Tag: کراچی ایئرپورٹ

کراچی ایئرپورٹ کی انتظامیہ نے اوورسیز پاکستانیوں کے لیے ون ونڈو ڈیسک پر عملے کی عدم موجودگی کا نوٹس لیتے ہوئے تحقیقات کا آغاز کر دیا، عملہ حاضری لگا کر غائب ہوجاتا ہے۔

تفصیلات کے مطابق اے آر وائی نیوزکی خبر پر کراچی ایئرپورٹ انتظامیہ نے اوور سیز پاکستانیوں کے لیے ون ونڈو ڈیسک پر عملے کی عدم موجودگی کے معاملے کا نوٹس لے لیا ہے، عملہ باہر کے ملکوں سے آئے پاکستانیوں کو کوئی سہولت فراہم نہیں کررہا۔

ایئرپورٹ انتظامیہ کی جانب سے عملے کی عدم موجودگی کی تحقیقات شروع کردی گئی ہیں، ون ونڈو فسیلیٹیشن ڈیسک اوورسیز پاکستانیوں کی مدد کے لیے قائم کی گئی تھی۔

ذرائع نے بتایا کہ اس بات کا بھی انکشاف ہوا ہے کہ ون ونڈو ڈسیک پر مامورعملہ حاضری لگا کر غائب ہو جاتا ہے۔

واضح رہے کہ باہر کے ملکوں میں رہنے والے پاکستانیوں کو سہولت فراہم کرنے کے لیے قائم کی گئی اس ڈیسک کے عملے نے اپنی پرفارمنس سے عوام کو مایوس کیا ہے۔

کراچی ایئرپورٹ پر صفائی ستھرائی کے ناقص انتظامات نے انتظامیہ کی نااہلی کی پول کھول دی، جناح انٹرنیشنل ایئرپورٹ پرسفر کرنے کے لیے چوہا اور کتا بھی پہنچ گئے۔

اے آر وائی نیوز کے مطابق کراچی ایئرپورٹ پر انتظامیہ کی جانب سے صفائی کی ناقص صورتحال آشکار ہوگئی ہے، کراچی کے جناح انٹرنیشنل ایئرپورٹ پرسفر کرنے کے لیے چوہا اور کتا بھی پہنچ گئے۔

ذرائع کے مطابق کراچی ایئرپورٹ کے لفٹ ایریا میں چوہا گھس گیا، چوہے نے اپنی کارستانی دکھاتے ہوئے لفٹ ایریا میں تاریں کترنا شروع کردیں۔

اس کے علاوہ کراچی ایئرپورٹ کے کنکورس ایریا میں کتا گھس آیا جس کی وجہ سے لوگوں کو پریشانی کا سامنا کرنا پڑا۔

ذرائع کا کہنا ہے کہ ایئرپورٹ انتظامیہ کی نااہلی کی وجہ سے مسافروں کو پریشانی اور عجیب صورتحال کا سامنا رہا، ترجمان سی اے اے نے کہا ہے کہ غفلت اور لاپروائی برتنے والوں کے خلاف کارروائی کی جائے گی۔

کراچی : گرج چمک کے ساتھ موسلادھاربارش اور آندھی کی پیشگوئی کے پیش نظر سول ایوی ایشن اتھارٹی کے کراچی ایئرپورٹ پر متعلقہ اداروں کو الرٹ کردیا۔

تفصیلات کے مطابق مون سون کے متوقع سسٹم کے تحت کراچی میں گرج چمک کے ساتھ موسلادھاربارش اور آندھی کی پیش گوئی کے پیش نظر سول ایوی ایشن اتھارٹی نے کراچی ائرپورٹ پر پیشگی اقدامات کے احکامات جاری کردیے۔

کراچی میں دوران بارش تندوتیز ہوائیں(60 کلومیٹراور اس سیزائد) ہوائیں چلنے کی پیش گوئی کی گئی ہے، سی اے اے کے شعبہ ائرسائیڈ نے متعلقہ اداروں کو الرٹ کردیا گیا۔

سی اے اے کا کہنا ہے کہ ہلکے وزن کے ہوائی جہازوں کو محفوظ مقامات پرمنتقل کیا جائے اور رن ویز اور ٹارمک ایریامیں کسی بھی تصادم کے خدشے کا باعث بننے والے آلات کو بھی حساس مقامات سے حتی الامکان دور جائے۔

سی اے اے نے ہداہت کی کہ گرج چمک کے ساتھ بارش اور تیز ہواوں کے دوران مختلف قسم کے حشرات الارض کے خاتمے کے لیے اسپرے کویقینی بنایا جائے اور جہازوں سے پرندوں کو دوررکھنے کے لیے اضافی برڈ شوٹرزتعینات کیے جائیں۔

ائرفیلڈ لائٹنگ پارٹی رن ویز اوراطراف میں موجود تمام برقی آلات کی کاکردگی کو یقینی بنائیں اور ساتھ ہی بارش کے دوران محفوظ آپریشن کے لیے رن وے کی رگڑ/بریکنگ ایکشن کا تعین کرنے کے لیے ٹیمیں ہمہ وقت تیار رہیں۔

بین الاقوامی اور ملکی سیٹلائٹ ایریا کے عقب میں بارش کے پانی کا بہاوممکن بنایا جائے اور رن ویز کے اطراف میں ہرقسم کے گڑھوں کوبھرنے کا کام فوری مکمل کیا جائے جبکہ فالومی وین کو کسی بھی ہنگامی حالات کے دوران مکمل متحرک رکھاجائے۔

کراچی : سول ایوی ایشن اتھارٹی نے سمندری طوفان کے باعث کراچی میں 60 سے 80 کلومیٹر فی گھنٹہ کی رفتار سے ہوائیں چلنے کی پیشگوئی کے بعد کراچی ایئرپورٹ پر پیشگی اقدامات کے احکامات جاری کردیے۔

تفصیلات کے مطابق سمندری طوفان کے سبب کراچی میں موسلادھاربارش اور آندھی کی پیشگوئی ہے، سول ایوی ایشن اتھارٹی نے کراچی ایئرپورٹ پر پیشگی اقدامات کے احکامات جاری کردیے۔

کراچی میں 60 سے 80 کلومیٹر فی گھنٹہ کی رفتار سے ہوائیں چلنے کی پیشگوئی کی گئی ہے، جس کے پیش نظر سی اے اے کے شعبہ ایئرسائیڈ نے متعلقہ اداروں کو الرٹ کردیا ہے۔

سی اے اے کا کہنا ہے کہ ہلکے وزن کے ہوائی جہازوں کو محفوظ مقامات پرمنتقل کیا جائے اور آلات کو بھی حساس مقامات سے ہٹادیا جائے۔

الرٹ میں کہا گیا ہے کہ جہازوں سے پرندوں کو دوررکھنے کیلئےاضافی برڈ شوٹرزتعینات کیے جائیں، رن ویزکےاطراف ہرقسم کےگڑھوں کوبھرنےکاکام فوری مکمل کیا جائے۔