد کی خود کش حملےکیلئےذہن سازی کی۔
پولیس نے بتایا کہ گرفتار ملزم جاوید نےحملےسےقبل ایئر پورٹ کی ریکی کی اور گرفتارملزمہ گل نسانےبارودسےبھری کاربلوچستان سےکراچی لانےمیں مدد کی، دھماکے کے وقت گرفتار ملزم جاوید اور ساتھی سراج عرف دانش موقع پرموجود تھے۔
چالان کے مطابق خود کش دھماکےکےبعدجاوید اورسراج عرف دانش ایئر پورٹ سےفرار ہوگئے تھے، دھماکے کےمفرورملزمان کی گرفتاری کی کئی کوششیں کی گئیں لیکن کامیابی نہ ملی۔
بعد ازاں انسداددہشت گردی عدالت نے کیس کی سماعت ملتوی کردی۔
