Tag: کراچی فائرنگ

کراچی: فائرنگ کے مختلف واقعات پولیس اہلکار سمیت دو افراد دم توڑ گئے

کراچی: نارتھ ناظم آباد کے علاقے میں زخمی ہونے والا زخمی اہلکار نے دورانِ علاج دم توڑدیا جبکہ مختلف علاقوں میں فائرنگ اور پرتشدد واقعات میں تین افراد زخمی ہوئے ہیں۔

تفصیلات کے مطابق گزشتہ رات نارتھ ناظم آباد کے علاقے میں ڈاکوؤں سے مقابلے کے دوران زخمی ہونے والے پولیس اہلکار نے دوران علاج دم توڑ دیا، مقابلے میں دو ڈاکو مارے گئے تھے۔

دوسری جانب فائرنگ کےواقعے میں مبینہ ٹاؤن تھانے کی حدود میں ابوالحسن اصفہانی روڈ بلاک 2 روڑ پر فائرنگ کے نیتجے میں داؤد اور شمشیر نامی دو شہری زخمی ہوئے ہیں، پولیس حکام کے مطابق فائرنگ کے وقت علاقے میں بجلی منقطع تھی جس کے باعث اہل علاقہ حملہ آوروں کو نہیں دیکھ سکے۔

زخمی ہونے والے دونوں افراد کو طبی امداد کے لیے قریبی اسپتال منتقل کردیا گیا ہے جبکہ پولیس نے جائے وقوعہ سے نائن ایم ایم گولیوں کے چھ خول ضبط کر کے فرانزک رپورٹ کے لیے لیب بھیج دیے ہیں۔

قبل ازیں کورنگی کے علاقے عوامی کالونی اور کھوکھرا پار میں مبینہ پولیس مقابلے کے بعد دو ڈاکوؤں کو زخمی حالت میں گرفتار کر کے اسلحہ برآمد کر لیا گیا ہے۔

گزشتہ روز عزیزآباد میں فائرنگ سے زخمی ہونے والا شہری نیئر دوران علاج جاں بحق ہوگیا جبکہ سہراب گوٹھ میں ہونے والے فائرنگ سے ایک شخص زخمی ہوا ہے۔

مئی 25, 2016
کراچی فائرنگ ، اکاؤنٹنٹ جنرل بلوچستان زخمی

کراچی : شہرِ قائد میں لیاری ایکسپریس وے پر نامعلوم افراد کی فائرنگ سے اکاﺅنٹنٹ جنرل بلوچستان زخمی ہوگئے۔

تفصیلات کے مطابق کراچی میں لیاری ایکسپریس وے پر نامعلوم مسلح افراد نے اکاؤنٹنٹ جنرل بلوچستان کی گاڑی پر فائرنگ کردی، حملے میں اکبر خان شدید زخمی ہوئے، جنھیں شدید زخمی حالت میں نجی اسپتال منتقل کیا گیا ہے ۔ اسپتال ذرائع کے مطابق اکبر خان کی حالت تشویش ناک ہے۔

پولیس کے مطابق مسلح افراد نے لیاری ایکسپریس وے پر سرکاری آفسر کی گاڑی کو نشانہ بنایا اور فرار ہوگئے، اکاﺅنٹنٹ جنرل بلوچستان محمد اکبر گاڑی میں سوار تھے۔

واقعہ کے بعد پولیس نے جائے وقوعہ پر پہنچ کر شواہد اکھٹے کیے اور تحقیقات شروع کردی ہے۔

جون 2, 2015
کراچی: فائرنگ سے این اے پی کے مقامی رہنماسمیت 3افراد قتل

کراچی: پاپوش نگر میں فائرنگ سے این اے پی کے مقامی رہنماء سمیت تین افراد جاں بحق ہوگئے، پولیس نے کارروائی کے بعد تہرے قتل میں ملوث ملزمان کو گرفتار کرلیا ہے۔

کراچی میں معمولی تنازعے نے تین افراد کی جان لے لی، ملزمان نے فائرنگ کے واقعے میں این اے پی کے مقامی رہنماء سمیت تین افراد کو نشانہ بنایا، مقتولین کی شناخت وزیر، سدھیر اور نواز کے نام سے ہوئی، پولیس نے واقعے بعد سرچ آپریشن کرکے تہرے قتل میں ملوث چار ملزمان کو گرفتار کرلیا ہے۔

