ARYNews.tv | Urdu – Har Lamha Bakhabar

Tag: کراچی سمیت سندھ

  • عوام ہوشیار ! کراچی سمیت سندھ بھر میں جعلی ادویات کی فروخت کا انکشاف

    عوام ہوشیار ! کراچی سمیت سندھ بھر میں جعلی ادویات کی فروخت کا انکشاف

    کراچی : ڈرگ ٹیسٹنگ لیبارٹری نے مختلف دواؤں کے جعلی ہونے کی تصدیق کردی اور کہا جن کمپنیوں کی ادویات پکڑی ان کا وجود ہی نہیں۔

    تفصیلات کے مطابق کراچی سمیت سندھ بھرمیں جعلی ادویات کی فروخت کا انکشاف ہوا ہے۔

    ڈرگ ٹیسٹنگ لیبارٹری نے مختلف دواؤں کے جعلی ہونے کی تصدیق کردی، سربراہ ڈرگ ٹیسٹنگ لیبارٹری عدنان رضوی نےبتایا سات جعلی کمپنیوں کی ادویات جعلی نکلیں۔

    ان کا کہنا تھا کہ جن کمپنیوں کی ادویات پکڑی ان کا وجود ہی نہیں، جعلی دوائیاں بنانے والےانسانی زندگیوں سے کھیل رہے ہیں، ذمہ داروں کیخلاف ڈرگ ایکٹ کے تحت ایکشن ہونا چاہیے۔

    یاد رہے صوبائی ڈرگ ٹیسٹنگ لیبارٹری کی رپورٹ میں ہوش ربا انکشافات سامنے آئے تھے۔

    جس میں بتایا تھا کہ ملکی و غیر ملکی کمپنیوں کی100سے زائد ادویات غیر معیاری نکلی ، جن میں عام استعمال کی ادویات کے ساتھ جان بچانے والی دوائیاں بھی شامل ہیں۔

    صوبائی ڈرگ ٹیسٹنگ لیبارٹری کے مطابق دوائیوں میں مطلوبہ مقدار موجود نہیں، رپورٹ میں100سے زائد جعلی اور غیر معیاری قرار دیا گیا ہے۔

  • آج کہاں بادل برسیں گے اور کہاں سورج آگے برسائے گا، محکمہ موسمیات کی پیشگوئی

    آج کہاں بادل برسیں گے اور کہاں سورج آگے برسائے گا، محکمہ موسمیات کی پیشگوئی

    کراچی سمیت سندھ کے ساحلی علاقوں میں آج بھی کہیں تیز کہیں ہلکی بارش متوقع ہے۔

    محکمہ موسمیات کے مطابق ملک کے بیشتر علاقوں میں موسم گرم اور شدید حبس رہے گا، تاہم شام سے کشمیر، شمال مشرقی، جنوبی پنجاب اور شمال مشرقی بلوچستان میں جھکڑ چلنے اور گرج چمک کے ساتھ بارش کا امکان ہے۔

    محکمہ موسمیات کے مطابق اسلام آباد اور گردو نواح میں مو سم گرم اور حبس رہے گا اس کے علاوہ خیبرپختونخوا، پنجاب کے بیشتر اضلاع میں موسم گرم اور حبس رہنے کا امکان ہے۔

    دوسری جانب کراچی میں آج بھی کہیں تیز اور کہیں درمیانے درجے کی بارش کا امکان ہے، اس وقت کراچی میں درجہ حرارت 38 ڈگری ریکارڈ کی گئی اور گرمی کی شدت 48 ڈگری  تک محسوس کی جارہی ہے جبکہ ہوا میں نمی کا تناسب 50 فیصد ہے۔

    اس کے علاوہ سندھ کے ساحلی علاقوں میں بھی کہیں تیز کہیں ہلکی بارش متوقع ہے، اس وقت مختلف شہر میں مطلع جزوی ابرآلود، گرمی اور حبس کی شدت برقرار ہے۔

  • کراچی سمیت سندھ بھرکے99 یو سی سیکریٹریز کو عہدوں سے ہٹا دیا گیا

    کراچی سمیت سندھ بھرکے99 یو سی سیکریٹریز کو عہدوں سے ہٹا دیا گیا

    کراچی : لوکل گورنمنٹ بورڈ سندھ نے کراچی سمیت سندھ بھرکے99یو سی سیکریٹریز کو عہدوں سے ہٹا دیا، ان یوسی سیکریٹریز کو 13-2012 میں بھرتی کیا گیا تھا۔

