Tag: کراچی ایئرپورٹ

کراچی : شارجہ سے ڈھاکا جانیوالی پرواز میں مسافر انتقال کرگیا، جس کے باعث غیرملکی طیارے کو کراچی ایئرپورٹ پر ہنگامی لینڈنگ کرنا پڑی۔

تفصیلات کے مطابق غیرملکی ایئرلائن کی پرواز میں اچانک مسافر کی طبیعت خراب ہوئی ، 42سالہ مسافرکی طبیعت خراب ہونے پر ایمرجنسی لینڈنگ کی اجازت مانگی گئی۔

ایئرٹریفک کنٹرولرکراچی کی اجازت سے طیارے نے ہنگامی لینڈنگ کی، سول ایوی ایشن کی میڈیکل ٹیم نے معائنہ کیا تو مسافر کا انتقال ہوچکا تھا۔

غیرملکی ایئرلائن کی پرواز شارجہ سے ڈھاکا جارہی تھی، ترجمان سی اےاے نے بتایا کہ ضابطے کی کارروائی کے بعد میت ایئرلائن کے حوالے کی۔

ترجمان کا کہنا تھا کہ غیرملکی ایئرلائن کی پرواز پونے 2 گھنٹے کراچی ایئرپورٹ پر موجود رہی اور طیارہ صبح سوا  6 بجے میت لے کر کراچی سے ڈھاکا کے لیے روانہ ہوا۔

کراچی : جناح انٹر نیشنل ایئرپورٹ پر کسٹم حکام نے دبئی جانیوالے 2 مسافروں سےایک لاکھ سے زائد اماراتی درہم برآمد کرلیے۔

تفصیلات کے مطابق کراچی ایئرپورٹ پر کسٹمز حکام نے کرتے ہوئے کارروائی کرنسی اسمگلنگ کی کوشش ناکام بنادی۔

کسٹمز حکام نے دبئی جانیوالے2مسافروں سےایک لاکھ سےزائداماراتی درہم برآمد کرلئے ، منتظر مہدی اور محمد کاشف پی آئی اے کی پرواز سے دبئی جانا چاہ رہے تھے۔

حکام نے بتایا کہ چیکنگ کے دوران سامان میں ایک لاکھ سے زائد درہم برآمد کیے۔

مسافروں کےمطابق ویڈیوگرافی کے سامان کی خریداری کیلئے رقم لیکر جا رہے تھے تاہم کسٹمز نے رقم تحویل میں لے کر کارروائی شروع کردی ہے۔

کراچی : پاکستان سے ہزاروں امریکی ڈالرز اسمگل کرنے کی کوشش ناکام بنادی گئی ، دوحہ جانے والے مسافر کےسامان سے 20 ہزار ڈالر برآمد ہوئے۔

تفصیلات کے مطابق کراچی ایئرپورٹ پر بین الاقوامی روانگی پر کسٹمز عملےنےشک کی بنیاد پر مسافر کو روک لیا۔

ترجمان کسٹمز نے بتایا کہ مسافر سے ہزاروں ڈالرز بر آمد کر کے منی لانڈرنگ کی کوشش ناکام بنا دی، کراچی سے دوحہ جانے والے مسافر کےسامان سے 20 ہزار ڈالر برآمد ہوئے۔

حکام کا کہنا تھا کہ کرنسی کو مزید قانونی کارروائی کے لیے ضبط کر کے ایف آئی آر درج کرلی ہے تاہم منی لانڈرنگ کے اصل مجرموں کیلئےمسافر زیر تفتیش ہے۔

گذشتہ روز کراچی ایئرپورٹ پر کرنسی اسمگلنگ کی کوشش ناکام بناتے ہوئے مسافر سے 14لاکھ سےزائدبھارتی اور دیگر کرنسی برآمد کی تھی۔

کراچی: کراچی ایئرپورٹ پر کرنسی اسمگلنگ کی کوشش ناکام بناتے ہوئے مسافر سے 14لاکھ سےزائدبھارتی اور دیگر کرنسی برآمد کرلی۔