پولیس حکام کا کہنا ہے کہ ملزمان اور مقتولین کے درمیان چند روز قبل رکشہ پارک کرنے پر جھگڑا ہوا تھا، جس پر ملزمان نے اپنے ساتھیوں کے ہمراہ فائرنگ کی۔

اس سے قبل لانڈھی میں پولیس اور جرائم پیشہ افراد کے درمیان فائرنگ کے تبادلے میں تین ملزمان مارے گئے، ملزمان کے قبضے سے اسلحہ اور موٹر سائیکل کو قبضے میں لے لیا گیا۔

جون 1, 2015
کراچی: شاہ فیصل کالونی میں مبینہ پولیس مقابلے میں 3 ملزمان ہلاک

کراچی: شہر قائد کے علاقے شاہ فیصل کالونی میں مبینہ پولیس مقابلے میں تین ملزمان مارے گئے، مختلف علاقوں سے پولیس نے چھاپہ مار کاروائیوں کے دوران کئی ملزمان کو گرفتار کرلیا۔

پولیس کے مطابق شاہ فیصل کالونی نمبر تین میں اسنیپ چیکنگ کے دوران پولیس نے مشکوک گاڑی کو روکنے کی کوشش کی جس پر ملزمان نے پولیس پر فائرنگ کردی، دو طرفہ فائرنگ کے نتیجے میں تین ملزمان مارے گئے جن کے قبضے سے اسلحہ ، دستی بم اور ماڈل کالونی سے چھینی ہوئی گاڑی برآمد کی گئی ہے۔

پولیس کا دعوٰی ہے کہ ملزمان گذشتہ ماہ ملیر کورٹ کے قریب جج سکندر امیر کی گاڑی پر فائرنگ اور ڈی ایس پی الفلاح چوہدری طارق سعید پر فائرنگ سمیت متعدد وارداتوں میں ملوث ہیں، ملزمان کی شناخت تاحال نہیں ہوسکی ہے۔ رات گئے۔

پاپوش نگر قبرستان اور اطراف کے علاقوں میں پولیس کی بھاری نفری نے علاقے کو گھیرے میں لیکر سرچ آپریشن کیا جس کے دوران گیارہ مشتبہ افراد کو حراست میں لیا گیا تاہم آپریشن کے دوران کسی قسم کا اسلحہ برآمد نہیں کیا جاسکا،رضویہ کے علاقے میں پولیس نے قتل اور ڈکیتیوں میں ملوث دو ملزمان کامران اور عدنان کو گرفتار کرکے اسلحہ برآمد کرلیا۔

گلستان جوہر اور پی آئی بی کالونی میں بھی پولیس نے سرچ آپریشن کے دوران متعددمشتبہ افراد کو حراست میں لیکر اسلحہ، مسروقہ سامان اور چھینی ہوئی موٹر سائیکل برآمد کرلی،سعید آباد سے پولیس نے اغوا برائے تاوان میں ملوث جہانگیر کو گرفتار کرکے مقدمہ درج کرلیا۔

مئی 10, 2015
کراچی فائرنگ، ڈاکٹر جاں بحق، پولیس اہلکارسمیت 3 افرادزخمی

کراچی: مختلف علاقوں میں فائرنگ سے ہومیو پیتھک ڈاکٹر جاں بحق اور پولیس اہلکار سمیت تین افراد زخمی ہوگئے۔

ایس ایس پی سینٹرل چوہدری کے اسد کے مطابق ناظم آباد عباسی اسپتال کے قریب نامعلوم موٹر سوار نے کلینک میں گھس کر فائرنگ کردی، جس کے نتیجے میں ڈاکٹرانور علی عابدی جاں بحق ہوگئے۔

جائے وقوعہ سے نائن ایم ایم کے خول ملے ہیں۔

واقعہ فرقہ وارانہ ٹارگٹ کلنگ کا شاخسانہ معلوم ہوتا ہے تاہم مختلف پہلووں سے واقعے کی تحقیقات جاری ہے، شواہد اکھٹے کئے ہیں اور عینی شاہدین سے بیانات لیے گئے ہیں لاش کو ضابطے کی کاروائی کے بعد ورثا کے حوالے کردیا ہے۔

دوسری جانب کلفٹن انڈر بائی پاس کے قریب ڈکیتی مزاحمت پر فائرنگ سے کلفٹن تھانے کا حوالدار اعجاز حسین زخمی ہوا جبکہ رنچھوڑ لائن اور شارع فیصل کے علاقوں میں بھی فائرنگ سے دو افراد زخمی ہوئے۔

