Tag: کراچی فائرنگ

کراچی: شہر قائد کے علاقے گلشن اقبال کے ڈی اے مارکیٹ کے قریب نامعلوم مسلح ملزمان نے کار پر فائرنگ کرکے ڈاکٹر کو قتل کردیا۔

تفصیلات کے مطابق کراچی کے علاقے گلشن اقبال میں نامعلوم ملزمان نے کار پر فائرنگ کرکے ڈاکٹر سید عسکری کو قتل کردیا، ڈاکٹر کے قتل کا مقدمہ تھانہ گلشن اقبال میں درج کرلیا گیا ہے۔

پولیس کے مطابق دو ملزمان موٹر سائیکل پر آئے اور ڈاکٹر عسکری کو رکنے کا اشارہ کیا لیکن انہوں نے گاڑی دوڑا دی جس کے بعد ملزمان کی فائرنگ کی، ایک گولی ان کے کندھے پر لگی جو جان لیوا ثابت ہوئی، مقتول سندھ گورنمنٹ اسپتال کورنگی میں تعینات تھے۔

پولیس کے مطابق ڈاکٹر سید عسکری کو آج دوپہر ان کی رہائشگاہ کے قریب قتل کیا گیا ہے، جائے وقوعہ سے نائن ایم ایم پستول کا ایک خول برآمد کرلیا گیا ہے۔

پولیس کا کہنا ہے کہ مقدمے میں قتل کی دفعات شامل کی گئی ہیں، مقدمہ نامعلوم ملزمان کے خلاف درج کیا گیا ہے۔

ادھر ابراہیم حیدری پولیس نے بیٹے کے قتل میں ملوث باپ کو گرفتار کرلیا، ملزم کو 2 ساتھیوں سمیت الیاس گوٹھ سے گرفتار کیا گیا۔

پولیس کا کہنا ہے کہ سفاک ملزم نے اپنے 8 سالہ بیٹے کو قتل کرنے کا اعتراف کرلیا ہے، گرفتار ملزم نشے کا عادی ہے، مقدمہ درج کرلیا گیا ہے۔

دوسری جانب سہراب گوٹھ میں فائرنگ سے ایک شخص زخمی ہوگیا، فائرنگ میں ملوث ملزم کو گرفتار کرکے اسلحہ برآمد کرلیا گیا، پولیس کا کہنا ہے کہ ملزم نے ذاتی رنجش پر فائرنگ کی۔

کراچی: گورنر سندھ عمران اسماعیل نے کہا ہے کہ نیشنل ایکشن پلان پر من و عن عمل ہورہا ہے، سندھ میں وزیر داخلہ کی تقرری کو لازمی سمجھتا ہوں۔

تفصیلات کے مطابق گورنر سندھ عمران اسماعیل نے کراچی میں فائرنگ سے ہلاکتوں پر میڈیا سے گفتگو کرتے ہوئے کہا کہ مولانا تقی عثمانی پہلے بھی سیکیورٹی خدشات کا اظہار کرچکے ہیں، ڈرائیور، اہلکارنے زخمی ہونے کے باوجود بہادری دکھائی۔

انہوں نے کہا کہ آئی جی سندھ سید کلیم امام اور ڈی جی رینجرز سندھ میجر جنرل محمد سعید بہترین کام کررہے ہیں، صوبائی حکومت اپنے معاملات بہتر جانتی ہے، سندھ حکومت کو اختیار ہیں مگر آئی جی سندھ کو بھی اختیار ملنا چاہئے۔

گورنر سندھ نے کہا کہ جب تک آئی جی سندھ کے پاس اختیارات نہیں ہوں گے وہ اپنا کام درست نہیں کرپائیں گے، پی ایس ایل کے حوالے سے انہوں نے کہا کہ پاکستان سپر لیگ پر بھارت اور کچھ نادیدہ قوتیں خوش نہیں ہیں۔

مزید پڑھیں: کراچی میں فائرنگ ، مفتی تقی عثمانی قاتلانہ حملےمیں محفوظ رہے

واضح رہے کہ نماز جمعہ سے قبل کراچی میں فائرنگ کے دو واقعات پیش آئے تھے نیپا چورنگی کے قریب مولانا تقی عثمانی کی گاڑی پر فائرنگ کے نتیجے میں دو سیکیورٹی گارڈز جاں بحق ہوگئے تھے جبکہ مولانا تقی عثمانی حملے میں محفوظ رہے تھے۔

فائرنگ کا دوسرا واقعہ شاہراہ فیصل نرسری کے قریب پیش آیا تھا جہاں دارالعلوم کی گاڑی کو نشانہ بنایا گیا تھا جس کے نتیجے میں 2 افراد زخمی ہوگئے تھے۔

مفتی تقی عثمانی اپنی اہلیہ اور دو پوتوں کے ہمراہ گلشن اقبال میں واقع مسجد بیت المکرم میں نماز جمعہ کا خطبہ دینےکے لیے جارہے تھے کہ یہ سانحہ رونما ہوا۔ سانحے میں مفتی شہاب کے بیٹے مولانا عامر شہاب اللہ شدید زخمی ہوئے ہیں۔