    تفصیلات کے مطابق انکوائری کمیٹی کی سفارشات پر لوکل گورنمنٹ بورڈ سندھ نے ایکشن لیتے ہوئے کراچی سمیت سندھ بھرکے99یو سی سیکریٹریزکوعہدوں سے ہٹادیا اور انکوائری مکمل ہونے تک سندھ لوکل گورنمنٹ بورڈ رپورٹ کرنے کی ہدایت کی۔

    کمیٹی سربراہ نے سندھ لوکل گورنمنٹ بورڈسیکریٹری کومراسلہ لکھا تھا، جس میں کہا تھا کہ 99یوسی سیکریٹریز نے دستاویزات جمع نہیں کرائیں، ان یوسی سیکریٹریز کو 13-2012 میں بھرتی کیا گیا تھا۔

    مراسلے میں کہا گیا کہ اس عرصےمیں ڈپارٹمنٹ نےبھرتیوں کا اعلان نہیں کیا تھا اور نہ اشتہار جاری ہواتھا، یوسی سیکریٹریز کی بھرتیاں بوگس ہیں، بھرتیوں میں نادر خان، جاوید،عمران،جھامن داس ودیگرافسران ملوث ہیں۔

    یاد رہے گذشتہ ماہ محکمہ بلدیات سندھ نے ساٹھ سے زائد ملازمین کو نوکریوں سے ہٹانے کا حکم نامہ جاری کیا تھا ، جن میں گریڈ ایک سے 18 تک کے افسران و ملازمین شامل تھے۔

    ذرائع کا کہنا تھا کہ ملازمت سے ہٹائے گئے ملازمین مختلف اضلاع کی یوسیز میں تعینات تھے، اور ان کو مختلف الزامات کا سامنا تھا۔

    حکم نامے میں کہا گیا تھا کہ مذکورہ افسران و ملازمین محکمہ بلدیات کی جانچ پڑتال کے لیے بلانے پر حاضر نہیں ہوئے، جب تک ان افسران و ملازمین کی اہلیت ثابت نہیں ہوتی، یہ ملازمت سے فارغ رہیں گے۔

    حکم نامے کے مطابق یہ ملازمین تقرری کی تحقیقات مکمل ہونے اور بھرتی درست ثابت ہونے تک فارغ رہیں گے۔

  • کراچی سمیت سندھ میں موبائل فون دو روز خاموش رہیں گے

    کراچی سمیت سندھ میں موبائل فون دو روز خاموش رہیں گے

    کراچی: کراچی سمیت اندون سندھ موبائل فون سروس کب اور کہاں بند رہے گی، اے آروائی نیوز کو اوقات موصول ہوگئے ہیں۔

    کراچی میں نو اور دس محرم کو الحرام موبائل فون مختلف اوقات میں خاموش رہیں گے، ااطلاعات کے مطابق جلوس کے اطراف 10کلو میٹر تک صبح چھ سے رات دس بجے تک موبائل فون سروس بند رہے گی، دس محرم کو دوپہر بارہ بجے سے شام پانچ بجے تک موبائل فون کام نہیں کریں گے۔

    کراچی کے ضلع وسطی میں نو اور دس محرم کو چوبیس گھنٹے کے لئے موبائل سروس بند رہے گی، ضلع شرقی میں نو محرم کو صبح گیارہ سے شام چار بجے تک موبائل سروس پر خاموشی چھائی رہے گی جبکہ نو محرم کو کورنگی میں صبح سات سے شام چھ بجے تک سروس کو بند کیا گیا ہے ۔

    ضلع ملیر میں دس محرم الحرام کو صبح سات سے شام پانچ بجے تک موبائل سگنلز سے محروم رہیں گے جبکہ ضلع غربی میں دوپہر بارہ بجے سے رات دو بجے تک سروس پر پابندی کا اطلاق ہوگا۔

    نو اور دس محرم کو مجموعی طور پر صبح چھ سے رات دس بجے تک سروس بند رہے گی ۔

    حیدر آباد میں صرف دس محرم کو صبح چھ سے رات نو بجے تک سروس پر پابندی رہے گی، سیکیٹری داخلہ کے مطابق سکھر میں نو اور دس کو دوپہر بارہ سے رات نو بجے تک موبائل فون سروس معطل رہے گی، نو محرم کو روہڑی میں دوپہر بارہ سے رات گیارہ بجے تک سروس معطل رہے گی ۔