مئی 9, 2015
کراچی فائرنگ، ایس ایچ او پریڈی اعجاز خواجہ جاں بحق

کراچی: شہرِ قائد کے علاقے کلفٹن میں ایس ایچ او پریڈی اعجاز خواجہ نامعلوم افراد کی فائرنگ سے جاں بحق ہوگئے۔

پولیس کے مطابق ایس ایچ او پریڈی پر حملہ کلفٹن کے اختر روڈ پر ہوا، جہاں سے ان کی گاڑی گزر رہی تھی، فائرنگ کے نتیجے میں اعجاز خواجہ شدید زخمی ہوگئے۔

انہیں فوری طور پر جناح اسپتال لے جایا گیا تاہم وہ زخموں کی تاب نہ لاکر چل بسے۔

ڈاکٹرز کے مطابق اعجاز خواجہ کو سر اور سینے میں گولیاں لگی ہیں، جس کے باعث وہ جانبر نہ ہو سکے۔

فائرنگ کی اطلاع ملتے ہی پولیس کی بھاری نفری جائے وقوع پہنچ گئی۔

ذرائع کے مطابق اس سے پہلے پریڈی تھانے کے ایس ایچ او غضنفر کاظمی کو بھی گھر جاتے ہوئے انکل سریا اسپتال کے قریب فائرنگ کا نشانہ بنایا گیا تھا، جس کے نتیجے میں وہ جاں بحق ہوگئے تھے۔

اپریل 16, 2015
کراچی:مبینہ پولیس مقابلے،6دہشتگرد ہلاک

کراچی: دہشت گردوں کے گرد گھیرا تنگ کیا جارہا ہے،پولیس کے مبینہ مقابلوں میں چھ ملزمان ہلاک جبکہ بھاری تعداد میں اسلحہ، ڈیٹونیٹر اور بارود برآمد کرلیا گیا، اورنگی ٹاون میں فائرنگ سے ایک شخص جاں بحق ہوگیا۔

کراچی کے علاقے اورنگی ٹاون سیکٹر بارہ میں نامعلوم افراد کی فائرنگ سے ایک شخص جاں بحق ہوگیا، پولیس نے لاش اسپتال منتقل کر کے ضابطہ کی کاروائی شروع کردی ہے۔

لیاری کےعلاقے کشتی چوک کے قریب پولیس سے مڈبھیڑ میں لیاری گینگ وار کے تین ملزمان ہلاک ہو گئے، ملزمان کی شناخت سمیر کچل اور راشد عرف ملا کے نام سے ہوئی۔

پولیس کا کہنا ہے کہ ہلاک ملزمان ظفر بلوچ کے قتل سمیت سوافراد کے قتل میں ملوث تھے جبکہ سمیر کچل بابا لاڈلا کا قریبی ساتھی تھا۔

اورنگی ٹاؤن ہی کےعلاقے طوری بنگش میں ایک گھر پر سی ٹی ڈی نے چھاپہ مارا، جس پرملزمان نے فائرنگ شروع کردی، مبینہ مقابلے میں دو دہشت گرد زخمی حالت میں گرفتار کر لئےگئے، جو دوران علاج دم توڑ گئے۔

ملزمان کے قبضہ سے بھاری تعداد میں اسلحہ، ڈیٹونیٹراور بارود برآمد ہوا، ساتھ ہی بارود سے بھری موٹرسائیکل بھی قبضہ میں لے لی گئی۔ قائدآباد میں مبینہ پولیس مقابلے میں ایک ملزم ہلاک ہوگیا، جس کے قبضہ سے اسلحہ بھی برآمد کیا گیا۔

مارچ 31, 2015
کراچی: فائرنگ سے پولیس اہلکار جاں بحق، مقابلے میں 2ملزمان ہلاک

کراچی: مختلف علاقوں میں فائرنگ سے ایک پولیس اہلکار جاں بحق ایک زخمی ہو گیا، مبینہ پولیس مقابلے میں دو ملزمان ہلاک ہوگئے۔

پولیس زرائع کے مطابق کورنگی ابراہیم حیدری کے قریب نامعلوم افراد کی فائرنگ سے پولیس اہلکار ساجد زخمی ہوگیا، جسے طبی امداد کے لئے اسپتال منتقل کیا گیا،جہاں وہ دوران علاج دم توڑ گیا۔