تفصیلات کے مطابق کراچی میں کسٹم حکام نے ایئرپورٹ پر کارروائی کرتے ہوئے کرنسی اسمگلنگ کی کوشش ناکام بنادی۔

حکام نے غیرملکی ایئرلائن کی پرواز کے مسافر کو گرفتار کرکے 14لاکھ سےزائدبھارتی اور16ہزارسےزائدبنگلہ دیشی کرنسی برآمد کرلی۔

ذرائع کا کہنا تھا کہ مسافر کی شناخت مستر الدین کے نام سے ہوئی ہے، وہ بین الاقوامی پرواز FZ-336 میں سوار ہونے والا تھا کہ اسے کامن کاؤنٹر پر روک لیا گیا۔

کسٹم حکام کو تلاشی کے دوران مسافر کے بیگ کے نیچے چھپائی گئی کرنسی ملی ، خاص طور پر ایک خفیہ ڈبے میں جس میں 500 بھارتی روپے کے نوٹوں کے 30 بنڈل تھے۔

کسٹمز ذرائع نے بتایا مسافر کیخلاف مقدمہ درج کرلیا گیا ہے تاہم برآمد بھارتی کرنسی جعلی ہونے کاشبہ ہے۔

کراچی : بھارت کے احمد آباد ایئرپورٹ پر اترنے میں ناکامی ایتھوپین طیارے نے کراچی ایئرپورٹ میں لینڈنگ کی۔

تفصیلات کے مطابق ایتھوپین ائیرلائن کا بوئنگ 737کارگو طیارہ عدیس ابابا سے احمدآباد پہنچا، ذرائع نے بتایا کہ طیارے نے سردارولبھ بھائی پٹیل انٹرنیشنل ایئرپورٹ احمد آباد پر لینڈنگ کی کوشش کی۔

ذرائع ایوی ایشن کا کہنا تھا کہ طیارہ رن وے کے قریب پہنچا مگر نامعلوم وجہ سے لینڈنگ نہ کرسکا، جس کے بعد اے ٹی سی کی ہدایت پر پائلٹ 1500 فٹ کی بلندی سے واپس گواراؤنڈ پر چلاگیا۔

ذرائع نے کہا کہ پائلٹ نے پرواز ای ٹی 3644 کا رخ کراچی کی طرف کردیا اور سوا گھنٹے کی پرواز کے بعد طیارے نے کراچی کے جناح ایئر پورٹ پر لینڈنگ کی، کارگو طیارہ بعد میں کراچی سے احمدآباد گیا۔

کراچی : نیپال جانے والے قطر ائیرویز کے طیارے کو کراچی ایئرپورٹ پر اچانک ایمرجنسی لینڈنگ کرنا پڑی۔

تفصیلات کے مطابق قطر سے نیپال کی غیرملکی پرواز نے کراچی ایئرپورٹ میں میڈیکل ایمرجنسی لینڈنگ کی، ایوی ایشن ذرائع نے بتایا کہ قطر ایئر ویز کی پروازکیوآر 652 دوحہ سے کھٹمنڈور جا رہی تھی کہ پاکستان کی فضائی حدود میں مسافر کی طبیعت خراب ہوئی.

ذرائع کا کہنا تھا کہ پائلٹ نے اے ٹی سی کراچی سےرابطہ کرکے ایمرجنسی لینڈنگ کی اجازت طلب کی اور ایئر ٹریفک کنٹرولرکی ہدایت پر پائلٹ نے سکھر سے طیارے کو کراچی موڑ لیا.

پرواز کیوآر652نےصبح سوا8 بجےجناح ایئرپورٹ پر ہنگامی لینڈنگ کی ، سول ایوی ایشن کی میڈیکل ٹیم مسافر کامعائنہ کررہی ہے.

ترجمان پی آئی اے نے بتایا کہ37سالہ نیپالی شہری سنتوش کمارکی طبیعت بگڑنے پر لینڈنگ کی اجازت مانگی گئی تاہم اکیلے سفر کرنے والےنیپالی شہری کو اسپتال منتقل کیا جارہا ہے۔