Tag: کراچی بارش

کراچی : شہرقائد کے مختلف علاقوں میں صبح سویرے بارش سے موسم سہانا ہوگیا،محکمہ موسمیات کا کہنا ہے کہ شہر میں مطلع آج ابرآلود رہے گا۔

تفصیلات کے مطابق کراچی میں صبح سویرے بارش سے موسم خوشگوار ہوگیا تاہم مختلف علاقوں میں بوندا باندی کا سلسلہ جاری ہے۔

محکمہ موسمیات کا کہنا تھا کہ اورنگی، کیماڑی، صدر، گلشن اقبال، سائٹ ایریا، یونیورسٹی روڈ اور جیل روڈ میں بوندا باندی ہوئی۔

محکمہ موسمیات نے بتایا کہ کراچی میں صبح سے مطلع ابرآلود ہے، شہرکاموجودہ درجہ حرارت18ڈگری سینٹی گریڈ ہے اور 6کلومیٹرفی گھنٹےکی رفتارسےہواچل رہی ہے۔

محکمہ موسمیات کے مطابق دن میں درجہ حرارت28 سے 30 ڈگری سینٹی گریڈ تک رہنے کاامکان ہے۔

دوسری جانب محکمہ موسمیات نے آئندہ چوبیس گھنٹے کے سکھر،دادو، ٹھٹھہ،لاڑکانہ اور جیکب آباد میں گرج چمک کیساتھ بارش کی پیش گوئی کی ہے۔

کوئٹہ، بارکھان، کوہلو، سبی، نصیر آباد، چمن، دالبندین اور خضدارمیں موسلادھار بارش سے ندی نالوں میں طغیانی کاخدشہ ہے۔

لاہور، اسلام آباد اور پشاورمیں موسم سرد اور مطلع جزوی ابرآلود رہے گا جبکہ کشمیر اور گلگت بلتستان میں بارش اور پہاڑوں پر برفباری متوقع ہے۔

کراچی : کراچی میں مختلف علاقوں میں علی الصبح ہلکی بارش سے موسم خوشگوار ہوگیا، محکمہ موسمیات کا کہنا ہے کہ شہر میں بادل ضرور چھائے رہیں گے مگربارش کا امکان نہیں۔

تفصیلات کے مطابق کراچی میں بھی بادل برس پڑے، مغربی سسٹم کے تحت شہر قائد کے مضافاتی علاقوں میں کہیں ہلکی اورکہیں درمیانی بارش ہوئی۔

گڈاپ ، بحریہ ٹاؤن، ایم نائن موٹروے، نور آبادی، کاٹھور، سپرہائی وے، ملیر، سرجانی میں برکھارت ہوئی، گڈاپ میں سترہ اوربحریہ ٹاؤن میں دس ملی میٹر بارش ریکارڈ کی گئی۔

محکمہ موسمیات کا کہنا ہے کہ کراچی میں آج بھی مطلع جزوی ابرآلود رہے گا مگربارش کا امکان نہیں۔

محکمہ موسمیات نے بتایا کہ کراچی کا کم سے کم درجہ حرارت 15 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 26 سے 28 ڈگری سینٹی گریڈ رہنے کا امکان ہے۔

موسم کا حال بتانے والوں کا کہنا تھا کہ خشک ہوائیں شمال مشرق 6 کلومیٹر فی گھنٹہ کی رفتار سے چل رہی ہیں، شہر میں صبح سویرے ہلکی دھند کے باعث حد نگاہ 2.5 کلومیٹر تھی، ائیرکوالٹی انڈیکس کے مطابق دنیا کے آلودہ ترین شہروں میں کراچی نویں نمبر پر موجود ہے۔

دوسری جانب محکمہ موسمیات نےآج سوات،دیر،چترال،کشمیر،گلگت بلتستان سمیت ملک کےبالائی علاقوں میں برفباری کی پیش گوئی کی ہے۔

آئندہ چوبیس گھنٹے کے دوران کوئٹہ، لاہور، اسلام آباد، پشاور سمیت ملک بیشترعلاقوں میں موسم سرد اور چند ایک مقامات پر بارش کا امکان ہے۔

