کراچی : صدر میں بارود سے بھری سائیکل رکھنے والے دہشت گرد سے متعلق ایک اور ایک اور سی سی ٹی وی فوٹیج سامنے آگئی۔
تفصیلات کے مطابق تفتیشی حکام کی جانب سے صدر بم دھماکے کی تحقیقات جاری ہے، بارود سے بھری سائیکل رکھنے والے دہشت گرد سے متعلق ایک اور ایک اور سی سی ٹی وی فوٹیج سامنے آگئی۔
ویڈیو میں 10 بج کر 23 منٹ پر مبینہ دہشت گرد کو دیکھا جا سکتا ہے ، ملزم مرچی ہٹ والے راستے سے پیدل سائیکل لے گیا تھا۔
سی سی ٹی وی فوٹیج میں سائیکل کے کیریئر پر نیلے کلر کا شاپنگ بیگ دیکھا جا سکتا ہے، مبینہ طور پر بارودی مواد نیلے شاپر میں رکھا گیا۔
دوسری جانب ابتدائی تفتیش میں ہوٹل پر بیٹھا مبینہ مشتبہ شخص ہی دہشت گرد نکلا، کالے کپڑے پہنے ملزم کی سی سی ٹی وی فوٹیج سامنے آئی تھی۔
پہلے ہوٹل کے قریب سائیکل کھڑی کی اور مخصوص رینج میں سائیکل کھڑی کرکے دہشت گرد ہوٹل کی بینچ پر بیٹھا، موقع دیکھ کر ملزم اٹھا اور جیب میں رکھا بٹن دبایا۔
ریموٹ کنٹرول بٹن دباتے ہی دھماکا ہوا اور ملزم فرار ہوگیا۔
تحقیقاتی ذرائع کا کہنا ہے کہ غیرملکی ایجنسیوں کےملوث ہونےکو خارج ازامکان قرارنہیں دیا جاسکتا، ایک سے زائد کالعدم تنظیمیں ملوث ہوسکتی ہیں۔
