Tag: کراچی ایئرپورٹ

راولپنڈی : کراچی ایئرپورٹ پر یوگنڈا کی خاتون کی منشیات اسمگلنگ کی کوشش ناکام بنا دی گئی اور 144گرام 11 کوکین بھرے کیپسول برآمد کرلئے۔

تفصیلات کے مطابق اے این ایف نے کراچی ایئرپورٹ پرمنشیات اسمگلنگ کی کوشش ناکام بنادی، ترجمان نے بتایا کہ یوگنڈا سے تعلق رکھنے والی خاتون مسافربراستہ دبئی سےکراچی پہنچی تھی، دوران تفتیش میں خاتون نے منشیات بھرے کیسپولز کی موجودگی کا اعتراف کیا۔

ترجمان کا کہنا تھا کہ ملزمہ کواسپتال منتقل کرکے 144گرام 11کوکین بھرے کیپسول برآمد کرلئے گئے، تاہم دوران تفتیش خاتون نے لاہور میں منشیات اپنے نائجیرین ساتھی کے بارے میں انکشاف کیا۔

اے این ایف نے کہا کہ انٹیلی جنس بنیاد پر لاہور میں ہوٹل سے ملزم کو گرفتار کر لیا گیا ہے اور ملزمان کے خلاف انسداد منشیات ایکٹ کےتحت مقدمہ درج کرلیا ہے۔

ملزمان سے نیٹ ورک کے مزید ارکان کی گرفتاری کیلئے تفتیش کاعمل جاری ہے ۔ اے این ایف اپنے مشن ایک قوم ایک منزل منشیات سے پاک پاکستان میں پرعزم ہے۔

کراچی: جناح انٹرنیشنل ایئرپورٹ سے منشیات کی اسمگلنگ کی کوشش ناکام بنادی گئی اور مسافر کے بیگ کے خفیہ حصے سے کرسٹل آئس اور ہیروئن برآمد کرلی گئی۔

تفصیلات کے مطابق کسٹم حکام نے کراچی ایئرپورٹ پر کارروائی کرتے ہوئے منشیات کی اسمگلنگ کی کوشش ناکام بنادی۔

کسٹم حکام نے بتایا کہ جدہ جانے والے مسافر کے بیگ سے منشیات برآمد ہوئی، مسافر امتیاز علی سعودی ائیر کی پرواز ایس وی 700 کے ذریعے جدہ جارہا تھا۔

حکام کا کہنا تھا کہ کسٹم اہلکاروں کو سامان کی اسکیننگ پر منشیات کا شک ہوا، مسافر امتیاز کا تعلق خیرپور سے ہے، کراچی ایرپورٹ پر مسافر امتیاز علی کو جدہ جانے والی پرواز SV-700 پر سوار ہونے سے پہلے کسٹمز عملے نے روکا اور مسافر کے سامان کی ابتدائی تلاشی میں کوئی مشکوک شے برآمد نہ ہوئی تاہم کسٹمز عملہ مسافر کے سفر کے مقصد سے مطمئن نہ ہوا۔

کسٹم حکام نے کہا کہ مزید تفتیش کے دوران عملے نے مسافر کے ٹرالی بیگ کو پھاڑ کر جانچ کی مسافر کے بیگ کے خفیہ حصے سے 500 گرام گرام کرسٹل آئس اور 80 گرام ہیروئن برآمد کرلی گئی پکڑی گئی۔

منشیات کی بین الاقوامی مارکیٹ میں مالیت ایک کروڑ روپے ہے، مسافر کو فوری طور پر کسٹمز ایکٹ کی شق 171 کے تحت حراست میں لے لیا گیا ہے، ملزم کے خلاف مزید قانونی کارروائی اور تحقیقات جاری ہے۔

کراچی : سعودیہ اور عراق سمیت 7 ممالک سے 24 گھنٹے میں مزید 51 پاکستانی بے دخل کردیئے گئے، پاکستانیوں کو مختلف پروازوں سے کراچی پہنچا دیا گیا۔

تفصیلات کے مطابق کراچی ایئرپورٹ پر چین، سعودیہ اور دیگر ممالک کے مزید 30 مسافروں کو پروازوں سے آف لوڈ کردیا گیا۔

سعودیہ اور عراق سمیت 7 ممالک سے 24 گھنٹے میں مزید 51 پاکستانی بے دخل کردیئے گئے ہیں۔

اس حوالے سے امیگریشن ذرائع نے بتایا کہ بے دخل پاکستانیوں کو مختلف پروازوں سے کراچی پہنچا دیا گیا ہے، بے دخل 2 شہری اصلی پاسپورٹ جبکہ 49 ایمرجنسی پیپرز پر وطن واپس پہنچے۔

سعودی عرب سے بے دخل 33 پاکستانیوں کو کراچی بھیجا گیا ، ایمرجنسی پاسپورٹ پر 14 پاکستانی عراق سے کراچی پہنچے جبکہ دبئی، عمان، زمبیا، قطر اور یو کے سے ایک ایک پاکستانی کو بے دخل کیا گیا۔

آف لوڈ فرید احمد بزنس ویزا پر تنزانیہ، عبدالحکیم ٹورزم ویزا پر بنگلہ دیش جارہا تھا جبکہ آف لوڈ کئے گئے 11 افراد بزنس اور وزٹ ویزا پر چین اور ملائشیا جا رہے تھے۔

اس کے علاوہ ابو سفیان، نبیل ، سجاد اور رینا کرن فیملی وزٹ ویزے پر عمان اور اقبال بی بی پرسنل وزٹ ویزا پر سعودی عرب جا رہی تھی۔

اسی طرح افضل اور ارسلان ورک ویزہ پر جبکہ سمیع اللہ، عدنان خلیل اور محمد عثمان عمرہ ویزہ پر سعودی عرب جا رہے تھے۔

شبیر اور کامران بزنس ویزا پر سعودیہ، شاہ رخ وزٹ ویزہ پر یوگنڈا جارہا تھا جبکہ محمد اور عبدالستار کو عمرہ ویزہ پر سعودی عرب جاتے ہوئے اف لوڈ کیا گیا۔

ذرائع کے مطابق ایڈوانس ہوٹل بکنگ، اخراجات کی رقم نہ ہونے اور دیگر وجوہات کی بنا پر اف لوڈ کیے گئے۔