پولیس کے مطابق واقعہ ڈکیتی مزاحمت کا معلوم ہوتا ہے، مزید تفتیش جاری ہے، فیڈرل بی ایریا میں واٹر پمپ کے قریب ڈکیتی میں مزاحمت پر فائرنگ سےاینٹی کرپشن میں تعینات پولیس اہلکاراقبال زخمی ہوگیا، جسے طبی امداد کےلئےاسپتال منتقل کردیا گیا۔

دوسری جانب سپرہائی وے پر گنا منڈی کے قریب مشتبہ افراد کی اطلاع ملنے پر پولیس پہنچی تو ملزمان نے پولیس پر فائرنگ کر دی، جوابی فائرنگ میں دو ملزمان مارے گئے، جن کو لاشوں کو پوسٹمارٹم کیلئے ہسپتال منتقل کردیا گیا ہے۔

مارچ 25, 2015
کراچی: فائرنگ، 4افراد جاں بحق، رینجر کی کارروائیاں جاری

کراچی: فائرنگ اور پُرتشدد واقعات میں چارافراد جان کی بازی ہار گئے، کراچی کے علاقے گلستان جوہر میں رینجرز نے سرچ آپریشن اور ناکہ بندی کی جبکہ اورنگی میں رینجرز نے کارروائی کرتے ہوئے کالعدم تنظیم کے دو کارکن گرفتار کرلیے۔

جرائم پیشہ عناصر کے خلاف کارروائی میں رینجرز نے رات گئے گلستان جوہر کےعلاقے پہلوان گوٹھ میں سرچ آپریشن کیا اورعلاقے کی ناکہ بندی کرتے ہوئے مخصوص مقامات کی تلاشی لی، رینجرز ترجمان کے مطابق اورنگی میں کارروائی کے دوران کالعدم تنظیم کے دو کارندوں کوگرفتارکر لیا گیا ہے۔

پولیس کے مطابق بلدیہ ٹاون مدینہ کالونی میں نامعلوم افراد کی فائرنگ سے ایک شخص جان بحق ہوا، لیاری کے علاقے چاکیواڑہ میں جھٹ پٹ مارکیٹ کے نزدیک نامعلوم افراد کی فائرنگ سے ایک شخص جاں بحق اورایک زخمی ہوگیا، مقتول کی شناخت محمد علی کے نام سے ہوئی ہے۔

عائشہ منزل کے قریب نامعلوم افراد کی فائرنگ سے مولانا محمد صہیب کو قتل کردیا گیا، نیو کراچی لاسی گوٹھ سے ایک شخص کی لاش ملی جس کی شناخت نہیں ہوسکی۔

دوسری جانب لیاری کےعلاقے کلا کوٹ میں افشانی گلی کے قریب گینگ وارکے دستی بم حملے میں دو خواتین سمیت چار افراد زخمی ہوگئے۔

جنوری 22, 2015
کراچی :فائرنگ اور پُر تشدد واقعات، 6افراد جاں بحق

کراچی: مختلف علاقوں میں فائرنگ اور پُر تشدد واقعات کے دوران چھ افراد جان سے گئے ہیں، شارع نور جہاں اور بکرا پیڑی میں پولیس مقابلے میں تین ملزمان مارے گئے۔

پولیس کے مطابق کراچی کے علاقے مرتضی چورنگی کے قریب نامعلوم افراد کی فائرنگ سے ملک صدیق جان کی بازی ہار گیا، شاہ لطیف کے علاقے میں بیوی نے شوہر پر تیزاب پھینک کر قتل کردیا، کھارادر کے قریب ڈکیتی کے دوران مزاحمت پر شہری کی فائرنگ سےدو ڈاکو ہلاک ہوگئے۔

منگھو پیر اجتماع گاہ اور ہجرت کالونی سے بھی دو افراد کی لاشیں ملی ہیں، ملیر سٹی میں پولیس مقابلے میں ایک گینگ وار کا ملزم مارا گیا۔

پولیس کے مطابق بھیم پورہ میں نامعلوم موٹر سائیکل سواروں نے دستی بم سے حملہ کیا اور موقع سے فرار ہوگئے، حملے میں خواتین اور بچوں سمیت پندرہ افراد زخمی ہوئے۔

ترجمان رینجرز کے مطابق فرنٹیئر کالونی سے کالعدم تنظیم کے دو کارندے پکڑے گئے، لانڈھی، کورنگی اور اورنگی ٹاؤن میں آپریشن میں ٹارگٹ کلر سمیت سات افراد کو حراست میں لیا گیا،ملزمان سے اسلحہ بھی برآمد ہوا ہے۔

جنوری 21, 2015