کراچی : محکمہ موسمیات نے کراچی میں اندھی اور گرج چمک کے ساتھ بارش کی پیش گوئی کردی، بارش کے بعد شہر قائد میں سردی کی شدت میں اضافہ ہوگا۔

تفصیلات کے مطابق ملک بھر میں سردیاں آچکی ہیں، محکمہ موسمیات نے نوید سنائی ہے کہ سردیوں کا پہلا سسٹم برسنے کو تیار ہے، بلوچستان میں آج رات سے مغربی ہواؤں کا نیا سلسلہ شروع ہونے کا امکان ہے۔

محکمہ موسمیات کا کہنا ہے کہ پچیس سے ستائیس نومبر تک سندھ سے کشمیر تک مُلک کے تمام حصوں کو متاثر کرے گا۔ خیبرپختونخوا اور کشمیر کے پہاڑی علاقوں میں برف باری ہوگی۔

محکمہ موسمیات نے کراچی میں بارش کی پیش گوئی کرتے ہوئے کہا کہ سسٹم کے زیر اثر کراچی ڈویژن میں کل رات اور اتوا کو کہیں آندھی ،گرج چمک کیساتھ بارش کا امکان ہے، بارش کے بعد شہر قائد میں سردی کی شدت میں اضافہ ہوگا۔

محکمہ موسمیات کا کہنا ہے کہ بارشوں سے قبل گرج چمک اور تیز آندھی چلنے کا بھی امکان ہے، متوقع بارشوں کےبعدفضائی آلودگی کی صورتحال میں بہتری آنےکی توقع ہے تاہم آئندہ 2 روز میں کراچی میں کم سے کم پارہ 17، زیادہ سے زیادہ 33 ڈگری تک رہنے کا امکان ہے۔

دوسری جانب ملک کے بیشترعلاقوں میں موسم سرد اور خشک رہے گا جبکہ پنجاب، خیبر پختونخوا اور سندھ کےمیدانی علاقوں میں صبح کے اوقات میں دھند اور اسموگ کا امکان پے۔

پنجاب کے بیشتر اضلاع میں مو سم سرد اورخشک رہے گا تاہم صبح کے اوقات میں سیالکوٹ، لاہور، گوجرانوالہ، نارووال، سرگودھا، اوکاڑہ، ساہیوال ،فیصل آباد، میں دھند رہے گی۔

سندھ کے بالائی اضلاع میں بھی ہلکی دھند اور چنداضلاع میں اسموگ چھائے رہنے کا امکان ہے جبکہ کشمیر اورگلگت بلتستان میں موسم سرد اور خشک رہے گا۔

کراچی : محکمہ موسمیات نے کراچی کے مختلف علاقوں میں گرج چمک کے ساتھ ہلکی بارش اور بوندا باندی کی پیش گوئی کردی۔

تفصیلات کے مطابق محکمہ موسمیات نے کراچی کے موسم کا احوال بتاتے ہوئے کہا کہ کراچی شہر میں آج مطلع جزوی ابر آلود سے مکمل ابر آلود رہے گا اور آج دن بھر شہر میں شمال مشرقی ہواؤں کا سلسلہ جاری رہے گا۔

کراچی کے مختلف علاقوں میں گرج چمک کے ساتھ ہلکی بارش اور بوندا باندی کا امکان ہے، آج کم سے کم درجہ حرارت 26 ڈگری سینٹی گریڈ ریکارڈ کیا گیا اور زیادہ سے زیادہ درجہ حرارت 33 سے 35 ڈگری تک جانے کا امکان ہے۔

محکمہ موسمیات کا کہنا تھا کہ ہوا میں نمی کا تناسب 66 فیصد ہے اور شمال مشرقی سمت سے چلنے والی ہوا 2 ناٹیکل مائل کی رفتار سے چل رہی ہے۔

دوسری جانب ملک میں موسم خشک اور سردرہنےکاامکان ہے، محمکہ موسمیات کے مطابق اسلام آباد، لاہور پشاور اور کوئٹہ میں موسم خشک رہے گا۔

گلگت بلتستان اور آزاد کشمیر میں مطلع جزوی طورپر ابرآلود رہے گا جبکہ ضلع بے نظیر آباد اور ملحقہ علاقوں میں بارش کا امکان ہے۔